南洋麵屋 (已結業)

今日由住鰂魚涌嘅同事帶我去北角食飯天口熱，適合食返啲開胃嘢，我地就揀咗一間有齊泰越馬來西亞菜嘅東南亞餐廳。前菜小食有齊我去親泰國餐廳必食嘅生蝦 蒜蓉雞翼 鳳爪 包生菜但因為我地得兩個人諗咗好耐先drop到啲option生蝦嘅sauce有別一般泰式辣醬 而係平時食印度nan餅時會點嘅薄荷醬蒜蓉雞翼非常香口雞翼皮微脆各店嘅肉骨茶各有特色有啲重中藥味 呢款就係極濃嘅牛肉湯底最後嗌咗個軟殻蟹檬粉檬粉酸甜開胃配合脆炸軟殼蟹balance得好好

早前見朋友係snapchat send 呢間餐廳既野食就叫佢帶我黎食早排食完又唔知食咩好喎咁又再黎食過啦其實佢menu既選擇係好多既但係我個心淨係想食喇沙所以都冇唸住試其他野lu咁喇沙可以簡要咩配料同埋要d咩粉我自己簡咗要米線同埋軟殼蟹喇沙既味道好濃米線就吸哂佢d精華所以入哂味軟殼蟹一碟有成四五舊都食到入面既蟹肉㗎佢碗麵入面仲有喇沙必有既配料魚片 豆腐個d所以一定夠哂飽朋友都係軟殼蟹迷黎㗎所以佢要咗軟殼蟹撈檬值得一提既係呢度既軟殼蟹係會同個粉分開上既咁食湯粉既唔怕浸淋而食撈既粉麵又唔怕落魚露個d既調味浸淋或者搶咗軟殼蟹原本既味道撈檬既份量好多下朋友平時好大食都食到啱啱好夠哂飽另外因爲係撈檬所以會有翻一碗湯朋友話好清甜好好飲呢度一黎近二黎又幾好食已經做咗我哋既飯堂lu

第一次光顧，兩個人分別點了叻沙和小食拼盤share《大蝦叻沙摻摻$68》摻摻其實是油麵拼米線，味道不錯，稍有點辣，味道還算正宗，吃完才看到隔離枱的同款有半隻蛋，睇返餐牌對比自己食前影嗰張相先發覺廚房漏咗⋯被扣起了半隻蛋真激氣！《小食拼盤$108》包括炸蝦餅、炸雲吞、雞中翼和春卷，四款炸物中最好味是炸蝦餅，其次是炸雲吞算是不錯，春卷最不好吃。下次再來只點炸蝦餅好了。總括來說，價錢不貴，味道ok，可以一試。

係渣華道哩條街突然開左間好光猛既餐廳，內裡裝修都幾舒服，所以就特登入去試下，本身無咩太大期待，不過食落有驚喜。首先個咖喱雞好夠咖喱味，雞都唔會好老，配塊鬆脆既薄餠簡直一流。之後個雞翼都唔錯，夠味。最好既其實係個炸蝦餅，啲料足，炸到岩岩好。絕對可以再試。

最近有野做去多左北角，發現左呢間街坊價餐廳，做左我最近糧尾飯堂。喺北角內街，但係人流都唔少，晚餐時間入去都差唔多滿座。冬蔭海南雞拉麵個自選麵幾抵食，晚餐一碗麵加料都係68，冬蔭公湯底幾濃味，麵份量好多，一個女仔食真心飽。海南雞另外上，雞都算滑。叻沙軟殼蟹上海麵叻沙有埋魚卜同魚片，感覺多料抵食啲。上海麵同拉麵麵質差唔多，如果講麵食湯底嚟講，個人鐘意叻沙嘅味道多啲。軟殼蟹都係分開上，好脆同埋唔會太油。因為怕食麵唔夠，所以我地仲叫左個豬頸肉沙律，豬頸肉少少辣，洋蔥味幾重，推介同生菜一齊食中和下。因為麵食可以半價叫杯野飲，我地叫左椰青。椰青好甜，不過白色肉難刮出嚟食，配麵食唔錯。泰式奶茶奶茶味好重，同平時港式茶餐廳奶茶好唔同，少少甜，都推介。

以前如果要系北角食泰國菜同常都凈系得新光對面個間小曼谷。最近見渣華道運動場對面見到有間新泰國野（其實都有期他亞洲菜可以點）就黎試試。 Location 而言佢系超近地鐵站而且系運動場對面很方便。 價錢錢方面佢每樣餸包括主菜都系30-80 蚊左右再加上每叫一樣主菜或小食就可以叫一杯飲品半價，兩個人去的話280 – 300 蚊以內就夠叫前菜，主食，飲品加甜品（佢地d 糕點賣的超快我地今日黎就賣嗮而且就算系晚市都無加一真系超抵。食物方面今日叫左個豬頸肉沙律，一個喇沙湯抵軟殼蟹麵，一個冬蔭功湯底面加一個椰青同一個泰式奶茶。食物嘅份量而言都好大份系無叫甜品嘅情況下兩個人都食唔嗮，而個冬蔭功我覺得特變入味，其他菜式都up to standard 。 成餐250 都唔洗真系平靚正！

今日約朋友係北角食晚飯，經過見到呢間食新加坡菜，見佢裝修幾特別就入去一試門口見到餐牌都幾多野食揀，而且價錢合理我地得兩個人加上時間好早，入去即刻有位坐點菜既餐牌好特別好靚最後我點左好多人推介既海南雞飯，朋友就點左清湯雲吞米線，原本想再點小食拼盤但無點到，因爲已經太飽了海南雞飯先上，飯係油飯，但油好香，忍唔住一啖一啖就食晒，雞肉見到唔係出面餐廳食開有紅肉咁，原本以為會好乾好”鞋”，點知食左一啖我就明白點解周圍枱枱都有人叫海南雞飯食落唔乾唔”鞋”仲好入味真係好驚喜而且好貼心咁係雞肉底放左菜，令到成個餐有菜有肉更加健康，抵讚朋友叫既清湯雲吞米線，份量多而且雲吞好大粒雲吞皮好滑食完之後見到有個姐姐拎住一盤甜品，每枱每人都派一個，見到係椰子糕即刻試下，好爽好香椰子味，仲有椰子肉係面，好好食，唔會好甜，都係呢d人情小店先有既人情味下次要同幾個朋友一齊黎先可以試到佢既小食拼盤同串燒

一開始睇到呢間小店的名字，以為係食粥粉麵，原來唔係！呢一間係東南亞餐廳，菜式包括新加坡、泰國、馬來西亞等，而且價格便宜，唔使$100就可以食得很飽！首先，我哋叫咗一碟柚子蝦沙律，好多餐廳嘅柚子沙律都係好辣好辣，但係呢度嘅沙律醬係偏酸，一點也不辣，啱晒我，好開胃！而且柚子份量很多，感覺健康之後，我哋叫咗一碟南洋肉骨茶配白飯，肉骨茶湯底濃郁，而且無論肉、豆卜和飯的份量也很多之後我哋叫咗一碟海南雞叻沙摻摻自選湯底、粉麵及配料的選擇很多，想食咩可以自己Mix and match，我們選叻沙，夠東南亞風味之餘又不會太辣海南雞幾滑幾新鮮，配料還有豆卜，魚片，蛋等等，幾豐富飲品方面，有熱薏米水和雪糕紅豆冰薏米水幫助去濕，呢個潮濕炎熱嘅天氣飲就最啱，薏米水上放上一片檸檬，味道香濃而紅豆冰的椰奶味很重，和士多啤梨雪糕是絕配最後仲有大菜糕送

呢間店鋪有東南亞幾款嘢食，有泰國，星馬，越南，都幾啱香港人口味，店內裝潢簡約，喺北角碼頭出嚟行過少少就到，即係渣華道街市對面招牌自選湯粉$68，湯底可以選清湯，喇沙，同冬陰公，配料有海南雞，大蝦，帶子，豬扒等，太好喇，一次過可以滿足晒想食海南雞又想食喇沙喇沙湯底都幾好味，好味過某d話出名食喇沙的店😆，有3片魚片，3舊豆卜，仲有半隻蛋，海南雞幾滑，同無骨嘅，啖啖肉，正！😋😋南洋肉骨茶 $68- 係藥材湯底，湯頭都幾順喉，我最鍾意佢d肉唔會炆到好老好鞋，仲有不少軟骨，同有少少肥得嚟又唔會太肥馬拉盏炒通菜 $48- 唔辣嘅，都不錯薏米水$13(半價)，有檸檬，薏米好多，好足料，有少少感覺似食糖水😆最後有個椰汁大菜糕送

北角最近開左一間南洋麵屋，今日特登黎試下。餐牌選擇都唔少，有星、馬、泰、越南菜式都有。價錢都大眾化。我地兩個人叫左碗招牌自選湯底，佢有清湯、叻沙同冬陰功選擇。另選一款配料同粉。 我地就叫左海南雞叻沙摻摻。另外我地叫左南洋肉骨茶配飯。再加左馬拉盞炒通菜同兩本野飲。上菜速度超快，落左單無耐 ，海南雞叻沙已送到面前，雞佢係分開另上 ，仲加碟醬，叻沙仲要大大碗。香港食叻沙我自問食唔少。可以話一望個湯，都已知會唔會ok。 目測湯嘅顏色、油份同椰汁分佈平均，已經知唔會伏。食落果然好味，個湯底調得好，辣味適中，椰香夠，加埋慘慘食一流。個海南雞都幾好，雞夠滑。佢配嘅唔係平時新加坡嘅海南雞醬，反而係泰式海南雞醬，真係fusion 星馬泰. 肉骨茶係南洋style ,藥材味湯底，但佢又唔會好重藥味。濃淡適中，排骨又唔會煲到湯渣咁。好正宗下。炒通菜夠鑊氣，又夠份量。最可惜今次佢地賣晒椰汁榚。唔係可以試埋佢地甜品。

今天難得的假期，當然是逢行香港人精神，瞓到十一點幾起物，來一個早午餐！近日發現在家附近開了間特色店，於是，今日假期就帶埋媽媽一齊去試試，因為媽媽對麵類的興趣較大，而我就對海南雞有興趣！十二點來到店，一入去就覺得設計都幾得意，有兩層高，而且有些特色對牆座位，真的方便一個人食飯，有時對住唔識的又真的幾尷尬，哈！今天店內的客人不多，被安排坐在店的中間，見有午餐牌，就叫了一個海南雞飯，一個大蝦叻沙米線，仲加十蚊有特飲！一於來杯薏米水和青檸梳打！等緊的期間，望出玻璃就發現貼住「12:30離座有九折」，下次可以預早少少，就可以有優惠！等了一陣，店員拿住食物行過，就聞到一陣叻沙香味，個賣相都幾好，滿滿的一碗，仲好細心俾個骨碟你，個味道都真的唔錯，我都忍唔住係咁用湯匙去飲我媽的叻沙湯！然後到我的海南雞飯，雞下面仲有菜心，重點係個飯好有香味但唔太油，而雞又好滑，配埋醬汁真的好開胃！杯薏米水都幾足料，好多薏米係入面！整體來說，58蚊的午餐係超水準，值得再來！

搵食搵到黎北角，其實都係咁啱喺呢頭收工menu插圖好精美，幾有心思柚子蝦沙律 $68天氣熱辣辣，要食返啲酸甜野開胃，所以嗌左個沙律。蝦有兩隻，幾新鮮彈牙。我幾欣賞呢度嘅柚子係一梳梳，而唔係一粒粒散哂、要用湯匙不嗰種。大大啖柚子咁食好滿足。個汁就有啲唔同街外嘅柚子沙律，帶甜啲、冇咩辣味！海南雞撈麵 $58海南雞係另上，方便自行再撈下個麵除左撈麵，仲有得揀撈濛。不過一場黎到，試下特別啲嘅撈麵撈麵嘅配料有芽菜、豆卜、炸蒜絲、蔥花、生菜，個汁幾好味有啲甜甜地海南雞冇骨的，份量幾多。菜心墊底，份量亦幾多，唔係俾一兩條hea你跟個清湯就正常，有蘿蔔同莞茜味軟殼蟹叻沙 $68揀完湯底係叻沙之後，仲可揀麵底。揀左摻摻，即係油麵加米粉。又係貪特別啲叻沙湯底好香椰味，少少辣軟殼蟹記得襯熱食，好香脆，大大份甜品紅豆糕（送嘅）

今日係北角開完會，約左好耐無見面嘅型男好友食晚飯，想係附近搵間坐得舒服啲嘅餐廳傾下計，咁啱途經南洋麵屋，見餐廳裝修得幾時尚光猛，食物選擇種類亦頗多，於是二話不說，入內光顧。我們一坐下來，店員就迅速地送上兩杯水，服務周到，拿起餐牌，見餐牌封面跟內頁嘅設計都很精美，食物及飲品種類選擇亦充足。我們見鄰座嘅食客一入店內就即刻點了大蝦🦐撈麵及馬拉盞炒通菜，似乎是熟客，點的餸菜亦很快上枱，見賣相不錯，於是就點了呢兩款食品及海南雞叻沙摻摻。海南雞同叻沙摻摻分開上，配以薑茸及辣椒醬，海南雞🐔鷄肉嫩滑，皮和肉之間有一層啫喱狀的膠汁，入口即溶。印象中，有友人提及過，這一層啫喱是膠原蛋白，要做到這種效果，雞肉要煮到剛剛熟，然後立即浸冰水，令膠原質凝固。以前，我仲以為係雞油或脂肪，原來係女士恩物。另叻沙湯底配料有魚片、豆腐卜、雞蛋🥚、芽菜等，材料豐富。我跟好友都認為性價比高，但若果海南雞用青瓜伴碟，叻沙椰香味再多一點，醬料加埋黑豉油，就更加好味喇！蝦🦐撈麵配上一碗冬瓜湯，蝦肉味道清淡，甜醬油加上香蔥、蒜茸、芽菜、豆卜，同油麵撈埋一齊食，層次感豐富。通菜用煲仔盛載，上枱時，好有鑊氣，通菜新鮮翠綠，口感爽脆，份量

今日去食去試下新野，由於我都好鍾意食東南亞呀，所以就試下呢間。門面裝修都幾新淨呀，入到去都幾多人，7點鐘full晒咁濟好彩原來有上層坐。坐低一睇menu都幾多選擇，咁啱見到我鍾意嘅肉骨茶，當然揀佢啦，之後朋友揀咗佢鍾意喇沙湯麵，再加啲小食：生菜包同串燒雖然坐二樓，但啲餸都好送到上黎，都唔會等好耐。肉骨茶有藥材味，又夠肉味，啲肉就煮得夠冧唔錯。全部湯被我飲到一乾二淨喇沙湯麵都Ok，小小辣但又唔搶個喇沙味。生菜包啲肉碎醃得夠晒味，夾住新鮮菜餸飯一流。最後個串燒熱熱辣上菜，基本上都無得輸架喇，串燒呢醃得夠味，燒得夠火候都唔會有咩問題。而且個醬都幾特別 我好鐘意。總括黎講二百幾蚊都算抵呀 好多食物我都未食 下次要帶多d朋友再黎試

位於食市林立的北角渣華道，要突圍而出絕對不容易。平實的門面，内裡是有心思的簡約裝潢。偶然去北角食了一次dinner,已plan定要再食。喇沙的湯底屬於小辣 ，正是我喜愛的辣度。大大碗有豆芽，豆卜，魚蛋片，菜，雞蛋做配菜。一碗併大蝦，另一併豬腓。下面這是参参，不是麵。有點似河粉。特飲半價，叫了泰式冰奶茶，上面還有榴蓮雪糕球，有驚喜。芒果梳打配雪糕，梳打蓋過了mango的香味。每人七十幾，性價比高 Take two食了lunch炸雲呑撈檬夏日炎炎酸酸甜甜，正喇沙配海南雞，雞都算多，還啖啖肉薏米水近碼頭，街市大樓對面 。店内有單人坐，面對牆可以自己慢慢歎