原作養生湯米線

營業中

休息中

在黃埔花園3期開了一間仍在試業的食肆叫原作 主打養生湯米線轉涼的天氣正要好好補一補試業其間讚好和分享post 還有六頭飽魚一隻雖然主打養生但食物多樣化除了養生的湯還有涼拌 最特別是涼拌小皮蛋細細粒 既可愛又入味香香辣辣的讓人一粒接一粒負責人說是自家製做水門雞飯 配以香濃的椰子雞湯雞軟滑的程度令我認為根本不需要加錢轉雞脾 反而下次要試雞什 已經很少食店會提供川弓白芷魚頭米線滿滿的藥材大大滑滑的魚頭米線有着濃濃的米香濃厚的無腥味湯頭被我喝光光自家製洛神花茶應該是新鮮洛神花煲的酸中帶甜味道剛好難怪藉得負責人推介推介另一杯是薑母茶薑味突出但不會太辣食得健康又好味 如果想放縱一下 又有炸物真是不錯的食店

乳酸多多爆珠 $11荔枝乳酸爆珠 $11飲品味道唔會太甜，飲品種類多過一般餐廳蟲草花膠雞湯 $68超足料，湯底🥣好濃郁雞味，花膠勁大舊，炆得夠淋，雞既份量都好多招牌海龍皇 $128超級豐富，有帶子、蜆肉、魷魚圈、花甲，仲要有大大隻龍蝦🦞，好正，而湯底都好有蝦味🦐，唔係味精湯，夠曬鮮味同健康，b涼拌沙白蜆 $58小辣，而個汁微酸，個汁夠入味，蜆肉鮮甜佢而家新開張，like 社交平台仲要送鮑魚😻😻鮑魚夠霖👍🏻

過開紅磡哩頭，見到間新開嘅米線，就想試吓。整體嚟講，用料真係明顯有用心，而且好足料有驚喜。小清新裝修又乾淨好坐，值得一試。海鮮龍蝦湯真係非常之足料，除咗見到有蝦、元貝、蜆，仲有魷魚，總之食完麵仲有剩餸😂蟲草花膠雞湯未食先呷一啖湯，好清甜，雞味濃郁，感覺好滋補。兩大舊花膠，食完大滿足！雞肉都滑，成碗麵都好出色！咁啱老闆係度，介紹佢哋嘅米線，用米比例多。唔怪得食落真係零舍爽滑，同埋彈牙，而且食落放耐咗都唔會淋。黃金雞翼咸蛋黃整嘅嘢真係冇抵抗力，蛋黃漿淋上熱辣辣嘅雞翼，好好味🤤🤤🤤舖頭d腌蘿蔔、辣椒油同菜脯係自家製嘅，菜脯最為出色。洛神花茶 & 藍莓乳酸爆珠洛神花茶酸酸甜甜，真係好消暑，適合夏天而藍莓乳酸都幾好飲

在紅磡黃埔購物後，又到左搵食嘅時候，近排天氣開始轉涼，想食番啲熱野，見呢間新開張嘅原作養生湯米線🍜，咁見到新野都會有興趣食吓嘅我，佢仲要主打養生，一定要入去食啊☺️🥳。餐廳新開張個多月左右，燈光明亮，坐位寬闊舒適。看餐牌見選擇都多元化，有一系列嘅湯米，喜愛飲湯水的我，極之like like, 貪佢養顏又健康。- 蟲草花膠雞湯跟米線鋪上枱便急不及待呷了湯先, 飲落鮮味夠熱, 內有3~4片花膠, 切雞同蟲草花, 花膠煮得夠淋, 加上米線都滑滑的, 吸咗湯鮮味, 很正. -  蕃茄一貝子濃湯跟米線內有鮮蝦花甲, 帶子 蜆肉跟魷魚，花甲爽口冇沙, 蕃茄湯底濃郁, 飲出海鮮既鮮甜味道! - 黃金雞翼加上鹹蛋王在外表下包住Juicy既雞翼, 令人拒拒唔到的一道小食, 味道很不錯啊! - 雞湯浸時蔬, 健康又有益~ 食完回家後都冇口渴感覺, 都不錯, 下次經過可以再去食下其他款式.  

不嬲都知黃埔紅磡區多小店美食，啱睇完戲，就去搵食。啱見到一間原作養生湯米線，係新開張小店，就入去試吓。原作養生雞湯本身可以選擇米線、薯粉、新竹米粉、白飯。雞湯配上米線感覺最夾。啖雞湯濃郁不在話下，雞肉好嫩滑，整得好出色。招牌海龍皇湯一嚟到哇一聲，好大隻龍蝦🦞，加埋其他海鮮配陽春麵，賣相好吸引。龍蝦湯底味道好濃郁，陽春面完全吸收晒湯嘅精華。成碗麵都十分足料，龍蝦啖啖肉，蟹鉗好大隻，仲有鮮蝦、蜆肉、帶子、帆立貝等海鮮配料。冬天嚟食肯定仲好食。黃金雞翼堅正！雞翼新鮮炸起，熱到要攤一陣先食到，鹹蛋黃非常香，雞肉唔會炸到好老，入口嫩滑，真正做到外脆內嫩。油醋海蜇花非常好開胃，醋嘅份量亦唔會太酸，而且好彈牙爽口。不論係湯底、麵線、配料，連小食都做得咁出色，下次一定會再嚟食😋

沉悶嘅工作過後以為只係搵茶記填肚，點知經過見到新開張like fb送鮑魚幾盞鬼就不妨一試。小試牛刀之下叫左花膠雞湯米線，份量適中，膠夠林，雞都滑，湯夠濃，足夠啦！餐具方面都有誠意，算幾精緻，而熱飲同凍飲味道都唔錯，唔算太甜，至於小食味道都不俗，黃金炸魚皮一食開心，再食加分，雞翼就偏咸，其次特別中意個辣菜圃，可惜某些價錢偏貴，不過都係果句.......一試無妨再試難忘，都係會繼續食既🤪🤪🤪🤪🤪

-🔸蟲草花膠雞湯米線 $68🔸黑松露煙醺溏心蛋 $15🔸藍莓檸檬梳打 $11🔸蠔皇扣六頭鮑 like fb/ig送-一向知道我鍾意飲湯嘅朋友介紹我試呢間新開張嘅靚湯米線，今晚就去食，發現超高質呢！叫咗最啱女仔嘅養顏花膠雞湯米線，上枱見到好足料，花膠大大舊仲有成4-5塊，雞件份量都多而且唔會煲到好柴。餐廳主打8小時熬製靚湯，絕不添加味精，味道新鮮清甜，我好放心咁飲晒成碗（平時一定唔飲）。小食叫咗一份煙醺溏心蛋，半熟嘅溏心蛋加咗少少煙醺味增添風味，幾特別。要特別推介新張期間，讚好餐廳嘅ig/fb即送一隻鮑魚，大大隻超正啊！

琴日經開黃埔見到間新開場既米線小店，平時一向喜愛食米線既我決定要入去試一試佢～招牌海龍皇湯米線$128見佢寫住係招牌湯，梗係叫來試試🙌食米線之前飲啖湯先，哇...！佢個湯惦wo!非常鮮甜既鮮蝦海鮮湯味道👍加埋d爽口米線會慢慢索左個湯既味道🤤而且店主用既龍蝦，帶子，蜆等海鮮都食落都好新鮮，呢碗米線真係好出色～黑松露煙燻糖心蛋$28松露味道好香，食落又唔會超甜👍不錯的小食～呢間小店米線湯底做得好出色，價錢平民,推介大家來試試啊～

全香港有咁多間米線舖頭，到底點先可以突圍以出? 眼見呢間店只係短短開張幾日，每次行過都見到至少8-9成既入座率，自然地行去望下餐牌，主打養生湯/泡飯/米線,價錢都非常相宜，做就左第一次光臨~店舖燈光光亮，卡位/2人座/4人座/自閉位任君選擇同老公各自揀左一款米線+一款小食~蟲草花膠雞湯跟米線 ($68)  ~ 跟足商品說明條例，有齊蟲草花、花膠、切雞，湯頭味道濃郁，米線煮得恰到好處，完全有晒媽媽用心煲老火湯既味道，成碗湯飲晒都唔會有口渴既感覺，足以証明係無味精!!!!蕃茄一貝子濃湯跟米線 ($58)~海鮮份量十足，有齊帶子、元貝、鮮蝦、魷魚等等，湯頭都如雞湯咁濃郁，亦多左海鮮既鮮甜美! 鍾意惹味D既，又可以試下自家制既菜脯，又變成另一種味道!!! 一口芝士 ($58) ~其實有好多款小食揀，但作為芝士控，一眼就俾呢款吸引左，芝士即炸上台，熱辣辣而芝士咸香味十足~~半價+ 餐飲 (+$11) 荔枝乳酸爆珠~飲品除左咖啡檸茶檸水系列，更加建議一試呢度既特飲，老公加左杯荔枝乳酸爆珠，偷偷地飲左幾啖，爆珠感覺好得意，荔枝味好清新，早知我都加一杯啦~~可能店舖新開張，老闆都熱情地同客人傾計問下意

又係我米線控出動既時候啦今次黎到新開張位於紅磡黃浦的原作養生湯米線🍜真係一山還有一山高，招牌海龍皇湯夠豪未海龍皇湯是用蝦＋龍蝦殼熬製而成非常鮮味，所以我改了陽春麵吸曬湯汁好正呀配料十分豐富有半隻開邊龍蝦、大蟹鉗、花甲、蜆肉仔，帶子同墨魚。一粒無喳既日本刺身級數帶子、一粒原粒帶子、龍蝦膏飽滿加上彈牙龍蝦肉🦞、大蟹鉗肉厚結實、花甲無沙又爽口，一碗$128真係超值之選💯原作養生雞湯米線（$58）係另一必食推介，雞湯好濃郁，雞肉利用冷熱水汆燙的方法製成，口感超滑而且鎖住了肉汁❤️❤️真係食到一滴不留最後仲試埋大細剛剛好，炸到金黃脆口的一口芝士，好滿足呀❤️（有5粒，但俾老公急不及待食左一粒）飲品方面都有唔少選擇，我們點了巨蜂乳酸爆珠，味道好似兒時的冰條味令我相對有驚喜的是洛神花茶，洛神花味道好濃，飲完好潤喉，甜甜蜜蜜🍹❤️記得要食埋杯底的洛神花呀，酸酸甜甜好好味❤️有幸同老闆傾左陣計，我好鍾意佢講既一句，錢要賺但唔駛賺到盡，做餐廳最重要「捨得」，捨得用貴價食材用心烹調，食客係食得出，口碑回頭客比一切重要，良心食店，贊