叉燒大王

營業中

休息中

今日來沙田行街，行到河畔花園附近，見到叉燒大王外好多人等位，又等外賣，我覺得應該唔錯，所以決定試吓～ 唔係等左好耐就有位，仲要係卡位啊～ 座位好闊落，坐得好舒服，環境又好，好光猛，唔錯～ 食物選擇好多，有選擇困難嘅朋友要小心啦～ 哈哈～ 我地揀咗蜜汁叉燒王，茶樹菇燉唐排，黃金蝦，生啫芥蘭～ 蜜汁叉燒王$88招牌菜蜜汁叉燒王果然正👍🏻叉燒色澤很好，蜜汁鋪滿叉燒面，叉燒肥瘦適中，肉汁淋嫩，味道鹹甜適中，叉燒份量足，不愧為招牌菜😋茶樹菇燉唐排$118一上枱見到好大盅呀！點止係燉湯咁簡單，簡直係一道菜，店員好細心咁幫我地盛起裏面嘅湯料出嚟，竟然有完整嘅半隻雞，仲有好多排骨肉，同埋茶樹菇～ 湯料可以點辣椒豉油食用，雞肉同排骨仍然嫩滑有味～ 講返個湯先，雞肉同埋排骨嘅鮮味完全融入湯裏面，所以個湯真係好鮮甜，亦有茶樹菇嘅香味，正👍🏻 份量真係好多，但個湯真係好好味，所以我哋兩個人都飲晒啲湯😋不過湯料真係食唔晒啦～黃金蝦$88賣相已經好吸引，蝦夠大隻，而且新鮮，肉質爽口實淨，殻炸得夠脆口，不油膩，外面鹹蛋黃鋪滿蝦身，充滿鹹香，我哋直情連殼都食埋啊～ 好味～ 生啫芥蘭$62芥蘭用鐵鍋上菜，熱到十足，芥蘭

大日子完滿結束，終於有時間寫食評。由屯門人變沙田人，係時候要發掘平靚正食店了。老公推介叉燒大王，唯有嫁雞隨雞啦。座無虛席，要等一、兩張飛。醬汁燒茄子粉漿炸至香口無比，淋上香濃醬汁，有少少美極醬油味，好喜歡嘅味道。鹹魚蒸肉餅一口份量，容易進食，但鹹魚在那裡？吃不出來，不過味道算不錯。細雞粥不算少足足有5碗份量，雞肉鮮嫩，粥夠「綿」又甜，值得回味。

一所好的飯店，相信除咗是餸菜美味外，店內員工的人情味和店內的裝潢格局，也很重要。今天選了這間飯店與一班朋友晚餐，除了是久聞他的叉燒遠近馳名外，也因為這個地方週邊有一奌寧靜和閒逸的感覺，在等候入座時，看見店內的魚缸也有很多海鮮，入座後當然必選的是這裏的叉燒，還有就是店員推介今天的海鮮，包括蒜蓉貴妃蚌和紅燒斑頭腩，另外就是椒鹽九肚魚，看見大家越點越興奮也順手推波助瀾，再點了一些家常小菜，包括：香燒乳鴿、鐵板釀尖椒和香煎鹹魚肉餅，每人更點了一個燒鵝湯河。擺上枱時滿滿的，好不熱鬧，最後侍應更送來一個當晚的燉湯，就是茶樹菇燉雞。大家都吃得很痛快，當然每味餸菜都沒有令人失望。尤其那個叉燒真是肉質鮮嫩又有咬口，乳鴿就皮脆肉滑，鹹魚肉餅一口一個不太鹹但有魚香九肚魚的炸醬厚薄適中，最後那個燉湯更值得一讚就是湯味濃郁，各人連湯渣也不放過。埋單每位都不用＄200，簡直是物超所值，最重要是每道菜不但可口，但事後沒有口乾，証明沒有加上太多味精，功夫實在了不得。一個字「正」！

久聞這裏的叉燒遠近馳名，今天就和老公襯星期一沒有這麼繁忙的日子到這裏試一試出名的叉燒，去到 尚未够7點，但已看見一大班人在等位，幸好有訂位，否則可能要望門興嘆了。進入店內看見的裝修比想像中新蔟和光猛，坐定後當然首選就是點了這裛馳名的叉燒，另外侍應也推介這裏的海鮮，我們就點了一個蒜茸貴妃蚌，還有來到沙田當然要試沙田燒乳鴿和麻辣牛筋，端上來的餸菜，熱辣辣的香氣撲鼻 ，叉燒还带有燶边，正正就是我的所愛，咬落肉香四濺，半肥瘦適中又彈牙。 那個燒乳鴿，皮脆肉嫩 一人一隻，真是大快朵頤。愛辣的丈夫那道麻辣牛筋，辣味適中，牛筋畧嫌炆得不太淋。當然侍應推選的貴妃蚌，蒸的火候十分適中，完全不會感覺过火，也吃到海鮮的鮮甜味。最後那個茶樹菇燉雞湯，大大的一盅但竟連湯渣都盡掃一空，想不到除了那個燉湯，湯味濃郁外，連湯渣的雞和瘦肉也可以是這麼嫩滑美味的。埋單這個晚餐只不過是四百多元相比市區這樣的分量相信沒有六百蚊也不能找數。 離開食館，在門外仍然是那麼多人在排隊等入座，還顧周邊其他食店就門堪羅雀，真是一個很大的證明食客的胃口永遠是雪亮的。

為左食叉燒, 我決定放工都要搭車入黎試呢間bookmark左好耐既叉燒大王!!!! 為於河畔既餐廳聚集處, 雖然周圍都有唔少餐廳, 但叉燒大王個紅色大大招牌令佢一啲都唔難揾呢!!! 八點晚飯時間坐無虛席, 仲有唔少人聚集係門口等外賣, 如果我係到住我一定要晚晚黎斬料加餸呀!!!!! 好彩有卡位可以坐, 張枱好闊等我可以叫多D食物XDD 茶樹菇燉老雞湯本身想飲冬瓜盅, 但原來餐廳因應季節轉換已經換左燉湯, 每日原盅燉既湯, 一打開就見到有原隻雞, 雞脾肉同雞胸肉一撕就爛, 明顯係煲左好耐, 仲有起碼5-6舊豬骨連多肉, 完全滿足到我呢個食肉獸, 差唔多全部肉都被我清哂XDD 茶樹菇都份量幾足, 當然又係清哂啦比我~~不過真係好大盅, 2人分一定飲唔哂。 海蜇燻蹄鋪成花型既煄蹄幾有心思, 雖然幾易做到, 但燒味通常都好少可會擺心思係擺盤~~ 燻蹄份量好多, 起碼十幾片, 切得平均, 每片都好大片, 涷冰冰好易入口, 肉質同樣鬆軟, 脂肪較少, 至於海蜇相當入味, 除左爽口之餘拌以辣椒碎令惹味度增加。 叉燒(例牌)等到主角喇, 叫左例牌, 一碟份量十足,見到外邊微微黑邊配埋蜜汁, 影相時已流

A very very good Guangdong restaurant in Sha Tin with a a very friendly price. The one thing they are known for are the bbq pork. It was one of the best I had at this price range. However, I have been here twice and the first time the prom was excellent. The second time not so much. I believe it is quite dependent of whether they just finished the bbq and whether I was enough to get the juicy cut. The menu that was consistently good though was the hot pan aubergine with salted fish. Oh my! It wa

下班後就到附近沙田河畔食小炒，點菜後非常快上檯。啫啫通菜 $62以石窩上檯，超級熱騰騰，香味令人食指大動。通菜爽口，內裡除了蒜頭外，更有少少半肥瘦肉帶出鮮味。薯蜜牛仔粒 $88薯仔炸過好香口，而且醬汁有少少甜點，至於牛肉粒再滑點就更好。叉燒例 $88來到叉燒大王，叉燒一定必試丫。質感夠鬆化，但不會多肥肉，好味！我見到叉燒飯外賣只是 $32，好抵食。蒜蓉粉絲蒸貴妃蚌 $78/4隻香噴噴好似幾吸引不過隻隻都有沙，好失望。

呢度嘅門口長期都保持住咁有人氣，相信同佢哋嘅嘢食有莫大嘅關係。冬瓜盅，冬瓜盅材料豐富，特別鍾意佢加咗啲勝瓜粒同埋蝦，啲蝦嘅件頭都唔細，隻隻都爽口彈牙，用啲豬展嚟點一點啲豉油，又多咗一碟餸食。叉燒，呢度嘅叉燒認真正到飛天，叉燒加埋蜜汁嘅味道，本身已經完全唔使講嘢，最啜核嘅係佢個口感，好少地方有咁軟熟嘅叉燒，仲要兩分肥八分瘦，喺其他地方可能會覺得唔夠肥，但係呢度咁軟熟嘅口感，令每一啖都好似食緊肥膏咁正。頭抽雞，頭抽嘅味道入哂落隻雞度，就算怕肥嘅女士唔想連皮食都咁滋味，雞肉嫩滑，但係又唔會話太生，啲骨位完全無血，喺碟邊有更加入味嘅雞腎同埋雞潤，係用到新鮮雞嘅證明。蒜蓉粉絲蒸蟶子，啲生熟蒜同埋香蔥鋪天蓋地咁樣覆蓋住啲蟶子，一擺上枱即刻香噴噴，蟶子極度新鮮，肉質爽口彈牙，任憑啲生熟蒜再多都遮掩唔到佢本身嘅鮮甜味，食哂隻蟶子之後再舐埋啲粉絲就係食蟶子嘅最高境界喇。石鍋生啫通菜，個通菜煲擺上枱嗰陣吱吱聲，非常誘人， 跟住就聞到煲入面嗰陣撲鼻嘅鹹香味，由於係用個煲嚟上嘅關係，食到最後一條菜都仲保持到少少溫暖，抵讚。

沙田圍有好多食店，而其中一間以叉燒為名，我哋都係慕名而來，專程過嚟食呢間叉燒大王！冬瓜盅個冬瓜盅非常之足料，有蝦、冬瓜、翠玉瓜、雞絲等等，非常之清甜，為呢一餐作一個好開始！叉燒你一個叉燒半肥半瘦，燒得剛剛好，一入口非常之滑，而且蜜汁味好香濃，口感一流頭抽雞呢個頭抽雞好似炸子雞，外皮非常之脆，肉質好嫩滑，而且好入味，屬於必食之選蒜蓉粉絲蟶子呢個蟶子皇冇得頂，唔單止大隻，而且非常非常鮮甜，加上蒜蓉提升佢嘅鮮味，而且粉絲都非常之入味，索晒所有聖子嘅鮮味，味道一流石窩生啫通菜呢一個啫啫通菜用咗石鍋，非常之保溫，上菜一段時間都仲好熱，通菜好入味，蒜香味好濃，正你一間中菜餐廳，非常之適合一家大細去食，叉燒非常好食，其餘每一道菜都好好味，絕對值得一試

由於個人好鍾意食叉燒 所以喺沙田區既叉燒大王 一早就想試好耐！ 不過地方就唔太就腳 , 今日難得入到去朋友沙田屋企 出街食飯我就提議食叉燒大王， 好多人 , 如果唔係book位都冇叉燒好好味 又有蜜糖香又軟熟 出面脆邊 好食過出面好多好味既叉燒店 正 蒸豆腐好香滑 好耐冇食過甘滑 上面加d肉碎夠哂味啫啫炒通菜夠哂鑊氣 好香 好新鮮 而燒腩仔都十分唔錯 ! 外面夠脆 入面 題肥膏同瘦肉成五五比 幾好食 基本上 食店環境一般 但都算企理， 中菜既食物 其實未到好夠鑊氣 但感覺上好有家庭少菜feel, 食落好去感覺唔錯 !

<叉燒大王 果然叉燒好正！>🐷雖然我鍾意周圍揾美食 但有時懶唔想去到甘遠 甘難得黎到沙田區附近 就試下呢間食叉燒好出名既叉燒大王😋 可能星期6 既關係一去到門口 已大排長龍， 一邊係外賣檔 喺櫥窗會見到肥美既燒味 另一邊就係坐位， 等左一陣就入得。 入面同普通中菜館冇分別 圓枱 長櫈 正正常常 menu除左叉燒外 仲有好多撚手菜式👍🏻😆🍴特選蜜汁叉燒王 88 蚊🐷 叉燒一睇出面層蜜糖就知好味！ 🍯 出面燒到少少燶邊夠哂香脆 叉燒厚切 好有口感 入面咬落帶點豬油同蜜糖既juicy好好味😃推介🐷👍🏻🍴冬瓜盅 118 蚊🥒🍲夏天最啱就係飲冬瓜盅 雖然外表同我想像好唔同 但入面落足料 蝦肉🦐豬肉🐽 菇 青瓜 瑤柱等等 煲埋一齊令到 湯身好甜 😁 飲完d湯 最尾食埋軟熟包住出面既冬瓜肉 十分滋味😃🍴老乾媽剁肉蒸滑豆腐 62 蚊🔥🌶用左老乾媽辣椒 加上肉碎蒸既豆腐 豆腐蒸得好香滑 稍一不慎 就會整爛 😂 上面既肉碎🐷帶有少少香辣 十分惹味 相信要黎撈白飯唔錯👍🏻🍚🍴金蒜蛋黃鮮魷 92 蚊🦑🥚好邪惡既黃金鮮魷 外脆内軟 出面既咸蛋皇夠哂沙既口感咸味夠😍😈 而入面既鮮魷保留應有既水份

本以為叉燒大王是河畔花園一間不起眼的茶餐聽，但原來他們的燒味做得相當不錯！號稱｢叉燒大王」自然要試試叉燒，於是點了個叉燒併燒腩仔飯，和叉燒併燒鵝飯。叉燒肥瘦均勻，肥的地方滑膩甘香，瘦的地方嫩稔有嚼勁。絕對係my favourite!!!燒腩仔也是梅花間竹的肥瘦相間，外皮烤得酥香，真正皮脆肉嫩！燒鵝同樣出色，鵝皮的油滲入鵝肉，香味四溢。配上熱奶茶茶香奶滑。想不到在河畔花園的小小角落，有如此高水準的燒味飯

在威爾斯探完剛出生的兒甥女 一早諗好要媽媽大人去义燒大王朝聖 因為佢好鐘意食义燒～ 環境比我想像中乾淨企理 店員招呼又好好 未食先加分。招牌义燒王 必點！確實冇令人失望。肉質口感真是稱得上鬆化 肥瘦度恰到好處 入口帶點甜 一咬有肉汁流出來 真心讚！媽媽食完仲外賣左返去俾老豆做宵夜。天氣熱 冬瓜盅夠曬解暑。～$118 當然唔係原個 但4個人飲都實夠曬。清清甜甜 唔會太咸 冇咩味精 又足料！有拆好的蟹肉 蝦仁 絲瓜等等 仲有田雞！蒜蓉粉絲蒸大蟶子。$108 五大隻。鐘意佢炸左蒜頭先蒸 更加惹味。蟶子好新鮮 蒸的時間又控制得好 所以彈牙得來唔會硬 都幾軟熟。粉絲亦唔會蒸到乾曬 撈埋豉油蒜蓉 撈飯一流！椒鹽棒棒骨。勁惹味 比我想像中大舊 係豬仔脾咁。炸完肉質都唔會老 入味又香口 yummy! 朝聖之旅果然冇令媽媽大人失望👍🏻

河畔花園這間叉燒大王，食物以燒味和炒粉麵為主，舖面也是一般常見格局，與普通茶餐聽無異。午市人山人海，本打算隨便吃個飯，無甚麼期望，而這裏自詡叉燒大王，就即管食個叉燒燒腩仔雙拼。叉燒半肥瘦均勻，肉質嫩滑有嚼勁，咬下去滿口油香，加上蜜汁的甜味，的確齒頰留香！店員說原來餐廳的廠房就在附近，所有叉燒(唔知其他燒味係唔係)都是即日燒好即日送到，保持新鮮，不會因為掛晾太久而變乾。而燒腩仔亦肥瘦均勻，皮脆肉嫩。友人的叉鵝飯也好味午市送熱飲，奶茶也算茶香奶滑油菜附有蠔油

有些食店，會把其招牌的食品押上牌面，表明你來我呢度，食呢樣野就最正架啦。串D，有食店會自稱王自稱霸。是日，我就來到一間自稱 "王" 的食肆，說是叉燒佢最靚的一個燒味茶餐廳，是位於沙田河畔花園的《叉燒大王》。我對《叉燒大王》的初認識，是幾年前，由住職威爾斯親王醫院的朋友推介的。那天到他家，他本以《叉燒大王》的叉燒招待我們，可是我們當日事先有約，沒有品味到，一直至某一天我自己一個睇完醫生，一個人去午飯才品味到。這一次，是重來，又是看完醫生來，食返個叉燒飯。 早已經知道這兒的燒味最出色，所以一叫就叫個叉燒乳豬飯。我沒有特別要求，隨意讓店方自行分配叉燒給我，出來的叉燒，沒有太過肥，而且入口蜜味。看起來，肉其實是瘦的，但吃得出是梅頭肉，感覺很香，也很腍。乳豬的肉不多，的確是一隻很乳的豬。豬肉香嫩，皮脆，吃得出，此店是有水準的。 改日，早上故意來到河畔轉車返工，故意來，食返個叉燒主題的早餐。這一份麵早餐，除左有碗麵之外，也有多士，餐肉同雞蛋。餐廳夠高貴啊，俾 Lurpak 牛油搽麵包架。 早餐的主角當然是叉燒，是一碗叉燒湯麵。麵來到時，我才醒覺，我應該叫意粉。因為湯意才是香港飲食的名物。說回麵，用