南越南咖啡廳

營業中

休息中

一位即時有台 坐低即搜Code落單 秒揀左招牌金邊湯粉 隔離台同時間坐低左兩位 佢地吹左一輪水 隔左近5、6分鐘先落單，結果我等左13、14分鐘都沒野食到，但隔離台原來叫左同一碗招牌麵 反而到左先，於是我問個侍應，佢話廚房係睇單做唔係睇落單時間做 話叫我等下 結果隔左一輪佢地又有人話果碗麵係我既 但裡面既牛肉已經浸死哂 我嬲嬲地求其食完就埋單去 一定沒下次 味道一般 侍應歪理成文 好評可能都是刷返黎 97蚊係旺角太子大把老店小店好選擇

睇嗰啲評論介紹，呢間嘅越南粉都得到幾高分，所以專登嚟試吓。我揀咗啲兩點幾冇乜人去嘅時間，好彩都仲有得食，呢度冇下午茶套餐，咁我就點咗一個呢度招牌嘅牛河粉啦，裏面有牛尾牛肉 ，牛柳，牛丸，啲料幾多元化，而且味道係好好，我鍾意食牛尾，雖然整體上唔算好大碗，我諗一個男人未必食得飽。之後我點咗呢個小食，係呢個南越蟹肉醬配呢個脆波。混合起上嚟係幾好食。可能我本身好鍾意食呢個脆波，咁加埋呢個蟹肉醬，好有層次。呢間嘢可以回頭

lunch又嚟食依間越南嘢😋牛肋條軟硬度啱啱好，咖喱辣得來好香（唔算太辣），斑蘭椰香飯好食🤤依個價錢真係差唔多～但係今次呢個飯就冇咗lunch set～（冇包嘢飲）Anyway值得encore再encore🤪門口依隻大熊好正～🤣埋單有張刮刮卡抽！

放lunch去左食越南野，唔洗等位～野食好好食！雖然lunch黎講價錢偏貴，但好食🤤會再encore✨✨餐包嘅冬瓜茶都好飲！坐得舒服～斑蘭飯第一次食，淋淋地唔錯👍🏻咖哩唔辣易入口，同斑蘭飯夾！下次會想試埋其他lunch set 😁埋單有刮刮卡，下次可有七五折😀

以越南Fusion菜見稱 Nam Viet Nam Cafe，食物菜式有創意，賣相又吸引，就會帶給食客有驚喜。Nam Viet Nam Cafe 位於彌敦道大街大廈之內，從電梯而出，全層都是餐廳位置，所以坐位絕對充足。餐牌菜式以南越為主，加入fusion創意，所以較為有特色，最近還新出咖喱菜式，菜式價錢又實惠，都有一定吸引力，難怪座無虛席。越南蟹肉醬配脆球餅 HKD68，將蟹肉醬放入球形餅一拼吃，賣相特別，蟹肉醬又鮮，球形餅又很脆口，無論賣相和味道都很吸引。脆米紙薄餅 HKD58，薄薄脆米紙放了些簡單食材和醬汁，吃上口脆口薄餅帶酸甜醬汁，有點像吃薄餅感覺，就已經份外驚喜。火龍芒芒蝦仁配脆蝦片 HKD58，紫紅色醬汁夠鮮艷，吃上口酸酸甜甜味道配上蝦仁鮮味，和脆口蝦片，非常開胃。惹火上身鹹檸豬頸肉 HKD70，送上枱就會點火燒下豬頸肉，豬頸肉配上鹹檸汁，再加上輕輕燒過，非常惹味。NVN 咖啡骨 HKD78，食物送上時附加一個壹，內裏就是咖啡，要把咖啡倒入表要棉花糖，等棉花糖和咖啡骨中浸泡一會，再吃骨，帶點咖啡香味，再喝一口骨中之醬汁，咖啡味更香，非常有心思的菜式。越式咖哩牛肋條配蒜蓉包 H

呢一日我一個人食飯，但又唔知食咩🥲然後就去咗旺角附近嘅一間越南餐廳食呢個招牌嘅豬頸肉撈檬粉配咗一杯咖啡啤酒🙂環境係幾唔錯嘅😊只係食物嘅質素普通未能達到原本嘅expectation如果下次可以同一班人嚟食嘅話，我諗我會推介嘅，但係如果一個人嚟食嘅話，整體用餐體驗麻麻，因為價錢都相對嚟講比較貴！如果可以多啲人嚟食嘅話呢，就應該可以試多啲唔同嘅食物好想試佢嗰度招牌嘅豬頸肉同埋氣泡酒唔好食都可以打卡呀嘛😄😂

-喺OpenRice碌吓旺角有間越南餐廳好抵食親身過嚟試吓就知龍與鳳😂 睇到個Menu入邊 真係好少餐點係Over $100😮多數都係$70至$80左右⋯我地就盡情點左六款呢度嘅份量唔算話超多 性價比OK👍🏻.🔹惹火上身鹹檸豬頸肉$70🔹南越蟹肉醬配脆米球$68🔹嫲嫲南越湯 招牌金邊粉$88 🔹NVN 南越法式麵包$78 🔹札肉心內美米紙卷$65🔹香蕉薄餅$45🔺斑蘭龍眼茶$25🔺香茅青蘋果茶$25順帶一提佢哋出餐超級快 📲QR code落單之後5分鐘內已經出咗第一款餐點😅

打開升降機門，就會見到呢堆霓紅燈箱，一間玩味十足嘅南越菜店。悶熱天氣，行到上黎都有少少汗，未開餐先叫D凍飲先。呢度除咗特飲如呢杯咁靚嘅Citrus Blossom ($52)，篤穿個氣泡就飲得。以西柚味為主體，加上梳打，香甜有氣感，有外在美之餘仲有內涵。仲有自家出品嘅柑桔檸檬綠茶 ($25)，比埋個冰底杯你，建議先搖一搖先倒。柑桔檸檬味比預製支裝來得自然，亦飲到綠茶味。炎夏天氣好岩飲呢D果味飲品。首先出場嘅係越式發酵茶葉沙律 ($54)，顏色繽紛吸引人。多種材料如以爽口生菜為基底，再有青瓜絲，蕃茄粒，各式脆豆及少少發酵茶葉作點綴。加入醋汁作沙律醬，爽脆之選。似係健康之選嘅有呢客扎肉心內美米紙卷 ($65)，一客有5件。以米紙卷包住酸甜甘荀絲，青瓜及扎肉條，再點埋個花生醬，調起晒整體味道。話晒係呢度嘅招牌金邊粉($88)，採用嫲嫲南越湯，點可以錯過?!一碗份量夠晒多，二人分享都可以。材料有牛尾，牛丸，牛筋，牛腩等，牛氣沖天。湯底好鮮甜，飲完都無話好口渴，有條油炸鬼比你索湯食; 而金邊粉入口幾爽口，以湯送粉好易食得晒。加埋有少少九層塔及芽菜，增加香味與口感。越菜除咗必叫pho之外，法包都唔

同朋友好耐無見，見呢間粵式餐廳喺網上評價幾好，就去試一試。脆米紙簿餅未食過咁樣嘅薄餅，有青瓜絲紅蘿蔔絲加啲臘腸肉，食落幾清新 。南越蟹肉醬 配脆球餅 外型同印度嘅印度脆球一樣，但佢配搭嘅餡料就啱我口味多啲，有超多嘅蟹肉紅蘿蔔絲同埋青瓜 。惹火上身鹹檸豬頸肉店員點火嗰下真係好吸睛，豬頸肉好嫩滑，整得啱啱好 。烤蔞葉雞配青蘋果條差唔多半隻雞嘅份量，雞皮整得好脆，食雞一定要食雞皮 。發現餐廳好鍾意每道菜都有少少酸酸哋嘅配菜，呢個青蘋果條就好開胃 。越式咖哩牛肋條配蒜茸法包（牛助條，牛筋，越式雜菜）呢個應該叫食極都有咖喱，焗得好香脆嘅法包蘸上咖喱，再加埋啲炆得好入味嘅牛肋條，牛筋都炆得幾好。扎肉心內美米紙卷一個好特別嘅名，心內美🤣令到我地忍唔住要叫黎睇睇 。米紙卷有超大舊嘅扎肉，真係估佢唔到凍荔枝咖啡 天氣咁熱梗係要飲返杯凍嘢，估唔到一杯荔枝咖啡嘅外型都可以整到咁特別 。蛋咖啡第一次嘗試蛋咖啡，原來啲蛋會有少少甜甜地，中和左咖啡嘅苦都幾特別

同朋友去咗越南餐廳食飯，真係好開心！環境又靚又舒服，感覺好放鬆。我地食左越式咖哩牛肋條，配埋蒜茸法包。牛肋條炆得非常之入味，肉質嫩滑，咖哩味道濃郁又唔膩，搭配住法包一齊食，混埋咖哩汁，簡直係美味到爆！法包外脆內軟，真係好配！我地仲叫咗越式發酵茶葉沙律。沙律上面有好多新鮮嘅菜，特別係茶葉，味道好清新，仲有一啲酸酸甜甜嘅感覺，食落去好開胃，真係一個好好嘅前菜。之後就係惹火上身鹹檸豬頸肉，呢道菜真係好正！豬頸肉燒得香脆，配上鹹檸檬汁，咬下去有一種爽口嘅感覺～有埋菠蘿一齊食平衡油膩感覺～ 鹹檸豬頸肉撈檬都好好味，加埋魚露好突出～食完真係忍唔住想再來一碗。飲品方面，我地叫左南越冬瓜茶，味道清甜，正好解渴。香茅青蘋果茶就更加特別，清爽又有香味，夏天飲真係爽口得滯。我地仲叫咗越式薏味栗米條做甜品，外脆內軟，口感非常之好，仲有少少甜味，食完一口就想再食多幾條。而且佢哋嘅扎肉心內美米紙卷都好好味，米紙包住新鮮嘅配料，食落去有一種清新嘅感覺，真係唔錯。

新派創意越南菜 🇻🇳 V͇i͇e͇t͇n͇a͇m͇e͇s͇e͇ ͇C͇u͇i͇s͇i͇n͇e͇燒豬頸肉非常不錯😁 另外金邊粉同梛子奶凍都值得一試🤓 野飲比較特別，Teara of Mermaid味道都ok😝 我個人就比較中意試Pandan flavour嘅野🌿🌟1️⃣招牌金邊粉 🍲𝙂𝙧𝙖𝙣𝙣𝙮’𝙨 𝙎𝙞𝙜𝙣𝙖𝙩𝙪𝙧𝙚 𝙋𝙝𝙤2️⃣苗族梛汁淡咖喱雞肉湯米線𝘾𝙝𝙞𝙘𝙠𝙚𝙣 𝙇𝙞𝙜𝙝𝙩 𝘾𝙪𝙧𝙧𝙮 𝙍𝙞𝙘𝙚 𝙉𝙤𝙤𝙙𝙡𝙚 𝙎𝙤𝙪𝙥🌟3️⃣惹火上身鹹檸豬頸肉𝙂𝙧𝙞𝙡𝙡𝙚𝙙 𝙋𝙤𝙧𝙠 𝙅𝙤𝙬𝙡 𝙬𝙞𝙩𝙝 𝙖 𝙎𝙖𝙡𝙩𝙚𝙙 𝙇𝙞𝙢𝙚

話說我同朋友透過openrice訂座，6點入座有8折優惠。我地入座時雖然無人，都有講訂咗位，落單時confirm問係咪有8折，男職員有用電話影低相關証明，佢話7：30前埋單先有8折。但係到我地食飽時，舉手同一位女職員講埋單，佢話好呀就走咗入水吧，我地等咗好耐都冇人嚟，再舉手同開頭嚟影証明嘅嗰個男職員講埋單，佢先同我地講要出櫃枱埋，我同朋友即刻話：「啱啱又唔講？」好似想拖我地鐘咁，因為嗰陣就嚟到7點半。去到櫃枱，佢印咗張單係無計8折！！！好彩我有認真睇單，我問：「唔係有8折？」佢就問我：「你係x小姐？」先印張有8折嘅單俾我，感覺十分之唔老實！！！因為佢係有嚟影我地張8折訂枱證明，亦講得出我地姓乜，但偏偏一開頭就印張無8折嘅單俾我地，根本就係搏我地唔睇單！！！奉勸大家一定要check單！講返食物，我地叫咗招牌金邊粉、燒豬頸肉同香茅青蘋果茶。招牌金邊粉材料都幾多，湯底味道有dd苦。燒豬頸肉上菜時會有2秒噴火，味道正常，但比較細塊。香茅青蘋果茶無乜蘋果味，好淡。總結而言，唔會再嚟。

令人好失望。點了四道菜，結果沒有一道好吃的，尤其是咖喱，鹹得令人無法忍受，完全失去了咖喱應有的風味。每道菜都缺乏基本的調味，味道單調得讓人失望。當晚的環境也很冷清，星期六晚餐時間竟然客人稀少，這無疑是個警號。如果餐廳的食物質量好，應該會吸引更多顧客，但這裡卻完全相反。這樣的用餐經歷讓我不得不上網分享不滿，對於喜愛越南餐的我來說，實在難以接受。我不會再光顧這家餐廳，也不會推薦給朋友…………………….

今日同男朋友喺旺角行完街之後，去咗間越南fusion餐廳食飯。餐廳地方好大，裝修又幾靚，仲有隻熊啤啤擺喺度影相。當時人都幾多，大家食飯時間記得提早book位。兩個人都肚餓，嗌咗好多嘢食一齊share：**越南紙薄餅** 呢個薄餅真係食落去好清新，皮好薄又脆，裏面仲夾住啲新鮮蔬菜同肉片，咬落去真係夠哂滋味。再配埋個酸酸甜甜嘅醬，簡直係perfect。**炸素食春卷** 春卷外脆內軟，咬開嘅時候都覺得好爽口，完全唔覺得油膩。蘸埋個醬後更加冧，嗰啲蔬菜香同微甜酸味嘅醬汁，真係忍唔住再食多啖。**惹火上身鹹檸豬頸肉** （店員會即刻點火）豬頸肉食落去外脆內嫩，咬落去仲有啲鹹香味，帶少少檸檬嘅清新味。當店員一點火，個香氣真係四處飄，好想即刻夾啖嚟試。點火真係好吸引，味道又真係加強咗。**越式發酵茶葉沙律** 呢道沙律好得意，有啲茶葉微微苦同酸，再配啲爽口嘅蔬菜，一食落去就覺得好特別，好新鮮，連我都覺得幾正。**越式咖喱牛肋條配斑斕椰香飯** 呢個咖喱牛肋條真係好入味，牛肉炆到好淋，食落口即刻化開咁。嗰啲咖喱真係夠香，同牛肉真係夾到冇得輸，再加埋斑斕飯嘅椰香味，食到停唔到口。**NVN咖

火龍芒芒蝦仁配脆蝦片:火龍果的甜美果香，搭配彈牙的蝦仁，並配上脆脆的蝦片，口感豐富。南越蟹肉醬配脆球餅：鮮甜的蟹肉醬與酥脆的球餅結合，帶來多層次的口感。蟹肉醬散發著濃郁的海鮮香氣，入口時口感滑順，搭配著酥脆的球餅。越式咖哩牛肋條配蒜蓉法包:將咖哩牛肋條與香脆的蒜蓉法包完美結合，帶來豐富的味覺享受。咖哩牛肋條肉質鮮嫩入味，咖哩的香氣四溢。蒜蓉法包外酥內軟，蒜香濃郁，與咖哩的風味交織在一起，讓人食指大動。招牌金邊粉:的湯底味道濃郁但不油膩，充滿了牛肉的香氣。配料包括牛肉片、牛筋、牛丸和油條，金邊粉爽滑彈牙，吸滿了湯汁的精華。我們還點了「凍柑桔檸檬綠茶」和「凍南越冬瓜茶」,清爽解膩。