叁茶陸飯

營業中

休息中

話說我朋友同我講佢前2個月食呢間野覺得食物同飲品都很好值得一試，點知佢1月頭果時再食味道竟然大變特變，喺變到衰左，咁我吾信佢啦，今日同另一個朋友去左試，點知吾試仲好一試就後悔，我地星期日去，竟然我啲野食上枱的速度比飲品更快，飲品我等左15分鐘左右先上到枱，咁我心諗好野更喺整得耐啲，但我見到岩上到枱啲奶蓋已經開始融緊，我就即刻快飲，搞到我濁襯咳左一陣，濁襯都未夠，啲茶喺苦咖，我都未試過啲茶喺苦咖，最後叫個仙草甜品想甜下開心下，點知喺搞到嬲上加嬲，一啖咬落啲芋圓度佢入邊竟然仲粉粉地omg搞什麼啊，而廚房炸野就有啲過油，炒野反而就正正常常，早知聽我朋友講吾好試，試完就唉唉唉

由安排入坐開始 店員已經好無禮貌 其中一個餐等左成廿分鐘先到 野飲又係差吾多食哂個飯先上 部分店員好大力放tray掉單 無下次 四個人加埋食左差吾多四百蚊 食物質素okay 不過啲服務令人卻步

今日叫左野飲外賣，估吾到味道同之前差好多，因為之前飲過味道很好，啲奶蓋咸甜適中，口感都好厚實綿滑，啲茶亦好香，但依家竟然變到又稀又得個甜字，啲茶又淡，飲落就好似甜奶水加冇味既茶咁樣，啲珍珠都吾同之前一樣，之前喺煙韌有咬口，咬落仲有黑糖味非常之吾錯，比起出邊好多野飲店都好，但依家啲珍珠吾知發生咩事，又冧又冇曬啲口感，又冇味，咬落就好似一粒冇味的冧珍珠，比我既感覺就喺好失望，我仲特意由旺角過去買，以前過去買我覺得值得，但依家就喺覺得浪費我車錢又浪費我時間，好失望。

前日10-1-2021(Sun)晏晝,同老公食晏,唔知食乜好,老公話呢間,因為幾乎每次送膠都經過,啊,咁好啦.我哋嚟到,係午飯嘅開始,睇完menu後,決定要兩個set lunch同一個小食.1. $78.00 嘅古早味新竹炒米粉從未食過新竹米粉,所以叫呢個.大大碟,配料有啲肉碎,冬菇,味道溫和,口感正常,不過我都係鍾意食莆田嘅興化米粉.(食評係15年5月24日刊登嘅呢篇: https://www.openrice.com/zh/hongkong/review/%E5%86%8D%E9%81%87%E8%8E%86%E7%94%B0-e2454498)味道: 3分2. 叫set lunch可以轉其他飲品,正價減$8.00(啤酒除外),我就要咗正價$28.00嘅熱招牌黑糖珍珠炭燒烏龍奶茶我奇怪珍珠奶茶有熱,啲珍珠會唔會被熱到熔?呢個茶味好淡,黑糖珍珠冇熔到但太腍,冇乜口感.味道: 0.5分3. $78.00嘅鳳梨黑醋骨配白飯份量適中,黑醋骨外脆內軟,味道亦較得唔錯.味道: 5分4. 正價$48.00嘅雙莓海鹽芝士奶蓋呢個大大杯,根據menu,雙莓係士多啤梨,呢個味道係好飲嘅.味道: 5分5

記得好耐之前食過味道唔差，cp值幾高，要等好耐位。難得今日經過想食台灣野，見到冇咩人就揀左黎食。座位都整潔，但枱與枱距離有點窄，出入都要小心會撞到隔離枱食物。香煎蔥油餅（$28）非常失望，想像中既蔥油餅係鬆脆可口，但呢到既係又薄又淋，舖滿曬油，食落剩係覺得成口油，完全冇蔥香味，唔知食緊咩。皮蛋豆腐（$48）又係失望，首先全碟都係好凍，食落剩係得雪味，皮蛋豆腐都冇味，只係得醬料既冰凍味，完全不合格。台式鳳梨香腸蛋炒飯（$68）極普通，材料好少，得少量香腸同菠蘿碎，完全唔值呢個價錢，味道也平平無奇，偏油膩。鳳梨黑醋骨（$88）正正常常，有黑醋味，食到排骨既雪味，而且肥膏偏多，菠蘿又碎又少。髒髒朱古力珍珠奶茶（$38）呢樣係整餐飯唯一滿意的，賣相吸引，好吸精，味道又唔會過甜，珍珠都彈牙。🔸🔸🔸🔸🌟價錢 - 5/10 🌟回頭指數 - 1/10

之前已經飲過幾次佢既奶蓋飲品奶蓋厚同濃茶味再加上學生有折扣價錢亦合理但今次經驗有點唔愉快平日晏晝去買佢除左要做外賣仲要做水吧所以都幾忙 所以都體諒要等耐少少但等等下 之後既單都出左但我仲未拎到飲品原來佢漏左單 等左二十分鐘😢但店員比飲品我既時候都冇表示任何唔好意思令人覺得唔太舒服而且今次既奶蓋融得好快 好快已經同茶混合埋一齊應該今次既奶蓋比平時稀😣作為幫襯過幾次既客人係有點失望既一次經歷希望下次店員同奶蓋質素都會回復水準😢

已經好耐冇去台灣旅行食好野😖唯有係香港周圍食~星期日嘅午餐黎到中染新城搵食商場人山人海每間餐廳都好多人等位最後同屋企人揀左食叁茶陸飯等左半個鐘就有位🕰星期日餐廳都有午市套餐全部都係地道嘅台灣菜色或者小食~餐廳嘅落地大玻璃吸收自然光🌤提供一個舒適環境比食客不過樓面職員唔係太多想落order都要等一陣😶每個餐都跟一杯紅茶或綠茶凍熱亦可☕️加$5就有珍珠、仙草、椰果唔同嘅topping天氣轉涼飲番杯熱飲就暖入心古早味新竹炒米粉($78)一上枱就俾佢份量嚇親起碼要兩個人先食得晒🤭裏面落左魯肉一齊炒味道唔錯唔會好鹹👍🏼鳳梨黑醋骨配白飯($78)黑醋骨酸酸甜甜送飯一流每舊黑醋骨都好有肉💪🏼唔會淨係得骨香煎韭菜餅($30)四個餅細細但裏面都超多餡韭菜味非常重唔好韭菜嘅朋友就要諗清楚🤣

第二次黎食lunch啱啱開張嘅時候黎過一次今日再同朋友黎食 好似好食左lunch set黎講 價錢唔算平叫左一個紅燒牛肉麵 加椒鹽豆腐牛肉麵好食 份量都好多 大食嘅我都食唔晒佢啲麵 湯偏甜但我覺得好好飲 牛肉夠淋 幾好食椒鹽豆腐不像我預期 我預期咬落去係軟嫩嘅豆腐 但佢嘅感覺好似加左魚膠粉咁 比較彈牙同實正 有啲奇怪 飲品點左芝士奶蓋烏龍加珍珠佢唔記得加珍珠 由於奶蓋已經封住左杯飲品 於是佢另外比一兜珍珠我自己加都幾大兜 珍珠有甜味夠煙韌 幾好飲整體黎講味道ok 係唔太值呢個價

週一的平日大約7:30想一家人食晚飯、想食啲香口啲嘅嘢、諗起不如食台灣菜啦、所以就去咗八咪半的「叁茶陸飯」、地點相當方便、好近地鐵站、行過去大約8分鐘。四個人叫咗六樣嘢及一碗白飯。麻辣大滷水拼盤：幾辣好香口、雞翼好Juice、牛肚好入味夠淋有咬口、滷水蛋同花生都好入味、豆乾好入味但有啲硬、$98大份又抵食三杯雞：上枱時煲仔渣渣聲好吸引、味道好香、雞肉唔乾、好味皮蛋豆腐：汁醬杰咗d、皮蛋豆腐一般大路、肉鬆唔係貴野、40幾蚊都抵食嘅香酥雞排蛋炒飯：雞扒好大件又厚身好脆又唔油、勁Juice。蛋炒飯底唔油夠乾身好味塔香鹽酥綜合拼盤：花枝丸好味夠彈牙、鹽酥雞完全中伏、一粒粒好碎唔好食、甜不辣更差硬繃繃好乾、台式香腸幾好一般大路、都算抵食嘅鳳梨蝦球：完全係伏中伏、叫嘅時候以為係好靚用一個菠蘿裝住啲炸蝦球好似咕嚕肉咁、但原來係炸蝦球上面林沙律醬白曬曬賣相非常之差⋯希望改善一下服務態度、招呼入座位男士好似想趕客咁、同佢講話啲鹽酥雞太碎佢話來貨係咁⋯咁即係大家以後去唔需要嗌鹽酥雞、因為唔係餐廳自己整、是叫貨返嚟的總括嚟講味道真係唔錯、味道雖然好濃味但係唔太多味精、碟頭夠大好抵食、下次會再來的

行下荃灣，又差唔多到tea嘅時間，呢間想食好耐，佢哋嘅logo好得意，叫做"叁茶陸飯"。佢哋嘅Tea Set由Set A至Set L，共有十二款 選擇，免費飲品有南投炭燒烏龍茶和南投四季春青茶。 如果唔夠飽仲有12款小食可以加，價錢由$6至$28不等。我哋兩個人揀咗一個塔香鹽酥綜合拼盤，加錢轉飲品凍海鹽芝士奶蓋四季春茶;凍海鹽芝士奶蓋玄米煎茶。下午茶拼盤分別有花枝丸兩粒台灣腸兩條和鹽酥雞。估唔到個拼盤份量都唔細，廚師仲好細心將D 台灣腸切到一片片，腸配埋蒜片食簡直perfect，仲有側邊有兩碟小吃伴碟分別 有泡菜同埋鹽脆花生。飲品個茶底就好似淡咗少少，芝士奶蓋都有creamy嘅感覺。坐位嘅環境都好闊落， 裝修和燈光覺得有啲warm feeling。

今日 我們Lunch食台灣菜我們叫了「塔香鹽酥綜合拼盤」、「和風秋葵」「台式牛肉麵」、「關西仙草奶茶」、「法芙娜朱古力珍珠奶茶」🍽🍽🍽🍽🍽🍽🍽🍽🍽🍽🍽🍽🍽🍽🍽🍽塔香鹽酥綜合拼盤：台灣香腸好味, 花枝丸正常, 鹽酥雞比較乾 無鎖緊肉汁, 炸甜不辣正常和風秋葵：不過不失台式牛肉麵：牛肉味道正常, 但牛肉份量比較少, 而湯底是屬於濃味, 麵條正常關西仙草奶茶：正常法芙娜朱古力珍珠奶茶：飲落似普通的朱古力加了珍珠CP值🌟60%

［荃灣］叁茶陸飯 -行到咁遠黎到中染，見到呢間台灣野幾靚仔喎！lunch set有小菜，main同埋飲品。-酸辣魚薯粉第一次係台式店見到酸辣魚🤪諗起個辣啲口水都流曬出黎！前菜醃青瓜同泡菜！好開胃呀-❣️湯底：🔥辣得好過癮，食到最尾個嘴都麻麻地❣️薯粉：🍜軟硬適中，索曬啲湯底❣️魚：唔似雪藏魚，好有魚味，可惜得5舊仔😭-餐飲加錢轉左芝士奶蓋烏龍茶🥤啲芝士奶蓋多到嘔😂🤣鹹鹹地好rich！齋食左兩啖之後就撈勻佢飲🤪正！-不過價錢就貴咗少少🤏性價比唔係特別高！得閒可以嚟試一試！

每次路過都被門面吸引，好想入去試一試。今次係我第一次惠顧呢間餐廳，係朋友推介的。因為剛好就約左一大班朋友歡聚聖誕。餐廳內裡環境整潔及舒服。仕應又特別安排左張長枱比我地12人，有大人&細路&BB，餐廳好細心有小童餐具提供，亦有特別安排BB嬰兒車位置比我地擺放。食物款式就大多數適合大人食用，因為味道比較濃，部份又有點辣。我地仲點了兩個羊腩煲，好好味吖。而小朋友就可點一些不辣的肉燥飯或四季豆及小食拼盤。整餐飯都非常歡欣。忘記拍攝食物照片，所以不能分享比大家睇。

行下街腳仔攰又見肚餓加上得自己一個揾間餐廳坐得舒服啲食下午茶,可能係假日所以冇輕盈嘅小食叫, 大多係飯麵餐, 唔想食太飽惟有散叫吧招牌炭燒烏龍珍珠奶茶#大大粒嘅珍珠,咬落煙韌#烏龍茶味香花雕醉雞卷#雞卷已去骨,咬落去啖啖肉#花雕酒味亦算濃,醃得入味#仲有幾粒紅棗,感覺養生呢間餐廳主打台灣菜,款式又多。而且甜品選擇也十分豐富,有麻糬鬆餅、芋圓仙草、檸檬愛玉等。下次約埋朋友仔嚟試多啲先

一間只顧做生意，在疫程下不顧食客健康的無良食店，以後不會再光顧!看看店內大把位還要食客迫迫埋埋一齊食飯！先是給你坐位話隔離唔會坐人，轉頭隔離坐位又叫人坐，在這疫程下還這樣安排！