叁茶陸飯

營業中

休息中

在距離荃灣地鐵站八分鐘左右的中染大廈有不少近年新開的餐廳。今天下午茶時間想吃台灣菜，決定來試一試。一入餐廳光線充足，地方闊落，感覺良好。點了招牌排骨飯和幾款小食。排骨飯果然是招牌，排骨炸得十分香口卻一點也不乾。但缺點是白飯煮得太乾了，沒有米飯香，浪費了美味的排骨。另外幾款小吃味道不錯，分量也不小，適合跟朋友分享。總括而言，餐廳價格不算十分便宜，但勝在可以坐得舒服，食物質素也不錯，下一次會再來。

前身系中國染廠的中染新城，裝修後多了很多食肆，其中叁茶陸飯可選是至愛，最愛飲佢既烏龍茶。裝修別樹一格，收工時間總排長龍，還好可用 The Gulu 先排隊，今天一樣唔使等好耐就到了。第一時間點沙茶牛肉，沙茶醬沒有很濃，總是剛剛好，配新鮮牛肉，很彈牙，真開胃。雖然說開胃了，其實仲系攰到無胃口，不想吃飯，所以只加點小食花枝丸和台式香腸，再加清炒菜，少油。花枝丸內有粒粒魷魚，好正。香腸配蒜頭片，去油膩感，絕配。最後當然是叫一杯熱烏龍茶，少甜，很喜歡微甜的感覺，甘香的茶味，疲勞盡消。

Follow🐷 @chuchu_hkfoodieShare埋你啲朋友仔like下我啲po♥️需要你的支持喔🥺🙆🏻‍♀🐷💬每一篇食評都好認真打架—————————————————————📍叁茶陸飯佢係荃灣宜家家俬附近，🐷成日經過都好想入黎試，比佢個店名吸引到～～店舖嘅裝修一流，裝修非常之簡潔，岩曬打卡，坐得幾舒服，食物方面有好有唔好，未至於好驚喜或失望，還可接受吧，但價錢有啲貴。主要食佢既裝修啦～—————————————————————❣台式五香牛肉麵（$78）牛肉麵嘅湯底比較普通，唔會太咸，牛肉嘅份量比較少，牛味都香，麵底似乎煮得太過耐，所以麵質比較林，失去左彈牙既口感，不過味道尚算過得去.❣櫻花蝦炒絲瓜（$78）佢話係期間限定～呢碟味道唔錯，炒得好香，啲蝦仔好食！.❣黑糖芋圓仙草凍2號（$43）黑糖+紫米+綠豆＋珍珠+芋圓+仙草凍，試到咁多料，啱哂為食嘅🐷，仲有珍珠係細細粒，但幾彈Q好好咬，而且仙草凍都整得好滑，但芋圓份量略嫌太少，芋圓質素都可以嘅喇差，都煙韌嘅，但就冇乜芋頭蕃薯味.❣芒果海鹽芝士奶蓋（$48）面頭嘅奶蓋十分之多，有厚厚嘅芝士，芝士個層好濃味，唔會好甜，有少少海鹽嘅鹹

今晚黎到荃灣食夜晚 口痕痕想食台式野 所以就揀左呢間台式餐廳 食物同環境幾靚 岩曬比人打卡講下野食先 我地2個人一共叫左3 個野食 1 杯野飲 第一個就係芝士磨菇雞翼（55$） 呢個係無骨既雞翼 肉幾滑 芝士同磨菇釀左係入邊 一咬就成口芝士 幾好食跟住就係醬爆雞丁（$68） d雞炒得好入味 唔算太咸 不過怕辣既我會覺得有少少辣 不過都可以接受再黎係台灣肉燥飯（$38） 同一般食開既就無咩大既分別啦只可以話 上邊2 樣做得比較出色最後就係杯野食 我地叫左海鹽芝士奶蓋綠茶（$26） 個奶蓋超好飲 偏甜少少又唔會無左陣芝士味 綠茶底就係比較濃既茶味賣單大約每人100$ 香港食個夜晚既價錢都算合理 環境都唔錯 係一次好既經驗

四個同事去午餐，1點去到，都幾多人，好彩岩岩好有位，再遲就要等位餐廳環境光猛，座位好闊，適合傾下計揀左四份唔同嘅餐，每個餐包三碟配菜同一杯野飲家鄉特色炒飯味道還可以，但偏淡左小小招牌豬排同香酥雞排都好好味，又夠曬大塊，可惜配嗰碗白飯稍為硬左少少肉燥拌乾麵好大碗，麵質唔錯，肉燥本身幾淡，要加豆瓣醬撈一撈先夠味三碟配菜包括有雜菜、蓮藕同小黃瓜，清新開胃青茶個樣似啤酒，好解渴每個餐50幾至60幾蚊，性價比唔錯

唔記得黎食第幾次，每次都係兩個人黎。今日難得有四個人可以叫多d唔同野食，因為佢地份量都算幾多，兩個人確實食唔到幾多款。我地一行四人叫左好多野食，主菜我地叫左塔香鹽酥中合併盤，當花雕遇上雞，沙茶牛肉，蚵仔煎，干扁四季豆，黑糖珍珠鮮奶，桂圓紅棗茶，雙莓芝士奶蓋。併盤款式岩岩好每樣份量岩岩每樣都可以試下，當中沙茶牛肉同蚵仔煎好味，花雕雞就唔係好夠花雕，黑糖珍珠鮮奶就唔夠我係另一間咁好飲，芝士奶蓋都可以，不過方間太多。總結都係一間好味的餐廳

適合朋友or情侶的台灣餐廳今日和男朋友來到這間係愉景新城附近嘅台灣餐廳食野，這裡的食物質素非常不錯，環境乾淨整齊，整體裝修很不錯，打卡位很多，不論是情侶還是朋友聚會都非常推薦！店員的態度都很好而且細心，會自動幫我們加水換碟，而且我們用餐完後聊天了一會，他們都沒有催促我們的意思，整個用餐都很舒服。我們點了店裏的鹽酥雞，鹽酥雞的雞肉鬆軟配合調味粉，味道挺好食的，而主食是姜母鴨，湯底有薑味之餘且清澈！另外，我們點了肉燥飯，肉燥比我想像中多，很有台灣風味😊。至於甜品我們點了草莓黑糖麻薯鬆餅，當中其實還有紅豆🙈，再加上抹茶雪糕，來擔心會很膩，想不到味道比想像中輕盈。整體而言，這間餐廳是值得推薦的。

今日約舊同事食飯，工作地點近，又有員工優惠，所以揀左呢間「叄茶陸飯」，裝修幾靚，但坐得逼，分開左張枱少少，其實同搭枱無分別。香港特色！乾伴麵真係好乾身，一定要配杯飲品，而味道尚可接受我一心諗住普通紅茶，點知係甜，個人口味，我就不喜歡，餐牌應駐明甜紅茶雞排唔夠脆，味道淡左D，可能在繁忙時間，廚房預早煮定整體來說，好普通，雖然係午市套餐，但在呢個裝修標緻既環境下，心理上自然會對食物質素有要求，所以得55分

今晚老婆唔想煮飯，佢又唔太肚餓，得我同仔仔食，帶他去叁茶陸飯，因為每次黎都要飲珍珠奶茶環境寛敞，有很多座位食物和飲品有很多選擇，還有台式甜品可以點 台灣肉燥伴乾麵，係夏天唔想食到出哂汗，乾面也是不錯的選擇塔香鹽酥雞，很香很好吃最後說服仔仔試下奶蓋綠茶，很香奶味很重，值得一試

假日都有set lunch食😎 附送飲品一杯同小菜🥬 質素都唔錯😌-#香酥雞扒配白飯 🐥 ($73)即叫即炸既雞扒🐣 所以要等得耐啲😌 但絕對值得😛 雞扒炸得剛剛好👌🏻 外脆內軟🤤 雞肉唔韌🐣 能保留肉汁又唔太乾👏🏻 食得過😎-#蔥燒豬軟骨配白飯 🐷 ($78)豬軟骨算軟淋🐷 只係略嫌某一兩件軟骨咬唔開🤔 醬汁好多😏 送飯一流🍚📍荃灣青山公路388號中國染廠大廈中染新城1樓117號舖

呢碗係黑糖+紫米+燕麥+珍珠+芋圓+仙草凍，$42試到咁多料，啱哂為食嘅我🤪加燕麥落去芋圓度，好surprise 地好夾，而且心理上覺得健康D😂，仲有珍珠係細細粒，但幾彈Q好好咬，而且仙草凍都整得好滑👍🏻

約左朋友係附近食晚飯 之前一直都想試下呢間台灣菜😌入到去超有文青feel 又有D文青既字 地方好寬敞又光猛 同朋友一路傾計一路食飯最啱💛我地叫左個鹽酥雞🐓分量好充足 炸得好酥脆 又唔會太鹹 裡面既肉汁依然能夠保留住 係熱騰騰咁上枱 食落唔係好油🤓大小亦都剛好呢杯係芒果海鹽芝士奶蓋 面頭嘅奶蓋十分之多🥰有少少海鹽嘅鹹味加上芝士 配搭一流👍🏾芒果汁嘅甜度啱啱好 亦都有少少芒果肉😚仲叫咗一碗肉燥麵 麵質彈牙 亦都有好多肉燥 比起台灣嘅肉燥略嫌鹹左少少 不過都好好味😼最後叫咗個芋圓作甜品👹每一樣嘅配料都好多 撈埋起上嚟食超夾 啲芋圓同珍珠唔會太冧亦都唔會太硬 仙草都好清新 甜度啱啱好🤤

今日同朋友去食晚飯，6點幾7點左右去到，餐廳唔多人，即刻有位。餐廳裝修簡潔明亮，坐位間空位充足，坐得幾舒服，而且色調靚，影相一流。3個人叫左滷水拼盤，炒豬潤，牛肉麵，蛋花湯，台灣香腸，白飯。食物整體水準良好，有賣相，分量足夠，性價比唔錯。台灣香腸配左生蒜，好欣賞餐廳有地道既食法，係台灣第一次食咁既配搭，一試難忘，係香港再食到好開心。炒豬潤都有驚喜，豬潤大塊，食落冇渣，有好多菜心，抵食。滷水拼盤足料，有好多豆腐，夠入味，連平時唔食牛雜嘅我都食咗幾舊。牛肉麵同蛋花湯就比較普通，蛋花湯味道交談，冇咩特別，牛肉麵湯底唔夠香，唔算好多塊牛肉，性價比一般。服務正常，上菜速度快，要注意嘅事係繁忙時間只可以坐90分鐘。三個人食咗$357 ，平均一個人消費$120。環境唔錯，食物質素良好，正常服務水準。可以再去。

就係中染新城呢間台式餐廳裝修幾別緻。見有午餐但唔太岩食，散叫幾味試試。台灣肉燥乾拌麵餸料非常多，肉燥舖面麵上，仲有半隻滷蛋。拌麵本身味道唔錯，麵質幾質牙，撈肉燥食一流。滷味拼盤 細拼盤份量一啲都唔少，所有材料都滷得入味，最好香食五香牛肚。但可能全部都係滷水，食食下覺得有啲過咸。 台式家鄉蛋炒飯 普普通通一個雜錦料嘅家常炒飯，幾夠鑊氣嘅。 海鹽芝士奶蓋綠茶  芝士奶蓋本身已經好好食，夠厚重芝士香濃，不錯。 全餐都幾台式，味道整體黎講不錯嘅，但有啲重口味，下次可以選擇叫啲清清地嘅小菜中和下。

好咸食緊鹽溝飯？個蛋炒飯冇蛋味，得個咸味，仲要係好咸凍飲杯有裂痕 唯一可以讚到就係員工服務質素 但係啲食物質素就差到冇得再差 得咸味 迫住你要叫啲飲品同埋飲水去中和 飲品正常發揮