叁茶陸飯

營業中

休息中

塔香鹽酥雞 切成粒粒狀的塔香鹽酥雞超級鬆香脆口，惹味非常。 滷味拼盤 滷味拼盤有：金錢肚、鹵水蛋、鹵水豆腐、鹵水雞翼，等等。 金錢肚十分之腍滑入味。 香酥炸雞排 別看一塊普普通通的炸雞排，真是菜如其名，炸得超級， 酥香脆口，入口鬆化。 台灣肉燥飯 台灣肉燥飯的肉燥使用了半肥瘦的粒粒裝豬肉做成，十分可口。 如果肉燥飯的醬汁可以再多一些就更完美了。海鹽芝士奶蓋茉香綠茶 我大愛的飲品！ 海鹽的味道很搶！ 芝士奶蓋夠晒厚度。 濃郁絨滑的芝士奶蓋，再配上海鹽，再加埋清香的綠茶，令人一試難忘。 黑糖芋圓仙草糖二號（紫米、綠豆、珍珠） 這個甜品我也很喜歡吃哦！ 黑糖夠甜，芋圓夠腍、夠煙韌，仙草夠冰涼， 還有紫米、綠豆、珍珠，眾多配料令到這款甜品的口感豐富，一試回味無窮。 餐廳的裝修很有台灣特色。加上，每一道的食物我都很喜歡吃，性價比高，是我會再來光顧的餐廳之一。

近日不知怎的好想吃芋圓，甚至有衝動想來個快閃台灣之旅吃個夠。想起好友之前在附近嚐過不錯的台式甜品，晚飯後提議過來一趟。 由地鐵站沿著有蓋天橋走，大約七分鐘左右便到達。店家樓底高，裝潢明亮又帶點小清新，牆上有個特大的霓虹燈寫著「今天好嗎？」，玩味甚濃。晚上九時來到不用等位，設人均最低消費$40。 仙草凍二號 $43目標早已鎖定，甜品以甘涼的仙草墊底，舖上配料再淋上花奶，份量極多，難怪周遭的都是二人共享。最期待的芋圓質地煙韌，地瓜、紫薯和芋頭味皆重，算是水準之作；而紫米、綠豆和黑糖珍珠都煮得太甜膩，邊吃邊喝水，最後超級飽足。 臨尾結帳時發生一件小插曲：我們客氣的問店員能否替我們打散一張紙幣，店員一臉不屑加語氣極嫌地問要來幹麼，其實可以是一句不可以也是一句，何必用這種面口語氣？

今日經過荃灣，又係要覓食的時候。今日又係台灣思鄉病發作，所以就要試呢間之前已經bookmark的餐廳。叫了2份午餐：1.糖醋魚柳飯+招牌黑糖珍珠炭燒烏龍奶茶2.紅燒牛肉麵+海鹽芝士奶蓋炭燒烏龍+通茶。每份餐都有2碟小配菜，失望，青瓜唔夠味，酸唔夠。花生個樣似係冧的，但唔夠冧。牛肉麵：麵條一pat pat，分唔開，牛肉正常，湯底唔太濃。糖醋魚柳飯：忘記影相，魚柳酥脆，個汁開胃，不錯。招牌黑糖珍珠炭燒烏龍奶茶：無炭燒味，一般般，稱不上招牌。海鹽芝士奶蓋炭燒烏龍：芝士奶蓋不錯，加埋海鹽無咁漏。味道：2/5抵食：2/5回頭率：1/5

今次介紹左個好朋友黎食，因為我實在太愛呢度既芝士蘑菇雞翼同埋 d 飲品。。。。今晚因為星期五，所以有 d 多人，等朋友既同時，我用 app 排左隊先，之後係周圍行下，咁岩到我時，個朋友都就到了，入座後，等朋友到埋，我就剔左雞翼同埋芋圓仙草燒。之後朋友話叫多個咸蛋炒苦瓜，要 $70 ... 我就 o 曬咀問佢唔係掛？！點知佢勁認真，話佢之前係台灣食過，白苦瓜同咸蛋完美癡埋一齊後好夾好正。跟住我就話儘管信你，試試佢。點知，一上碟。。。。。。就只係普通既綠色苦瓜，我呆左幾秒，朋友望住我爆笑我話咁樣要 $70... 我寧願叫多份雞翼仲開心跟住我地夾硬食曬佢，再慢慢享受好味的芝士雞翼同埋。。我最愛既芋圓仙草燒，不過今次 d 珍珠失曬準，硬左，同埋癡埋一舊，今次相對地失望左 d 得個芝士雞翼係維持到水準。。3樣就咁食左$185... 個苦瓜真係。。。。哈哈哈哈。。。埋完單就出面排隊買飲品，朋友點左芝士奶蓋炭燒烏龍，我飲左一啖。。。好好飲啊奶蓋既芝士味好香濃，而且係帶微甜，同貢茶唔同，我一開始以為會係芝士+咸味d 烏龍再加埋 d 混合左既奶蓋，真係認真一流，算係補償返岩岩堂食時既遺憾唔記得左影相，補

其實之前荃灣新開嘅依個商場我都有留意過依間餐廳，不過一直都冇時間去試。今日放假經過冇乜人嘅時候入去試吓，點知發現入面嘅裝修同埋環境都好舒服同埋好特別。餐廳主要係食台灣嘅食物，款式都幾多下同埋價錢都唔算太貴。有好多唔同嘅台灣小食，仲有其他主菜同埋甜品仲有飲品添。首先我同朋友叫咗一個滷水拼盤仲有一個鹽酥雞小食。依兩樣小食味道都唔錯，而且份量都幾大分，鹽酥雞嘅份量好多，新鮮炸起都幾好食。然後就叫咗一碗我最鍾意食台灣嘅滷肉飯，份量都幾大份吓而且肉燥唔會太肥用嚟送飯就啱啱好啱晒香港人嘅口味。然後朋友就叫咗一碗牛肉麵，湯底都幾香而且牛肉係好多同埋味道都好入味，因為價錢都幾合理所以就算叫得咁多款式嘅食物都唔會太貴。最後我同朋友仲叫咗一杯珍珠奶茶飲，呢度都好正宗而且夠晒大杯,兩個人飲都夠,圓滿地結束依餐飯其實依間餐廳嘅座位都幾多而且好多staff所以應該都唔使點等位同埋感覺上坐得好舒服仲有環境係用粉色系佈置成個感覺都非常之少女。約埋成班女仔朋友過來聽嘅飲嘢就啱晒。

朋友最好為新居添傢私，去咗荃灣陪佢！行之前諗住醫飽個肚先，附近有間食台灣嘢嘅叫叁茶陸飯，見個名又幾得意，加上我哋都鍾意食台灣嘢，咁就決定入去試試先！餐牌上都幾多選擇，有前菜、小食、小菜、麵類、飯類、飲品同甜品！先來一碗魯肉飯，佢哋用咗珍珠米，食落好軟熟，魯肉味道正宗好香，唔會特別咸同油膩！而且細細碗，同朋友分享之餘，仲可以試其他嘢！紅燒牛肉麵上枱時好熱，先飲一啖湯，味道好濃，加埋酸菜簡直一流！牛肉炆得好淋身好入味，有種花椒八角味道！而麵質亦好爽口彈牙！我哋好多小食都想試，所以叫咗呢個塔香鹽酥綜合併盆，就係貪佢裡面咩都有！包括花枝丸、甜不辣、鹽酥雞、台式香腸，當中最好食係甜不辣同鹽酥雞，甜不辣好彈口，都唔係度度有得食！鹽酥雞即炸熱辣辣好脆口上枱，真係啱晒鍾意食脆口嘢嘅我哋！最近興起一般奶蓋熱潮，所以我哋叫咗杯雙莓芝士奶蓋，暖暖滑滑嘅芝士配上酸酸甜甜嘅雙莓真係好適合，味道好適中唔會太甜，簡直大愛！順帶一提，門口有外賣位置，下次行街口渴都可以買杯再嘆過！

宜家 終於再喺荃灣開店，方便咗新界九龍區居民，平日下午到店閒逛，人流明顯比他區店小，非常好行，行完到樓下覓食，見店名叁茶陸飯很有趣，店門有台式飲料，及一些小吃，相片幾吸引，因時間尚早，不需要排隊便決定一試。入內環境寬敞光猛，座下不久，員工便將餐牌送上，菜單有多樣化餐點可選，由鹵水小吃，涼菜，湯品，蔬菜肉類，麵食，飯類至甜品，茶飲，應有盡有！餐紙上解釋名稱比喻招待客人非常周全。三茶可以視為早午晚茶，陸飯為豐盛多餐之意。周全於這店包括了服務，裝修，味道及健康。似乎好有Heart!來到台式料理店，紅燒牛肉麵是必點菜色,粗麵，比較硬，牛肉份量多而大件，經長時間烹煮，入口鬆軟，湯頭帶甜。友人想食飯，叫了唐山排骨炒飯，台式排骨指有骨豬排，份量也很大，多汁香軟，但炒飯偏向乾身。見每枱都有碟鹵水，我地都唔執輸，因為點菜時估唔飯麵之配菜肉類有如此多，固點了大份的鹵水拼盤，雞翼，牛肚，豆乾，鹵蛋，花生，滿滿的一盤。鹵水時間長，首選推介牛肚雞翼入味軟嫰。我地低估了佢嘅份量，今次太飽食唔到佢D甜品，下次要再來，鄰桌的甜品似乎好好味呢！

男朋友誤打誤撞搵到的一間店，佢話同同事食過覺得我會鍾意，裝修簡簡單單，好光好舒服既。出面仲可以買手摇飲品拎走飲，不過我覺得價格就有點小貴啦。今次同男朋友一共叫左 4 樣野，芝士蘑菇雞翼 (x4) $55黑芝麻抹茶黑糖麻糬鬆餅 $78黑糖芋圓仙草凍2號 $43黑糖珍珠炭燒烏龍奶茶 $28另加一服務費。首先講雞翼，芝士味勁香濃，夾埋一齊勁好食！雖然價錢有 d 貴，不過好食搭救~再講鬆餅，我覺得如果入面無夾住黑糖漿就完美啦，因為黑糖漿令成個食落去太甜，over 左少少，但係抹茶 cream 同個雲尼拿雪糕都好食，我覺得好食過茶木既鬆餅。仙草凍完全係出色！仙草唔苦澀，芋圓好煙 un 好夠味，珍珠好滑好煙 un , 再夾埋紫米同綠豆，我食唔停口啊珍珠烏龍奶茶，我叫左熱的，好有奶味，烏龍味就唔太出，但珍珠真係好出色，我飲過好多間珍珠奶茶，如果本身唔抗拒細粒珍珠的話，佢真係100分，我好鍾意，入口好滑，好軟，好煙 un, 完美啊天啊。飲完之後個口成晚都係圍繞住個奶茶味。好滿足既一餐，對我黎講，唯一叫個缺點既就係雞翼有 d 貴 哈哈哈~~下次黎要試埋其他飲品，奶蓋都好想試下正啊，一定有下次

自從八咪半個商場開咗宜家傢俬之後，呢個商場的人流立即旺了不少，當然也吸引了不少食肆進駐啦！話說同一班好姐妹食飯，大家都喜歡吃台式食品，所以就相約了這間環境舒適的叁茶陸飯相聚呢！無論休閒小食, 飲品, 面食定係飯都可以坐下來, 慢慢食, 慢慢傾，感覺就好似響忙碌生活之中 take a break 平日夜晚都幾旺場，都要等下位先可以入座，早少少到就唔洗等平時一般吃到的肉燥飯很油很肥膩，伴飯的肉碎又會充滿肥膏，姊妹們都會怕怕...但在這裡吃到的就完全不一樣了！飯粒比較乾身，肉燥入口汁香而不油膩，汁的份量還要剛好，飯粒不過濕也不過咸，感覺滋味台灣食品點少得珍珠奶茶呢！茶係炭燒烏龍茶，所以茶味較香加上奶既香滑，黑糖珍珠的甜味，各種材料帶來的美好混合一起的美味，不用我多說.....就知道要到餐廳一嚐！台灣鳳梨炒蝦球彩色的朱古力粒加上沙律醬，感覺就好似色彩繽紛的圖畫一樣時令的鳳梨入口香甜，大大粒蝦球新鮮炸起，外層香脆，蝦肉彈牙，鳳梨清新香甜去除膩感加上沙律醬，令蝦球更多一重滋味芝士磨菇雞翼在雞中翼的位置放滿餡料，咬落去都充滿熱溶芝士，煎烤雞翼令雞翼香脆，入口芝士味香濃2種香味的配搭，點令人抵擋得到呢

轉眼又到星期三 又係周圍搵野食嘅日子近近地又走左去八度半 見到咁多人幫襯嘅叁茶陸飯 即刻攞位價錢好親民喎 店員服務又好 難怪咁多人我地㨂左主廚紅燒牛肉麵 上菜速度好快先講湯底 因為咸酸菜嘅關係 咸中帶少少酸但一啲都唔會令人抗拒嘅 重幾好飲牛肉麵麵質彈牙 而且牛腩數量都唔少 好食滷水拼盤 有我至愛嘅豆乾同牛肚 好有咬口雞翼同雞蛋滷得非常入味 重有惹味花生重有三杯雞 好惹味 雞肉嫩滑 送飯一流最後當然少不了台灣特飲 黑糖珍珠奶茶啦茶香 但唔會好甜 珍珠有咬口 好飲

本來今日收工想同屋企人開心簡單食餐飯啦 屋企人就提議試下呢間台灣野叄茶陸飯！點知就谷氣左成晚！🧟‍♂️🤬🤬🤬一開始食小食拼盤都Okay既 蛋 豆乾就normal 不過雞翼同牛肚係完全無味架。。。點解可解上哂色但一啲味都無🧟‍♂️🧟‍♂️ 牛肚又有陣味🧟‍♂️滷肉飯都係無咩味道既 同台灣果啲差太遠。。。 不過白飯就勝在夠熱！$38都唔抵。。。食完哂 最谷氣係個香滷家鄉煎蛋追左45-50分鐘都無黎到！🤬🤬🤬煎咩要煎咁耐🤬 餐廳職員一昧話睇下睇下 又唔覆客人！等到好嬲唔食cancel單了！無下次！🤬

荃灣呢間台灣餐廳，裝修特色雅緻，環境舒適。我地3大1小叫左，芝士蘑菇雞翼有4隻炸到燶燶地，好脆口，釀左芝士蘑菇，食落口感豐富！茉莉綠茶加珍珠，清香綠茶味，可以消油膩。上菜好快可能多人等位。食物唔算好熱，加上冷氣較大，野食好快凍晒。炒飯炒得乾而硬，配上豬扒醬汁甜甜的，感覺一般！鳳梨蝦球同鹽酥雞令我很失望，菠蘿唔甜，而且太多沙律醬，而鹽酥雞話明係塔香，見到有九層塔才試下，點知得3-4小塊，同圖片差很遠。3大1小食左$407，有點貴！

住荃灣的同事推介呢間新開嘅叁茶六陸飯食物有水準，於是今晚約埋其他兩個家庭，共六大三小一齊嚟試下。訂枱時我講明有九個人，仲以為佢畀張大圓枱我，點知係兩張細嘅圓枱拍埋。我哋叫咗十幾樣嘢，唔逐樣介紹。 我推介嘅係滷味同鹽酥雞拼盤， 滷味拼盤有豆腐乾、雞蛋、牛肚同埋雞翼， 大大碟，輸人都唔輸陣。至於鹽酥雞拼盤就有鹽酥雞、台式香腸、同魚餅。另外蠔餅都煎得好好味，我哋叫咗兩份。至於有改善空間嘅有水煮牛肉，對我嚟講唔夠辣。至於醬炒嫩豬肝嘅豬肝就煮得好奀，咬唔開。 另外蒜爆豬五花嘅五花腩就鹹得滯。飲品我叫咗海鹽芝士奶蓋炭燒烏龍茶，奶蓋果然好重芝士味。 我建議飲嗰陣都係唔好用飲筒，成杯就咁飲先飲到啲奶蓋同埋茶。食埋個甜品朱古力莓果黑糖麻薯鬆餅， 個個都抱住個肚腩返屋企。總叫咗17個餸，加5杯嘢飲再加兩個甜品。埋單$1647。期待下次再幫襯。

荃灣染廠裝修完不停開新餐廳，今日假期下午就同肥仔去試試叄茶陸飯。選擇都算多，而且可加配小食。不過套餐的飲品我地就興趣不大，所以加錢配其他飲品。肥仔點左台式控肉飯套餐~控肉飯的五花腩肥瘦均勻，層層相間，岩哂肥仔口味。份量適中，唔會多飯小肉，另外味道不會太咸，配上旁邊的酸菜更開胃。我的唐山排骨飯套餐一直唔知咩係唐山排骨，原來係肉排配上蜜味醬料，再灑上黑椒。本身嗜甜的我非常喜歡，啖啖肉，又有小小蜜糖味，用黎餸飯不錯！另外我地加配兩款小食滷雞翼滷得好入味，而且好淋！台灣香腸配上蒜片，甜甜的台灣腸邊位烤至香脆！👍🏻飲品分別點了招牌黑糖珍珠炭燒烏龍同海鹽芝士奶蓋炭燒烏龍。黑糖珍珠味道同煙韌度也不錯，店員話佢地所有飲品都微甜，所以甜度都ok. 但個人認為茶底味不夠濃。另一杯海鹽芝士奶蓋味道都不錯，厚厚的奶蓋飲落好滿足，如果茶味濃點會更出色。總括地點方便，鄰近地鐵站，即使要等位都有冷氣涼下。位置算多，入座快！

叁茶陸飯係荃灣中染大廈，由荃灣地鐵站沿著天橋往愉景新城方向行，大概行6至8分鐘左右就到，好方便。餐廳裝潢雅致，雖然落地大玻璃有部分是望著隔壁大廈牆身，但餐廳樓底高，配上淺藍色及水泥地作主調，感覺舒適不局促。-是日下午茶時間來到，仍然有Lunch Set供應，故就和友人叫了一個Lunch Set和兩個小食。-台式肉燥飯肉燥飯對於我黎講係百吃不厭，而且碗飯都幾大碗，肉燥和蛋都滷得入味，淋漓肉汁，脂香四溢而且比例幾好，唔會太多飯/太少肉燥，三扒兩撥就ko了碗飯。而且跟餐還有飲品一杯、滷花生、醃青瓜及台式便當必備的椰菜，飲品選了熱彰化茉莉綠茶，如果不下糖會比較好，花生滷得淋，滷得入味，而醃青瓜也夠開胃。鹽酥雞鹽酥雞炸得金香，粒粒都炸得飽滿，咸咸香香的，讓人忍不住一口接一口地吃。滷水拼盤（小）滷水拼盤就像一盤大雜匯，有肚，滷蛋，花生，豆腐干和雞翼，全都滷得入味而不過咸，肚夠爽，雞翼夠嫩，豆腐干帶豆味，如果可以不計卡路里我勁想叫多碗飯撈汁食！overall 黎講，呢到服務不錯，餐廳夠開揚光猛，坐得舒服，好評！