南洋 (已結業)

好耐冇食東南亞菜，今晚就同阿媽去左佐敦一間餐廳食東南亞菜。呢間餐廳既裝飾幾靚，坐得好舒服。打開餐牌，見到有好多唔同既菜式，不過唔洗諗我就點左海南雞飯，呢個係我每次食東南亞菜必食既菜式！海南雞飯既雞肉都幾多，好足料，雞肉都算嫩滑，配埋油飯，好惹味！除左海南雞飯，我地仲點左個原個菠蘿炒飯，菠蘿炒飯入面有好多海鮮，包括蝦、魷魚、蜆等等，仲有鮮甜既菠蘿同埋香脆既腰果，口感豐富！最後，點少得野飲呢，我熱點左椰汁冰同埋椰青，正！

經過附近買野，見到網上有人提起過呢間餐廳，環境不錯，有用心裝修過，最喜愛店舖牆上裝飾，幾特別，主打多東南亞菜式，泰菜，越南菜，馬來西亞菜都有先叫左個小食炭燒豬頸肉，逢越式餐廳都要叫！呢間個豬頸肉燒得岩岩好 唔會好乾好硬，豬頸肉十分香口，外皮香脆，豬肉爽脆，而且又大碟大件原隻菠蘿炒飯 有飯香，好夠鑊氣，料又足，入面海鮮多，份量又大海鮮喇沙摻摻一道起源於南洋的麵食料理，經典的菜式，好多海鮮，新鮮！湯底帶濃郁椰香，顏色紅帶奶白，米粉同油麵摻摻，而且材料非常豐富有虎蝦、叻沙葉、豆卜、魚片。虎蝦尺寸大隻多汁，爽口鮮甜。

有d想去越南,冇得去,就只好去間有越南風情既地方感受下。呢度用左好多當地既餐具,個wall有好colorful好多圖案,都好有當地既特色。我叫左每次食越南野都會點既越南春卷,呢個份量好多,個汁好有自己店既味道,連春卷既味道都同出面果D唔同。串燒就有D SPICY,叫左雞牛豬各一串,肉好FIRM,每樣一串,岩晒每樣都想食D既我。椰青價錢實惠,只係38蚊,餐廳黎講算抵。好中意呢度既碗。上菜都快,同埋近MTR。

佐敦不嬲都多小店 晚飯時段就揀左呢間睇落幾新淨既東南亞餐廳☺️發現原來佢都幾多特別既自創菜式🤩原隻菠蘿炒飯($108)🍍食落好香口飯夠乾身 幾惹味入面既料都唔少,有蝦蜆同魷魚而且食得出唔係用罐頭菠蘿 👍🏻胡椒粉絲大蝦煲($128)🦐呢個係店長推介既自創菜式蝦都算大隻 但粉絲先係重點粉絲吸收左大蝦同香菜既香味 非常香口😋馬拉盞炒椰菜苗($78) 🥬每次食泰國野都會叫番個馬拉盞炒菜,今次都唔例外 椰菜苗炒得香口惹味 送飯一流😆牛油果沙冰($40) 🥑超級濃郁好香牛油果味同帶點奶味沙冰打得好綿滑 完全唔會食到一粒粒既冰 十分值得一試!! 🤩椰青($36)🥥超清甜而且好厚肉食極都食唔完咁🥰 💸195 per person

突然間想食泰國東南亞野去開佐敦見鋪面幾靚仔就去試下🤤🤤🤤🍴原個菠蘿炒飯($108)🍍由細到大食親泰國野都好鍾意叫菠蘿炒飯🤣今次都唔例如叫個黎試下🤤炒飯炒到好乾身好香另外仲有啲海鮮係入面❤️🍴胡椒粉絲大蝦煲($128)🦐粉絲索曬啲汁食落好香胡椒味~但係啲蝦就普通…🍴馬拉盞炒椰菜苗($78)本身好鍾意食椰菜苗~難得呢間餐廳有梗係叫黎試下🍴本身個質感已經好好食😋加上用馬拉盞嘅做法好香好正🤤🤤

去佐敦食飯, 唔係淨係得彌敦道嘅大商舖可以揀， 行過兩條街， 走入去商舖林立的吳松街， 都有好多好選擇， 最緊要係離公共交通唔遠， 食完飯要離開返屋企都好輕易。 餐廳叫南洋， 顧名思義專做馬來西亞菜式， 有海南雞飯肉骨茶就有喇沙又有 喇沙摻摻等， 種類繁多。 餐廳地方 唔算十分大但係坐得舒適， 唔會背脊貼背脊。 兩邊壁畫同擺設都富有南洋風味。 午市時分嚟到叫了兩客午餐，南洋招牌無骨海南雞配油飯 南洋海南雞肉質爽口， 最重要的是皮下那層啫喱， 晶瑩通透，配搭薑蓉辣椒油和黑醬油， 與及 雞油飯一起吃不錯。 南洋肉骨茶配飯 這裏的肉骨茶呈深啡色 ， 帶骨的肉配搭中藥煲成湯 ，藥膳味道濃 ，並不油膩， 湯頭香醇，是 乍暖還寒進補的好選擇， 配搭油條一齊吃， 的確有南洋的風味。 另外加錢配搭了小食越式炭燒豬頸肉半份 豬頸肉炭燒後斜斜的切片， 外香內嫩滑， 爽而不膩。 越式蝦餅半份 蝦餅即叫即炸， 但來的時候是一個球讓， 蝦球反而比蝦餅更加彈牙爽口， 配上泰式雞醬， 酸辣惹味。 另外午餐配飲品，叫了熱咸檸水， 開懷解渴， 入口清新。 另外那杯叫了椰青， 含豐富的果糖蛋白質鉀質等

今日大食妹收工同朋友仔去咗位於佐敦嘅南洋餐廳食飯餐廳嘅裝修好乾淨企理, 內部都好光猛<海南雞喇沙摻摻>朋友仔一睇相就畀呢個海南雞喇沙摻摻所吸引雞肉都幾嫩滑, 配上三款醬料, 食落唔錯 喇沙嘅湯底濃郁, 椰香味十足, 配上油麵同米粉, 幾特別<南洋咖哩酥餅>南洋咖哩味道唔係好辣, 同樣都係椰汁味重 配上熱辣辣嘅酥餅, 係一個食唔停口嘅小食<串燒雞>雞串就冇任何嘅配料, 但係食落有少少酸鹹酸鹹, 係個開胃小食<田園雜菜米紙卷>近排食得好多肉, 所以都要食番啲蔬菜去中和一下最後我哋再加咗個田園雜菜米紙卷, 消滯得嚟又有清新<冬瓜龍眼冰>大食妹好鍾意飲龍眼冰, 見到menu裏面有, 當然忍唔住再嗌但可能加咗冬瓜, 龍眼嘅味道反而冇咁出眾, 清涼解渴但大食妹就冇咁鍾意啦

今日同寶寶特登出來油尖旺區呢邊撲口罩❗️當然最後都係撲唔成啦😖 雖然係咁，但我哋都係呢邊行左成日，買下其他有用嘅野、日用品咁啦～當然都係早啲返屋企比較安全，所以同寶寶早左食晚飯，嚟咗呢一間佐敦嘅東南亞菜餐廳❣️時間尚早，所以唔多人💕環境乾淨企理❣️我哋一人嗌咗一個主食，再另外加多個小食❗️南洋酥餅配咖喱 $68酥餅熱辣辣整起好新鮮😍食落唱唱牛油酥香，外脆內軟☺️ 唔錯👍🏻咖喱辣度，份量都啱啱好❗️唔會太過辣，不過可以加多少少咖喱粉食起上嚟會更加香～香茅豬扒撈檬 $62豬扒炸得好香😋 口感柔軟，一啲都唔硬❣️我反而檬粉煮耐d 更好，因為食起上黎有啲硬～蝦頭膏炒飯 $98五粒蝦超eye catchy🤪淨係睇相都知炒得唔錯啦😏夠晒乾身，而且粒粒分明，鹹味為主❗️但好彩都唔算太濃味，唔係會食到好口渴😝份量都算大碟，寶寶係食得飽嘅💕咸檸梳打 $28正常飲品，味道不過不失～勝在算大杯亦唔貴😌

係OpenRice見到呢間好多like嘅餐廳所以決定過嚟試一試呢度主打多東南亞菜式泰菜越南菜馬來西亞菜都有總有一款啱你心水而且坐嘅位置都好闊落田園雜菜米紙卷 $50首先頭盤叫左米紙卷米子卷入面有生菜紅蘿蔔🥕青瓜絲加埋酸酸甜甜嘅醋作為頭盤真係非常開胃牛柳粒配紅飯 $76紅飯入面除咗紅米之外仲加咗茄汁所以成個飯都真係紅色牛柳粒好大粒而且食落好惹味肉質軟硬適中而且外貌同份量都非常精緻南洋大肉骨茶 $118肉骨茶入面有雞腳，五花腩，金沙骨食唔會有太重嘅藥材味入面仲有全個嘅蒜頭🧄再加埋油炸鬼簡直係絕配牛油果沙冰 $40牛油果沙冰好少地方有得飲但係呢度竟然有我問過呢度嘅牛油果沙冰冇額外加糖好似我咁嘅牛油果控🥑嚟到呢度嘅話絕對要是番一杯香濃嘅牛油果味加上軟滑嘅沙冰真係非常之好味下次再嚟試嘅話想食下喇沙同埋椰漿飯

某次經過吳松街，一時興起突然好想食泰國菜，就入去開餐。🥰.一打開餐牌見到佢有好多小食，好多都想試吓😭😭但係得兩個人，又食唔到咁多，所以最啱就叫小食拼盤。 一個小食拼盤有包泰式酸辣鳳爪、香茅豬扒、香茅雞翼、越式春卷、炸蝦餅，種類多，份量足！.泰式酸辣鳳爪酸酸辣辣好開胃，係冇骨嘅鳳爪，一口一個好爽😆😆，大概三、四隻，食到唔夠喉，不過小食拼盤就係咁樣，少食多款多滋味🙈.炸蝦餅吃起來很厚實，咬下去吃的到蝦肉的彈 ，搭配上泰式沾料，很好吃，口感真的是酥脆有彈性~🤟🏻.香茅豬扒同香茅雞翼好驚喜，外皮金黃酥脆，內裏鮮嫩多汁！ 自己本身好鍾意香茅嗰陣味，所以覺得好正😍😍.越式春卷外脆，裏面啲料好夠味👍🏻.海南雞飯黃橙色的米飯，應該係加入雞湯煮，口感有少少略硬，但是香氣濃。雞肉嫩，夾著酸蘿蔔食，好正！配有三個唔同嘅醬料可以根據自己嘅口味再揀啦🤣.椰汁西米糕 西米糕好有風味，有濃郁椰奶香，下面是西米露的顆粒，口感稍軟咗啲，但係味道搭夠，好正！總括來講呢度用餐環境乾淨舒服、服務佳，地點仲要好方便，會下次再幫襯👍🏻

想食海南雞然後就貢左入黎啦～ 先叫左杯熱鹹檸水飲落喉嚨好舒服架（我當殺感冒菌咁用），order左心念的海南雞飯雞滑嫩又幾多塊下，油飯唔太油但好食岩我口味仲有d醋蘿蔔絲好開胃架。軟殼蟹米紙卷扮健康但貪食的菜色，擺盤影相讚，軟殼蟹放左好大隻在裡面但可能醋蘿蔔放得比較多所以搶左不少味道丫。 串燒～香料好大方的串燒～～但由於俺口味偏淡同受不了辣，所以將串燒面頭的調味料用油飯吸走至食肉質都係嫩肉一派丫。是次出色之選下回再食的係海南雞飯，對俺有驚喜丫

同阿媽係附近買完野，經過呢間睇落幾精緻既小店，就入左黎食午餐😊店內裝修得好有心思，亦好有南洋特色。座位都好闊落，坐得好舒服。仲有唔少卡位添!我地叫左兩個湯河南洋生牛肉湯粉 湯粉類可揀河粉、金邊粉或撈檬。我同阿媽都揀左河粉。生牛河一向都係我最愛😋 呢碗亦冇令我失望，牛肉嫩口，湯底鮮甜，河粉滑溜，個份量仲比我想像中多好多。勁大碗！阿媽叫左南洋牛肉牛腩片湯河兩款牛各有特色，口感豐富。牛肉好新鮮，份量亦好足，好抵食。另外追加左兩款小食:蜆港蝦餅熱辣辣的蝦餅，肉質結實香嫩! 配上甜酸醬更加正~炭燒豬頸肉米紙卷絕對係健康之選。米紙卷裏頭有好多蔬菜，感覺清新爽口又開胃。加上豬頸肉，層次更豐富。我地一人叫左杯飲品☕️ 食完真係超飽。好滿足！

🌊🌊🌊今天放工後，又來溫馨簡約的南洋吃晚飯🥣這間餐廳不同於其他的地方就在於假錢💰合理，食物優質，一句話：性價比高！.牛柳粒配紅飯$76擺盤精緻，餐具有質感，食物用料新鮮，黑椒牛柳入味且肉質鮮嫩，配上粒粒分明的紅飯，吃下去特別滿足。相比西餐來說，我還是喜愛亞洲菜，因為中國人還是最愛米飯🍚，吃下去，才算是真真正正的一餐。.田園什菜米子卷$50每次必點！多吃新鮮蔬果，補充維生素，健健康康的身體，才能應付每天的挑戰！大家一起加油💪...南洋 (佐敦)佐敦吳松街140號地舖

下午茶時段嚟食好抵👍🏻👍🏻香茅雞翼河粉香茅雞翼煎炸得香脆可口，香茅味好重🤩河粉湯底好似用咗牛骨黎做湯底🐮河粉嘅份量亦都好多👍🏻泰式豬手飯豬手個皮好淋，皮肉分離，不過唔係好夠味🙈另外有酸菜做伴菜炸蝦餅蝦餅新鮮滾熱辣炸起，入邊有好多蝦肉🦐豬頸肉米紙卷我自己好鍾意食咪紙卷，所以去越南餐廳一定會點😌入面有好多料，一啖食唔晒🤣滴漏咖啡估唔到返到香港都有得飲🤪超有越南風味！仲另外提供煉奶俾我加～

昨晚去咗佐敦站附近，諗起之前有friend話話試過幾正嘅南洋，見站行過去都幾近一於去試下。一嚟到我比個牆嘅裝飾吸引咗，d碟好靚，用嚟打卡一流。朋友唔食魚，見到對面枱有對情侶食明爐烏頭得好開心但望落好大條，我一個人食唔曬，算，咁叫咖哩牛腩烤餅同炒金邊粉。金邊粉嚟到大大碟，好彩無叫多個粉，一碟絕對夠曬兩個人食。 金邊粉味道啱啱好，咖哩我覺得都幾辣，朋友話啱佢口味。食食下見到人哋食個烤雞，成隻棟係度，好招積，職員教緊佢哋點撕個雞肶，我下次一定要試，我又要撕雞肶呀