南洋 (已結業)

周日又係同麗妹四出搵野食時候。呢幾個月都好少去佐敦搵野食，今日膽粗粗出去行下，食下野，事前都上網搵下有咩野食，因為V仔都好鍾意食越南野泰國野，今日一搵就有間可以食到兩野菜式。新開嘅南洋自創菜式。南洋都幾近九龍公園，響寧波街出口直行一陣轉右就到。佢標榜南洋菜式，岩晒V仔，野味可口菜式，同埋都想試下佢幾自創菜式。睇下有幾好食😋。因為去行完街都好早，未夠六點就好餓，就衝入去。見到餐牌好多野都想食，南洋菜包括星馬泰越都有，有唔少係佢嘅自創菜式。v仔就叫左泰菜嘅波蘿炒飯，越南香茅豬扒撈檬粉，馬拉嘅肉骨茶，麗妹話餓，食多隻香茅燒雞。試完第一個肉骨茶就完全無後悔今次嘅新嘗試。肉骨茶，藥材味濃同有一大嚿原隻大蒜，又香但唔會搶左個湯味，藥材味又唔會蓋住肉味，佢用左金沙骨，新肉味好出。之後嘅豬扒撈檬同香茅燒雞都相當出色，啲豬扒可以焦香嫩口。佢上台時將啲酸甜汁同試管🧪上，有花過心思。兩支辣汁兩支酸甜汁，食得辣嘅可以落晒，係相當惹味開胃。另外佢隻香茅燒雞，侍應哥哥耐心講解，叫我地少心熱同盡量唔好用刀，佢話因為不銹鋼會破壞啲雞同香草嘅味。係咁聽啦。不過隻雞相當有水準。啲香茅檸檬葉由內到外都係，雞燒得好靚皮脆肉嫩

星期日訓到自然醒 出到佐敦都2點幾岩岩好避過左繁忙時間 唔洗等位見到新開一間越南粉 病病地～岩食啲粉麵類南洋牛肉粉 $60有生牛肉 牛腩片 牛丸 同牛栢葉平時食既火車頭都無牛栢葉 呢間有少少特別但我覺得生牛肉 同 牛腩片比較出色生牛肉 牛味好特出 同埋都幾嫰口 牛腩片就厚薄適中 唔會煮得太過火 搞到好韌個湯底比較清 唔會太濃味 我覺得幾健康加配小食 越式炭燒豬頸肉 $26即叫即燒既感覺做到皮脆肉軟最緊要係保持到啲肉汁&肉質鮮嫰香茅雞翼湯粉 $46我覺得個雞翼都好有驚喜佢好明顯係有醃過先拎去炸好入味 而且炸得唔乾而雞翼既SIZE都係比較大 同厚身 無偷工減料而個河粉都好特別口感比平時食到既滑加配小食 蜆港蝦餅 $22外表都炸得脆都唔會炸得太燶見到仲有啲蝦粒係到食落口都好彈牙唔會好粉 紅豆椰汁冰 ＋ 薄菏青檸梳打 各加$10個紅豆冰都令人好喜出望外我其實唔太好椰汁但佢好似將啲椰汁MIX左雪糕保留到椰汁味但又唔會太重 搞到搶走左啲紅豆味紅豆都好大粒好似食緊甜品咁但我覺得有啲甜而個薄荷青檸梳打都好特別薄荷葉好FRESH～底果到好似有少少糖漿記得要攪均左先飲

見樓下新開左間越南餐廳就去幫襯下裝修得幾精緻佢個午市套餐都幾多嘢食有主食加小食再加飲品我哋分別點左生牛肉牛腩片河粉個湯底唔算好濃郁 但係都有牛骨味這份量都好大另外火車頭河粉入面真係乜嘢都有有 生牛肉 牛腩片 牛丸同牛柏葉食完呢碗麵之後真係好滿足小食就選擇咗香茅雞亦（2只）應該係即點即做熱辣辣好香脆同酸辣無骨鳳爪（半份）酸辣程度適中 分量都幾多飲品點左青檸梳打同椰青整體來講性價比都幾高而且裝修得幾靚 坐得好舒服👍🏻👍🏻👍🏻

香茅燒春雞 $98燒春雞外皮油潤亮澤，大大隻的站立於架上，雞油慢慢滴出，令人食指大動。先撕開兩隻肥美雞腿，大啖咬下去，肉汁香嫰。雞中釀入檸檬葉和香草作調味，切開雞肉時，肉汁緩緩流出，雞皮微微脆焦，加上惹味的香茅，舔舔脷指數爆燈，愈食愈滋味!香茅豬扒班蘭葉椰漿飯 $56豬扒烤焗至金黃酥脆，咬下去，油潤肉汁咇出，充滿香茅味道，洋溢泰式風情。椰漿飯口感濕潤，咀嚼時沁出清幽班蘭香氣，啖啖甜思思。一口脆豬扒，一口濃郁椰漿飯，開胃又滋味。芒果軟殼蟹米子卷 $68透明米卷包裹雜菜絲、檬粉、軟殼蟹和芒果，軟殼蟹入口脆卜卜，加上彈牙檬粉，充滿咬感。沾上白醋魚露，味道帶微酸，清新滋味。椰皇 $32如水清澈的椰青水，潤喉解渴，清甜誘人，用匙子挖出細滑椰子肉，沁出陣陣椰子幽香，是消膩的不二之選。 

最近去咗左喺佐敦嘅南洋餐廳食飯，佢主要係食越南菜嘅，餐牌都好多選擇，但係我冇揀到一般嘅主食，反而揀咗兩個小食，包括越式香茅雞翼同埋咖喱配酥餅點知咁岩酥餅賣晒，佢見我個樣好失望，就話我唔怕等一陣嘅話，就即刻去隔離幫我買，好有心啊，佢咁有誠意我當然會等啦雞翼剛煮起熱辣辣，皮脆，肉就好juicy，味道都好味，擺盤又靚，仲有我最愛嘅酸蘿蔔絲做伴碟咖喱酥餅，酥餅油香味十足，口感鬆化，咖喱就椰香十足，淨咖喱冇餸都夠晒正我估唔到求其呀兩個小食都好食，有驚喜喎

聽說新店開幕，今天放工之後，特意過來探店。南洋不僅價格親民，而且食物可口。物美價廉的越南菜，沒有讓我失望。香茅豬扒撈檬粉絲順滑爽口，豬扒外脆裡嫩，咬下去，炭烤肉的香味四溢。配上蔬菜和特色調味醬汁，口感清爽，酸酸甜甜，開胃提神。因為放工之前偷吃了蛋糕🍰所以，特意點了酸酸甜甜的撈檬，不會那麼油膩。無骨酸辣鳳爪特殊秘制的鳳爪，香脆爽口，咬下去Q彈，加上酸甜的口感，瞬間補充了滿滿的膠原蛋白。食物份量夠大，用材新鮮上等。味道也很正宗。所有的東西，從室內裝修設計到盛裝食物的餐具🍴都是全新的。特別是碗筷的質感，為整個用餐體驗，加分不少。