去滾

營業中

休息中

今日放工凍凍地餓餓地咪諗住去揾間正啲嘅餐廳打邊爐，竟然俾我發現新大陸。餐廳內裡充滿懷舊風味的裝修, 環境新凈又企理, 感覺上有啲似回到民初時期, 令我即時諗起tvb啲劇。 依度特別之處係有個露台，可以坐出去一邊睇下港島嘅靚景，一邊打邊爐。一開始叫左個皮蛋芫茜雜菌湯底，食得出俾左好多心機去煲，好濃嘅皮蛋芫茜味。首先叫乜到都有，有齊唔同海鮮，食得出好有鮮味，隻蝦臨落之前仲郁緊。配上依度自己整嘅醬汁，好好食。之後有個酥炸龍蝦球，好好食，好脆，再配芥辣，簡直一流。之後叫左個蟹柳同牛肉餃，係真蟹，唔係出面啲麵粉，好好食。最後叫左啲玉米，生菜，都好有鮮味，好明顯係靚菜。最後講下依間餐嘅服務。侍應點菜上菜時非常殷勤，不時幫我地倒水同問我地有乜需要，所以服務上我俾滿分！價錢黎講我地兩個人食左大概$500。以咁高質素嘅食物黎講算係物超所值。所以整體黎講我對今餐嘅評分係9分！

前排因有打邊爐的人感染肺炎，令人人心惶惶，唔敢打邊爐。但政府同衛生署都講到明完全唔關打邊爐事，作為邊爐迷仲唔即刻去止癢「去滾」聽咩都估到係間火鍋店，坐落銅鑼灣登龍街，地點十分就腳餐廳裝修十分有心思，所有裝飾擺設就連點餐紙同埋餐牌都完全配合「滾」的主題，勁多打咭位，好啱成班老友一齊黎滾一滾食物方面，我地因為得兩個人，叫咗個二人餐，包括：1. 原隻椰子雞湯（半隻）：侍應會即場倒入成個椰青水，仲會刮埋入面啲椰青肉入去滾，跟手放埋雞件，個湯十分清甜，湯底仲放咗竹苼、馬蹄同少量薑片，冬天飲，正雞肉都ok嫩，不過要快啲食，滾得耐就無咁好食2. 至尊天九牛腩頭：侍應建議食完雞之後食牛，因為個湯底可以吸埋牛的牛油。牛肉十分有油香，咬落有口感，肉味鮮甜3. 牛肉餃同手打蝦丸：力推手打蝦丸，味道鮮甜，十分彈牙，仲食到啖啖蝦肉4.原隻貴妃蚌：新鮮，食落無沙鮮甜5. 椰香脆麻花：呢個甜品好有驚喜，即叫即炸的麻花，好香脆，而個麻花本身好簿身，咬落唔會好硬又唔會好油膩，麻花面頭仲淋咗啲蜜糖定唔知麥芽糖，加上啲椰絲，甜甜地又有椰子的未香味，食完一舊又一舊，停不下來的感覺值得一提的係餐廳有個露天花園仔，可以喺度飲下野

拖左朋友好久的火鍋，系肺炎既時間約成。今晚兩男士相約去滾。來到餐廳, 趣味十足，裝飾標語如吾滾吾知身體好等標語甚好笑。我地點了套餐B,一會兒，先來了金甲脆🐟皮。我同朋友都盛讚。脆而不亁，黃金蛋味香濃。個人選擇偏愛直接品嘗.人參烏雞湯到，滾後來品一口，好純正的人參味，好喝，要多喝可補氣喔。試下澳洲和牛，份量好足，肉質嫩鮮而帶口感，碌十秒好食啦。朋友叫我食墨魚丸滑，感覺良好,鮮和爽，感覺食材夠靚，🈚咩膠既感覺 有肉當然有菜啦，套餐包括長命百歲雜菌。雜菌好配合人參烏雞湯。食完正野，同朋友上左餐廳外面欣賞夜景，香港真的璀璨美麗，如果可以回复以前的少爭鬥無病疫的多麼美好，祝福這個家！祝福餐飲業！

同朋友嚟到銅鑼灣嘅火鍋打邊爐，呢間餐廳嘅主題特色係「去滾」以青樓霓虹燈為主嘅火鍋店。餐牌上嘅食物名十分之有噱頭，已舊式報紙作招徠。湯底分別係鴛鴦，一邊麻辣一邊清湯。嫲嫲今日又唔會太過適合我同朋友唔係幾食得辣嘅人！黃金魚皮，真係幾有特色。冇諗過可以要來作為打邊爐嘅配料。香脆而又淡淡鹹蛋黃嘅香味。鬼馬油炸鬼，係近年打邊爐必備嘅食物。用墨魚滑壤入油炸鬼之中。再配上打邊爐嘅醬汁，實在10分美味安格斯牛肉同埋牛脷都係打邊爐必點食物！十分之有肉味，而且10分新鮮雲吞皮薄喊靚，對於餃子愛好者絕對係不能錯過！重頭戲絕對係飛羊腩煲莫屬！從來都冇諗過打邊爐同羊腩煲係可以相提並論！原來都幾有風味！同朋友一定會再嚟聚會

適逢今晚天氣轉涼，所以約左朋友去左銅鑼灣一間餐廳打邊爐！餐廳裝修很特別，懷舊得黎帶點摩登，播放譚校長的歌曲，真係好似時光倒流咁，仿似番左去70年代咁！我地安排左坐卡位，位置十分寬敞，坐得好舒服！仲提供好靚既圍裙比客人穿，免得食野時彈到落件衫到，十分窩心！醬料就係自助式，最吸引係有蒜片，超脆口！原個椰子🥥雞湯（半隻）$268: 店員即場半隻雞肉、椰青肉刮起及椰子水落雞湯底內，咁正既靚湯底更係飲番啖靚湯先，湯底十分濃郁充滿椰子香雞味，雞肉十分嫩滑，椰青肉好鮮甜滑口，仲有竹笙吸晒雞湯更滋味！至尊天九牛腩頭$378:擺盤相當有霸氣，中間插了棵梅花，牛肉同脂肪既比例平均，雪花紋較清晰，滾5-10秒就食得，肉質鬆軟，牛肉味濃！果然係至尊既級數！👍貴妃蚌（2隻）:$58@ 2隻大大隻鮮味貴妃蚌放在冰上，焯一焯就食得，超爽脆鮮甜！火雞姐搞唔餃（4隻）$58 +哈波子（4粒）$68:火雞姐搞唔餃其實是手剁牛肉餃，食落很實肉，牛味濃郁有咬勁；而哈波子就係手打蝦丸，鮮味爽口彈牙，仲有蟹籽係面食落口更加脆卜卜！百花齊放蔬菜🥬拼盤$88: 新鮮時令蔬菜包括有皇帝菜、娃娃菜及生菜，滾完吸晒椰子🥥雞湯味更好味！食得

呢排天氣又凍返 着多幾件衫之餘都想食啲熱野一凍就好想打邊爐 之前已經聽朋友介紹過呢間都幾有gimmick嘅火鍋店 今日終於可以試吓 睇吓有幾玩味喺金朝陽中心27樓 望出去其實都幾有feel個裝修好古色古香 仲有個露台俾人影相絕對照顧到想喺IG打卡嘅人 佢另外仲有房 適合一大班人一齊玩 又唔會嘈到人露台望出去個景真係好靚㗎個menu好得意 啲用語好貼地又搞笑 男女都可以一齊滾啦睇得出落咗好多心機設計 未滾過嘅人都可以知道滾係咩感覺 哈哈我哋要左一個椰子雞湯底 有半隻雞㗎侍應服務態度好好 幫我地處理好晒啲嘢 未食得嘅時候已經聞到椰子好香 好期待啊椰子好食 啲雞又唔會好老 仲有啲其他料係入邊用嚟滾其他嘢真係好好味至尊天九牛腩頭 啲牛肉一上嚟都知道好靚油脂分布好 仲有個牌仔提醒我哋整10秒就食得貴妃蚌 好大隻好新鮮 係啲椰子湯入邊滾兩滾就食得好煙韌 好有口感另外仲有呢個火雞姐搞唔餃 其實就係牛肉餃子個皮都幾薄 入邊啲餡好足 仲食到陣陣牛肉味添蝦波子 手打蝦丸我真係好鍾意食呢個 咬落去啖啖蝦肉 好正又好彈牙 食幾多粒都唔夠呀炸芋頭 其實就咁食都已經好好食個皮炸得好鬆脆 就咁係個湯度碌一碌就可以食

一間位於銅鑼灣登龍街嘅火鍋專門店「去滾」。搭電梯上到去門口已經感覺到裝修非常特別，店舖燈光較暗，有一種令人放鬆嘅感覺。同幾個朋友放工之後就去打個邊爐輕鬆下。嘢食有：一個海鮮火鍋、牛肉餃子、豆腐、雜菜拼盤、豬頸肉、肥牛、北菇雞煲仔飯。海鮮火鍋入邊嘅配料有：龍蝦、蟹、魷魚、蜆等等。一開始仲有店員幫你用牛油炒香左個鑊然後先再放其他海鮮，令成個海鮮煲更加濃味。龍蝦肉爽口鮮甜，蜆同蟹嘅肉質亦都唔錯。配埋個海鮮濃湯底味道一流。牛肉餃子爽口彈牙。豆腐皮脆，外面仲有啲香料嘅粉非常之野味。肥牛嘅花紋分布平均，食落口感唔錯。豬頸肉肉質亦都爽口，好適合打邊爐。食到咁上下食埋個煲仔飯，就夠晒飽。臘腸同雞仲有北菇嘅味入晒啲飯，非常好味。除咗食物方面，餐廳仲有一個室外嘅休憩場所除咗裝修得靚之外風景亦都非常之優美。食完飯想同朋友傾吓計出邊絕對係一個適合嘅地方。鍾意打邊爐嘅朋友，去開銅鑼灣推介試一下。

呢日約左舊同事去行維園順便食埋飯，佢就話食過呢間邊爐都ok 架，所以佢就訂左枱。8點半上到尼，唔知係咪臨年尾，真係幾多人食，好在事先訂左姐。餐廳安排左outdoor 位比我地，望出去就見到高樓大廈既夜景，幾好feel。餐牌設計都有諗過度過架，d 菜名非常啜核，鞭鞭有力湯，菜灼鹽搞唔餃，嫩滑台妹鴨血等等，淨係落單都笑餐死。醬料區感覺企理，醬料都係一般港式邊爐見到既。湯底終於尼到，話明席前就梗係即席煮啦，同爆炒海鮮一樣，首先落左洋蔥辣椒，兜一陣先落海鮮冇記錯佢係落左酒，所以出到呢個效果落水後冚蓋焗到佢水滾開蓋就變左勁香既龍蝦湯喇！佢建議我地飲左碗湯先，於是幫我地不左一碗，嘩呢碗湯真係不 得 了，同平時食平民西餐飲果D用粉開水沖出尼係兩樣野尼，個湯冇果D咁杰，但龍蝦味更濃，飲完係唔會口渴架。如果鍾意飲龍蝦湯，真係值得試吓！！另外，如果著淺色衫尼食既唔洗驚整烏糟喇，呢度係有肚兜提供架等緊湯底滾既時候，我地就食左椒鹽炸豆腐，送啤酒一流手切肥牛，肥瘦均勻，牛味濃，最緊要係厚薄適中，比機切既有口感。響鈴，唔洗講都知係自己炸，吸晒龍蝦湯正呀。牛肉餃，中間有馬蹄，似食緊牛肉球咁爽脆。大合照飲品方面，啤酒

今日同成班朋友打邊爐我哋就叫咗呢一個海鮮龍蝦湯鍋店員首先會幫我地炒下啲海鮮之後就再落龍蝦湯店員建議我哋飲下啲龍蝦湯之後等啲海鮮熟咗就盡快食因為費事煮得太熟入面勁多料 有龍蝦有蝦同埋蜆同埋蟹之後我哋就叫咗個肥牛都有好多塊 而且入口即溶好好食然之後我哋仲叫咗個黑豚肉薄薄地好快熟之後我哋就叫咗個餃子 都好好食呢度除咗打邊爐之外仲有啲熟食叫我哋就叫咗個炸豆腐佢炸得好好唔會好油膩但係個外皮好趣入面好滑呢度最特別係仲有煲仔飯個煲仔飯都好好食 飯粒分明食完呢個飯真係好滿足

新年之後一直都冇出街食飯，朋友始終都係要見所以就約咗去打邊爐，朋友揀咗金朝陽二期既「去滾」呢排出街星期六都唔使book位鋪內裝修非常有特色，值得一讚朋友點左情侶套餐另外再散叫，海鮮鍋，裏面有龍蝦，蟹同蝦同酒鍋一樣店員都會點火俾你影相但係湯底非常一般完全食唔到海鮮味配菜非常一般我地黎左兩個牛肉，普普通通呢碟牛已經係成餐飯最好食嘅一樣野鴨血同麻神比係爭好遠朋友每次打邊爐必點煎午餐肉，午餐肉當然唔會難食另外我哋散叫咗鹹蛋黃炸豆腐，味道偏鹹最後套餐包左甜品應該係蛋散加糖漿再加啲椰絲喺面頭，嚟嘅時候都係熱辣辣，係幾好食不過就偏油三個人食成為每位$700呢個價錢完全唔值

今日起銅鑼灣行完街，諗極都諗唔到想食啲乜嘢女人就係一種善變，又麻煩嘅動物終於畀我搵到呢間椰子雞火鍋原個椰子雞湯 ，個湯底簡直係冇得頂， 香噴噴椰子味道同埋仲擔擔椰子肉雞仲好滑highly recommend 至尊天九牛腩頭 + 貴妃蚌+ 椰香脆麻花未開始食已經飲左半盤雞湯入口即溶 (至尊天九牛腩頭)一碟2個人食，其實真係好飽 碟牛應該足夠3至4個人就岩岩好超級新鮮 貴妃蚌 好爽口，冇沙粒 甜品一樣令我感到喜出望外，好味好味

非常時期如期去滾，到埗後馬上先被量體溫也可以理解，大家小心安上，吃得安心，基本上我們六點半咁早到，尚未有其他客人，所以坐大廰亦唔擔心，火鍋店有幾間私人房，自己人一間房內食亦是安排的，服務員非常熱誠介紹，兼備的露台，景緻唔差。不停播放着我的時代的音樂，十分悦耳，忍不住哼兩句！今晚大家點了以下：金甲脆魚皮韓國人蔘山藥烏雞湯澳洲和牛肋眼上蓋日本廣島蠔手打墨魚丸長生不老雜菌拼盤家鄉番薯糖水先來的金甲脆魚皮，賣相好，即炸夠熱亦夠脆，咸蛋黃份剛足夠，無過多，開始了停不了！女伴要求韓國人蔘山藥烏雞湯，看來是為了養生滋補，兩個人每人有一隻雞髀，已泡過湯肉不算嫩。先喝兩碗湯，味道可口。澳洲和牛肋眼上蓋雖然是冰凍貨，灼熟同樣嫩滑，不及本地手打有口感，但整體仍然可以。手打墨魚丸是手打的，有些力。日本廣島蠔肥厚，冰鮮。長生不老雜菌拼盤新鮮貨，與湯窩夾。最後來一碗家鄉番薯糖水，平衡剛才黃金炸魚片的熟，這個時期喉嚨絕不可以出事，內有湯丸，薑湯底，合胃口。

同朋友去食飯，見到呢間鋪頭嘅名好得意，就試吓book枱。去到見到好多特色嘅裝修。見到都心情好。好有懷舊氣氛！我哋叫咗麻辣湯底同埋蕃茄牛腩湯底。麻辣幾刺激，又唔會太油膩。蕃茄湯底好鮮甜！兩款都值得推薦！呢一款黃金炸魚皮係我食過最好食嘅！上枱嘅時候仲熱辣辣！一塊一塊接着放入口！勁鬆脆，蛋黃勁香！另外叫咗和牛拼盤。肥瘦適中，入口即溶。有肩後肉柳，牛肩肉同埋牛腰脊。牛味濃郁！呢一個鬼馬油炸鬼亦都好香脆，蝦膠又甜好彈牙！我哋仲叫咗聽定梳打一jar！夠4個人飲！不錯！和牛丸好彈牙！好香！爽口牛味又重！

無論天氣係點樣，凍抑或係熱都好，其實都好啱打邊爐，呢排就去咗間係銅鑼灣比較高質嘅邊爐店。無論係環境定係食物都非常之高質素，係一個令人非常回味嘅晚餐。間餐廳裝修得非常之有格調，完全冇平時啲火鍋店感覺嘅侷促感覺。先來個湯底，揀咗你個大魚頭做湯底，魚湯非常之入味，未食送之前飲翻個湯非常開胃。呢個鹹蛋魚皮做得非常出色，就咁食夠脆，擺落湯到3秒亦都非常入味。打邊爐當然要食丸，呢間啲手打院非常彈牙。啲菇都非常大隻。叫咗兩碟牛，兩個唔同部位同埋國家嘅牛肉，兩份都非常彈牙，係今晚最大嘅驚喜。當然要食返啲菜清下腸胃啦。非常推薦大家嚟呢間餐廳食飯。

係銅鑼灣行行下想打邊爐, 朋友SUGGEST 不如去”去滾”, 之前食過都OK. 咁我地一行4人就上左去”去滾”. 上到去都吾多FULL HOUSE. 而且D 裝修同一般既火鍋店吾同, 而且坐窗邊位可以直望銅鑼灣街中心, 感覺開揚.我地4個人叫左兩個湯底, 兩份牛, 一份餃子, 一碟丸, 當然吾少得金甲脆魚皮. 呢到服務都好貼心. 一開始都有圍裙比我地, D 牛肉好新鮮同好薄, 放入湯底幾下就食得~ 另外, 雖然我地只係叫得一份餃, 其實係餐牌上面, 有幾種餃可以選擇, D 名又特別, 呢到有牛肉餃, 平時係其他火鍋店都吾會有~ 中意食牛既朋友不妨一試~最令我地驚喜既係金甲脆魚皮, 其實一碟都好多下, 同埋真係好脆,因為通常係火鍋店食個D 都吾會好脆, 而且每一塊都沾滿蛋黃. 呢間去滾除左室內既位之外, 其實佢仲有OUTDOOR SEAT, 但就吾可以打邊爐, 不過可以食食下行去外面飲下野都幾CHILL. 我們雖然叫得吾算多野, 但份量都算大碟, 都食到好飽先走