南洋 (已結業)

原來佐敦都好多嘢食,呢間鋪頭食東南亞越南泰國嘢,選擇都幾多今次熊貓嚟到梗係要試吓佢嘅海南雞飯，肉骨茶，同埋小食拼盤。-熊貓啱啱去完新加坡，好掛住肉骨茶，見到肉骨茶即刻叫，味道正宗，係藥材味嘅。一碗肉骨茶入邊有三條大肉骨，價錢合理。($42)-海南雞飯飯粒分明，啲雞好滑,雞仲要冇骨，啱晒我呢啲懶人($68)-小食拼盤($128)大大份，有香茅豬扒，炸蝦餅，雞翼，米紙卷,同埋無骨鳳爪。最好食係香茅豬扒同埋炸蝦餅👍🏻-環境坐得舒服，嘢食性價比高，值得再來。

新店黎！早排落場經過就想試下佢！門口光鮮！！入面環境夠光猛！！環境舒適！！放住d慢架英文歌！感覺輕鬆d！牆放左d有民族特色架碟！好得意！！餐具都好新！！金沙骨肉骨茶！第一次飲！ 好濃郁架肉味同蒜味！有半個蒜頭！ 幾正！！冬天暖身一流！小食拼盤！好少會有香矛豬扒！外香肉淋！！虾餅！金黃色！彈牙！虾味濃！冇骨鳳爪！酸甜！淡淡肉！！ 越南春卷！同平時有少少唔同！外層好似有d生粉！另到外層再脆d！中間舊肉都大！平時果d得細細舊！咖哩拼酥餅！咖哩香中有點點辣！係有後勁果隻！！！個酥餅！超正！外層香脆！咬落去好似薯片咁！但中間又做到煙韌！！！青檸香矛浸大蜆！！e個新野黎！幾特別！蜆都大隻！值得一試！青檸梳打 就普通野！！冇特別！

海南雞飯外表不討好，份量少，味道一般般，油飯味道ok，但性價比低香茅豬扒撈檬 生菜完全唔新鮮。。。變黃檬粉一舊舊，唔散開唯一係豬扒算唔錯雖然用試管🧪裝酸汁，好似有點特別，但其實唔好用，又唔方便，搖晃時漏汁。。。又唔方便開，用個樽倒岀黎好啲囉但有2款唔同味道選擇: 青辣椒、辣椒飲品選擇方面，都多選擇，跟餐除咗可配茶或啡，亦可選擇咸青檸，及加錢其他飲品服務都唔太好，唔係對住你講野，而且有職員食煙，一陣煙味🚬

過年前同呀媽去行永安同裕華辦年貨，買完就係附近食飯，揀左呢間南洋食下越南野。叫左個鹽燒烏頭，燒左成半粒鐘，所以一坐低就要坐單，店員會幫你整爛d鹽開埋條魚，入面魚肉仲係好juicy，底下有香茅/辣椒等等，好香，唔洗加汁都好好味！撈檬都係另一亮點，個汁係4枝test tube咁好過癮😂😂😂份量好多，豬排好重香茅味 我個人好鐘意🤤另外小食拼盤都幾抵食，蝦餅彈牙，仲有雞翼豬扒春卷，同埋泰式鳳爪！好多款全部都好食！抵！

我從來未試過食飯食到咁燥，食到未食完要拍枱走人，一定要寫呢篇食評勸人唔好去食。我18：20分去到餐廳，果時得一，兩枱客，我叫左個豬頸肉米子卷同燒春雞，等左20分鐘兩都未有，我就問d野食到未啦，點知個waiter勁串咁話我叫果兩樣野要等最少20分鐘，仲話幫我唔到，d語氣真係差到，首先我都等左20分鐘先問你，第二我叫之前你唔講，仲要你完全唔入去個望下？燒春雞都算喇，米子卷要等20分鐘？你得兩枱客咋咼？等多10分鐘個米子卷到左，我以為有咩咁好食，米子卷皮又鞋， 餡又少，幾辛苦先搵到一條豬頸肉，我都未過咁差既米子卷。跟住等到19：10，足足45分鐘，隻雞都未到，我忍唔住，起身就走。

去了佐敦吳松街搵食，見到間越南餐廳叫南洋， 裝修門面乾淨企理，價錢又唔貴，所以就入去食啦！ menu餐牌簡單易明，圖文並茂！牛油果沙冰非常清新，口感creamy, 入口陣陣香味滲出， 鐘意牛油果嘅你一定要叫 !越式香茅豬扒班蘭葉椰漿飯， 個飯底非常吸引，有陣陣嘅班蘭椰漿味滲出！越食越想食。 煎豬扒亦都煎得非常香口！但係唔會食到成口油嘅感覺！牛肉蝦片有牛肉碎， 酸蘿蔔做topping, 酸酸地口感層次幾豐富！百感交集。

今晚係年廿九，有d餐廳已經無開收爐，今晚放工想出去食，跟住上openrice 見到佐敦呢間新開無幾耐既越南餐廳仲有營業，就去試一試。呢間餐廳既裝修果然同佢既名一樣，好有南洋特色，用藍白色做主調。擺左富有東南亞特色既碟係牆到點綴。睇完menu，我就叫左肉骨茶，佢既藥材味好濃，加埋一字骨既肉香味，好足料，味道同我去沙巴飲過既肉骨茶好似，相當唔錯。小食方面，我仲叫左炸蝦餅，炸得香口，而且蝦肉打得爽滑，所以我地2個人好快就清左成碟。另外，啖啖肉所以叫左個馬拉盞炒椰菜苗，份量唔算多同略嫌咸左少少，配埋檬粉食會好d。而主菜我地就叫左香茅雞翼撈檬，份量十足，好彩只係叫左一碗，雞翼相當入味，而且佢地既汁係用試管黎裝，感覺幾得意。飲品方面，我特別叫左一杯牛油果奶昔，打得好幼滑同埋滿滿既牛油果香，不過要有心理準備飲完會有d滯，飲完未必再食得好多野。不過總括黎講真係好抵食，2個人食左都唔洗300蚊，唔怪得咁多正評，但得一試。

今日同朋友黎到佐敦做Facial做完同朋友決定要一齊食埋晚飯先走所以周圍行下結果就見到呢間餐廳因為做facial之前都食左野暫時都仲好飽所以今次我地就無叫到d麵飯反而點左幾樣食物一齊食~第一樣係香茅豬扒睇下都幾大塊仲好重香茅味切埋比我地 好貼心呢！味道好唔錯而且肉質好鬆軟令人食唔停口另一樣係馬拉盞炒椰菜苗平時食開既馬拉盞都好辣但係呢個唔會所以食得好開胃如果有飯一齊食一定更加滋味!最後亦都係等得最耐既係鹽燒烏頭唔鐘意食魚既我呢道菜都數一數二係我最愛因為無咩骨!呢條魚都好新鮮而且好入味食得津津有味!雖然今次無點飯/麵估唔到都幾飽係附近返工既朋友可以黎試下呀~

我叫既香茅豬扒撈㩚（$45）豬扒整得幾好食，香口得黎唔會話炸得太油太膩，連埋蘿蔔絲同青瓜絲酸酸甜甜好開胃，而且份量好夠，甚至可以話係太多   加$12 就有既越式春卷跟餐加＄23 就有椰青，夠凍夠新鮮又好清甜，同pho一齊食係絕配 朋友點既香茅豬頸肉河粉($46)佢對豬頸肉贊口不絕，仲比左一舊我試下；佢仲話d河粉都幾唔錯，唯有下次試試 我自己都加左一份蜆港蝦餅($22)見到佢地既調味料擺盤幾得意下，好似實驗室既test tube 咁一支支

黎呢邊睇牙醫順便喺度食飯，見到呢間新開嘅東南亞餐廳嘢食好似幾特別，似乎有不少菜式都係自創，就試吓~餐廳環境不錯，有用心裝修過，最喜愛店舖牆上裝飾，幾特別~咖喱脆皮牛腩飯~第一次見呢款配搭，牛腩經過油炸另外皮變得十分香脆，但內裏牛肉仍然保持嫩滑，富油香，同自家配製嘅咖喱味道十分夾，咖喱少辣，但香味重，味道不錯~炭燒豬頸肉飯~豬頸肉啱啱煎起十分香口，外皮香脆，豬肉爽脆，配飯食一流，如果有醬汁配搭味道會更上一層樓~蜆港蝦餅(半份)~午餐可以有一份小食，蝦餅啱啱炸起，熱辣辣，肉質結實，有香濃蝦味，食到粒粒蝦肉~炭燒豬頸肉米紙卷~第一次見豬頸肉米紙卷呢款配搭，米紙卷嘅材料以蔬菜為主， 十分清新，加入豬頸肉令整個味道更香口，令味道層次更加豐富~冬瓜龍眼冰~第一次見呢款飲品配搭，估唔到冬瓜嘅清甜味配合龍眼味道幾特別，甜度控制啱啱好，不會過甜，比較適合夏日消暑~椰汁冰~椰香味重，加入碎冰令整體口感提升，而且有creamy感覺~

餐廳：南洋 (佐敦)地址：佐敦吳松街140號地舖今次係佐敦吳松街搵到一間平價馬拉越式餐廳，講緊叫一個菜五六十蚊就有👍🏼，食物水準仲要唔差越式香茅豬扒撈檬 $50脆炸嘅香茅豬扒惹味吸引🐷，檬粉、蘿蔔絲、青瓜絲同生菜絲加上紅綠兩款酸辣醬撈勻，越式風味即刻可以品嚐到😍，夠哂地道招牌無骨海南雞配油飯 $68叫左碟無骨海南雞飯，大大舊嘅雞肉嫩滑味濃🐔，雞油飯香得黎唔會過油，想食濃味啲仲有3款醬汁比你選擇；加$10仲有肉骨茶🤤，大大隻雞腳可以吮，胡椒同藥材香夠哂平均，可以好好補一補馬拉盞炒椰菜苗 $68最後仲叫左碟馬拉盞炒椰菜苗，未食就已經聞到香味😋，鹹香適中，真係令人諗返起之前去馬來西亞果陣嘅回憶呢

好少去佐敦食飯, 原來佐敦都幾多泰國野食, 不過朋友唔太食辣, 所以就揀呢間南洋, 可以食下泰式同越南野!餐廳好新淨企理, 選擇都幾多, 我地叫左個海南雞飯, 加左肉骨茶, 同埋一個小食拼盤海南雞飯個飯睇落唔係好黃, 不過聞落好香, 而且飯粒分明, 食落有明顯雞油味! 雞肉無骨, 好滑, 相當唔錯! 加$$10既肉骨茶就無料既, 不過味道正宗!另外小食拼盤好大份!! 香茅豬排同埋炸蝦餅係最好食, 未食過咁鬆化既炸蝦餅!!

剛好和男友去佐敦，見到南洋的午市套餐幾抵食，就試一試！性價比甚高😛南洋生牛肉牛腩片湯金邊粉($52)湯頭清甜，蘿蔔入味，牛肉嫩口份量多😍配上香葉青檸很提鮮😋健康之選！男友叫了個炭燒豬頸肉湯河粉($46)豬頸肉很香口！又脆又有油香❤️河粉爽滑！非常抵食👍🏻炭燒豬頸肉米紙卷($12)點上魚露酸甜又開胃，充滿蔬菜🥬很有益的感覺！越式香茅豬扒($18)有蒜粒很香口，炸粉不會過厚👍🏻炸得香脆，肉質嫩口，很不錯！椰青($23)大大個超清甜😍頓時覺得滋養了！菠蘿梳打($10)🍍很有東南亞風味👍🏻不會過甜我喜歡❤️不會有太大負擔的一餐！性價比又高👍🏻來佐敦不妨一吃😍

今日同個同事喺呢度買完新年服飾見都肚餓就食埋晚飯先走呢條街附近有好多餐廳但我哋見呢間裝修好新淨 相信開咗冇耐而且食物都唔貴就決定試下我哋叫咗以下幾款食物炭燒豬頸肉米紙卷($58)米紙卷即叫即整 入面材料充足 皮唔會太厚 香茅豬扒撈檬($50)香茅豬扒夠香口惹味撈檬好特別配咗一支支好似試驗管 咁樣嘅魚露 有2種口味 我每樣落咗一支 佢嘅魚露比起外面其他餐廳調得好食 讚咖哩脆皮牛腩飯($59)加配薄餅($15)脆皮牛腩飯我都係第一次食 個皮炸得好夠脆 入面牛腩仍然夠嫩配埋濃味咖哩 送飯一流 我地仲加埋塊薄餅點晒d汁唔曬石榴子椰汁冰($28)&牛油果沙冰($36)特別欣賞呢個石榴子椰汁冰 好清新嘅味道而且粒粒狀好有咬口 椰子味好香 牛油果沙冰都幾好 綿綿滑滑口感 整體餐廳食物質素唔錯價錢實惠環境舒服 會再嚟幫襯

原來佐敦的吳松街很多餐廳小店，這次在附近工作完，看到這間南洋裝修挺好，就坐坐吃一個下午茶了～下午茶餐牌很多選擇，還可以追加小食，和升級飲品我們選擇了招牌無骨海南雞配油飯，海南雞外觀好像不吸引，但是味道是超級好的，雞味香濃又嫩滑，油飯更是香味撲鼻，吃得很滿足呀～另外加$10會有藥材香味+濃味的肉骨茶，喜歡肉骨茶的一定要試試。另外點了火車頭河粉，以下午菜的份量計，挺大的一碗，會有數款的配料：生牛肉、牛腩片、牛丸及牛柏葉，店員建議把生牛肉浸透在湯中會更入味，牛香味與湯底很夾，配上嫩牛肉片一流。小食方面有蜆港蝦餅，是即叫即炸的感覺，熱辣辣新鮮上菜，爽口彈牙，味道很出色！(〃▽〃)而炭燒豬頸肉，雖然跟餐是半份的，但份量很多呢，滿滿的炭燒香味，十分香口。飲品極力推薦牛油果沙冰，大大的一杯很滿足，原來是用了一個半的牛油果配上奶製成，香滑的牛油果，微微的奶香味～正！如果冰粒能再攪碎點更完美想不到椰王也很大的一杯，比起椰青，椰王會更甘甜，夏天來一杯真的是享受~(˘▾˘~)餐廳的食物很好，價錢優惠～而且環境舒服，店員也友善，值得來試試看😋😋