南洋麵屋 (已結業)

最近有野做去多左北角，發現左呢間街坊價餐廳，做左我最近糧尾飯堂。喺北角內街，但係人流都唔少，晚餐時間入去都差唔多滿座。冬蔭海南雞拉麵個自選麵幾抵食，晚餐一碗麵加料都係68，冬蔭公湯底幾濃味，麵份量好多，一個女仔食真心飽。海南雞另外上，雞都算滑。叻沙軟殼蟹上海麵叻沙有埋魚卜同魚片，感覺多料抵食啲。上海麵同拉麵麵質差唔多，如果講麵食湯底嚟講，個人鐘意叻沙嘅味道多啲。軟殼蟹都係分開上，好脆同埋唔會太油。因為怕食麵唔夠，所以我地仲叫左個豬頸肉沙律，豬頸肉少少辣，洋蔥味幾重，推介同生菜一齊食中和下。因為麵食可以半價叫杯野飲，我地叫左椰青。椰青好甜，不過白色肉難刮出嚟食，配麵食唔錯。泰式奶茶奶茶味好重，同平時港式茶餐廳奶茶好唔同，少少甜，都推介。