叁茶陸飯

營業中

休息中

轉眼又到星期三 又係周圍搵野食嘅日子近近地又走左去八度半 見到咁多人幫襯嘅叁茶陸飯 即刻攞位價錢好親民喎 店員服務又好 難怪咁多人我地㨂左主廚紅燒牛肉麵 上菜速度好快先講湯底 因為咸酸菜嘅關係 咸中帶少少酸但一啲都唔會令人抗拒嘅 重幾好飲牛肉麵麵質彈牙 而且牛腩數量都唔少 好食滷水拼盤 有我至愛嘅豆乾同牛肚 好有咬口雞翼同雞蛋滷得非常入味 重有惹味花生重有三杯雞 好惹味 雞肉嫩滑 送飯一流最後當然少不了台灣特飲 黑糖珍珠奶茶啦茶香 但唔會好甜 珍珠有咬口 好飲

本來今日收工想同屋企人開心簡單食餐飯啦 屋企人就提議試下呢間台灣野叄茶陸飯！點知就谷氣左成晚！🧟‍♂️🤬🤬🤬一開始食小食拼盤都Okay既 蛋 豆乾就normal 不過雞翼同牛肚係完全無味架。。。點解可解上哂色但一啲味都無🧟‍♂️🧟‍♂️ 牛肚又有陣味🧟‍♂️滷肉飯都係無咩味道既 同台灣果啲差太遠。。。 不過白飯就勝在夠熱！$38都唔抵。。。食完哂 最谷氣係個香滷家鄉煎蛋追左45-50分鐘都無黎到！🤬🤬🤬煎咩要煎咁耐🤬 餐廳職員一昧話睇下睇下 又唔覆客人！等到好嬲唔食cancel單了！無下次！🤬

荃灣呢間台灣餐廳，裝修特色雅緻，環境舒適。我地3大1小叫左，芝士蘑菇雞翼有4隻炸到燶燶地，好脆口，釀左芝士蘑菇，食落口感豐富！茉莉綠茶加珍珠，清香綠茶味，可以消油膩。上菜好快可能多人等位。食物唔算好熱，加上冷氣較大，野食好快凍晒。炒飯炒得乾而硬，配上豬扒醬汁甜甜的，感覺一般！鳳梨蝦球同鹽酥雞令我很失望，菠蘿唔甜，而且太多沙律醬，而鹽酥雞話明係塔香，見到有九層塔才試下，點知得3-4小塊，同圖片差很遠。3大1小食左$407，有點貴！

住荃灣的同事推介呢間新開嘅叁茶六陸飯食物有水準，於是今晚約埋其他兩個家庭，共六大三小一齊嚟試下。訂枱時我講明有九個人，仲以為佢畀張大圓枱我，點知係兩張細嘅圓枱拍埋。我哋叫咗十幾樣嘢，唔逐樣介紹。 我推介嘅係滷味同鹽酥雞拼盤， 滷味拼盤有豆腐乾、雞蛋、牛肚同埋雞翼， 大大碟，輸人都唔輸陣。至於鹽酥雞拼盤就有鹽酥雞、台式香腸、同魚餅。另外蠔餅都煎得好好味，我哋叫咗兩份。至於有改善空間嘅有水煮牛肉，對我嚟講唔夠辣。至於醬炒嫩豬肝嘅豬肝就煮得好奀，咬唔開。 另外蒜爆豬五花嘅五花腩就鹹得滯。飲品我叫咗海鹽芝士奶蓋炭燒烏龍茶，奶蓋果然好重芝士味。 我建議飲嗰陣都係唔好用飲筒，成杯就咁飲先飲到啲奶蓋同埋茶。食埋個甜品朱古力莓果黑糖麻薯鬆餅， 個個都抱住個肚腩返屋企。總叫咗17個餸，加5杯嘢飲再加兩個甜品。埋單$1647。期待下次再幫襯。

荃灣染廠裝修完不停開新餐廳，今日假期下午就同肥仔去試試叄茶陸飯。選擇都算多，而且可加配小食。不過套餐的飲品我地就興趣不大，所以加錢配其他飲品。肥仔點左台式控肉飯套餐~控肉飯的五花腩肥瘦均勻，層層相間，岩哂肥仔口味。份量適中，唔會多飯小肉，另外味道不會太咸，配上旁邊的酸菜更開胃。我的唐山排骨飯套餐一直唔知咩係唐山排骨，原來係肉排配上蜜味醬料，再灑上黑椒。本身嗜甜的我非常喜歡，啖啖肉，又有小小蜜糖味，用黎餸飯不錯！另外我地加配兩款小食滷雞翼滷得好入味，而且好淋！台灣香腸配上蒜片，甜甜的台灣腸邊位烤至香脆！👍🏻飲品分別點了招牌黑糖珍珠炭燒烏龍同海鹽芝士奶蓋炭燒烏龍。黑糖珍珠味道同煙韌度也不錯，店員話佢地所有飲品都微甜，所以甜度都ok. 但個人認為茶底味不夠濃。另一杯海鹽芝士奶蓋味道都不錯，厚厚的奶蓋飲落好滿足，如果茶味濃點會更出色。總括地點方便，鄰近地鐵站，即使要等位都有冷氣涼下。位置算多，入座快！

叁茶陸飯係荃灣中染大廈，由荃灣地鐵站沿著天橋往愉景新城方向行，大概行6至8分鐘左右就到，好方便。餐廳裝潢雅致，雖然落地大玻璃有部分是望著隔壁大廈牆身，但餐廳樓底高，配上淺藍色及水泥地作主調，感覺舒適不局促。-是日下午茶時間來到，仍然有Lunch Set供應，故就和友人叫了一個Lunch Set和兩個小食。-台式肉燥飯肉燥飯對於我黎講係百吃不厭，而且碗飯都幾大碗，肉燥和蛋都滷得入味，淋漓肉汁，脂香四溢而且比例幾好，唔會太多飯/太少肉燥，三扒兩撥就ko了碗飯。而且跟餐還有飲品一杯、滷花生、醃青瓜及台式便當必備的椰菜，飲品選了熱彰化茉莉綠茶，如果不下糖會比較好，花生滷得淋，滷得入味，而醃青瓜也夠開胃。鹽酥雞鹽酥雞炸得金香，粒粒都炸得飽滿，咸咸香香的，讓人忍不住一口接一口地吃。滷水拼盤（小）滷水拼盤就像一盤大雜匯，有肚，滷蛋，花生，豆腐干和雞翼，全都滷得入味而不過咸，肚夠爽，雞翼夠嫩，豆腐干帶豆味，如果可以不計卡路里我勁想叫多碗飯撈汁食！overall 黎講，呢到服務不錯，餐廳夠開揚光猛，坐得舒服，好評！

同事介紹黎依間「叁茶陸飯」，黎開荃灣就試下。叫咗個2個芝士奶蓋飲品，依杯海盬芝士奶蓋烏龍茶飲落冇咩海盬，但2杯都好正！個人認為佢個味其實同內地某連鎖著名飲品舖嗰啲奶蓋飲品個味一樣嘅，而我都同意內地嗰間嘅建議飲法：唔用飲管一啖吸落去一次過飲到哂茶同奶蓋2個layers係最好飲既。不過係到難D咁飲法因為杯口太大，唯有用飲管啜一啖奶蓋再啜一啖茶咁飲啦。滷肉飯都好甘香，滷味同菜脯蛋普普通通唔算特別，一般家庭小菜既味道。「叁茶陸飯」有分外賣同堂食，下次經過可以就咁外買個飲品同小食過下口癮。

這天晚上約了朋友到荃灣吃晚餐，我們決定吃台灣菜。「叄茶陸飯」好像是新開的，我們決定要試一下！店面：很大、很摩登的感覺。裡面人山人海：很台灣的文字投映在牆上：餐單印刷精美，上面有各種食物的圖片：點餐後不久，食物陸續送上。主廚紅燒牛肉麵 $68大大的一碗，都只是$68，非常抵食！牛肉肉質鮮嫩，麵夠彈牙。醬汁也是一絕！吃完後已半飽。香辣鹽酥雞 $45炸得外脆內軟，不會太辣，大部分人都能接受。吃後齒頰留香。秘製沙茶牛肉 $85有通菜！非常驚喜。火候控制得剛好，牛肉香軟，通菜爽口。黑糖珍珠茉莉奶綠（冰）$25很止渴，甜度適中。夠大杯，兩個人share也可以。埋單$245，平均每人$123，有加一服務費，以晚餐的價錢來說，算是可接受。餐廳氣氛、食物和服務員質素都很高，我們有機會還要再來！

朋友成日同我講叁茶陸飯係食台灣野好好食, 環境又靚,叫我有空一定要去試下, 咁岩星期5晚行完荃灣, 又諗唔到食咩..於是就過左中染新城…門口望落幾靚, 好光鮮, 入面裝修簡潔, 台灣肉燥飯一定要叫台灣最出名既肉燥飯試下, 肉燥份量好足, 香而不油膩, 肉很入味, 肉燥同汁既味道配合得唔錯紅燒牛肉麵紅燒牛肉麵都係必食之一,招牌牛肉麵麵質相當彈牙, 又唔會漿埋一齊, 湯頭好濃好香, 牛肉非常淋, 係香港黎講算係好高質既牛肉麵, 好有台灣既味道, 超正小食方面,我地點左芝士蘑菇雞翼一口咬落去,熱騰騰芝士爆晒出黎, 蘑菇本身鮮甜, 再來一點雞肉去提升蘑菇的鮮味, 啖啖肉, 芝士的雞翅超級好食黑糖珍珠奶茶近排黑糖珍珠奶茶當道, 所以點都要試下, 濃厚黑糖配上大大顆有嚼頭的珍珠, 喝下是幸福的甜味, 感覺超滿足京都抹茶珍珠拿鐵濃濃既抹茶味增添茶香的層次, 抹茶苦中帶甜口感與珍珠混合, 喝起來感覺很新鮮…

這間餐廳在8咪1/2，台灣料理，同事食過話好味，尤其是那杯四季春青茶好好飲，今日天氣很差，但也要到來一試！！一進去就看到很大的~今天好嗎，很有親切的感覺，就像回家一樣。座位也多，不會很迫，簡約的設計，看看有甚麼選擇，lunch set有8款，同事食糖醋魚柳，我叫左排骨，餐飲包一杯熱/凍小農紅茶或四季春青茶，我選了四季春青茶，同事就加錢叫了凍黑糖珍珠炭燒烏龍奶茶。餐巾也有圖案奶茶顏色比較淺，也是有茶味，珍珠好味有咬口，不會好淋的！排骨套餐，好大碗飯+一碟排骨+花生+黑木耳+椰菜，放在木盤上面好精緻，也很吸引。木耳少少醋味，微辣，爽口，花生淋的又大粒，排骨好香，好鬆脆，有d甜甜地既汁，好味呀，不肥不膩。這杯四季春青茶唔係好熱，入口舒服，甜甜的幾特別，味道幾好。魚柳好大塊，個汁酸酸甜甜好開胃，魚柳夠淋，不會有腥有雪味。我們到的時間係12點幾，餐廳還是少少人，一路坐一路有人來，走的時間1點左右，門口好多人等位。

係instagram 見到店子裝修幾靚，所以專登入黎荃灣食呢間。個場幾大，有好多座位，當日中午12點多入座，到一點既時候爆場，有好多office客😂.Set lunch 抵食呢！（星期一至五11:00-14:30供應）有十個選擇。.我揀左台灣肉燥飯套餐 $52同秘製糖醋魚柳套餐 $68兩個既賣相都幾靚💕 估吾到會咁大份！夠晒飽👏🏻兩個餐都好食！連細細碟既配菜都好味，兩個之中，糖醋魚更為出色，酸酸地又多汁，好開胃呀🤤 魚肉又滑又新鮮👍🏼.通菜$20.隨餐附送南投小農紅茶或南投四季春青茶，熱/凍，凍飲吾洗加錢👍🏼好正呀！因為我好中意飲四季春茶❤️估吾到吾洗加錢飲到，仲好大杯添！各方面都幾滿意，會再黎的☺️

屋企須要買新傢俱， 打算去宜X傢俬睇睇。從未嚟過呢間分店，就嚟參觀下，順便揾食。最後選擇咗呢間台灣餐廳。鹽酥雞扒飯雖然雞扒並不是即叫即炸，但都算係夠熱。表面非常香脆。而且相當大塊。伴菜花生和酸菜都好食。但好可惜，白飯有點生米。紅燒牛肉麵麵條生熟剛好。牛肉夠軟淋。蒜泥白肉同平時食中餐的有點分別。呢度將酸酸甜甜嘅醬汁放面。老實說，完全食唔到有蒜頭嘅味道。可能呢個係台灣做法。南投小農紅茶加珍珠茶味夠濃。珍珠有黑糖味。幾好。整體不過不失。要繼續努力加油。

以前從來都唔會踏足呢個商場, 但自從大裝修之後, 聽聞多左好多餐廳, 今日 Lunch 就去左呢度搵食｡ 台灣食品一定係我嘅首選, 所以二話不說就入左去呢間餐廳｡ 餐廳門口設有外賣台式飲品, 買外賣飲品嘅人都幾多｡估唔到假日都有 Set Lunch, 可能係比平日嘅 Set Lunch 貴少少｡ Set Lunch 有 9 款, 款式都比較全面, 贈送南投小農紅茶或彰化茉莉綠茶, 可以加錢轉其他飲品｡主廚紅燒牛肉麵麵條嘅質感唔會好淋身, 微微有點兒彈牙｡ 牛肉炆到好淋, 好容易就可以咬開, 而且份量都好多, 但牛肉入面夾雜左 D 小碎骨, 所以要小心咀嚼｡ 湯頭牛肉味唔太濃, 但有少少清甜嘅味道｡彰化茉莉綠茶茶味唔算濃, 另外加左珍珠 (+$5), 珍珠有黑糖味道, 口感 Q 彈｡ 蒜泥白肉唔知係咪台式嘅關係, 比我想像中唔同, 唔較多蒜蓉, 辣味唔夠｡

今日行完ikea，想飲杯野，咁啱見到樓下有間台灣餐廳，就外賣咗杯招牌黑糖珍珠炭燒烏龍奶茶。值得一讚嘅係，個烏龍奶茶由頭飲到落尾都有陣陣嘅烏龍茶香。而黑糖珍珠就冇咩特別，不過不失啦！

午後的叄茶陸飯，食客沒有繁忙時段的擠擁，空間氣氛份外明亮舒適，我們倚窗而坐，柔和日光輕伴進餐，各自點了下午茶套餐，朋友的台灣肉臊飯，大大碗滷蛋肉臊飯，伴著鹽香花生及醃菜一併上桌，入口熱辣辣的肉臊，肥瘦適中，味道甜香，滷蛋入味，滋味飽足。自己點了香酥雞排飯套餐，雞排新鮮即炸，香氣四溢，脆醬金黃透薄，趁熱咬下，酥脆香口美味。跟餐追加兩款小吃，台灣香腸，煎得微乾，結實瘦肉之間混著一點脂肪，口感油潤甘香。燙青菜，簡單加上一點肉臊，倍添滋味。 餐飲，大大杯的冰凍小農紅茶及四季春青茶，天時暑熱，飯後來一口冰茶，實在透心涼。