叁茶陸飯

營業中

休息中

經典三杯雞 - 味道普通， 雞肉偏硬偏老， 咸得黎帶有少少辣香用黎餸飯先啱台南鳳梨蝦球 - 蝦球彈牙， 出面一層炸粉外脆內軟好有層次感，配埋沙津醬，食落唔覺熱氣。肉燥飯 - 比較乾身， 味道ok, 但有多d䓤花香料會更好雙莓海鹽芝士 - 味味都咁dry, 好在有呢杯嘢balance下， 面頭芝士都算香濃，莓味可以再濃少少

今日同朋友喺荃灣行完街，朋友話想食台灣野，於是嚟咗呢間都幾多好評嘅餐廳。餐廳嘅裝修好摩登，但係就欠缺左台灣餐廳經常出現嘅文青風格。🥢滷味拼盤呢個滷水拼盤有四款食物，包括雞翼、滷水蛋、牛肚、豆腐。食豆腐就食得出滷得唔算好入味。但牛肚就幾爽幾好食嘅🥢鹽酥雞鹽酥雞唔錯，炸得幾脆，而且啲雞唔會話好乾。調味亦都唔差。🥢重慶口水雞食台灣野無啦啦有重慶口水雞食到好似有啲奇怪咁，但嚟到個賣相又唔差喎。聞落已經有辣味，未食已經流晒口水🤤食落味道有啲偏咸，但啲雞都滑嘅。🥢台式家鄉蛋炒飯反而呢個炒飯有啲驚喜，啲飯唔油炒得好乾身，而且調味亦都好足👍🏻不過唔係好食得出台式嘅風味😅總括來講，嘢食冇乜台灣地道嘅風味，而且都算普通。

好耐之前新開張食過一次堂食，覺得麻麻🤭，前幾日食完薩莉亞想飲下野，但太夜，附近得返叁茶陸飯有奶蓋茶飲，點知又中伏😩。-海鹽芝士奶蓋桂花綠茶 $33雖然係海鹽芝士但無乜海鹽味🥤，芝士味都足但奶蓋質感偏泡沫狀，如果杰少少會好啲🥺。最伏係個茶包有茶腥味，其實個桂花味都幾香，不過就伴隨著一陣綠茶腥味，所以飲到一半都頂唔順，放棄左🤮。

荃灣愉景新城旁邊的中染大廈，一間裝潢時尚的台灣菜，價錢中位，但食物質素都尚算符合價錢。台灣肉燥飯白飯飯粒會偏濕多水，而肉燥可以多少少肥肉，個人覺得太瘦，沒有油香味。（補充：肉燥主要是瘦肉，而滷肉飯才是偏多肥肉）醬炒豬肝加了菜心一起炒，但稍覺得豬肝吃到最後有點點不好吃了。接受到內臟的可以試，味道不錯。金瓜炒米粉拌有木耳絲，紅蘿蔔絲一起炒，但粉絲炒得太濕，味道很清淡，適合吃素口味清淡的吃。水煮牛肉牛肉的份量好少，兩人吃都未必會夠，麻辣，辣度小辣，不夠麻，而且偏咸，吃完好口渴。三杯雞份量都算多，雞件算大，但味道就一般般，吃了一兩件就沒再夾了。小食-台灣腸配有蒜片，腸偏多肥肉，味道很好。台灣水果茶算大杯，半糖少冰，水果切片很薄。茶味濃。

平日經過8咪半，見呢間台式餐廳個裝修都企理，就將佢bookmark左，呢日就捉埋同事陪我食lunch。去到直接撳飛攞位，等左一陣就入得啦。因為見佢加8蚊就有鹽穌雞，我就揀左肉燥乾拌麵。個面份量都幾大，開心係有青瓜、蓮藕、菜，味道正正常常，d肉燥唔會太鹹，作為食肉獸既我可以叫做稍為均衡飲食但係鹽穌雞個粉好厚，咬落去好似得粉咁，雞肉唔知有冇三分一，可能因為細細粒，所以特別覺佢多粉，不過8蚊黎講就算係咁。跟餐有野飲送，我揀左四季春，味道還好。

荃灣嘅商場有一間裝潢幾靚嘅餐廳，主打台灣菜，感覺不錯，於是就入去試試。鹽酥雞比菇，比平時嘅炸雞比菇少一分油煙，無上炸粉。每粒都炸得香脆，外脆內軟，仍然保持juicy，調味亦正常。塔香炒海瓜子，海瓜子即是香港的蜆，數量幾多，但上到菜時已冷了，唔清楚係放左喺廚房好耐定點。味道有點太重，必須有飯一齊送先得。香酥雞扒蛋炒飯，香酥雞扒十分脆，雞肉亦幾嫩，但蛋炒飯又係唔熱的，亦無乜調味。招牌冰水果茶，茶底足味，亦多生果可以食，不錯。冰蜂蜜檸檬四季春，蜂蜜同檸檬嘅味道都好岀，野飲嘅表現好過菜式呢。

個人好鍾情台灣野食🇹🇼😌咁岩經過中染見到呢間都幾多人等位，好似唔錯既台灣餐廳，於是就試試佢。由於星期日，我地都等左二十分鐘先入座。我地三個人一共叫左四樣主食加一個芋圓。呢個滷水拼盤都幾大盤，個人幾欣賞佢個滷水汁，但就略嫌豆干份量偏多😂😂😂朋友點左個台灣腸，如果juicy d 會更好🤣🤣不過夾埋蒜片一齊食都幾香食得台灣野，叫滷肉飯是基本吧通常台灣食到既滷肉飯都係切粒滷肉，叁茶陸飯就用肉碎代替，但都唔會遜色，而且飯粒好綿😌我地一直期待已久既就係呢碗紅豆芋圓，可惜有少少失望😞個人覺得個奶太黏稠，如果稀d將所有材料撈埋一齊食會豐富d🙆🏻‍♂️整體來說，算係一間不過不失既台灣餐廳。

行過中染新城，見到呢間台式食肆，因約了朋友在別處食飯的關係，所以只是路過在此買杯飲品話明係台式食肆，要買的當然是珍珠奶茶了！但見到有仙草奶茶，由於酷愛仙草的關係就一於買來試試看了！在等待飲品的期間，見到食肆門外一直都充斥著等位的客人，相信應該都幾好食吧⋯不過野飲方便確是有點失色，奶茶比較多奶，完全喝不出有茶香味，以仙草奶茶來說，感覺比較失望....但是飲品不至於太甜，所以整體來說還算可以的。飲品都是賣$28，而且杯水還滿可愛的。

今日係荃灣做義工因爲都唔係太熟呢頭有咩食就求其入左一間無人排隊嘅餐廳。入到餐廳見到裝潢好靚都有預感食物唔會平。果然一見到餐牌見到lunch set最平都要$56，第一個感覺就覺得唔太抵食。我同其他朋友最後都嗌左最平嘅肉燥飯同一個大鹽酥雞share。肉燥飯勁大碗，啲肉燥份量都好多，夠撈食碗飯。而且都好入味，整體味道唔錯。另外飲品嗌左小龍紅茶，有朋友就嗌四季春青茶。呢兩杯飲品都係跟餐，唔使額外加錢。份量都算多，而且幾好飲好清爽，不過個人認為青茶好飲啲。鹽酥雞係幾好味，雞肉好鬆軟。份量真係好大，我地8個人都食唔晒唯一美中不足就係炸粉有啲厚，但好彩都唔會有好油嘅感覺。總結黎講係不錯，呢個價錢有咁大碗飯同特飲都算幾好。

唔錯的台灣野🤤🤤🤤肉燥飯肉燥juicy，味香，唔多肥肉， 岩晒怕肥肉的小妹HKD38香酥雞排配白飯🐥 加配肉燥 + 南投小農紅茶雞排外皮超脆但又keep到好juicy，椒鹽味香， 好似去左台灣咁HKD73 +8海鹽芝士奶蓋四季春青茶奶蓋調較得唔錯，芝士味出，口感綿密，四季春茶茶味亦好夠 (不過呢個杯做唔到每啖有芝士又有茶…）HKD28叁茶陸飯荃灣

黎到荃灣食晚餐 口痕痕想食台式野 所以就揀左呢間台式餐廳 食物同環境幾靚鹽酥雞分量好充足 炸得好酥脆 又唔會太鹹 裡面保留住肉汁 口感豐滿 係熱騰騰咁上枱 食落唔係好油大小亦都岩好滷味拼盤 細拼盤份量一啲都唔少，所有材料都滷得入味，最好香食五香牛肚。但可能全部都係滷水，食食下覺得有啲過咸。芝士雙莓奶蓋，這是新款的推薦飲品，芝士味10分濃而且厚厚一層鋪在面，下面將每莓打碎成果汁， 大分清新的感覺。味道：这里的菜式多样款式多，口感纯正喇。服務：服務態度好，店員臉上常有笑容。 環境ok，消費有比較親民

晚餐時段叫咗個鹽酥雞髀菇同埋台灣肉燥飯，見到Menu嘅糖水個樣好似好吸引，就叫埋紅豆紫米芋圓食。個飯還可以，雞髀菇幾好食。但個$38蚊既糖水就真係無誠意到呢。。。睇圖啦 😞

每逢食晏時間，間間餐廳都排哂長龍，根本揀唔到食咩，行黎行去見到呢間台灣野，就即管禁張飛睇下要等幾耐，點知原來只係等兩張台，就決定揀佢啦！等左15分鐘就有位啦～佢既套餐唔多選揀，都係啲例牌台灣野，最後我地一枱四人都一樣叫左肉燥飯加8蚊就可以加份鹽酥雞。等左唔係好耐就有野食，成個套餐既份量都唔少，肉燥唔會太過少，足夠撈飯食好難得鹽酥雞好鬆化，好新鮮，完全唔似係一早炸好放左好耐個啲，而且加8蚊黎講份量都好成正比，鹽酥雞好值得encore!其他配料都唔錯，個青瓜好入味，仲有半隻鹵蛋，叫套餐仲可以半價叫野飲。個價錢黎講都幾抵食！唯一差既係呢度職員態度好差，我地填紙仔叫野食既時候，唔覺意寫漏少少野，問返我地既時候語氣好無禮貌。

今日陪老婆大人行荃灣ikea，行到咁上下又嗌肚餓！唯有提早食個晚餐la。可能因為時間岩岩先開晚市，foodgulu都拎唔到飛，所以我地打算walk-in入去。去到餐廳門口見到排隊人數唔係太多，職員好快安排入座。其實次次黎叁茶陸飯都係必食果幾樣野！1. 台灣肉燥飯 2. 塔香鹽酥雞 3. 蜂蜜黑糖麻糬鬆餅。今日老婆大人話要扮健康dd，所以只俾我飲水，唔俾飲珍珠奶茶。從來都覺得叁茶陸飯的肉燥飯未必係最精美最好食最特別，但性價比一定係最高。雖然只係收＄38，但賣相、分量同味道一d都唔馬虎！肉燥和滷蛋都好入味，飯質也軟硬適中。肉燥和肉汁混飯吃實在一流。鹽酥雞則勝在脆而不油，大大舊！正！我地通常都會食個麻糬鬆餅！呢個鬆餅份量都唔少，一個人一定食唔哂！麻糬內饀煙韌、餅皮鬆脆！另外就係鬆餅配上好多cream，岩哂我呢！

幫襯佢已經好多好多次，經常行完 Ikea 就會黎食，就算唔去 Ikea 都會經過 counter 買飲品今次推介左3位朋友一齊黎食，事後3位朋友都大讚 上菜速度快到我以為自己去左快餐店，鹽穌雞，份量多，好香口，微微咸，朋友個囡勁喜歡，其實我地都勁喜歡蘑菇芝士釀雞翼，幾乎我每次黎都必點，$55 有四隻，出面好難食到，蘑菇芝士同雞肉都勁夾，雞翼整得又香脆三杯雞，份量都多，好入味，好香呀！而且全部細細舊，好岩女仔麻辣豆腐鴨血，驚喜在於煲住上菜，好似食緊麻辣火鍋咁，鴨血好味，豆腐入味。只係略略地唔夠麻辣，我覺得微微地辣吧炒四季豆簡直係好食到一口接一口既程度，肉碎香口，四季豆勁入味，雖然比較油，但堅係好味！呢碗乾拌麵又一流，肉肉惹味，蛋蛋入味 菜菜無沙，麵麵剛好又要大讚仙草凍！連朋友本身唔鍾意食甜品，都勁鍾意食。細珍珠好有咬口，仙草勁滑唔苦，芋圓有芋味，軟硬適中，紫米香甜，加埋椰奶，仲有視覺享受，食碗野 100 分飲品我推介左朋友飲奶蓋草莓，炭燒烏龍珍奶。不過今日想飲清少少，所以我自己叫左走糖既奶蓋烏龍茶，奶蓋好有芝士味，質地好 creamy 奶蓋草莓雖然貴 d , 但佢用大量草莓打成的，所以會