去滾 (裝修中)

因為有朋友生日所以揀左去滾打邊爐慶祝生日叫咗個原個椰子雞湯、至尊天九牛腩頭、原隻貴妃蚌、牛肉餃、手打蝦丸、蔬菜拼盤同埋椰香脆麻花。真係要講一講個椰子雞湯，我哋一開始就試咗啖湯先，一飲落口好好味，唔係平時邊爐啲味精嘅死咸味！個湯底有雞肉煲完嘅鮮味同埋清甜嘅椰子味，我哋都忍唔住飲左碗湯先至開始打邊爐，最出色係食到尾嗰時個湯仲係好清😂而佢個至尊天九牛腩頭好正😂食落口好軟，冇筋冇渣，加埋個湯煮完啱啱好最後作為甜品嘅椰香脆麻花真係好好食，應該係啱啱炸起上枱的，因為食落口仲感受到啲溫度。脆麻花炸得啱啱好，脆得呢唔會太油搞到食到成口油，再加埋蜜糖同椰絲嘅甜味，襯得啱啱好👍🏻

識飲識食嘅老友記今晚又有好介紹，  帶咗我去銅鑼灣金朝陽中心 27樓嘅《去滾》。入到去， 視覺非常有驚喜。 還未入夜，裏面嘅霓虹招牌燈已相當搶眼， 主題應該係 6 ，70年代嘅夜店～ 另一邊係酒吧， 飲嘢＋火鍋＋夜店＋去滾～ 暫時忘記吓日頭又煩又鎖碎嘅公事啦～揀咗個正氣又滋補嘅湯底 「 原隻椰子雞鍋（半隻）」$268倒入椰子水後， 湯底清甜無比， 椰子和雞湯味不相伯仲，一連舀了兩碗， 越飲越上癮！ 雞件肉質唔算好嫩滑， 幸好唔鞋仲幾有彈性， 欣賞雞皮煙韌爽口唔肥膩， 唔會煲到爛曬～ 好食過雞肉！湯底還有椰青肉，馬蹄，竹笙， 足料豐富！ 原粒馬蹄要人手去皮， 手工嘢！👍有需要可以去混醬區， 各款調味料齊備！至尊天狗牛腩頭$368極為刁鑽部位， 唔係容易見到嘅食材， 當然價位 也高人一等。 唔好期望係入口即溶的和牛質素 或口感。 相反， 牛肉片有一定嘅厚度 ，入口一定要咀嚼， 越嚼越有牛味， 加上邊位嘅牛脂來点化學作用， 滿口肉香， 回味無窮！蔬菜籃平時多數都係油麥菜皇帝菜之類。這裏竟然有豆苗，芥蘭苗！😍👍貴妃蚌（$58每隻）好新鮮， 肉質鮮甜彈牙， 清洗得乾淨，冇沙。😋👍牛肉餃， 蝦丸強

呢間火鍋店無論裝修同menu 都好創新，同傳統既火鍋店唔同，之前經過已經想試吓。首先我地叫咗個金甲脆魚皮。呢個魚皮小吃好惹味，沾滿左鹹蛋上去，令到佢個味道更加香濃，我建議就咁食好過落去火鍋到，因為佢仲有啲微辣，做開胃小食就最好。之後到小食，蝦膠釀油炸鬼，呢款好特別。油炸鬼釀蝦膠，口感豐富，配埋甜酸醬好開胃。湯底方面，選咗鴛鴦湯底（芫茜皮蛋滑豆腐湯+海鮮麻辣湯）。皮蛋或豆腐湯底好清甜，豆腐超滑，而海鮮麻辣湯底好夠麻，海鮮配料有蜆肉同大蝦，好足料。另外，叫咗A5野崎牛肩肉同新鮮牛脷芯。切到好薄，放落兩邊湯底都好入味，仲要係高質嘅食材，一熟即食做到入口即溶。最後支竹羊腩煲食到我哋停唔到口。羊腩炆到好軟熟同鬆化！汁做到好入味，入面有支竹、馬蹄，增加食嘅時間口感，好滿足。係平常嘅火鍋點變奏出不平常嘅食物配搭。加上創新裝修同鋪名。喜歡打邊爐嘅人絕對值得一試。

被朋友ig 的霓虹裝潢所吸引，要來試試。lift 門一開，已經見到這句本土味十足的經典金句！除了金句處處，坐位舒適闊落，牆上畫像、給客人用的圍巾、menu名稱，全部都心思滿滿。跟一般邊爐店不同，這裡不停熱播本土金曲，Sammi/Eason/Joey.... 回憶番晒黎！野食方面， 點了大海無量二人海鮮餐，0岩晒有選擇困難症的我～湯底是豆腐皮蛋湯，材料有豆腐、皮蛋、淮山、芫茜。充滿豆味、芫茜香氣，女友飲了多碗大讚冇味精又好飲～酥炸龍蝦球可以即食，外皮夠脆口。蟹柳裡面藏有飛魚子，比一般的好吃。海蝦有4隻，新鮮彈牙！元貝、貴妃蚌，味道鮮甜。本人最鐘意食象拔蚌BB～花甲冇沙，算大隻。所有海鮮都十分新鮮，湯底經過海鮮洗禮，多了份鮮味。另外點了薏米水，睇圖片都見到很多冬瓜、薏米～不得不提湯底很足料，吃到最後還有大量淮山、皮蛋！

琴晚一家人去左銅鑼灣既去滾打邊爐，第一次依間餐廳而地方系銅鑼灣，食物質素當然有所期待～環境方面，地方好大；而且好多懷舊既特色放於餐廳中；例如：圍裙設計好似肚兜。野崎手握蝦卷：未打邊爐先食個熱食吧！由於一家人好中意食蝦卷，所以特登ORDER。卷中既蝦帶鮮味，口感為軟口；而外面吾會乾，再配合沙律醬食，味道好夾！湯底(蕃茄豬骨薯仔，秘製沙嗲)：蕃茄豬骨薯仔適合中意開胃既朋友，味道酸酸甜甜，吾會覺得好油膩，當中有吾少薯仔可食用；而秘製沙嗲適合中意濃味又惹味既朋友，內有豬皮；豬皮吸入湯底顯得更加入味，而咸度剛好。肉類拼盤：第一次見肉拼盤大過個湯底，真的好震撼，用黎打卡一流。當中包有A5野崎牛肩肉，至尊天九牛腩頭，至尊寶崩沙腩，新鮮牛脷芯，黑毛豬豚肉，實在好足料！A5野崎牛肩肉好大塊，牛脂也是最多，所以焯後既牛肩肉滲出既油份同肉汁會多，口感滑口，充滿牛香味。至尊天九牛腩頭是最討好我的，牛腩頭口感極為林，肉汁既牛中滲出，但完全吾漏，真的好吃！至尊寶崩沙腩是一條條的，口感林。新鮮牛脷芯size適中，建議焯既時間吾好甘耐，否則會將牛脷芯變得難以咀嚼；口感爽口，帶少少牛香味。黑毛豬豚肉焯後吾會好細塊，口感

限聚令放寬, 終於可以約朋友出黎飯聚打邊爐, 今晚一於豪少少, 去左銅鑼灣登龍街金朝陽中心2期既一間高級火鍋店--去滾。餐廳內燈光昏暗, 牆壁跟天花都有香港特色霓虹燈, 係一間高檔打卡火鍋店。多款混醬配料選擇有唔少特色湯底, 今日人多, 最後都係揀左鴛鴦湯底, 比較滿足到大家口味【鴛鴦湯底】HK$258自選揀左:番茄豬骨薯仔湯底+秘製沙爹湯兩款湯底都很足料, 番茄豬骨薯仔湯底有大量薯仔同埋好林既番茄, 湯底味道清甜微酸, 好開胃秘製沙爹湯有大量好爽又入味既豬皮, 沙爹湯底味道濃郁食肉獸既我地, Order左好幾款肉, 包括有A5野崎牛肩肉、至尊天九牛腩頭、至尊實崩沙腩、牛脷芯、黑毛豬豚肉每款肉色澤嫩紅新鮮, 以冰墊底keep新鮮度 牛脷芯薄切, 稍為烚幾秒食得, 幾有趙口至尊實崩沙腩: 肉質好林, 特別索左個湯底精華, 而且很有肉香, 唔錯!最有驚喜同埋推介係粉嫩A5野崎牛肩肉, 牛脂豐富, 肉質超嫩, 淡淡牛味, 勁正!!  另外仲order左牛肉餃、飛魚子鱈蟹柳、沙拉海鮮包、豬肉丸牛肉餃皮薄餡靚, 鮮甜牛肉, 肉汁豐富飛魚子鱈蟹柳鮮甜好林沙拉海鮮包, 入面有流心既沙律, 甜甜地;

去滾- 潮食型格火鍋店一打開升降機門，五光十色的霓虹燈照亮著，牆上有不同的人像圖畫，想必是和「去滾」二字相呼應，但當然今天的主角是另有其人，就是火鍋，看着店舖的桌子、椅子、餐碗，有着濃厚港式的味道，再配上型格新潮的裝潢，令人煥然一新的感覺。原個椰子雞湯原個椰子，把清甜的椰子水加入湯底，湯底有馬蹄、竹笙等清爽的材料，本身湯頭已經非常清甜，再加入半隻滑雞，雞肉的精華再滲到湯中，令湯味道更鮮甜和豐富，而且雞件嫩滑。至尊天九牛腩頭吸晴的擺盤，把牛腩排成一朵鮮花的形狀，而這款牛腩一聽名字就知道不惹少，厚切的牛腩頭，當中雪花紋理極緻，牛味濃厚，油脂豐盈。原隻貴妃蚌超大隻的貴妃蚌，新鮮鮮甜，口感爽滑。牛肉餃皮薄餡料滿滿的牛肉餃，牛肉餡料札實，口感有層次。手打蝦丸大大粒的手打蝦丸，當中應該有八成以上都是蝦肉，超爽口彈牙。蔬菜拼盤有新鮮的冰菜、娃娃菜和唐生菜。椰香脆麻花熱騰騰即叫即炸的脆麻花，香脆鬆化，加入蜜糖和椰絲，很滿足的甜品作結尾。

一直都有留意呢間火鍋店, 皆因佢既名字十分特別. 自從有朋友去完對其讚不絕口後, 完全激起左我去個度 “去滾”既意欲.果然完全沒有失望. 首先, 餐廳既裝修已經充滿驚喜. 店內掛上標誌著香港特色既霓虹燈牌裝飾配上攪笑既字句, 加上播放廣東經典金曲, 令整個環境都浸滿濃郁既老香港情懷. 服務員一邊帶我地到座位時, 我見到有幾個大約可容納20多人既大房間, 裡面既裝修擺設亦都好有特色. 以中國穿旗袍既女性為材既壁畫完全令我目不暇給.到左我地既座位, 簡直令我有驚喜. 我地被安排坐露天位置, 之前完全冇期望過會望到維港美景, 而且有一棵大大的櫻花豎立係中間位置, 十分搶眼. 而且整個露天位置既座位寬敞, 成個環境亦十分舒服.另外我最欣賞係佢別出心裁既MENU, 整個設計圍繞香港舊時代既報紙風格. MENU 上既食物選擇比一般火鍋店多而有特色. 最後我點左椰子雞湯湯底, 貴妃蚌, 牛肉餃, 手打蝦丸, 蔬菜拼盤, 最後不少得主角雪花肥牛. 首先要一讚個椰子雞湯湯底, 用料十足, 除左用原個椰子既椰子水混入到湯底外,另外仲加有切條椰子、馬碲、竹笙等配料, 誠意十足. 整個湯底都有極香濃既椰子味.

近排疫情冇咁嚴重，等左幾個月終於第一次去打邊爐，今次就去咗呢間比較新潮嘅火鍋店，店內裝修非常之特別用咗好多紅房燈，感覺好似去咗舊香港，另外仲會播好多懷舊歌曲，好有feel。湯底方面我哋就揀咗原個椰子雞湯，雞湯非常之濃郁，另外倒完成個椰子之後就會，刮埋所有椰子肉落去，非常之足料，不得不提嘅係當個雞煮完之後個湯更加提升鮮味唔小心飲咗三碗，另外個雞肉都幾嫩滑下，淨係個湯底已經飽咗一半。肉類方面我哋叫咗至尊天九牛腩頭，肥瘦適中，不過係偏向瘦，油脂味冇咁重，鍾意食冇咁油膩嘅牛肉可以叫原隻貴妃蚌非常之新鮮 放落鍋之後一陣間就熟咗幾鮮甜另外都叫咗兩款丸類牛肉餃手打蝦丸蔬菜拼盤椰子雞湯再煮埋啲生菜皇帝菜，勁好食熟晒啲湯汁另外成餐最有驚喜嘅係椰香脆麻花，炸到脆脆地，有啲似蛋散，不過個口感似薄餅乾，掂埋啲蜜糖黎食一流

「飛天遁地，貪一刻的樂極忘形。」一段唔見得光既愛情，在明在暗都一樣呢種罪名會無形咁跟你一世。或者點樣都會見光死，何不黎個了斷，對大家黎講會係個解脫。不過客觀角度，我認為三角關係無話邊個岩邊個錯，你情我願，各取所需姐。只係站在道德高地上，成件事變得唔允許，無人會承認係合情合理。既然呢種關係係現實生活存在得咁痛苦，何不諗下唔洗負責任既感情？不如放肆地去滾啦！講笑姐，我講緊既係打邊爐果隻滾呀！係銅鑼灣新開呢間「去滾 - A Smoking Affair」，就用左香港舊式夜埸既特色，整左好多霓虹設計既燈牌，鬼馬玩味重既餐牌，今晚唔好諗咁多，盡情去滾啦！👇📌去滾夜報 - ♦️ 去滾秘笈 · 第一招 ·《精選湯底》-▪ 原個椰子雞湯 - ▫ 打邊爐最緊要除左個鍋之外，就係湯底，所以去滾就教你第一招揀返個自己鍾意既湯底。呢個原個椰子雞就岩哂我啦，Staff會分別將新鮮椰子水倒落鍋，然後再刮走椰肉，再放埋雞肉，所以湯底顯得非常雪白。一滾起，即刻試個湯先，入口清甜無比，椰味出眾；雞肉食落肉質爽彈，口感一流；加埋馬碲、竹笙配料有更加昇華既效果，食得過！♦️ 騸牯牛肉皇系列 - ▪ 至尊天九牛腩頭 -▫ 極品之

終於等到零感染，即刻忍唔到口衝出黎食野。餐廳入面燈光較暗，有好多霓虹燈字句，感覺似夜晚係旺角咁，非常港式風格，連菜單都相當有特色。餐廳都幾大，正正方方，有幾間房可以自己一班人，而出面仲有個露台燒烤區。餐廳環境同食物都好好，疫情人真係人數極少，今次得兩個人食，平均每人$450。原個椰子雞湯（半隻）$268真係成個椰子水連埋肉係你面前倒哂落去個鍋到，即刻成個鍋變到好清甜，每一啖都食到淡淡的椰子香味。雞肉份量都算多，味道唔錯。至尊天九牛腩頭 $378一碟大約有１６塊左右，中等厚度，都算大塊，牛肉味愈咬愈出，脂肪唔多相對比較有咬口。百花齊放蔬菜拼盤 $88有８款可選３款菜，我地揀左西洋菜、油麥菜同皇帝菜，好綠好新鮮。丸子餃子拼盤 $88都係可以揀３款，牛肉餃、手打蝦丸同墨魚丸，牛肉餃餡料都幾多，蝦丸真係見到好多蝦好爽口，真材實料，而墨魚丸就比蝦丸彈牙好多，估唔到質素咁好。唔係椰菜花椰香脆麻花 $48自己一向都好鍾意食脆麻花，呢個真心覺得好好味，有６舊，熱辣辣出爐，好脆卜卜，配埋溶溶地蜜糖，又香又甜，重點唔痴牙又唔太甜。

入到去坐低，聽住90年代嘅twins boys 容祖兒 至 哥哥 啲金曲，首首都識唱😂 環境都好新淨，好欣賞霓虹燈光嘅裝飾餐牌食物啲名都好搞笑原本叫左龍蝦花甲海鮮湯... 但最後嚟左個花膠魚翅湯....錯有錯著😂 用魚翅嚟打邊爐 又真係唔錯喎！啲翅真係兩梳落落去！啲花膠都幾多下！個湯底好好飲！冇味精喎！正！食物都好高汁 呢個係牛腩頭，好有牛味！都幾厚下！幾有𡁻頭😂食用呢碟都加唔到其他牛啦🙈呢個係鬼妹搞唔餃😂😂😂最後原來成張單有75折！好抵！

見咁耐冇去打邊爐，就試下呢一間用去滾做主題火鍋店。入門口已經一大個牌寫住，"去滾", 喺個大廳中間又有一個"唔滾唔知身體好" 既牌。 頭頂有四個大牌位住有啲中國古時嘅燈籠，咁啱佢啲一間有位於銅鑼灣嘅登龍街樓上，所以其中有一句就叫做"燈籠街上走", 好應景。我哋叫咗芫茜皮蛋做湯火鍋湯底，同埋一個大海無量嘅餐入298蚊一位，入面有唔同既海鮮， 包括帶子，象拔蚌，海蝦，花甲，桂花蚌，唐生菜，芋頭，粟米，炸龍蝦球。 其中入面嘅桂花蚌係超級大隻， 仲好鮮甜，同埋好值得一試，象拔蚌都好爽脆彈牙，帶子仲好鮮甜。整體嚟講餐廳環境氣氛都唔錯，主題有夠哂特別，海鮮質素都幾唔錯，不過就貴咗少少，同埋食物分量唔算多，適合一啲講求食飯質素，唔講求飽嘅人。

好耐冇出街食飯啦～見疫情稍為舒緩咗，決定同家姐出街食飯，順便慶祝生日！今次呢間餐廳係家姐介紹，一開lift門出到去就已經大大隻字寫住......非常盞鬼！全店裝修都具有舊時香港特色以「去滾」做主題，擺放好多廣東話獨有嘅有趣字句座位亦頗闊落，坐得舒服睇下餐牌先～打邊爐第一時間當然要去混醬！($27 / 位)我哋叫咗個「鴛鴦湯底：蕃茄豬骨薯仔湯+秘製沙嗲湯 $258」湯底入面本身都有d嘢可以食住先哈哈蕃茄湯個邊有粟米，蕃茄沙嗲湯個邊有豬皮，蘿蔔添！「肉類拼盤：A5牛肩肉，牛腩，崩沙腩，牛脷芯，黑毛豬」賣相已經被震撼到！好大盤丫！牛腩同崩沙腩已經預先煮熟咗，稍為淥一淥就食得啦～幾款牛肉嘅牛味都好濃，脂肪比例平均黑毛豬亦都唔錯，完全無豬嘅騷味成盤用嚟打卡影相，好睇又好食「手剁牛肉餃 $58，飛魚子蟹柳 $48，沙拉海鮮包，豬肉丸」個人來講最喜歡蟹柳同埋沙拉包蟹柳似係平時食壽司個種，入面又有飛魚子醬流出嚟沙拉包入面個餡料亦都好好味～總括而言，環境同食物都屬中上水平，又坐得舒服等疫情過後會再約朋友嚟食！

打卡位@去滾 A Smoking Affair地址：銅鑼灣登龍街1號金朝陽中心2期Midtown27樓兩人而設的邊爐套，依兩人份量安排，一樣可以食到好多類別, 有牛、海鮮、丸同蔬菜加甜品呢度好攪笑, 有好80年代夜總會架裝潢, 加上燈管牌, 就係以為去了夜店~MENU都設計得好正~~不過此滾是滾野食打邊爐男人來可品嘗朝思霧想的邊爐香氣, 女仔又可以狂影相打卡原個椰子雞湯 ,湯是打邊爐主角，未滾其他食物前已盛了幾碗一嚐原味，好飲而鮮甜，是家中沒湯水，外出正好安慰一下心癮，又可以食到雞肉,一舉兩得至尊天九牛腩頭肉質唔錯 肥瘦度適中唔怕有難咬根膜原隻貴妃蚌爽口鮮味無窮牛肉餃每人一粒，坊間小見用牛肉做餃餡手打丸好彈牙，手打食得出心思！寧舍彈口同嚐得出食物原味 蔬菜拼盤又是我個人獨佔了仲有甜品呢！椰香脆麻花即炸，要油好先唔會有油益味，呢個現炸加蜜糖椰絲，脆口好食呢間幾岩年青人甚至我呢D半中年人, 食到熱血沸騰