南記海鮮飯店

營業中

休息中

三個老友諗住食羊, 點知星期一唔開, 轉呔三聖食海鮮。附近海鮮檔買咗兩隻龍蝦, 三隻賴尿蝦, 三隻聖子, 三隻貴妃蚌, 盛惠1300百幾! 攞去南記加工, 招牌芝士脆焗龍蝦👍🏻椒鹽賴尿蝦👌🏻豉椒炒蟶子👍🏻蒜蓉粉絲蒸貴妃蚌👌🏻再叫例牌燒鵝👍🏻苦瓜炒蛋👌🏻上湯浸白菜仔👌🏻！飽到嘔！大滿足！最後再打包兩份例牌燒鵝攞走。😁埋單又係1300百幾☑️

可以的話！1分都不會比！遠道而來幫襯！極之失望！不會再來！「啫啫雞煲」竟然得5小件雞，雞煲中有豬潤，豬潤竟比雞還要多！同店員理論，竟反駁說：我們一開始沒有點算有幾舊雞？又說不予置評有幾件雞！試問大家在食雞煲前會數算有幾件雞才開動食嗎？！最後成件事不了了之，個店員就龜縮在後面….幸好今日沒有買海鮮來加工！希望店舖能改善用料不足的問題及發生問題後，處於漠視及不理會的態度！另外，環境衛生有待改善，食了一個多鐘時間，烏蠅係咁飛。

買完海鮮之後，店家比咗張卡片介紹去南記，興記就上年食過一般，泰xx係YT睇過又麻麻，所以今次試吓南記，有人之前都話試過ok , 所以就揀咗南記。餐廳環境都算OK，冷氣夠凍，唔會坐得迫迫夾夾。燒鵝半隻燒鵝都算合格嘅，全部多肉走肥😋 如果皮再脆啲就仲正。蒜蓉開邊蒸海中蝦有粉絲底，蒜蓉同啲䜴油味都好好仲帶有少甜味，配埋粉絲底一齊食正啊，撈埋白飯一齊食仲正😂呢碟做得最出色。砵酒焗生蠔買嗰陣店家話推介北海道蠔，話一盒有10幾隻，但最後餐廳整出嚟得返7隻🙄懷疑被餐廳廚房偷食咗🤔 又貴又細隻，北海道蠔($180)都係麻麻，冇美國桶蠔($120)咁大隻同冇咁好食。椒鹽瀬尿蝦呢碟最伏，斑馬瀨尿蝦買嘅時候好生猛嘅，但整出嚟變咗油泡咁，啲油浸到瀨尿蝦嘅殼嘅淋晒，啲肉又梅晒，蝦膏係有啊，有啲膏仲散晒，未試過咁差。䜴汁蒸南非鮑魚鮑魚肥美大隻，但竟然未熟，要翻蒸，結果過熟，比較可惜。䜴椒蟶子上枱嘅時候已經除咗殻，略嫌有少少🤏靭蒜蓉粉絲蒸大元貝呢個冇蒜蓉開邊蒸個汁咁出色，普普通通，元貝係好食嘅，但蒸得熟咗少少。生炆班頭腩呢個整得麻麻，我自己就鍾意食蒸，原汁原味嘛。買海鮮個店家送咗一啲海鮮比我哋做湯料有蜆，有魚，有瀨

細細個住喺三聖邨，已經有條海鮮街，幾十年後，已經變成一個食海鮮的旅遊景點，雖然今晚是平日，海鮮街依然熱熱鬧鬧，周邊的餐廳人客也不少。今晚我哋訂咗南記，好彩訂咗枱，如果唔係要坐戶外，但竟然戶外也坐咗十枱八枱，全場爆滿。相對隔離那一間，南記真係比較多人幫襯。去南記梗係叫隻燒鵝皇試吓，果然真係好味。但是上完燒鵝後，都等了很久第一味餸椒鹽賴尿蝦才上枱，跟着解要稍等一會才上第二味餸。芝士脆皮龍蝦始終都係x龍第一，最有驚喜反而係薑蔥𧐢👍🏼買海鮮用咗$2100，南記埋單$1477，包埋兩個白飯仲有碟菜加一花生茶芥，六個大人兩個小朋友。

每逢過時過節 大節日 想食海鮮既時候就會專登入嚟幫襯南記 食過咁多海鮮有咩新鮮得過喺外面街市買完即刻拎過嚟煮 鮮味十足 避風塘賴尿蝦夠惹味 🌟🌟🌟🌟龍蝦伊麵就更加係每次必點 🌟🌟🌟🌟不過由於人流比較多 最好要提早最少兩星期book餐廳位會比較好 同埋最好食第一輪晚市6點鐘 否則要等人哋第一輪先食完就要等好耐 總體而言食物質素保持得有水準 收費都合理性價比極高 會一直返黎幫襯 一家人都食得好開心😊😊👍🏻👍🏻👍🏻

生日飯諗住去三聖邨買海鲜同食燒鵝，上次去過興記，今次試吓南記，令人失望😔芝士龍蝦(2斤9)咸到苦🤮仲各住得耐咗😭唯一解釋落咗2次鹽😵 羌冲蚧（红蚧）一樣好咸，估唔試吓第二間就出事😫😫😫

不嬲都好鍾意喺屯門三聖揀完海鮮再去食飯，今次揀咗嚟南記，其實都唔係第一次嚟南記㗎啦，我哋買咗好多唔同嘅海鮮俾男嘅加工，佢哋嘅芝士焗脆皮龍蝦真係超正，我用咗南澳龍蝦比佢哋攞去焗啲南澳龍蝦焗完之後仲有自己嘅鮮味喺度真係超級正大力推薦！佢哋嘅加工真係加得唔錯！..............................

上星期與朋友一起到三聖邨的南記海鮮酒家，因朋友住在九龍區，都不知道三聖邨是有海鮮食的，他們只知道在流浮山或西貢先有海鮮食，經我強烈推薦下，他們終於黎到！😂我們四個人，總共叫了9個海鮮🦞1）豉油王大蝦🍤2）粉絲豉汁蒸元貝3）陳年果皮蒸鮑魚4）蒜蓉粉絲蒸象拔蚌5）油鹽水花甲6）脆皮芝士開邊龍蝦🦞7）薑蔥炒蟹🦀8）豉椒炒蟶子煎米粉底9）砵酒煮蠔味道我都唔洗講咁多，一個字「正」，相信大家睇相都可以感受得到😝最後我哋4個人都係食得好滿足🤣

最近澳龍真係低食..啖啖肉又鮮味..配上煎米粉底實在無得頂👍🏼 最愛嘅鹽焗奄仔蟹依然爆膏鮮甜😋豉椒炒蟶子皇，蟶子大大隻，非常彈牙。但時間有啲趕！1.5小時要食完！

在三聖村買了六款唔同海鮮，見到南記頗多人，幾乎坐滿，就過來海鮮加工，試下廚師手藝如何。1.芝士龍蝦伊麵。澳洲龍蝦，搭配濃郁芝士。龍蝦夠生猛，咬落爽脆。滿口芝味龍蝦，吃多兩塊會稍嫌膩。伊麵稍綿，但味道十足。但人多的話，也值得嘗試。2.豉油聖子。聖子冇沙，爽脆彈牙。煎米粉鋪底。嗦曬炒聖子的鮮味，如果可以再稍微煎脆些，咬落就更有層次感。3. 白灼花螺。原本打算辣酒煮花螺，但因為同行有大肚婆，所以留待下次嘗試。今次就簡單白灼。夠新鮮爽脆。不過與其他濃味的海鮮比較，則稍微遜色，也沒有必要特意攞去加工。可以自行購買回家白灼。4.隆重推薦，椒鹽瀨尿蝦。隻隻有膏，食完回味無窮。椒鹽呢種煮法，在家真係好難做到夠鍋氣。出到街邊，一定要用椒鹽海鮮試下廚師功底。唔會太鹹，食到瀨尿蝦的蝦味。皮都炸的鬆化，咬耐都可以吞落肚。一百分滿分，可以攞95分。仲有其他海鮮未來得及影相就已經被開動了。留待下次再續。

黎三聖邨食海鮮，朋友介紹南記，自己都比較左幾間加工餐廳，間間都評分相若，基本上間間都有唔少負評，不外乎話貴、服務差、等候時間長、海鮮蒸得過熟等等。出黎食海鮮，人均預左$400-$500，比得呢個錢，自然期望都會好高，也好正常。買海鮮，我地去左楊合利，款唔算勁多， 但有哂我哋想食嘅嘢。買咗四隻野生有羔奄仔蟹，兩隻本地龍蝦， 一斤海蝦，一個桶蠔，七百幾，唔貴，隻蟹咁岩仲係退緊殼🌟其中一個揀南記既原因， 因為燒鵝出名好食，係真係好食。我哋整咗：鹽焗奄仔蟹，上湯龍蝦伊麵，白灼蝦，酥炸桶蠔。仲叫咗椒鹽鮮魷同炒咗個菜。四個人，七個餸真係好飽！鹽焗奄仔蟹好值得食，爆羔又香，屋企唔易做到鹽焗菜式。上湯龍蝦伊麵亦都係值得出街食啦。估唔到$90隻嘅本地龍蝦， 咁出乎意料地厚肉同鮮甜，唔講仲以為食咗澳龍。 呢兩個餸已非常滿意了。酥炸菜式亦做得唔錯。埋單$800左右。成個海鮮餐連工包料$1600，四個人食，人均$400，好ok啦。最後一提，呢度開瓶費$30枝，食海鮮配酒，有好嘢就緊係自己帶嚟飲啦！

當日訂好檯，book 6點半黎食。咁我地一行4人加個小朋友就係附近揀海鮮先。我地揀左2隻龍蝦，3隻大賴尿蝦，4隻大扇貝同4隻象拔蚌仔，總共$890臨走時揀海鮮個姨姨俾左隻大嘅貴妃蚌俾我個仔。準時6點半入座，龍蝦就脆皮咁整，賴尿蝦就椒鹽，大扇貝同象拔蚌仔就蒜蓉粉絲咁整。叫左例牌燒鵝$145份量都幾多，皮薄脆口，好味～脆皮龍蝦$126 (加工費)龍蝦一開二，每人半邊，芝士好厚身，食完都幾漏。蒜蓉粉絲蒸扇貝$72 (加工費)直接去左橙色舊肉同群邊，但係平時我煮個時會煮埋，依個普通左d椒鹽賴尿蝦同蒜蓉粉絲蒸象拔蚌仔$132(加工費)象拔蚌仔比扇貝好味另外叫左3碗白飯，1碗米粉，2樽汽水，連埋茶水酸菜加一就$760，再加埋海鮮嘅價錢就係$1650，都幾貴呀～最後，明明有隻貴妃蚌，但係冇整到俾我地，而且店面玻璃寫住共同抗疫有9折優惠，但見帳單又冇嘅?!  Anyways, 因為星期日嘅關係，臨走都有好多人等位。

屯門三聖出名食海鮮🐟🦐🦀​我地係自己買海鮮去舖頭加工​係附近既海鮮市場買係幾抵​但估唔到呢間加工係咁貴，埋單千幾蚊，仲要唔好食​碟碟都好濃味，又咸​炸蠔勁厚粉，完全無蠔味​呢間真係唔推介！附近有更多選擇​一路食一路有蚊有烏蠅，可見衛生情況🥴.....​​

同屋企人做節嚟咗呢度食海鮮，因為屋企人係水上人所以佢哋好識買海鮮，屋企人就買海鮮嚟呢度加工，整得勁好食，好熱鬧，店員好親切，做節.團年飯.一家人食飯.首選推介俾大家👍🏻👍🏻

與老伴的一班中小學同學一期一會，剛過了生日的壽星仔說想吃海鮮，問咱們有甚麼好路數。說到海鮮，當然是海鮮價，西貢、鯉魚門、鯍浮山⋯⋯要是沒有去慣去熟的老店子，幾本上都是劏羊牯之系列。相對地咱們覺得屯門三聖村仍比較貼地化算，而且咱們亦有一家經常光顧的海鮮舖，於是便約同朋友於三聖村集合買海鮮去！訂了六時半的枱，卻因屯門公路之交通意外導致道路嚴重擠塞，本來預早了半句鐘，最後反遲了半小時，前後即在車廂內堵了一句鐘。另一對搭巴士來的朋友也不能倖俛，甚麼比咱倆還要遲。朋友激得想中途下車離開，只是進去的路是堵，出來也是堵，根本無路可逃。唯獨壽星仔有福，一早便踏進屯門，避過了嚴重塞車，卻仍要苦等咱們。三聖村一條小小的街巷排著許多家海鮮檔，而「安記」則是規模較小的一家，老闆與老闆娘經歷多年已成舊識，故會計算一個相宜之海鮮價。咱們只四個人，卻因每人指了一兩道菜，結果愈買愈多，竟有六餸一湯來。有善的老闆提著海鮮帶咱們走向已訂好位子的「南記」海鮮大排檔，雖然遲到，卻因同一條公路大部份食客也有相同遭遇，咱們仍順利入座。老伴買海鮮的時候大大聲地問龍蝦怎賣，卻被小的喊停。皆因自家心裡有數，知道「南記」招牌芝士脆皮焗，