南洋麵屋 (已結業)

今日去北角行下新落成既商場，而南洋麵屋就位於北角匯同北角地鐵站既附近。鋪面乾淨企理，有一個小小既閣樓，幾特別。樓面既姐姐都好nice。食物方面泰式、越式，甚至新加坡喇沙都有，我地亦都叫齊哂。🤣泰式生蝦，一碟有7隻，隻隻都好新鮮，口感結實，生蝦汁辣得黎唔會搶左生蝦既鮮味，配埋蒜片一齊食絕配👍🏻越式蔗蝦，上菜既時候熱辣辣，件件都大大粒，外面卜卜脆，裡面好彈牙，入面仲有蝦肉添。喇沙軟殼蟹摻摻，呢個係自選既湯粉，有3種湯底同8款麵條可以選擇。我就揀左摻摻，係油麵mix米粉，一次過有2個口感，雖然油麵比較粗，但都能夠吸到湯底既味道。馬拉盞炒貴妃苗，見到十居其九都係叫呢個菜，我地又跟住試一試。用熱辣辣既砂煲盛載既，打開蓋果刻貴妃苗既香氣撲出黎。馬拉盞好惹味，蓋左貴妃苗原有既草青味，連唔食菜既男友都大讚，推薦！佢地大部分既食物都可以半價叫飲品🥤

之前聽朋友提過近北角港鐵站有間抵食高質既東南亞餐廳，今晚決定去食晚餐。餐廳相當闊落，平日夜晚都坐滿8成客人，還有幾枱外國食客，侍應姐姐都熱情用簡單英文介紹招牌菜。麵屋不止提供麵類，還有其他東南亞菜。招牌自選湯粉（$68）可自由配搭湯底、配料和麵類，我地見到隔離枱既軟殼蟹炸到金黃色，非常吸引，所以就點了軟殼蟹喇沙摻摻（油麵溝米粉）帶椰香湯底，油麵彈牙，米粉軟淋，整體口感豐富，再配上豆腐卜、魚片、雞蛋、生菜，朋友大讚好食！軟殼蟹是分碟上的，不會被湯浸淋，保持香脆，而且份量很多，單是這碟軟殼蟹已值回票價。炸蝦餅（$58）平時最怕蝦餅唔新鮮或太粉，這個蝦餅是高分之作，上枱時熱孚孚新鮮炸至金黃，食落彈牙。南洋肉骨茶配白飯（$68）一上菜先飲啖湯，肉味香濃。驚喜既青檸梳打（$13）飲品可以半價選配，相當優惠，我們叫了青檸梳打，以為是一般梳打水加兩塊青檸，想不到是誠意之作，是青檸汁底梳打。整體來說，食物質素高又抵食，值得再來。

前幾日補完習之後，見到五點幾仲有下午茶食所以就入咗嚟呢間食新加坡菜嘅餐廳。其實$38嘅下午茶來講真係好抵食！所以我同朋友就各自嗌左一個啦！我就嗌咗個海南雞飯，而朋友就帶咗一個豬頸肉檬粉。雖然係下午茶但係海南雞嘅份量同飯都唔少。海南雞份量幾多，而且肉質都好嫩滑。而且仲提供左兩款嘅醬料！你朋友嗌左呢一個豬頸肉檬粉，睇個樣都知豬頸肉煮得非常之好，而且唔會過熟或者太生！之後因為見到隔離枱都嗌左個串燒，份量好大，而且仲偷偷地聽到佢哋講話好好食，所以我哋都嗌左一碟！我哋嗌左雞肉同牛肉，個人來講成餐飯呢一個真係好好食！肉質非常之嫩滑，而且肉汁好多！最後我哋做嗌咗蒜蓉包同一杯嘢飲，蒜蓉包烘得啱啱好而且蒜蓉味都好重。

有時候太晚收工不想吃得太飽以免影響消化多數會選擇食粉麵多於白飯這間南洋麵屋位於北角港鐵站出口附近交通非常方便而且營業到晚上十一點店內有兩層,採樓中樓設計既有特色之餘亦有空間感店名雖叫麵屋,但其實這裡不只供應粉麵尚有海南雞飯,豬手飯,咖喱牛腩配酥餅等等同時亦有多款小食如雞翼,燒肋骨,串燒等等不過今次只想輕食一點所以選了他們的招牌自選湯粉以及柚子蝦沙律作為前菜先說沙律吧侍應落單時已很細心的詢問耍不要辣味因為不少餐廳的柚子沙律都好辣如果不能吃辣的朋友記得說不要不過我要了加辣,但入口倒是覺得辣味適中 酸甜辣合起來味道剛好,認真開胃柚子更是粒粒飽滿多汁大蝦蝦肉亦爽口彈牙至於自選粉麵湯底有清湯,冬蔭及叻沙可揀我就揀了叻沙湯底飲落有點點像清甜雞湯挺好味的如果椰香味再濃一點就更是完美了豐富配料有豆卜、蛋、厚切魚片及生菜另可以在大蝦,雲吞,帶子,海南雞,軟殼蟹及豬扒中自選一款配料我就揀了豬扒,他們是另外放碟上並沒有一併放進湯裡所以豬扒吃起來外皮還是很香口又脆至於麵粉方面我選了摻摻即是油麵和米粉混合在一起一次過食勻兩種口感的粉麵臨到尾聲,侍應更會免費送上椰汁大菜糕一份美味的飯後甜品盡顯餐廳細心殷勤款待的一

其實都飽飽地，但係仲係口痕痕，路過北角又見佢有好多like!!吾係吾入去試下嘛🤣於是就殺入去試下先！！！！佢裝修得都幾好，仲要有樓上，都幾大，而且樓底高就無壓迫感，幾舒服㗎！枱同枱之間距離又不會好近！由於我地吾算好餓，就叫左好多小食同一個主食！叫左個自選喇沙湯麵，我地揀軟殻蟹😚個湯吾錯，直程想飲哂佢🤣軟殻蟹就普通咗小小，但湯麵先係精髓!!!!都不錯而性價比高！個湯好濃！正！馬拉盞炒貴妃苗 $48都好多下，吃極好似吃吾完禁！好少地方有得食貴妃苗，好嫩同脆口！好新鮮！又吾辣，啱哂一家大細吃！蜜燒豬肋骨$58性價比高！不過有小小un,同吾算多內！但60蚊都吾洗就有4條都抵哂喇~蜜糖味好出，有小小似自己bbq落勁多蜜糖燒禁樣haha!!Overall，也算是不錯喇！！味道同質素都幾好以這價錢黎講！

路過渣華道，被餐廳裏面一張poster吸引左，所以就入咗嚟食晚餐,入到去才知道原來鋪頭嘅名，係因為餐牌入邊可以叫到不同種類嘅東南亞美食見稱的入到黎座位嘅舒服，牆上亦有悉心的佈置,餐牌亦是特別設計，仲響第一版就介紹咗乜嘢係為之東南亞食品,一坐低未點菜之前，已經聽到隔離枱嘅外國人，不斷稱讚啲嘢好好食，都幾期待啦呢最後點左：軟殼蟹撈檬$68 (另可選擇撈麵),馬拉盞炒貴妃苗$48 (另可以改蒜蓉炒）, 巴東牛肉配印度酥餅$68 (另可配白飯), 同埋芒果糯米飯$48第一次食貴妃苗，其實唔知係咩菜，但個好驚好似幼條既芽菜,未到就有啲似豆苗，都幾得意，平時出面食嘅馬拉盞味道都比較濃，但今次呢個貴妃苗味道不會太濃烈，可以食返菜嘅味道，幾適合香港人口味另外值得一讚嘅係印度酥餅，雖然成個菜式好邪惡，但係酥餅發出陣陣的牛油香，點埋咖喱汁真係絕配呀🤩甜品亦列出心思要雪糕杯裝上芒果糯米飯，芒果凍既，糯米飯同椰汁佢出奇地熱騰騰，加上濃郁嘅椰汁浸住飯，賣相真係好似雪糕呀，舀一匙羹先見到入邊嘅飯粒，味道不錯呢總括而言這是一間味道不錯，價錢相宜的餐廳，值得推介

呢到好近地鐵站，地理位置十分方便，加上係食南洋菜，岩哂我😋內在環境好整潔，餐廳室內設計亦感覺好舒適，加分！個日同屋企人兩個叫左豬手飯、軟殻蟹喇沙、一杯珍多冰同一杯熱既檸檬薏米水。我叫既係豬手飯，豬手煮得好入味同好淋，諗起就好回味🤤成個餐完全唔馬虎，除左好好味既豬手，豬手下面仲有菜，符合健康要求😆仲配左鹹酸菜同醬汁，醬汁偏酸辣，好開胃～另外仲有好清既冬瓜湯。我仲叫左珍多冰，我算係珍多冰控🤣所以比較之下，覺得呢杯真係堅好飲！好重既椰汁味，但唔會好甜，成杯野感覺岩岩好！屋企人就叫左軟殻蟹喇沙，我都有試下，個喇沙湯底又係幾重既椰汁味，軟殻蟹好香口🤤另外仲叫左杯檸檬薏米水，屋企人話微甜，味道清新好飲！題外話，見到有食客食完飯之後，仲另外買左海南雞拎走，睇黎味道應該唔簡單，下次有機會要再黎食🤪🤪

屋企裝修，搬到北角渣華道暫居住。 渣華道人多車多，還在適應中。因為不便煮食，好多時都買飯盒食；過去週五放工與老公外食，在渣華道發現這間南洋麵屋，見他比較新淨，門口餐牌價錢不貴，決定入去試試！食店有兩層高，座位不多，樓上主要是大枱，樓下是二至四人枱，揀了座位坐下來，在餐牌中選了三個菜式，等了一會，食物很快做好上枱。🥢咖喱牛腩配印度烤餅-咖喱充滿椰香，牛腩炆煮恰當，不硬，烤餅配咖喱汁，完美！🥢密汁燒骨-有密糖香，大大件🥢馬拉盞通菜-有鑊氣，放煲仔內保存熱度，分量足夠個人評分食物 B環境 C衛生 C抵食 C服務 C南洋麵屋食物做得好好，服務、衛生、環境有待改善。

第二次夜晚約朋友黎呢度食飯都係平日嘅夜晚兩次黎到7～8點左右都有位坐 唔使等睇餐牌啲野都唔係貴 夜晚都仲有叻沙套餐（我唔係相機食先嘅人，所以無影過相，黎到已經即刻食）第一次兩個人每人各點一個叻沙餐，有得揀一種配料，又有摻摻可以揀，加埋特飲（黑牛）都係$88！我個人覺得碗麵好大，真係好大，唔係普通湯麵碗，都幾好食。第二次三個人，叫左一個軟殼蟹叻沙摻摻，一碟炒貴妃苗，一碟串燒，一碟青咖哩配印度烤餅，一個豬肉生菜包，再配三個特飲（雪糕紅豆冰 x2 + 士多啤梨雪糕梳打 x1 )估唔到最終鋪到成檯都係 （埋單每人都係百零）三個人都食唔晒個青咖哩我強烈推薦，個印度烤餅好香！最終食唔晒啲青咖哩有啲浪費左，應該搵個白飯食埋佢。不過已經好飽。喺呢個「用餐時間90分鐘」嘅年代，呢間餐廳我坐幾耐都無趕我走，同朋友盡情吹水好開心。支持呢間小店，希望我下次再同朋友黎食佢都繼續屹立不倒！

Discovered a new restaurant offering Malaysian cuisine in North point. The restaurant is wide and open. The environment is quite fresh. Foods are delicious with fair price 👍We ordered two meals. thai green curry with chicken and roti and also bak kut teh with yellow noodles.

今日幾個朋友介紹我嚟呢度食午餐，佢哋對呢度讚不絕口咁我就即管跟佢哋過嚟食吓啦。一間小小嘅餐廳裝修都幾別𡟹。原來佢哋有2樓嘅但係我就冇見到有樓梯上囉見到Menu同事就介紹我食麵，佢哋話係必食推介😅而且每樣都係$58飲品加$5特飲加$10有人就叫咗個海南雞配清湯有人就食海南雞配冬陰公湯底我試咗佢嘅海南雞配個姜蓉好食有人食炸豬扒跟清湯,佢話湯底都好清甜我就叫咗炸豬扒跟喇沙湯底唔辣好味我就加咗杯特飲泰式奶茶都幾好味稍甜

Boyfriend was still hungry after lunch so we found this nearby. Called NanYang Noodle, it served Singaporean/Malaysian food. There wasn't a lot of diners inside but it was clean so I agreed to go in.As we were there during afternoon tea time, they had an afternoon tea menu that costs only $38! Menu in English and Chinese. There is no 10% service charge. Sets do not include a drink but available for a small upgrade charge.I had the Hainan chicken rice ($38). The rice was pretty good. A nice fragr

🌟青咖喱雞肉併薄餅青咖哩味道偏辣，但惹味香口 略嫌雞柳不夠嫩酥皮薄餅值得稱讚熱辣辣又脆，而且份量又不少😋總括係「平靚正」🌟泰式豬肉碎生菜包對我而言，辣度剛剛好，挺喜歡生菜咬落好脆，新鮮🌟牛油雞亦一碟有五隻，味道就不過不失.飲品叫左杯青檸梳打，但就好一般般

作為一個喇沙超級fans 佢個喇沙真係突破左我對喇沙既想像食佢之前我以為喇沙只有好食同唔好食之分🤣 唔好食既喇沙，就係d整色整水既味精湯味好食既喇沙，一般椰香味較重，唔味精，有d蝦乾味喺呢度既喇沙湯底，竟然有淡淡既煙燻味！好似係炭火烤野，留喺件野度既淡淡煙燻味好夾，唔會搶椰香/鮮甜香海南雞都ok, 唔得閒品嘗，掛住飲湯I will be back 😍😍😍😍😍😍😍😍Highly recommend

落雨天急急腳行過，見價錢合理就決定入去試試。軟殼蟹喇沙摻摻($68)都幾正宗， 油麵同米粉都有,兩種口感,正。個湯底唔會太膩，我好鐘意一啖湯一啖麵，呢個湯香濃得黎唔會太咸。配軟殼蟹夠特別,香脆又吸到湯,好食。肉骨茶($68)當然要先飲一口湯,好有藥材味，清清地,而肉亦都好夠淋同入味，份量都唔少。豬肉生菜包($58)生菜夠新鮮，最怕D生菜上檯霉霉爛，欣賞呢到就唔會。而豬肉酸味夠突出，夠開胃可以食幾舊都唔會滯。串燒($58)基本上D餐廳有串燒我都會必點，今次要左牛肉同雞肉。燒到熱辣辣,肉味都有,配埋個醬，香辣惹味。