原作養生湯米線

營業中

休息中

其實我都食過呢間米線舖幾次基本上我每一次都係嗌花膠雞湯米線😂🍜蟲草花膠雞湯米線結合左蟲草花、雞肉、米線、養生雞湯底米線上面放咗雞件 再放咗蟲草花同埋杞子作點綴🪄蟲草花有多種保健功效就係人都知啦🤓配合埋奶白色嘅雞湯 加埋啲花膠🥳即刻覺得碗米線充滿骨膠原蛋白 同埋營養豐富🧖🏻‍♀️呢碗野真係食完超級暖笠笠🥰但夏天食一定要配涷飲蟲草花香氣就冇乜 花膠係屬細件彈牙果種🤔兩者都唔係太入味 應該唔係同d雞湯一齊煲🤔不過呢個價錢 冇野好彈啦🙌🏻雞件都算大件 同埋真係幾滑身🫶🏻米線口感軟綿 而且份量十足雞湯底呈奶白色 每次都總會飲幾啖暖身👍🏻佢算係冬季保暖佳品 極受歡迎養生湯物⛄️每次lunch 都大排長龍😮‍💨不過 我都唔會飲哂湯 因為都咸第一次食好驚艷 真係飲哂🥹食多幾次 覺得湯底好似同d料冇咁混合 各有各走咁可能要求高左 所以希望個質素可以keep番高d啦🍜鯛魚片龍蝦湯米線呢個真係深刻印象 因為佢個樣好吸引🤩湯底係橙紅色 就咁望好似好濃咁 視覺上好有層次感上面有肉碎同鯛魚片 湯底係龍蝦味 但唔算太濃郁個人覺得 食完呢碗野 好有飽肚感其實本身想食海龍王湯米線 但覺得食好似太heavy😂所以想試下個入門

今天放假和友人想了想到那裡吃午飯，早前自己一個專誠來到這裡試了一下著名的米線，尤其是黃酒煮雞湯米線，今天也推薦朋友來一趟，今天試了椰子雞湯米線，桂花蜜糖雞翼，口水雞例牌份量，蛋黃魚皮和奶油津白，朋友也大讚值得再來 尤其米線，質地軟度難得一見 ，湯底也是必喝 所以我們倆也沒點飲品。下周再來一趟。

呢間餐廳以養生湯米線/飯為主打，菜單上有好多款精緻嘅湯米線選擇，包括以下幾款：首先，我要講下佢哋嘅招牌菜式——「龍蝦海龍皇泡飯」。呢個菜式絕對係一個豪華又滿足嘅選擇。湯底鮮甜濃郁，加上大塊嘅鮮嫩龍蝦肉同海龍皇，令味道更加濃厚。飯有普通飯同脆米，配合湯底同海鮮，味道絕佳。呢個「龍蝦海龍皇泡飯」絕對值得一試。另外一款菜式係「東江沙薑雞飯配雞雜」。呢個菜式以東江沙薑雞為主角，雞肉鮮嫩，配上香辣嘅薑蒜汁，味道鮮美。而另外一款值得一試嘅菜式係「桂花雞翼」。呢個菜式以桂花為調味，雞翼炸得鮮嫩多汁，每一口都帶有桂花香氣同雞肉嘅鮮美。呢個「桂花雞翼」絕對係一個不容錯過嘅選擇。總括而言，原作養生湯米線係一間嘅出品都好好，值得一試。

我去到附近嘅時候，時間都算夜，9:15入去。因為晚巿米線套餐連埋小食，咁我哋都揀咗，可以試多啲嘢食桂花蜜糖雞翼佢都比較多蜜糖味，亦都大隻 唔會話得返少少肉咁鮑汁扒時蔬又唔係好特別，唔太似鮑汁嘅味道，只係有少少醬汁。另外菜亦都唔係好有味，算係幾健康🤣但係唔係好特別，但係作為一個想食晚餐食菜嘅人都係一個幾好嘅選擇。吉列大蝦另外仲有吉列大蝦係算係幾好食台灣咖啡係同平時飲嘅茶餐廳咖啡有少少唔同嘅，偏向香少少。蟲草花膠雞湯米線另外就係我覺得好好食嘅蟲草花膠雞湯米線，因為一上到嚟我覺得熱辣辣咁即刻忍唔住開始食，所以都冇影相😂但係不得不讚個湯真係有啲牛奶咁嘅感覺唔會好稀，而花膠就係有新嗰一種花膠，但係亦都好好咬唔會太靭，入味👍🏻雞個方面我都食到好多雞髀部份係加分，肉鮮嫩👍🏻中意食雞湯米線嘅人真係唔好錯過☺️👍🏻

建議朋友過嚟試呢間餐廳，可以午市至下午茶時段嚟食。因為午市套餐比較抵食，一個價錢包主食小食同飲品🥰(價錢係78至98元左右)小食必定要嗌桂花蜜糖雞翼！🥹十級推介蟲草花膠雞湯米線🍲養生之選！如果唔係想食太重口味，建議可以試一試呢個！清甜嘅雞湯配上幼滑嘅米線。仲有三嚿花膠😋花膠煮得好腍，一啲都唔腥。不過唔知係咪啲雞件浸咗落啲熱湯度，雞肉有少少嚡。反而配飯嗰啲雞件，食落滑身好多🥲沙薑雞拼雞雜飯配椰子湯🥥呢個飯係必叫！呢個飯一次過滿足幾個願望，有切雞有雞腎同埋雞肝，重點仲有個超濃郁嘅椰子湯。我諗我下次都係會encore呢個飯🤤呢度嘅沙薑醬味道好濃郁，落少少撈飯食都好食🫢跟餐既小食分別叫左一個麻辣鴨血同埋桂花蜜糖雞翼麻辣鴨血比較普通，麻辣味唔太濃。而桂花蜜糖雞翼，炸得超脆口嘅雞翼沾上甜甜嘅蜜糖，食落去仲有淡淡桂花味，甜而不漏。🤤

地址：原作養生湯米線 (紅磡)紅磡必嘉街120號黃埔花園三期翠楊苑地下34號舖美味指數：6.5/10環境指數：6/10抵食指數：6.5/10桂花蜜糖雞翼：炸得好香好脆，蜂蜜味重，甜甜地，所以食落去唔會太油膩，係出色的。油醋海蜇花：咬落去很爽口，不過個人覺得味道偏淡，唔似平時食開既涼伴海蜇咁重味，不太適合重口味人士。桃膠椰子雞湯米線：湯底非常清甜，椰子味唔會太濃，雞肉都很大塊（4-5塊），整體份量都多，味道就見仁見智。

朋友推介呢間既米線 仲大讚雞翼 今次經過黃埔就過黎試下啦😜🌟油醋海蜇花口感好爽脆 好彈牙 質感亦好厚身味道方面就微微既酸辣 不過醋味可以再多d🌟 桂花蜜糖雞翼雞皮好香脆 蜜糖雞翼加埋小小桂花味 好特別 好好食 果然無推介錯阿👍🏻👍🏻👍🏻👍🏻絕對會為左佢再黎食多次🥰🌟 蟲草花膠雞湯米線有6條花膠仔 雞件亦好嫩滑 食完覺得自己好健康阿🌟酸辣米線呢個就正正常常 有小小肉碎係面 酸味好充足 食完都唔會覺得好口乾

我已經指住個menu嚟落單, 嚟到係另一樣嘢。我哋已經好好態度咁同佢講，佢居然回應：我覆左你2次，都會錯？阿姐，第一，我哋聽唔到你覆，第二，我哋都無諗過，指住果menu 你哋都會落錯。擺明唔想換比我哋。D嘢係幾好食，但成餐都食得好唔開心。應該無下次。其實，晚上7:00pm 都居然位多到任揀，我都心諗係咪有伏。

呢間又係網上比人狂推既一間，唔信邪既我又要去試下伏。午市套餐前菜個貢菜幾好，夠爽口。蝦球算彈牙但應該是炸定既比較乾。前菜正正常常啦。到主菜，家人叫了蟲草花膠雞湯，轉了米粉。個湯極淡，無雞味！自己煲仲好飲米粉係用透明滑身我鐘意嗰隻，但都無乜味，如果食翻米線肯定更加索唔到味！我自己叫左鯛魚片龍蝦湯脆米泡飯，濃就幾濃，但唔係好飲到龍蝦味，不過比左好多鯛魚片，係滑身爽口嗰種口感。仲嗌左個沙薑雞配雞雜飯，雞肉似普通貴妃雞，大部分都血淋淋，飯係普通絲苗但太過硬。跟餐有個椰子雞湯，其實應要用椰子水煲，佢竟然加椰奶！嚇死人！應該要係清甜雞湯而家不倫不類！總結又係比人fake的一餐

[ #caloriefoodie黃埔 ]• 原 作 養 生 湯 米 線 •🐿-​舉住養生湯旗號🚩主打米線嘅小店但卡里覺得小食雞翼比主食米線更好食😳-🐥 蟲草花膠雞湯米線 💰$98🐷 星加坡胡椒豬肚雞湯米線 💰$98雞件大約4-5塊 但可惜口感唔算滑身嫩口而湯底嘅味道都唔算好濃郁 所以就比較失望(兩者相比之下 胡椒豬肚雞湯嘅湯底更出味)整體覺得普普通通 有啲物非所值嘅感覺🥲-🍯 桂花蜜糖雞翼 💰$ 跟餐好彩桂花蜜糖雞翼係好食!! 一共有3件 雞翼先炸好 再加上桂花蜜糖🌸桂花又係甜 而蜜糖都係甜 甜甜地幾好食!!-🐟 原味脆魚皮 💰$ 跟餐本身見到隔離枱嘅脆魚皮好似好正 所以叫但原來佢地嗰嗰係額外叫嘅黃金脆魚皮😂脆魚皮口感脆身 都值得一試-總括而言 因為卡里係專登去黃埔食呢間餐廳所以食完會有少少失望嘅感覺 唔係坊間講到咁好食如果住附近 又或者咁啱經過 都可以試一次嘅😳-📍 紅磡必嘉街120號黃埔花園三期翠楊苑地下34號舖-#caloriefoodie

但求就腳，結果自尋煩惱。1/ 點嘅係胡椒豬肚雞湯（$158），黎左個豬肚雞湯米線，仲堅持話係我地叫左米線，如果唔係個湯貴幾十蚊，佢應該唔會承認責任2/想要兩隻碗仔同湯羹，叫極只比一隻，佢話「你咪已經有一隻咯！（指住上菜個大湯碗同個大湯殼）」。大佬，我未見過有人用大湯殼飲雞湯咯，家陣又唔係食日本仔嘢！ 最後非常不情願下攞多一隻碗仔同湯羹。 3/ 分左兩碗： 鹹得太離譜，而且雞並不是煲出黎嘅，基本上係一碗有胡椒嘅勁鹽水+後下超鹹雞。未試過呢間嘢嘅朋友：慎入。

熱辣辣嘅米線‼️|岩哂凍冰冰嘅天氣🥶｜必點蜜糖桂花雞翼🌟胡椒豬肚雞米線🍜｜$98｜8.5/10米線好足料有好多豬肚同埋雞🐥，d雞係雞髀肉好嫩滑，湯底有胡椒味，上菜嘅時候熱到出煙，食完之後個胃都暖哂，啱晒凍冰冰嘅天氣❄️。🌟桂花蜜糖雞翼🍯 ｜9.5/10呢個係跟套餐配嘅小食，雞翼表面煎得好香脆，而且成隻碗都係桂花蜜糖，包你每一啖都點到蜜糖🍯🌟鯛魚片龍蝦湯米線🦞｜$118｜9/10呢個都十分推介，魚片嫩滑，唔算多骨，最鍾意佢個龍蝦湯底，濃濃既湯底有鮮味，掛湯食米線一流‼️😋推薦指數：9/10

Intro: 呢一個假期又黎到紅磡搵食，咁岩喺紅磡同黃埔交界有一間幾出名嘅米線，佢地主打特別嘅米線，就例如係花膠雞湯米線，普通嘅米線價錢都係60-80不等，但食得出佢地嘅湯底同料都值！___________________🍽 蟲草花膠雞湯米線💰 68 （+9配凍飲）⭐️8.5/10✍🏻 蟲草撒滿喺米線面上，仲有紀子；✍🏻 花膠都有四舊，仲幾厚、大粒同彈牙，好夾呢款白色帶點微香嘅湯底；✍🏻 有足足四件雞，雖然唔係脾同腿嘅部位，但真係幾滑同肉多，不過都要小心咬骨。🍽 蕃茄滑蛋豬扒濃湯米線💰 55 （+9配凍飲） ⭐️8.5/10✍🏻 蕃茄粒極多，蕃茄湯味濃，但唔算係味精嘅感覺；✍🏻 滑蛋就偏熟，無咁滑嘅感覺，但蛋好厚好滿足，好夾呢款蕃茄湯；✍🏻 粟米失色左少少，比較乾水又唔甜；✍🏻 米線係偏幼，好彈牙唔會煮淋，坊間比較少有；✍🏻 豬扒好大塊，容易咬開，醃得足料。___________________🏠 原作養生湯米線📍 紅磡必嘉街120號黃埔花園三期翠楊苑地下34號舖⭐️ 8.5/10___________________

啱晒！今日嚟到「原作養生湯米線」試吓嚟緊成日人頭湧湧嘅美食。湯底真係出奇清甜，一啖椰子雞湯入口，順滑得來又唔膩口，啖啖雞肉咬落有嚼勁，冇得頂。桃膠喺湯入面好似太軟咗，口感上嚟講就差咗啲火候。不過梗係要夸下佢哋啲黃金炸魚皮，脆口爆汁，啲咸蛋黃醬又香濃得嚟，食得我停唔到口。至於啲水煮魚米線啦，就冇咁出色喇，鮮味跟哂個辣同麻嘅步，但都算普通啦。點的餸膠翼嘅話，外皮鬼嘈嘈，裡面啖啖肉感，配上嗰啲桂花蜜糖汁更加係好正！不過提提你，嗰杯凍檸檬柑橘飲品就真係得意不過唔夠勁。整體嚟講，食物質素拍手叫好，服務同環境都有得改善。跑堂啲仔仔啦，精神唔錯，但加把勁更加好！所以，要不是避唔到人多嘅時段，真係值得一試，尤其係想嚟個輕鬆又養生嘅餐飲體驗。🍜🤤🌟

朋友推介呢間令佢念念不忘嘅米線，原作養生湯米線位於黃埔，只此一家，別無分店！去到先知原來呢到唔係食平時嘅川味米線，而係主打無味精嘅養生湯米線～(午市套餐)蟲草花膠雞湯米線💰HK$78係一款湯底味道比較清淡嘅雞湯米線，雞件嫩滑，米線口感淋得來帶少少彈牙～(午市套餐) 星加坡胡椒豬肚雞米線💰HK$78呢個湯底比蟲草花膠湯底更優秀，胡椒味好重，湯嘅味道都比較濃郁，誠意推介比平時鍾意飲胡椒豬肚雞湯嘅同好來試下～呢到嘅午市套餐超級抵，一碗米線再包一個小食再加埋飲品！小食方面，我哋揀咗脆魚皮同埋雞湯浸時菜，時菜嘅味道比較清淡！而飲品就揀咗熱嘅洛神花茶同埋凍嘅金桔檸檬，味道正正常常，不過不失～