去滾

營業中

休息中

今晚朋友帶左我黎到銅鑼灣登龍街食火鍋，餐廳名叫做「去滾」，聽個名已經知好盞鬼，店內裝修同樣咁鬼馬餐牌設計好有特色，選擇豐富，仲有唔少自家製火鍋配料芫荽皮蛋豆腐湯湯底採用嫩滑豆腐，加上晶凝通透且彈牙的皮蛋，及大量翠綠嘅芫荽，一同熬製而成。入口清甜，有降火作用酥炸龍蝦球口感彈牙，配搭芥末沙律醬食用味道更佳海鮮拼盤呢個陣容鼎盛嘅海鮮拼盤有：貴妃蚌、花甲、游水海蝦、象拔蚌BB 及生猛元貝。每款海鮮都大大件，爽口彈牙，鮮甜味美！放湯煮熟後使得湯底更加鮮甜👍🏻飛魚子鱈蟹柳、魚皮餃蟹柳裏面包着飛魚子，味道同口感都好豐富！魚皮餃比平常的更加鮮味及有嚼勁粟米、唐生菜、炸芋頭蔬菜拼盤生菜新鮮碧綠；粟米鮮甜爽脆；炸芋頭外脆內粉，輕輕一灼已經食得

今日約左家姐 姐夫黎到一間本土味道非常重嘅餐廳而餐廳名字"去滾"亦都係食字 代表去打邊爐嘅意思 餐廳以霓虹燈為主裝飾而用餐亦附上"肚兜"用作餐巾 非常有特色我地叫左兩個二人餐 分別係半隻椰子雞 同 海鮮拼盆二人餐其中一個係去滾嘅招牌菜─原個椰子雞湯 (半隻雞) 侍應會喺你面前將成個椰子刮空 分後將椰子肉同雞放喺煲度 成個湯滾左就可以飲 呢個湯非常真材實料 飲得出有好多唔同嘅材料喺入面 非常好飲飲到咁上下就可以食埋啲雞 同埋加湯開始打邊爐牛肉餃同蝦丸 都好新鮮 食落彈牙有肉味牛腩頭油花幾靚 食落幾有肉味至於另一個套餐 海鮮拼盆有 象密蚌 貴妃蚌 海蝦 花甲 元貝象密蚌 貴妃蚌 新鮮幾厚肉 花甲 鮮甜無沙 處理得宜海蝦 同元貝肉質肥美 品質中上其他配菜都幾好 係一餐幾好食嘅火鍋店

這天朋友相約一同前往銅鑼灣吃飯， 朋友安排的餐廳， 位於銅鑼灣登龍街之內， 距離地鐵站路程約需5-8分鐘左右， 還算十分方便快捷。朋友安排的就是二人套餐。 全因為性價比較高。原個椰子雞湯（半隻）， 在你面前 即時打開椰子， 可觀性十足。店員教路，湯滾先喝湯，再吃雞，雞肉鮮嫩無比。原隻貴妃蚌兩隻 ， 用料還算新鮮， 清洗夠乾淨， 不帶丁點沙粒。手剁牛肉餃兩粒 ， 看起來份量不多， 但吃起來 ，充滿滋味， 入口彈牙，可口又美味。手打蝦丸 ， 還算彈牙，帶點鮮味，還不錯。至尊天九牛腩頭 ， 絕對是重點中的重點， 用料認真，又新鮮 ，每一嚿厚薄均稱， 加上肉味濃郁， 吃了一舊又一舊。椰香香脆麻花， 作為甜品剛剛好， 充滿特色的小甜吃。

成個冬天都唔敢食火鍋襯疫情舒緩即刻約埋朋友食返夠本！今次特登揀銅鑼灣呢間去滾， 因為地方方便而且知道裝修獨特， 聽人介紹食物質素仲好好添BOOK咗6：30PM侍應都好有禮貌， 介紹咗兩個人叫咩份量最好非常細心！我哋叫咗個原個椰子雞湯服務員係我地面前到哂成個椰青水落去仲會刮埋D椰肉， 絕無浪費～侍應提我地食咗雞先， 咁就唔怕雞肉嚡哂湯底好味到不得了飲咗兩碗都唔怕口渴by the way, 之後都係加湯唔係加水， KEEP住湯底濃郁好味！至尊天九牛腩頭 ＄378 份量好足好大碟， 肉片厚實（擺碟靚有加分）食出濃濃牛味食肉獸必點推薦！貴妃蚌係侍應介紹我哋食嘅， 真係好鮮味， 無介紹錯！手打蝦丸超級彈牙相比之下牛肉餃就還好二選一一定揀蝦丸菜都新鮮好味好彩問咗侍應意見叫份量剛好又食到牛同貴妃蚌周圍都係打卡點即得一去再去～出面仲有個靚靚露台透下氣， SO GOOD!

中意食邊爐嘅我見到有新嘅特式邊爐，就梗係拖埋朋友一齊去試。揀左天麻魚頭，見到個魚頭都知道真材實料，煲滾左之後馬上飲啖湯先，湯底係豬骨煲嘅，加上魚頭嘅鮮香，我地都忍唔住飲左兩碗先。之後我朋友話要食咸蛋黃魚皮，就嗌左啦，點知道大碟到有少少驚食唔哂。魚皮熱辣辣又鬆脆，咸蛋黃嘅量又好足。火鍋料我地點左碟牛、雜菌、蠔同蝦丸，牛係日本野崎牛肩肉，肉味濃郁，入口細嫩。雜菌就索哂湯嘅香氣，暖胃之選。蠔大大隻夠creamy，飽滿唔腥。蝦丸係手打嘅，彈牙爽口，鮮味十足。食飽之後有個蕃薯糖水，有埋湯圓係入面，薑湯唔辣但暖意十足，抵食好食，環境又靚。

「滾」在廣東話有很多意思，最直接當然是「水滾」，或是代表火都嚟埋的「火滾」，做事馬馬虎虎的「沙沙滾」等。然而「去滾」一般都令人聯想到一些風月無邊的感覺，但今天我們對於這詞應該有一個新的定義，就是去「打邊爐」。今晚相約朋友齊齊「去滾」，那當然是吃火鍋啦！這間火鍋店除用了這個鬼馬的名字，其裝修也十分配合，五光十色的霓虹燈，加上不少廣東話的口語，感覺十分地道，甚具特色。四人套餐 (HK$1480）四人套餐包括一款小吃，一個鴛鴦鍋、肉類拼盤、蔬菜拼盤、什錦拼盤和冰豆腐。野崎手握蝦卷👍👍👍👍👍吃火鍋前，先吃一個小吃，蝦卷切成薄片，外皮炸至香脆可口，內𥚃粉嫩色的蝦肉爽口彈牙，佐以沙律醬，味道更佳。鴛鴦湯底👍👍👍👍👍湯底選了秘製沙爹湯和蕃茄豬骨薯仔湯。沙爹湯底內有豬皮蘿蔔在𥚃面，帶著陣陣的花生香氣；蕃茄湯底內有粟米、豬骨和薯仔，還有很多蕃茄蓉。肉類拼盤👍👍👍👍👍拼盤內有至尊寶崩沙腩、手切本地肥牛、牛脷芯、至尊九天牛腩頭和黑毛豬肉。各款肉類的肉味很濃，本地肥牛的油花分佈均勻，薄切牛脷芯入口爽彈，牛腩頭牛味濃，黑毛豬肉肥瘦適中，食肉獸一定不可以錯過。蔬菜拼盤👍👍👍👍食了那麼多肉，就當然要吃點蔬菜平衡一下

呢排疫情 其實已經少咗好多人打邊爐但又因為好掛住呢一間椰子湯湯底 所以又走咗去試呢間上網睇社交平台老細非常之黃加埋勁gag嘅裝修超多梳化椅 又多霓虹街樓底又高唔會侷促 枱與枱之間距離充足絕對適合課一課金支持下喺銅鑼灣呢個地方 價錢嚟講唔算貴椰子雞湯椰子喺你面前cut椰肉加椰汁倒落去啲雞非常之滑同啲椰汁溝埋一齊非常之甜有鮮味冇味精 大大煲就咁飲都好味💟至尊天九牛腩頭雪花好靚 唔會太肥薄切好快熟味道相當之唔錯 好香牛味抵讚💟龍蝦球炸得好香脆卜卜入面仲有好香龍蝦味💟飛魚籽蟹柳唔係粉整全部都係蝦肉彈牙爽口💟魚皮餃 爽口彈牙 入面啲肉好juicy💟牛肉餃好香牛味 食落去仲有牛肉汁 皮夠薄💟海鮮拼盤 超鍾意啲蝦勁爽勁香又新鮮帶子亦都好好味 大大粒唔會係散曬無雪味貴妃蚌友人食 佢話都好鮮味 l寫得好乾淨可以放心食連埋啲椰子湯好好味💟甜品仲有椰香脆麻花！超好食！炸到脆卜卜仲有椰子碎 勁抵讚😁😁

真係好鍾意打邊爐！今晚就兩個人一齊去試一試一間餐廳❤️❤️好鍾意依間餐廳嘅裝修，好配合主題，入到去就即刻好有氣氛👍🏼👍🏼👍🏼好欣賞依啲咁有心嘅餐廳！我哋今晚叫咗二人套餐❤️❤️❤️原個椰子雞湯（半隻）❤️❤️店員會即開椰子，然後到啲椰青水落個煲，真係唔好講笑，啖湯好清甜！平視我都唔會飲嘅，都要整番兩碗飲一飲去先❤️❤️❤️❤️原隻貴妃蚌兩隻，新鮮！配合湯底帶出去嘅清甜👍🏼👍🏼👍🏼手剁牛肉餃，手打蝦丸❤️❤️食到舔舔脷❤️❤️👍🏼😊😊蔬菜拼盤，唐生菜芥蘭苗，仲有我最愛嘅冰菜❤️👍🏼👍🏼👍🏼👍🏼最後仲有個甜品脆麻花！好好食！

I’ve been here with a large group of friends for the first time during the winter time. However, I didn’t get to their their coconut 🌴 chicken hotpot soup broth last time. As the weather gets colder, we decided to come again (this time just two of us) and we ordered their signature set for two people. the chicken arrived in full size (cut) and also a full size of coconut was in front of us. Staff quickly pour all chicken inside the pot and also the coconut water with real coconut pieces. then ou

今日去了銅鑼灣行街！朋友帶了我去食一間好有特別的火鍋店"去滾"一入餐廳有種80年代的晚總會風格加中國風格！餐牌的名字都好特別！嫩滑台灣妹～鴨血......🤣🤣😂😂🤣🤣我們點了芫茜皮蛋滑豆腐湯海鮮拼盤海蝦、帶子、蜆、貴妃蚌蔬菜拼盤粟米、炸芋頭、唐生菜魚皮餃，飛魚子蟹柳小食酥炸龍蝦丸總結環境，風格好特別，地方舒服！氣氛好輕鬆！價錢有點貴！但材料好新鮮！味道～不錯！湯底好濃郁！不過咸了一點！

如果要講有香港特色嘅打邊爐餐廳，呢一間一定係其中一間必食嘅餐廳！呢度嘅餐牌同裝潢只有香港人先睇得明！冇喺香港住返10幾廿年，都唔會明！呢度嘅服務真係一流！啲侍應除咗會幫你主動隔油同落菜之外，佢哋都好有禮貌。呢度我哋嗌左個椰子雞煲，直情成個椰子嘅水同肉都掉晒落去個雞煲入邊，勁鮮甜！而去啲雞肉都好嫩滑，好多都去晒骨！就算碌咗落去啲湯好耐，都仲係咁滑脫脫！之後梗係唔少得我哋嘅牛！睇到啲花紋都見到佢嘅脂肪同肉嘅比例好平均，而且份量都好多！而我哋都好重本咁嗌左兩隻貴妃蚌，有成隻手掌咁大，食落去都好鮮甜。啲丸類我哋冇嗌好多，因為都飽飽地。但係個人覺得佢哋嘅丸類，一啲都唔馬虎！如果食唔飽嘅，都可以試吓嗌！呢個蛋散真係好值得試吓，佢揸得一啲都唔油之外，而且啲蜜糖嘅份量啱啱好，唔會過甜！

🥗一班朋友約食飯，話呢間打邊爐好盞鬼，好過癮， 一於嚟試下先。餐廳的裝修好有懷舊feel，餐牌仲好棧鬼，花好多心思去設計，每一個菜式的名字，都用盡諧音，同"滾"好友關係。 仲有埋個肚兜，認真玩嘢。🐮叫咗幾款唔同的牛肉，用日本刺身的擺設方式，牛肉放在冰面上，keep住個溫度， 可以慢慢食，唔會溶曬啲血水出嚟 。最值得一讚係"硼砂腩"，肥瘦適中 ，又鬆化又入味。🌙這裏的環境一流，除了好有氣氛之外，仲有個好大的戶外空間， 佈置得好浪漫 好靚，望到成個銅鑼灣維港景，仲望埋對面尖沙咀東海傍景，飲酒吹水一流。🍻

限聚令稍為放鬆下，朋友約我嚟銅鑼灣打邊爐，佢話呢度裝修好有特色，環境同氣氛都唔錯，去到餐廳，感覺環境有少少懷舊感，餐單設計及內容有少少舊黃報紙的feel，設計有心思。點了餐未有野食上枱前，朋友話帶我去一個靚景影相位，原來佢哋有個戶外區比客人食煙（邊爐區），出去發現原來景觀十分開揚，看到對面尖沙咀及維港景色，今晚天氣好，坐喺度欣賞維港真係十分寫意。今日揀咗鴛鴦湯底，沙嗲湯同芫荽皮蛋湯，佢哋嘅湯底入邊有好多材料，唔係剩係得湯水，所以越煮亦都會越入味。打完邊爐後將所有湯料都食清光。A5野崎牛肩肉、牛脷芯、黑毛豬肉、至尊天九牛腩頭，樣樣都有水準，好嫩好滑。最正係至尊寶崩沙腩，肥瘦均勻，無根好淋，食落感受都肉在口內溶化，牛肉味又濃。飛魚籽雪魚柳亦有特色，本來以為係普通蟹柳，原來中間藏有飛魚籽，滾的時間不需要太耐，如果唔係啲魚子有機會消失晒。

因為有朋友生日所以揀左去滾打邊爐慶祝生日叫咗個原個椰子雞湯、至尊天九牛腩頭、原隻貴妃蚌、牛肉餃、手打蝦丸、蔬菜拼盤同埋椰香脆麻花。真係要講一講個椰子雞湯，我哋一開始就試咗啖湯先，一飲落口好好味，唔係平時邊爐啲味精嘅死咸味！個湯底有雞肉煲完嘅鮮味同埋清甜嘅椰子味，我哋都忍唔住飲左碗湯先至開始打邊爐，最出色係食到尾嗰時個湯仲係好清😂而佢個至尊天九牛腩頭好正😂食落口好軟，冇筋冇渣，加埋個湯煮完啱啱好最後作為甜品嘅椰香脆麻花真係好好食，應該係啱啱炸起上枱的，因為食落口仲感受到啲溫度。脆麻花炸得啱啱好，脆得呢唔會太油搞到食到成口油，再加埋蜜糖同椰絲嘅甜味，襯得啱啱好👍🏻

識飲識食嘅老友記今晚又有好介紹，  帶咗我去銅鑼灣金朝陽中心 27樓嘅《去滾》。入到去， 視覺非常有驚喜。 還未入夜，裏面嘅霓虹招牌燈已相當搶眼， 主題應該係 6 ，70年代嘅夜店～ 另一邊係酒吧， 飲嘢＋火鍋＋夜店＋去滾～ 暫時忘記吓日頭又煩又鎖碎嘅公事啦～揀咗個正氣又滋補嘅湯底 「 原隻椰子雞鍋（半隻）」$268倒入椰子水後， 湯底清甜無比， 椰子和雞湯味不相伯仲，一連舀了兩碗， 越飲越上癮！ 雞件肉質唔算好嫩滑， 幸好唔鞋仲幾有彈性， 欣賞雞皮煙韌爽口唔肥膩， 唔會煲到爛曬～ 好食過雞肉！湯底還有椰青肉，馬蹄，竹笙， 足料豐富！ 原粒馬蹄要人手去皮， 手工嘢！👍有需要可以去混醬區， 各款調味料齊備！至尊天狗牛腩頭$368極為刁鑽部位， 唔係容易見到嘅食材， 當然價位 也高人一等。 唔好期望係入口即溶的和牛質素 或口感。 相反， 牛肉片有一定嘅厚度 ，入口一定要咀嚼， 越嚼越有牛味， 加上邊位嘅牛脂來点化學作用， 滿口肉香， 回味無窮！蔬菜籃平時多數都係油麥菜皇帝菜之類。這裏竟然有豆苗，芥蘭苗！😍👍貴妃蚌（$58每隻）好新鮮， 肉質鮮甜彈牙， 清洗得乾淨，冇沙。😋👍牛肉餃， 蝦丸強