去滾

營業中

休息中

趁天氣仲涼涼地，男朋友好想去食個高質火鍋🍲依度地方比較大，枱同枱之間有野隔住，減低成為打邊爐家族風險！原隻椰子雞湯 ($268)有半隻雞同成個椰子🥥放入去煲，超香椰子味，成個湯底吾會油膩，飲落好潤好養生🥰至尊天九牛腩頭 ($378)打邊爐至緊要有牛肉😍脂肪比例剛剛好，吾係入口即化個種牛肉，而係啖啖都有牛肉香味，好有咬口但又吾會多筋🤣不過定價略高，肥牛價錢較為相宜！手剁牛肉餃 ($58/4隻)平時食既餃子🥟通常係豬肉/素菜，依款係以牛肉為主，好創新😍皮薄餡靚，口感就好似牛肉球咁，不錯👍🏻哈波子手打蝦丸 ($68/4粒)蝦🦐丸超彈牙，真材實料大大粒，入面仲有d蟹籽好有咬口啊！蝦膠釀油炸鬼 ($95)原本以為係火鍋材料之一，泥到先知原來係小食🙊油炸鬼入面釀左蝦膠，油炸鬼好脆口，但食落有d油，我地浸一浸個湯底，發現更加好食😋保持到脆口，又有一份濕潤感🤣百花齊放蔬菜拼盤 ($88/3款)有八款蔬菜選擇，分別係豆苗/皇帝菜/冰菜/油麥菜/娃娃菜等等，蔬菜十分新鮮，但價格都略微太貴😭

上次經開銅鑼灣見到一間叫「去滾」既餐館，已經被佢個名吸引，所以今次特登慕名而來，同朋友一齊滾！店內既環境舒適寂靜，並以黑色牆身作為主調，顯得十分型格。仲有露天位有靚景睇。店員有禮既接侍後，我地就坐低，慢慢點餐。由於餐廳係以火鍋為主，所以每一張枱上都會準備一個電池爐，比每位客人享受火煱既樂趣。原個椰子雞湯底，新鮮既雞，再浸入香甜的椰子湯後，雞肉肉質鮮甜，只需一口咬下，已經不經不覺間溶化，非常美味，再配合椰子湯，有昇華既作用。至尊天九牛腩頭。牛肉既味道比平常既肥牛較為香濃，牛肉味較重，但肉質非常嫩滑，入口即溶。原隻貴妃蚌。原隻特大貴妃蚌，配合椰子湯後，貴妃蚌既鮮甜既味道變得更明顯，咬落去非常爽口！火雞姐餃唔餃。火雞姐餃唔餃其實係牛肉鮮餃。牛肉鮮餃浸過椰子湯後，令餃子內充滿椰子湯，有非常可口、惹味。哈波子，哈波子其實係手打蝦丸。由於係人手打的，所以蝦丸咬口非常彈牙，亦有香濃鮮蝦味，非常惹味！整體黎講，無論食物既質素、價錢、同環境都係合理，值得大家一試。地理位置位於論鄰近時代廣場，所以亦唔會太難搵。

與另一半去了一間非常有gimmicks的火鍋店，火鍋店不但混合了中西元素，裝修更別樹一格，充滿玩味👍🏻除了裝修別緻外，火鍋店亦注重細節，連其他用品亦與火鍋店主題相關及一致，如肚兜款的圍裙和condom包裝的濕紙巾！最喜歡戶外的「邊爐區」，環境優美舒適，即使不是到火鍋店圍爐，而是一邊看著景色，一邊吹著涼風喝酒，亦很寫意！火鍋店分別提供火鍋套餐或單點火鍋配料，我們點了一個二人餐、濟州黑豚腩肉、竹蔗馬蹄水及Asahi生啤，另點了芫茜皮蛋滑豆腐湯底！芫茜皮蛋滑豆腐湯我們每人先飲了一碗湯，湯底奶白色，味道清甜，豆腐真的非常滑；酥炸龍蝦球龍蝦球新鮮熱辣即炸，非常金黃香脆，是不錯的餐前小食；飛魚子鱈蟹柳、魚皮餃蔬菜拼盤（唐生菜、粟米、炸芋頭）蟹柳及魚皮餃普通，不過不失；唐生菜及粟米則非常新鮮清甜，清洗得非常乾淨；海鮮拼盤（海蝦、象拔蚌、貴妃蚌、元貝及花甲）海鮮非常大隻又新鮮，真的鮮味十足👍🏻而且清洗得非常乾淨，令食客們非常放心！濟州黑豚腩肉黑豚腩肉切成薄片，灼一會就可品嘗，口感爽口彈牙，很有肉味，好味得只顧食而忘記拍照😂；竹蔗馬蹄水店員知道我想要熱飲，所以便為我以熱水溫熱，服務很貼心，讚👍🏻自家製的

在這嚴重的疫症下，為左怕了人傳人，街上的行人少之又少，何況到餐廳食飯呢？為保自已的健康，都要個人保持個人衛生。躲在家中很久了，自我隔離時間，真是沒啖好食，趁着疫情稍為沒有甘緊張，要出關走一趟吸下空氣，難得是家人都在家，想食打邊爐，只要大家用公筷、個人衛生，一齊圍在一起聚餐，也不怕。何況，我哋選擇的餐廳，位於大廈的高層，餐廳分有室內、室外、又有海景，可以吸收新鮮的空氣，在這美麗的夜景下，食得零舍開心，忘記這個疫情，開懷一下。室內的裝飾都好吸引，有特色，餐桌擺放距離都寬躺，整潔乾淨，每位客人都會有一件膠的圍裙提供，對客人服務真是就到周到。 鴛鴦湯底，番茄豬骨薯仔+秘製沙爹湯底，湯底內的配料十足，番茄夠香濃、鮮甜、沙爹香辣，開胃又美味。肉類拼盤，裝上一艘船似的，揚帆出海，滿載而歸，有A5野崎牛肩肉、至尊天九牛腩頭、至尊寶崩沙腩、牛脷芯、黑毛豬豚肉，材料上乘，鮮肉肉質鮮嫩，嫩滑，多汁，入口即溶化，牛腩頭及崩沙腩，熬煮至稔，只稍稍在湯底裏滾滾，即可食，一點都唔覺油膩。野崎手握蝦卷，是小食，可以放入濃湯滾下，也不錯，蝦肉肉質鮮甜，彈牙爽口，人人愛食。火鍋配料拼盤，有牛肉餃、飛魚子、鱈蟹柳、沙拉海鮮

最近知道金朝中心個一間打邊爐，裝修好靚，環境不錯，約左朋友一齊去食下野同傾下計， 位置都好易搵係登龍街入面，一上到整層都是去滾，侍應好快安排我哋入座，服務態度好好，侍應員好窩心，送上一枝搓手酒精比我。元茜皮蛋豆腐湯 整個都元茜，我飲湯前會覺得好重元茜味，又唔係好勁，啲皮蛋同豆腐都好滑，個湯好清好好飲。酥炸龍蝦球 點個沙律醬口感好夾，海鮮拼盆 上菜見到啲蝦仲郁緊，啲帶子又大粒，啲海鮮好新鮮，食落去新鮮味。 鮮肉西洋菜餃/菜苗餃/皮薄，食到入面材料好足，手打墨魚滑 食到好彈牙白蘿蔔/ 蓮藕片 食落好爽口，好新鮮同甜，其他野食一般打邊爐都會叫飛魚子蟹柳 /魚皮餃/ 粟米 / 炸芋頭 /唐生菜/打邊爐唔少得叫出前一丁，個湯底咁清，夾埋個麵好味！當然唔少得食甜品椰香脆麻花 份量唔少，仲要食落去好香脆，有蜜糖夾埋椰絲好有口感。

呢幾日又凍番，行完山就bino下暖身。 黎到銅鑼灣，當然少不了去我至愛bino餐廳🍴啦！ 呢間店既套餐成日會因應季節而轉的。 今次就食左呢個清甜椰子🥥雞🍗湯底。 唔係講笑，成個椰青係你面前倒落湯度，侍應再人手刮d椰子肉出黎。落鍋唔使幾分鐘，陣椰青香就出晒黎。 湯底我就例牌飲兩碗🥣嘎啦！ 今次飲左三碗😂😋 太好飲！ 好似自家湯咁正！ 雞肉熟左就要食，唔係會柴嘎！ 我地啱啱好熟就食，就好鮮嫩啦。到至尊天九牛腩頭，哇哇哇，好諗，靚牛🐂！ 果然入口即溶，好食！ 貴嘢就真係一分錢 一分貨！ 至於貴妃蚌就仲正呀！ 好鮮甜又爽口！又易咬😂😂👍🏻👍🏻👍🏻 我下次會追加！今次食套餐太飽啦😂手打蝦丸同手打牛肉餃就真喺保持水準！牛肉餃啲肉好實淨，好似乒乓波咁大😂😂最後，椰香脆馬花，好好好食啊😋！ 一定要食，okay? 自己廚師👩‍🍳自己整（侍應講的！） 唔係大陸來貨。 好脆，味道啱啱好，唔會太甜。 至於個青菜🥬盤，種類多，加埋呢隻湯底，唔正都唔得啦。哈哈哈食完，仲要送一支消毒酒精搓手液，好窩心貼心！ like!

銅鑼灣原來有一間隱世火鍋店，位於金朝陽嘅高層位置，面向維景呢個咁美麗嘅景色，喺海景下打邊爐真係好舒服！食火鍋最重要就係湯底，所以我哋叫咗個龍蝦花甲海鮮湯，食要食盡佢，而呢一個海鮮湯會有店員係你面前將海鮮放入鍋，然後點火先進行火焰嘅過程，再加入海鮮湯，然後職員會提示先吃海鮮，所以我哋個個都食到舔舔脷食完海鮮之後我哋叫咗濟州黑豚肉，呢個黑臀肉已經預先切成條，而且唔會太油膩，因為油脂分布非常平衡，食落仲有新鮮嘅味道，放落海鮮湯令到豚肉味道更加出之後我哋叫咗個響鈴，食海鮮湯點可以唔叫響鈴，響鈴吸盡湯底嘅精華，非常鮮甜然後仲叫咗四隻餃子，餃子🥟皮薄料多，食餃子最唔好就係皮厚，四隻真係唔夠要再encore另外小食方面我哋叫咗個椒鹽豆腐，要來做送酒嘅小食！同事不知食得幾開心呢間野絕對有下次

今日我哋去咗一間面向海景嘅去滾火鍋專門店，呢一間火鍋店裝修非常別致，好有怡紅院嘅風格，而且仲有室外同室內嘅位置比客人選擇呢度嘅湯底都選擇好多，但係我哋今日決定食好啲，叫咗個原隻龍蝦花甲海鮮湯，呢個海鮮湯真係好特別，職員會喺我哋面前點火，做出火焰嘅效果，而且龍蝦非常之新鮮生猛，成個湯都好有海鮮嘅鮮味然後我哋即日手切陀地靚肥牛，肥牛油脂分布平衡，而且帶有好重嘅牛味然後我哋叫咗一個蔬菜拼盤，有多種蔬菜組成，每樣都有啲！最後叫左個臘腸花菇雞煲仔飯，煲仔飯非常足料，而且花菇雞非常嫩滑，仲帶一點飯焦，好有煲仔飯嘅風味

係cwb 時代廣場出 之後再行去登龍街果到 果座大廈先去 唔好去錯！！！環境好特別！ 有種去左唱k架感覺！ 裝潢都好凸出！好新奇！！出面仲有個露天地方 可以睇到維港！！仲花左d心思係到 可以比人打卡！！！食物名稱都改得好抵死！！係香港好少有圍巾！好得意！張濕纸巾 個設計都好鬼抵死！！！d打邊工具都好齊！！！佢d醬自己出去混 我最欣賞係有炸蒜片！！我地叫左個餐！湯底簡左皮蛋芫茜豆腐！e個有驚喜！！好濃！唔似出面水咁！頭盤係芥辣沙律醬 炸龍虾丸！個醬好正！唔太沖頭！！開胃！魚皮餃同蟹柳 正常野！雜菜盤 係個炸芋件！ 夠粉！海鮮盤 黎到果時好浮誇 有d干冰係到 d貝就夠鮮 夠甜 夠大 正到爆！之後唔係好夠喉 點左 個牛舌心 同牛胸爽 都係d出面比較少見到 牛舌心 好淋！正！最最最正係個牛胸爽 ！6佢幾秒即食！正爆！不過今餐係我比錢 之後又可以食反男朋友十餐八餐啦！！嘿嘿

今晚突然有空，和友人聯絡，他們都有興趣一起吃飯，所以便來到了銅鑼灣這間特色的火鍋店。這裏的裝修，懷舊中帶點格調，調皮又可愛。椒鹽豆腐，以猴子🐵模型製做的乾冰效果，很有仙氣，這個擺盤的心思別出心裁，值得一讚。椒鹽豆腐外脆內軟，如果淡一點，味道更好。原隻龍蝦花甲海鮮湯，侍應首先將洋蔥和薑，在鍋上炒香，再將龍蝦、海蝦、蜆和蟹放在煲內，加上燒酒點火，讓燒酒的熱度，帶出海鮮的鮮味，再將龍蝦湯倒入鍋中，待滾熱後，便可以享用。龍蝦湯吸收了海鮮的鮮味，味道比純龍蝦湯更鮮甜，多了一種層次感，所以不知不覺之間，每人喝了兩碗龍蝦湯，才開始火鍋。即日手切陀地靚肥牛，廚師用巧妙的刀法🔪，將牛肉切成薄薄的一片，讓牛肉只需在鍋內滾幾秒鐘，便可以進食。牛肉味道香甜，不需要加上任何醬汁，便可以享用。濟州黑豚腩肉，肉味鮮甜，脂肪甘香可口，第一次吃來自濟州的黑豚肉，印象深刻。八秒卜卜趣響鈴，自家製的響鈴，放在湯內只需八秒，就吸收了湯底的鮮味後，香脆中帶點龍蝦湯的味道，是火鍋配料中，必選之一。手剁牛肉餃，餡料內牛肉，有點像山竹牛肉球的味道，用來作為火鍋配料，創新又滋味。蔬菜拼盤，份量不少，吃火鍋就一定要有蔬菜，這樣才算健康。

最愛打邊爐，越無得滾，越想去滾，今晚就去滾一滾喇！Midtown大堂入口有專人為每位入大廈嘅客人檢測體溫，心理上都安心咗啲啲～ 一出𨋢就見到 霓虹燈牌，成間舖以老香港夜場為主題作陳設呢度設有貴賓房之餘，另外有個靚景露台位，望到個維港，仲可以戶外圍爐添呀～ 被安排入坐卡位，牆身有兩位懷舊旗袍女士陪食調味醬料係自助式，共有十二款調味料可選擇“請勿衝洞(動)，滾前請用”，注重衞生係安全啲嘅！抹乾淨雙手就開餐喇🥢~大海無量~ 芫荽皮蛋滑豆腐湯酥炸龍蝦球海鮮拼盤 (游水海蝦丶象拔蚌BB丶生猛元貝丶貴妃蚌丶花甲) 飛魚子蟹柳魚皮餃粟米丶炸芋頭丶唐生菜海鮮拼盤由乾冰拌著出場，見到都開心；游水海蝦好生猛，啲腳仔仲郁郁吓(I’m Sorry🦐)，象拔蚌丶元貝丶貴花蚌，全部都好新鮮丶鮮甜！！花甲就海水味重丶略嫌偏䶢，身為海產愛嗜者，表示滿意！

**去滾**上次經朋友介紹 得知有間可以露天打邊爐既餐廳今日就無懼 '打邊爐家族' 既效應同老公去滾一出LIFT 店員幫我地量左體溫先,然後消毒雙手安排左我地坐卡位,呢度地方好大,仲見到有包廂同露天既位MENU上既食物名好有味道,好搞笑我地嘅湯底揀咗椰子雞煲，店員會拎個新鮮椰青嚟倒椰子水落雞煲。另外叫左牛肉餃、墨魚🦑丸、蔬菜拼盤同埋牛頸脊，呢度仲有甜品我哋就揀咗椰香脆麻花。大贊嘅係牛頸脊好有肉味，墨魚滑打得好彈牙！而且服務都好好。只係可惜定價有啲貴...都係一個高消費嘅一餐

每逢收工都唔知食乜好🤔，見天氣涼涼地都會諗起打邊爐，近期打邊爐都特別注重湯底，有養生功效之餘，當然環境都好重要啦😊！韓國人蔘山藥烏雞湯店員提議打邊爐前先來喝一碗補身湯，以人蔘、山藥和烏雞等藥材熬製而成，入口已感到濃郁又滋潤👍🏻👍🏻！金甲脆魚皮🐟鮮炸魚皮已經好香口好爽脆，再加上蛋黃味道，更加惹味，食唔停口😅！澳洲和牛肋眼上蓋🐂大大片，色澤紅潤新鮮，輕輕滾一滾已經食得，牛肉味濃，肉質嫩滑。手打墨魚丸不是冷藏丸，是全部人手打出來的，非常新鮮彈牙，咬落食到一粒粒的墨魚粒，口感不錯！日本廣島蠔大大隻又飽滿，鮮甜又惹味亦帶點爽口！長生不老😅😅是雜菌拼盤！家鄉番薯糖水薑味濃，有番薯之餘重有兩粒湯圓，果然足料！餐廳重有個戶外場，可以吸啖新鮮空氣之餘，仲可以望吓個靚景😃！

 港式火鍋專門店又多一間選擇啦銅鑼灣登龍街樓上鋪新火鍋店店內裝潢特意整得有點懷舊風格亦設有戶外區,睇到風景兩人套餐,包括海鮮拼盤一客,小吃湯底元茜皮蛋滑豆腐湯蔬菜盤等等價錢上一定係中上,但質素真係唔錯海蝦上菜仍然是活的,食起來特別鮮味 先到醬料吧自助混醬,辣椒蔥麻醬薑齊全~ 無味精真濃郁湯底先喝一碗靚湯,先再落料打邊爐超多料,大量皮蛋,起碼有2隻,豆腐嫩滑另有大量元茜!!湯鮮甜,香氣足 海鮮拼盤一客鮮鮑魚切片上,元貝2隻,活蝦等時令水產 以鮮為主打,食材極為高質素喜歡食海鮮一定滿意 喝完濃湯,食完海鮮最後可以落埋丸,餃,蔬菜等等~ 新鮮既海產遇上鮮味既湯底兩者配搭上來味道更見突出有2間VIP獨立房附唱K設備牆上有唔同性感美女嘅畫像

食火鍋無分季節，但在天氣凍更加想圍住火爐食打邊爐，跟朋友「去滾」，更加正！呢晚約咗朋友聚舊順便食火鍋，相約去銅鑼灣呢間「去滾」，位置方便，而餐廳名字夠哂港式地道，而餐廳主打80 90年代設計，霓紅光管招牌，夠親切又有特色gimme. 每個位置放有一卷東西，原來係可作圍裙用，好細心呢！食物方面，先講最緊要既湯底。點左個胡椒豬肚雞鍋，天氣凍飲完即刻暖身，胡椒味濃郁，豬肚爽脆不會有腥味，加埋新鮮雞，雞肉嫩滑，整個湯香醇可口，非常暖胃。至尊天狗牛腩頭：上碟好靚，有個牌寫住淥的時間，避免過熟。用左較罕有的牛品種，牛腩頭部位肉味香濃，色澤均勻分明，肉脂比例分怖完美，焯熟後，肉質嫩滑，肉絕不韌。分量足料，必點的牛肉之選！原隻貴妃蚌： 新鮮貴妃蚌，冰鮮送上 晶凝通透，蚌肉好爽脆，味道鮮甜，極之鮮味，回味無窮！菜灼鹽攪唔餃（菜肉餃）：連菜名都咁有諗頭，睇就知唔係普通菜肉餃咁簡單，餡料豐富，肉味鮮味，手工皮薄餡靚，不簡單！牛b子（手打牛丸）：手打牛丸好實淨，真材實料，手工製作別具心思及風味, 味道肉味香濃，手打特色夠彈牙。百花齊放蔬菜拼菜：連蔬菜盆都講究，有我最愛的豆苗，極翠綠香甜；還有生菜，油麥菜，各