影片
更多
2024-10-24
427 瀏覽
特式越南菜，竟然有shakeshake雞食？！⭐按「更多」睇詳細食評及餐廳資訊😋自從去完越南之後，難道二人組對於越南就念念不忘。正所謂念念不忘必有迴響，係個肚打晒鼓呀！咁不如今次就去食下越南菜啦！《越式發酵茶葉沙律》 HK$ 54 沙律菜新鮮爽口，有啲平時涼皮上面既炸黃，口感幾豐富。雖然話係辣辣地，但其實唔太辣適合香港人口味。而且酸酸地，辣辣地， 十分開胃。《Shake Shake 雞軟骨》 HK$ 58 真係有個shake shake袋！裏面有同香茅,金不換一齊炸香咗嘅雞軟骨，將啲平啲落越南湯粉既辣椒人到落去！在上上下下左左右右咁shake下佢）！幾好玩嘅一味！炸得唔會太乾身，仲有甜醬同辣醬俾你點嚟食🤤《越式咖哩牛肋條配斑蘭椰香飯》 HK$ 88 碗咖喱唔係好大（我哋嗰碗大約有5舊牛同2舊筋！）斑斕飯好香，而且同個咖哩好夾。《 招牌金邊粉》 HK$ 88 個湯味道好特別，但偏甜，同平時出去食嗰啲唔太似，其他牛筋，牛丸嗰啲都冇咩特色似街邊嘅味《南越蛋咖啡(熱)》HK$ 38 未飲之前有一層黃色嘅泡泡喺個頂，飲落去都幾甜，但係都好特別嘅！《富國島之椰子奶凍》HK55滿滿既仙氣！一杯細細既
⭐按「更多」睇詳細食評及餐廳資訊😋
自從去完越南之後，難道二人組對於越南就念念不忘。正所謂念念不忘必有迴響，係個肚打晒鼓呀！咁不如今次就去食下越南菜啦！
《越式發酵茶葉沙律》 HK$ 54
沙律菜新鮮爽口，有啲平時涼皮上面既炸黃，口感幾豐富。雖然話係辣辣地，但其實唔太辣適合香港人口味。而且酸酸地，辣辣地， 十分開胃。
《Shake Shake 雞軟骨》 HK$ 58
真係有個shake shake袋！裏面有同香茅,金不換一齊炸香咗嘅雞軟骨，將啲平啲落越南湯粉既辣椒人到落去！在上上下下左左右右咁shake下佢）！幾好玩嘅一味！炸得唔會太乾身，仲有甜醬同辣醬俾你點嚟食🤤
《越式咖哩牛肋條配斑蘭椰香飯》 HK$ 88
碗咖喱唔係好大（我哋嗰碗大約有5舊牛同2舊筋！）斑斕飯好香，而且同個咖哩好夾。
《[嫲嫲南越湯] 招牌金邊粉》 HK$ 88
個湯味道好特別，但偏甜，同平時出去食嗰啲唔太似，其他牛筋，牛丸嗰啲都冇咩特色似街邊嘅味
《南越蛋咖啡(熱)》HK$ 38
未飲之前有一層黃色嘅泡泡喺個頂，飲落去都幾甜，但係都好特別嘅！
《富國島之椰子奶凍》HK55
滿滿既仙氣！一杯細細既甜品都有兩隻味道，三款口感。黃色底喺楊技甘露，藍色既天空係椰汁cream，質感厚實。白色係椰汁布甸。
🌟🌟🌟🌟🌟🌟🌟🌟🌟🌟🌟🌟🌟🌟🌟🌟🌟🌟
整體
食物整體味道唔錯，價格又唔係十分貴。感覺上坊間少啲呢種有特左野食，越式好似shakesake雞咁😂
環境舒適整齊，都有啲裝修，坐得幾舒服
服務方面，上菜超級極快！員工有禮。
Rating：
懶惰鼠😻😻😻😻
懶惰虎 🤩🤩🤩🤩
📍南越南咖啡廳
旺角彌敦道726號一樓
💰人均消費：$210連加一
⏰營業時間 : 星期一至日12:00-22:00
張貼