357
18
10
港鐵旺角站 B3 出口, 步行約3分鐘 繼續閱讀
電話號碼
23119333
開飯介紹
NAM VIỆT NAM Café(南越南咖啡廳)作為南越 Fusion 菜主題餐廳,旨在將各種似乎雲壤之別的食材和文化放在一起,擦撞出新滋味,賦予專屬NAM VIỆT NAM Café的獨家味道。 餐廳搜羅具南越特色的街頭美食及飲料,不惜工本於菜式注入嶄新概念,融入各地具代表性的食材,注入讓人驚喜的活潑元素, 讓食客體驗真正「南越南」的風味,把「Fusion」意念發揮得淋漓盡致。 繼續閱讀
營業時間
今日營業
12:00 - 22:00
星期一至日
12:00 - 22:00
*最後落單時間: 21:30
付款方式
現金
其他資料
網上訂座
餐廳運作模式 - B類
賞訂座積分
加一服務費
有關獎賞計劃
食評 (401)
等級4 2022-01-14
69 瀏覽
▪️ 脆米紙薄餅 (7.5/10)💲54見差唔多每檯人客都有點呢個,我地當然都唔另外🤭米紙薄脆身,又唔算好油膩,臘腸粒既鹹香,配上清新既絲狀蘿蔔同埋青瓜,再加上微辣千島沙律醬,入口多重滋味有驚喜😍▪️ 南越蟹肉醬 配脆球餅(7/10)💲68另一個熱門小食,可以將加上沙律醬既蟹肉、蟹籽、蘿蔔絲、青瓜片,放入薄脆既球餅內,味道偏清淡有啲日式🤣▪️ NVN南越法式麵包 (7/10)💲78法包好脆身但係略乾,餡料都唔少,有燻蹄、扎肉、豬耳、蘿蔔、青瓜,配上個辣蛋黃醬同埋肝醬,肝醬味道尤其濃郁,不過估計未必個個都接受到呢個味😳▪️ 嬤嬤南越湯 招牌金邊粉(7/10)💲68一開始冇細心留意到有油條,浸耐左係湯度會比較腍,點呢個要記得盡快夾起🤭另外有豐富配料,半生熟牛肉片、牛面珠、嫩身牛尾、軟腍帶點黏性既牛筋、彈牙牛丸🐂金邊粉雖則幼身但係保持煙韌掛湯,麵質真係大大加分位💯湯底牛味不過不失,加左青檸既關係會微酸,尾段索汁後會越黎越稠身似泰式船面咁🤫▪️ 斑斕龍眼茶(7.5/10)💲23 (冷)見好多人飲蛋咖啡,不過唔太好咖啡既我就無試到🙈見到呢個玻璃樽好靚就叫左,飲到清甜龍眼味,唔會係死甜嗰種,感覺解渴😍▪️ 香茅青蘋果茶(7/10)💲23 (冷)呢款似係有氣蘋果茶咁,相比下較為清爽😚🔎 整體評分(7/10) 繼續閱讀
(以上食評乃用戶個人意見 , 並不代表OpenRice之觀點。)
喺網上面見到呢間越南fusion菜,好似幾正咁,於是同男朋友去試下。入到餐廳環境好舒服,所有枱之間距離都幾遠,裝修又靚。 我哋就嗌咗好幾樣嘢試下: 南越炸豬肉春捲:呢個炸春捲一份有六條,每條size可以兩啖食完,啱曬用嚟做小食。外皮炸得好香脆,豬肉餡嘅調味啱啱好,好香口開胃 扎肉心內美米紙卷:呢個米紙卷賣相好靚,色彩繽紛,令人好有食慾。入面夾咗好多紅蘿蔔,大大粒扎肉,仲附上一個好惹味嘅麻醬,食落好清新,好有口感。 南越法式麵包:呢個麵包好貼心咁黎到已經切開一半,同樣好多餡料,有好多肉絲,蘿蔔絲仲有青瓜。上面嘅醬汁好多又惹味,特別一讚麵包外皮夠脆但係好鬆軟,整體食落唔會乾。 苗族椰汁淡咖哩雞肉湯米線:米線湯底好好味夠濃郁,米線好滑,雞肉每件都幾大,肉都嫩滑,整體感覺上有啲似喇沙有少少辣,好上癮。 飲品方面,餐廳依家promote緊cocktail,所以我哋就嗌咗杯Deep Sea Fantasy試下,黎到有個波波係杯頂,穿左就有啲煙飄出黎,好仙氣呀,啱曬打卡。杯邊有鹽,入面係有海葡萄,飲落酒味唔濃,但好香配埋杯邊鹽嘅鹹味 ,好特別好好飲。另外我地仲叫咗一杯蛋咖啡,因為未試過,我先發現原來係越南嘅特別做法,用蛋黃嚟打泡沫,其實飲落同普通嘅泡沫咖啡差唔多,但係勝在夠特別咖啡都夠香。 整體感覺好好,坐得好舒服,嘢食都好正,下次會再嚟食!! 繼續閱讀
(以上食評乃用戶個人意見 , 並不代表OpenRice之觀點。)
越南是一個華洋集處的地方,不同民族生活的軌跡影響了飲食文化上的「南」轅「北」轍,今次就來到位於旺角的南越 Fusion 菜主題餐廳 - NAM VIET NAM CAFÉ南越南咖啡廳。餐廳裝潢時尚休閒,不過枱與枱之間距離較近,坐得比較擠。南越菜由多國文化結合而成,南越 Fusion 菜式為傳統越式美食注入嶄新概念,融入各地具代表性的食材。最近還新推出含有酒精的特色cocktails飲品。扎肉心內美米紙卷 $58作為越南傳統美食之一,煙韌米紙緊緊捲著心內美蘿蔔片、扎肉、青瓜的豐富餡料。米紙卷色彩繽紛,五味紛陳,爽脆輕盈,沾上花生麻醬份外醒胃。南越蟹肉醬配脆球餅 $68單是賣相已充滿玩味,食法是將蟹肉醬和配菜釀入脆球餅,帶來了多重的口感層次。脆球餅金黃脆身不油膩,夾雜著絲絲蟹肉,混合酸酸甜甜的配菜,喚醒沉睡的味蕾。NVN南越法式麵包 $78法包都會先用紙包覆好,工整對稱的切口盡現配料豐富的橫切面,也可避免一口咬下便散落一地。在鬆軟的法包上塗抹自家製黑啤酒豬肝醬,佐以酸瓜、豬耳、燻蹄、扎肉、香葉、蔥花等6款餡料,即使法包外表看來很「法式」,但吃起來其實很「越南」,盡現殖民文化下誕生的混血特色。嫲嫲南越湯招牌金邊粉 $88金邊粉是這裡的招牌菜,當晚看見差不多每枱都有點,我們專程來到又怎能錯過呢?!豐盛配料包括牛肉片、牛面頰、牛尾、牛筋及牛肉丸,配以油條亦是南越河粉獨有風格之一。用上大量牛骨、牛面頰、牛尾等長時間熬煮的湯頭清澈呈深啡色,牛味濃醇,金邊粉入口爽滑而彈牙,既易掛湯又不會一挾即碎。Tears of Mermaid $58泡泡造型玩味十足之餘,又可帶來視覺與觸覺的感官刺激,揉合藍柑橘、荔枝、蘭姆酒及梳打,酒精濃度不高,平易近人,冰涼清爽。斑蘭龍眼茶 $23包裝成扁身的威士忌酒瓶,其實內裡盛載著養生茶飲,味道天然純樸而清甜。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-12-22
370 瀏覽
今晚落雨天☔️,不想回家煮飯,同事想食越南野,所以就黎左呢間全港首間南越FUSION菜主題餐廳!臨近聖誕,都已經有很多客人,已經佈置左聖誕既裝飾品,仲有隻大Bear bear! 安排左卡位比我地,睇完menu就叫左:扎肉沙律$48: 有青瓜絲、紅蘿蔔絲、洋蔥絲等,扎肉口感類似火腿,但裡面有夾雜的香料,食時有微微香氣,味道酸酸甜甜,有一點點微辣,非常清爽可口的前菜!脆米紙薄餅$54: 越南式既pizza 底部是香脆米紙,鋪滿越南臘腸及切碎既醃製紅蘿蔔絲,配埋自家製醬汁帶點fusion風格,味道較濃郁不帶點油膩。NVN 南越法式麵包 $78:有肝醬、燻蹄、扎肉、豬耳、醃酸蘿蔔、青瓜、辣蛋白醬、蔥油、香葉;餡料十分豐富,味道帶點微辣,法包鬆軟夾埋一齊食口感層次分明!《嫲嫲南越湯》招牌金邊粉 $88 :有牛肉片、牛面珠、牛筋、牛尾、牛肉丸、油條;金邊粉十分煙韌,牛肉片、牛面珠、牛筋很軟嫩,牛味濃厚,湯底濃香而不膩,食得出來自嫲嫲煮既風味!微藻檸檬薑茶(熱)$28: 寒冷天氣下飲番杯薑茶格外溫暖,味道帶點酸辣,十分清新!Tears of Mermaid $58: 藍柑橘🍊、荔枝再加上rum soda ,杯上吹了個圓圓的波,打卡好靚,充滿神秘的海藍色,酒味唔會太濃烈,清爽荔枝甜味,不錯👍!+++++++++++++++如果大家喜歡💕我寫既食評,麻煩比個❤️鼓勵一下我,我會寫更多更好既食評比大家!😊 繼續閱讀
(以上食評乃用戶個人意見 , 並不代表OpenRice之觀點。)
等級4 2021-12-21
369 瀏覽
臨近聖誕,同囡囡去旺角shopping 醒起朋友介紹這間越南cafe ,剛巧就係附近,就即刻上去醫肚,好在啱啱剩番一張細枱,唔駛等位。五香豬腩伴鍋巴($60)底部是香脆的鍋巴,上面的豬腩肉肥瘦適中,肥的部份入口即溶,所以兩者要一齊食,就可以得到平衡,不會覺得太油膩。SHAKESHAKE  雞軟骨($52)話明shakeshake鷄軟骨,梗係要shake 下先倒出來食,好香脆,跟碟上還有辣椒粉,要幾辣就適隨尊便!扎肉心內美米紙卷($58)剛剛食完較濃味的食物,相對這個米紙卷就較為清新,扎肉都幾好味,一個頗健康的小食!苗族椰汁淡咖喱雞肉湯米線($72) 非常足料的米線,裡面有很多鷄肉,仲有溫室豆苗,囡囡很喜歡這個香濃椰汁又帶小小辣的湯底!班蘭龍眼茶(冷)($23)自家製的龍眼茶,冰涼清甜,真的不錯!DEEP SEA FANTASY (石榴)($68)外貌好吸晴,就因為這個原因,未來得及影相,那個在杯上的波波就破滅了!😫😫這杯酒精飲品非常容易入口,好適合女士飲用。整體上價錢親民,仲不收加一添! 繼續閱讀
(以上食評乃用戶個人意見 , 並不代表OpenRice之觀點。)