叁茶陸飯

營業中

休息中

我唔寫食評，但今次真係忍唔住，這間餐廳太多唔好的經驗一次由落單到上菜等了45分鐘，好過份！我叫了糖醋魚飯，結果等了45分鐘，我老公已經一早食完佢個餐，我又好肚餓，追了又追，還比我老公話我叫啲麻煩野好嬲，好似係我有問題食物又貴又唔好食，飲品又唔好飲，啲飯又硬，啲麵又唔好食，味道差啲差啲咁，員工工作態度又求其啲嘢好難食！感覺係唔值這個價錢！有一次主要想食鹽酥雞，所以叫了鹽酥雞肉燥飯，點知員工落咗單上菜先同我講無鹽酥雞？咁你又唔早講？如果早知無鹽酥雞，我會叫其他嘢，你還要話嗰鹽酥雞無就叫其他小食，還要幫我下單，還要下單時係2:20，到上菜已經是2:35，係下午茶時間！我食唔到我想食的嘢，又要比貴成$20食同一樣嘢，真係食到一肚氣最重要係唔好食！唔好食！唔好食！重要事情要講3次🔥

去荃灣想搵野食醫肚，嚟到呢間餐廳。佢有午市套餐，價錢大概$60-80，可以以半價換餐飲。我叫咗魯肉飯配雞翼，其實個飯一般，但係半價換珍珠奶茶同奶蓋係抵讚，同埋幾好飲🥤

餐廳係中染大廈，IKEA果個商場，有天橋係荃灣地鐵站駁過去無得去台灣都要搵台灣嘢食止止癮 🇹🇼 〰️〰️〰️〰️〰️〰️〰️〰️〰️〰️台灣肉燥飯 $38 賣相看似平凡，但食落就似足台灣風味，肉燥份量好多，滷水汁基本上能夠覆蓋每一粒飯，肉燥好入味，唔會好鹹👍🏻〰️〰️〰️〰️〰️〰️〰️〰️〰️〰️芝士蘑菇雞翅 $55 又係外表好似普通炸雞翼，但內裡大有乾坤雞翼炸得好脆，包住蘑菇同芝士，味道異常之夾〰️〰️〰️〰️〰️〰️〰️〰️〰️〰️坷仔煎 $98塔香鹽酥雞 $48 兩款都係台灣特色小食，去台灣夜市必買的最怕太油，呢度整到一啲都唔油膩，好香口，而且份量好足夠😋〰️〰️〰️〰️〰️〰️〰️〰️〰️〰️

公司附近一間環境比較靚既餐廳. 食台灣野. 特別受女同事喜愛. 因為LUNCH SET可以半價換台式野飲. 而呢度既奶蓋我覺得係唔錯既. 可惜牛肉面就一般過一般.食咗半碗就放棄.豬扒就算係唔錯既選擇由於當日老公過嚟陪食。貪心之下再叫咗幾小食。可惜無一個有特別。早知唔叫好過🤪嚟到野飲呢，就真係相當唔錯架。由其喜愛佢呢度既奶蓋

同朋友黎食飯，見到間餐廳，都幾鍾意嘅裝修，簡約又好舒服，所以都會有少少期待啦。點左兩個午餐，都有小菜送，好抵。但係午餐嘅雞扒飯真係真心唔好食，一黎冇味，二黎啲雞有啲騷，食唔落，雖然好大塊，但係都食唔晒。不過佢嘅鰻魚飯又真係幾出色，鰻魚又大塊又好食，蛋都好滑，所以比5分。兩個餐都送嘢飲👍👍我叫咗個炸金菇做小食，炸果層皮係鹽酥雞嘅味，都幾好食，但係咬落去唔係雞係菇，就感覺有少少奇怪啦！但都接受到既，有啲特色咁

台灣才一直係我最鍾意嘅菜式之一因為味道好夠濃呢間餐廳其實食過嗰幾次，佢嘅下午茶set係最抵，今次係係食晚市！呢度勝在樓底較高 ，餐廳整體上都有空間感啲坐得都比較舒服 。今日堂食嗌咗個鹽酥雞，滷肉飯同埋花枝丸呢度嘅鹽酥雞唔係傳統台灣大大件嘅鹽酥雞，佢係比較細件所以可以一口一啖。滷肉飯都有驚喜，$28嘅價錢，兩個女仔share都覺得夠食！值得一提嘅就係佢門外仲有counter for外賣台式飲品嘅,選擇好多,我臨走之前都忍唔住帶咗一杯走😚😚芝士蓋 無得輸呀😍😍🤭

自疫情開始, 每逄星期5就係我就被放NPL既日子,是但啦, 做人要樂觀D, 咪當有機會享用下平時週未無既飲食優惠聽男朋友講呢間台灣食店中午12:30前埋單有85折身為慳家與吃貨集一身既我, 又點會放過呢個機會我點左個糖醋魚配飯, 女人鍾意食酸尾尾野是常識吧成個餐包1個飯+3客前菜+1客主菜可能係85折關係, 前菜係有D"削", 無咩誠意可言但主菜既糖醋魚有驚喜魚柳微溫, 肉質尚算嫩滑糖醋汁濃稠度剛好, 每塊魚柳都可掛汁糖醋汁味道都酸甜適中, 伴飯佳品男朋友呢個都係我點既, 唔餓都要陪我食飯雞排黎講呢~~肉質有D乾, 不過尚可接受外皮不夠酥脆味道偏淡其實仲附送2大杯茶, 有四季春同烏龍茶揀舒適既環境+不俗既食物質素85折後, 2個咁豐富既LUNCH埋單都係$120唔可以話性價比好高, 但總算對得住個價錢

今日去左叁茶陸飯度食下午茶，因為疫情關係，店內唔多人。我同老公二人叫左兩個下午茶套餐，另外再加小食。我叫左蔥油拌麵，加滷水蛋，個蛋好肉酸🙈但太乾，感覺好似被人切左好耐好耐好耐咁。但係個拌麵好好食☺️老公叫嘅牛肉麵都好食😋兩個套餐都附有冷盤小食，但就麻麻哋好吃蒜泥白肉 同花枝丸就好吃😋😋😋飲品分別叫咗珍珠奶茶，同芝士奶蓋綠茶。味道都可以，預期中的味道本身想坐多陣，但係隔離枱有個呀叔喪咳，所以食完我都急急腳走🏃🏻‍♀️唔記得左食左幾多錢😂不過應該都會再光顧👍🏻

今次黎到係愉景新城隔離嘅中染大廈嘅8米半商場，餐廳係食台灣野，咁就睇吓個肉燥飯係咪真係同台灣個邊一樣咁好食先😋⋯⋯我叫左台灣肉燥飯($38)，係呀淨係叫一個飯咋，未講野食之前，間餐廳都幾易搵，不過差啲行過龍去左愉景新城，8米半一路直行就見到。11點去到一個人都無，入面裝修幾靚，內部環境唔錯。星期一至五中午食好似有折頭，緊係早去先有啦😉，不過今日係星期日，所以係無任何優惠咖😔⋯⋯台灣肉燥飯($38)，價錢黎講都算抵食嘅🤩，睇翻個餐牌，有兩張餐牌，一張係打直嘅，另一張就係大大隻字寫住Lunch Set，依張餐牌會貴啲，問過店員兩個都係同樣份量，Lunch Set個個台灣肉燥飯要$56，但係多左個前菜同埋有杯野飲(南投小農紅茶或彰化苿莉綠茶)。若果Lunch Set連加一要$61.6 ($62)比淨叫$41.8($42)貴咗$20到，唔同嘅係多咗個前菜同埋杯野飲。我覺得淨叫會抵食啲，唔夠嘅可以加多個小食都得⋯⋯肉燥飯個賣相都幾好，似足係台灣食嘅肉燥飯。咁都要試吓個味似唔似先，肉燥份量幾多，仲有半隻滷水蛋，肉燥夠入味，但唔會好鹹，撈飯一流，啲滷水汁覆蓋晒啲飯，粒粒飯都有滷水汁。一啖又一啖咁放入

去完台灣冇耐 好掛住d台灣野食 於是就同朋友去咗呢間餐廳食dinner😙雖然比起台灣,d野食嘅價錢的確唔係好平,但為咗止癮都照試試佢!!!我同friend叫咗2樣野食,1杯野飲同一個甜品一齊share😳１.台灣肉燥飯首先係正餐,台灣肉燥飯! d肉燥咸同甜嘅味道balance得幾好,但我覺得d肉碎好似有小小大粒得濟,但overall黎講係幾好食嘅!2.塔香鹽酥雞送上黎嘅時候熱辣辣,仲出緊煙,應該係啱唔炸好好脆,完全唔油膩, 同台灣夜市食嘅鹽酥雞有得揮👏另外,佢嘅擺盤亦都幾靚, 鹽酥雞上面有幾塊葉, 雖然唔知係咩葉, 但d味道都幾特別😂3.芒果海鹽芝士奶蓋不錯,幾香奶味又唔會太咸,芒果味都幾出,鐘意芒果嘅人可以試試佢4.黑糖芋圓仙草凍4號一個字:正! 我同friend搶食咁濟

服務態度差，點左杯熱水果茶出錯凍，明顯原杯拎去就咁叮返熱，味道欠佳，水果茶serving應該壺優雅透明茶煲上，佢就咁一個普通杯，收15% service咁嘅質素？

行完愉景新城,就想搵間台灣野食,知道中染新城有間口碑幾好既台灣野,要排隊都要去食!入到去見間店雖然好大,但都坐滿晒人!我地都肚餓,二話不說即叫左個魯肉飯,D魯肉唔鹹非常好味,飯香四溢,好正!食台灣野梗係要食牛肉麵啦!好大碗!D牛肉好入味又多份量,D湯都好濃味!我地仲叫左個炒野菌,都係好大碟,D椒鹽吊起D菇既鮮味,一D都唔寡!又健康!仲有D quota,於是叫左個醉雞,都好夠份量,不過唔太入味,D肉有D老,扣少少分!然後仲試左D台式特飲,我地叫左杯石榴汁同梅子特飲,都不過不失啦!

在荃灣找台式牛肉麵，見評語都ok，即管試一試，假日套餐，叫左個台式牛肉麵($88)，另一個叫台式牛肉孖寶麵($93)，再加香辣鹽酥雞($48)同套餐加配蒜泥白肉($32)，飲品點左招牌黑糖珍珠炭燒烏龍(套餐加$20)及巧克力珍珠拿鐵(套餐加$37)。等左十分鐘，先黎飲品，黑糖珍珠炭燒烏龍，非常淡如水，無甜味，巧克力珍珠拿鐵好少少有甜味，似朱古力奶，再黎小食，鹽酥雞唔脆，少辣，用雞胸肉，無骨，肉偏鞋，蒜泥白肉非常咸。到主角牛肉麵，湯頭淡無牛味，麵質正常，牛肚夠淋算最好食，牛肉用牛展，又un又鞋，搭2條小棠菜。整體偏差，全部食物偏淡，可能愛清淡人士啱食，但本人覺得連正常味道都無，環境不錯，價格偏貴。

去荃灣睇傢俬之前，找間飲品店，邊行邊飲。見到叁茶陸飯，有印象之前網上見過別人推介他的仙草芋圓系列。加上工業風裝修幾特別，於是俾個機會佢。最後決定飲最基本的黑糖珍珠茉莉奶綠。其實最喜歡係佢最緊粉紅色嘅stopper 好靚茉莉奶綠味道一般，正正常常；珍珠味道都正正常常的，夠q彈嘅；喜歡佢真係同我做咗少冰😂 因為有一些店是無視客人這個要求⋯⋯其實整杯飲品會太冰凍。25元，價錢合理。希望下次試下仙草芋圓系列！

今日約咗客係愉景新城傾嘢，我特登早到一個鐘，因為要嚟呢度食台灣嘢！呢間嘢12點半前埋單有85折，早啲去直頭係抵到爆。11點半去到有10枱客到。我是但坐過四人位都無詐我型。我叫咗個台式肉燥飯加多個台式鹽酥雞。個餐有免費嘢飲，我叫咗杯凍低糖綠茶，份量都唔少，係surprise的。個餐等咗20分鐘左右來到。我本身以為真係得一碗肉燥飯，點知原來有好多小菜跟，例如有手拍青瓜，蓮藕同埋一碗雜菜，好健康！鹽酥雞好鬆脆皮薄餡靚，係今日嘅另一個重點！因為份量多嘅關係，我爭啲12點半前都未食完！