南洋麵屋 (已結業)

返part time既地方位於渣華道，平時食開都係連鎖式餐廳同中式茶餐廳。不過呢間南洋麵屋啱啱新開，當然要試下。餐廳總共有兩層。近收銀前面有一道鐵閘。牆全身都係牆紙，無淨色般咁乏味。小食叫左少少串燒，豬同雞各兩串，食落幾香口，燒既時間啱啱好，所以肉質啱啱好，唔會太硬，點埋醬更惹味。既然餐廳以麵屋命名，我就叫左軟殼蟹撈麵。麵條係油麵嗰種，口感偏軟身，掛汁能力高。芽菜同豆卜一樣索曬汁，味道一流。至於軟殼蟹係分開上，炸到非常酥脆，不過有少少油。如果大家想試下啲新款菜，我強烈推介馬拉盞炒貴妃苖，貴妃苖口感少少似芽菜，非常爽脆，但味道更加清甜，加左馬拉盞一齊炒更香口。最後以黑牛作結，即係朱古力雪糕加可樂，自己好耐冇飲過，所以今次飲返特別爽！

今日同朋友喺北角做嘢，晚飯時段去左呢邊揾野食。經過呢間南洋麵屋，見餐牌幾多嘢食就入咗去。餐廳嘅裝潢幾別緻，牆上都有唔同嘅圖案。我個人幾鍾意佢張凳，覺得坐得幾舒服。到我哋開始揀嘢食嘅時候，更加發現餐牌既設計都好特別，尤其係封面嘅部份，有特別嘅剪裁。食物方面，叫咗個軟殼蟹撈麵、串燒雞/豬 仲有一個馬拉盞炒貴妃苗。個人認為軟殻蟹撈麵真係十分高質。個汁甜甜地鹹鹹地，加埋啲切左細粒嘅蔥、蒜頭同埋芫荽，仲有芽菜，口感同味道都幾好。軟殼蟹佢炸得好香脆，仲有半隻蟹既份量。串燒雞/豬 燒得好香，食到香料嘅味道，另外帶有少少焦香。相對地，雞滑過豬，但係豬肉既質地好好，唔會好柴，亦保持到個咬口。另外個菜都有驚喜，唔單止啲菜好嫩，佢用個鐵兜裝住更保持到熱力，相當好食。嘢飲方面跟餐叫咗一杯青檸梳打。我個人幾欣賞佢，因為佢唔會落好多糖水，令到杯嘢飲好甜，導致到越飲越渴。總結來講，呢間係一間我一定會返嚟再食嘅餐廳，希望下次有機會試吓佢個海南雞！！

復活節長假期當然要出去走走逛逛啦！ 所以行完新商場就嚟到渣華道嘅南洋麵屋食dinner la🐥🐥餐廳都幾full. 見有幾枱仲要係遊客添😅早是小嚟食會好d💁💁 我地嗌左個馬拉盞通菜😃熱辣辣上，好有鑊氣！馬接盞夠多，咸香味四溢🌟通菜非常新鮮，食落爽脆😆主食叫左肉骨茶餐😋68蚊跟白飯^ ^味道濃郁，飲落去有藥材香。入面嘅肉非常淋，好入味！另外仲有吸湯一流嘅豆卜，撈飯正🐣軟殻蟹撈檬出面好小有！首先軟殼蟹炸得香口但冇乜油👍🏻👍🏻👍🏻檬粉份量都幾多！小食仲有牛油雞翼💋有5大只，好香牛油同蒜頭味！👅👅👅

今日520，梗係要同女朋友慶祝下🤪聽朋友介紹北角有間好味既越南同泰國菜餐廳，所以就特登黎試下！呢度環境乾淨企理，坐落都好舒服唔會逼！我地叫左泰式豬肉碎生菜包、青咖哩雞配印度酥餅、蒜茸牛油雞翼、雞肉牛肉串燒同一杯珍多冰！首先黎既係珍多冰，佢既分量非常多，而且椰汁味好濃，加埋啲珍多都好有咬口，大樹菠蘿絲都好新鮮，跟野食有半價真係好抵飲！🥳肉碎生菜包都好出色，佢啲生菜好大塊同新鮮；肉碎就岩岩炒起，當中用左紅蔥頭、蔥同好出味既香茅，同時有小小辣辣地，非常開胃！食個時啲肉汁都流晒出黎，加埋啲生菜真係絕配！😋青咖哩雞配酥餅：咖哩辣度大概中辣咁，鐘意食辣既朋友一定要試！佢好重椰香又有唔少蔬菜，配埋新鮮烤起既酥餅好香口好夾！串燒既肉汁都鎖住係肉入面，肉質都好嫩滑！而沙嗲醬加左花生醬，食起黎甜甜地鹹鹹地，令串燒既味道更豐富😚雞翼新鮮炸起，調味岩岩好，牛油香同蒜香結合加上雞油同雞肉既香令人食到停唔到口🤪最後食完餐廳仲送左個紅豆糕做甜品！餐廳既食物質素真係唔錯，咁既價錢真係好抵食，員工服務態度都好好！將來一定會再黎過😝

作為喜愛新加坡菜嘅我，一直周圍搜尋好食嘅新加坡菜，今日特登嚟到北角，就係為咗一碗喇沙。$68嘅價錢超級大碗，罕有地可以配炸軟殼蟹。雖然唔係最地道，但係軟殼蟹炸得香脆，亦都好抵食。另外，少有地有摻摻呢個選擇，起初見到嘅時候，都相當期待。值得一提嘅係，半價就可以跟飲品，都只係$13 ，仲飲又唔使加錢。香辣嘅菜式，配以清新嘅薏米水，實在係最好嘅選擇。只可惜湯底未如想像中鮮味，唔夠鹹香，奶味較重，可以辣啲就更好。軟殼蟹炸得香脆，唔油。馬莎文咖喱牛腩就比較地道，用料充足，惹味得來又唔辣。薄餅嘅份量都好夠，食得好飽。仲附送一碗湯，清新味精唔重。當然未算係最地道，但整體來講算係區內比較抵食又高質嘅新加坡菜。食得好飽，埋單都係$70一個人。

自從轉左⼯之後都冇再去北⾓果頭，咁啱今⽇約左交收就諗住去返之前嘅飯堂懷緬下。點知就嚟去到飯堂果陣見到有間幾得意嘅新餐廳(對我嚟講係新)如是者就去左試，裝修幾有特式，連餐牌都幾靚。豬⼿好淋，而且味道剛好唔似其他東南亞餐廳嘅豬⼿咁重香料味， 輕微帶甜，幾好。附帶嘅芫荽湯唔算濃味，唔食芫荽葱嘅我都 飲到。軟殼蟹雖然賣相平庸，但食落唔錯，⾦邊粉幼滑，冬蔭公湯底酸味比較突出相返唔太辣所以唔食辣既人都接受到。仲有個雜菜鍋，蔬菜款式多種類，雜菜裝得滿滿有誠意。

平時食晏經過呢間餐廳都好想試.但好多時都要等位.今晚同同事都要OT,咁我地8點令去到,即刻有得入座,唔洗等位！我地兩個人,叫左兩個主食第一個係泰式豬手飯，豬手好淋好香,個汁味道岩岩好,撈飯一流！第二個係冬陰公湯底配軟殼蟹金邊,湯底唔算太辣,啱曬我同同事呀,我地兩個都唔可以食得太辣,湯底不錯,軟殼蟹炸得好鬆軟,唔油,又夠熱辣辣.第三個係泰式炒雜菜,係用個獲仔上碟,好有獲氣,同埋真係好多菜,呢個少雜菜反而有驚喜,菜又多味道又唔錯.另外我地仲左一杯青檸梳打,同埋送左兩個椰汁糕比我地,整體黎講唔錯呀!

屋企裝修，搬咗去北角春秧街嘅華大海景酒店住，北角咁多街行，今日同朋友一齊食飯行街，今日想喇沙麵，去咗（南洋麵屋），喺渣華道街市對面。餐牌好有動漫卡通化，好正，好正。自選laksa湯麵配搭， 我叫咗海南雞喇沙米線 ，喺香港嘅舖頭當然要迎合香港人口味，加咗啲芹菜係湯底， 非常好味。海南雞仲要好滑身， 凍凍地起曬膏， 我最鍾意食呢啲膏狀嘅雞皮，雞皮超級嫩滑。龍眼冰跟餐半價$13，足料解渴。印度脆餅， 咬落去脆脆地但係入面都幾軟淋淋咁，好有口感。

今日甘岩經過北角，我不嬲都幾鍾意食東南亞菜式， 見到呢間餐廳嘅門面都幾靚， 加上係主要食東南菜 ， 一於入去呢間餐廳食個tea先再返工😋呢間餐廳畀人嘅感覺係好寫意，同埋都坐得幾舒服， 牆壁嘅壁畫都幾有特色，店員態度都幾nice👍 幾有禮貌👍我叫咗個下午茶: 冬陰功湯配雲吞金邊粉， 冬陰功湯，少少酸酸地，辣辣地，好開胃😍 同埋佢嘅雲吞都幾好食， 雲吞皮薄，啲肉好嫩滑😋金邊粉好幼身，配埋冬陰功，味道好夾😍我另外仲叫咗碟串燒牛肉同埋豬肉， 無論牛肉定豬肉都好嫩滑， 一啲都唔韌， 配埋佢啲醬汁更加入味😋我個下午茶餐叫咗杯熱龍眼水，龍眼味濃郁， 甜度適中，都幾好飲👍下次可以叫埋朋友一齊嚟，試下揀其他唔同款嘅食物😋😋

夜晚同朋友一齊做完運動，見到哩間餐廳個名幾特別，一試覺得菜式味道唔錯，價錢又唔貴，非常抵食做完運動，一黎就叫左個椰青同杯雪糕奶茶解解渴，個椰青都唔錯，杯奶茶可能有雪糕所以就甜左少少跟住就飲左碗海南雞飯嘅冬瓜湯暖下個胃主菜到啦，海南雞飯，啲雞食落就唔算好嫩滑，不過不失咁啦朋友就點左個軟殼蟹，配埋少少甜酸醬都幾開胃最後唔夠飽仲點左個蒜蓉煎雞翼埋尾，煎到好香脆，唔錯！同朋友食完啲野之後仲坐底傾左一段時間計先走，老闆同伙記仲主動同我地傾計，態度好親切

其實北角已經林立左好多有特色買點餐廳,但估唔到呢間新加坡菜既賣點，也能夠令佢係North point 屹立不倒!!!!首先在價錢方面，屬於一個比較經濟的價位，所以也會叫一些小食和毫不猶豫地叫一啲飲品我覺得佢嘅椰青屬於超值,只需要26就有一大個椰青！！！而且係十分滿意！！！但唔好食佢哋嘅特色奶茶，奶茶味 不重，只有個雪糕好食。至於佢哋着拖鞋右面就10分好食，壽司住得油，而且配合軟殼蟹的蟹膏一齊食，真係十分香！令一個值得欣賞嘅係佢嘅份量都算多，足夠兩個人分另外我哋仲要左份牛油雞翼，估唔到佢嘅配料咁充足，令我哋而且雞翼10分新鮮和熱辣辣！所以10分享受這個雞翼。可惜雞翼的份量比我想像中少好多😭😭😭不過整體來說也是不錯的。

約咗4位朋友食晚飯傾下計，北角近大家，又想試下唔同既東南亞美食，於是就揀咗依間「南洋麵屋」，聽落以為係淨係得麵食，但原來仲有好多其他菜式可以揀！首先叫咗個泰式豬肉碎生菜包$58，啲菜好新鮮，而且豬肉碎夠哂份量，因為我地係全部菜式share食，所以有肉又有麵，唔怕食太飽。唔少得既緊係叻沙，大蝦、金邊粉。 $68一大碗，好彩有大食既朋友，咁我地就可以叫多幾樣野食🤣好正宗既叻沙湯底，十足十我去新加坡食果隻。我最愛就係檸檬薏米水$26。一定會食哂啲薏米，養顏又美白，而且米水可以消脂，食完啲濃味野之後都無咁滯！個泰式蝦餅食$58 勁勁勁好食，有機會再去食一定會叫，蝦肉好有口感，點埋個泰式辣醬，其實我覺得唔辣，帶啲甜甜酸酸既味，好開胃餐廳仲好好，送咗我地每人一個個紅豆糕，好精緻，唔會太甜！

南洋麵屋 (北角)北角渣華道90號地下-🔸馬沙文咖喱牛腩配白飯咖喱味香濃 牛腩軟身入味裏面仲有薯仔 同樣入味香軟配上白飯食 真係可以食多幾碗只係略嫌份量偏少 愈多一點牛腩會更好🙈🔸南洋肉骨茶配油麵肉骨茶湯底香濃 淡淡的清香藥材味淨飲湯汁都唔會口渴肉骨肉味香濃 肉質容易咀嚼 裏面有豆卜 索曬晒湯汁配上最愛油麵一齊食👍🏼同樣地 如份量多啲會比較好😂

今次其實係第二次黎呢度上次經驗都已經麻麻地,但都叫做坐得低有食過,但今次就完全係負面體驗....上次係lunch time打算黎試新野,見佢有兩層都幾多位,被安排坐上層樓梯口張圓枱我地4個人,隔左一陣搭左3個人落黎,一睇就知張枱其實頂盡6位.坐7個除左好迫之外,路口嗰幾個人其實好危險,隨時照頭淋,而且枱面擺唔哂咁多個人嘅食物同飲品我地兩邊都各有1個人嘅食物出錯左,單係打啱嘅,但因為時間緊迫選擇接受錯誤嘅食物然後我等左足足半粒鐘以上先有野食,遲過哂周圍嘅人講返今次有幾負面,lunch time冇book枱入到黎,見到地下嗰層有吉位,但唔夠4個人一齊坐,店員叫我地上樓睇下有冇,仲話一係分兩枱分兩枱咁我做乜要一齊食飯?上到去大把吉位諗住坐低,點知有店員話後面有枱8個walk in上緊黎叫我地落返去,仲話其他枱有人book左大家都係walk in,我得4個人就要走?呢啲安排完全不知所謂,既然咁唔憂做都唔爭在少咁幾個客

北角呢頭都幾多嘢食，經過見到呢間泰國菜見到餐牌幾吸引，就入咗去試吓。一入去侍應好熱情招呼，餐牌有幾多嘢食揀，個人特別想試吓叻沙，就叫咗碗叻沙帶子拉麵試吓，碗叻沙湯底好濃，中辣而且大有濃濃花生香味，餸嘅款式夠多，雖然只係自選一款材料，我揀咗帶子，但係原來碗叻沙本身嘅配料都幾多，包括有幾塊魚片，大量芽菜同埋豆卜。原本只係以為有兩粒帶子，但係原來唔係，仲有好多細粒帶子係湯入面，每一啖麵都可以食到粒粒帶子肉，夠足料。媽咪就揀咗碗泰式海南雞飯，海南雞唔帶骨，而且雞肉夠滑，點埋薑蔥同埋泰式醬味道酸酸甜甜夠醒胃，而且同雞肉味都幾夾。一碟份量都算多，一個人食都幾飽。最尾見到隔離枱個泰式豬肉碎生菜包幾吸引，就叫左黎試吓。好彩冇令我失望，分量幾多，而且佢泰式豬肉碎啱啱炒起，酸酸地辣辣地味道好開胃，而且熱辣辣配上清涼嘅生菜一齊食味道好清新👍每一啖生菜都食到滿滿嘅肉碎好滿足~最後媽咪同我都食得幾滿足，而且食物質素都唔錯，下次會再嚟試吓其他泰式菜式😇