南洋麵屋 (已結業)

完結long weekend前就當然要食餐好啲啦！咁就嚟到南洋麵屋啦☺️.餐牌都幾多元化，而且價錢合理！我哋叫左個肉骨茶配飯($68)🥰 湯看似清晰但飲落非常濃郁！入面仲有幾件都幾大嘅牛肉，肉質有口感但唔會硬🥳 而且仲有d豆卜同冬菇添💪🏻💪🏻.叫左個馬拉盞炒通菜添😻 係用鑊仔上，所以非常之熱辣辣！又唔會太油，通菜仲幾爽脆😍 撈飯好啱🙉🙉.甜品就少不了叫左個芒果糯米飯啦🥰 糯米飯就偏淋身，加番芒果食口感豐富d😋😋

餐廳裝修醒目舒適，係一種幾清新新潮既感覺，整體d座位都唔算逼，環境算係依個價位既餐廳黎講幾唔錯大蝦叻沙摻摻：黎到緊新食佢既招牌菜啦！都算無令我失望，店員仲特登推介食摻摻，一碗可以食到米粉同油麵，口味豐富又好味。大蝦方面都好鮮甜，雖然唔算好彈牙，但依個價位算係好好了！豬頸肉沙律：本身好鐘意食泰式沙津，依間水準都唔錯！豬頸肉夠入味份量又多，可惜唔跟生菜，我另外點左好好味好鐘意，不過都幾辣～唔食得辣既小伙伴要留意生菜登場！包住豬頸肉一流牛油雞翼：味道一般，而且似係香茅雞翼上面再灑d牛油炸蒜咁，唔似正宗牛油雞翼～當佢係香茅雞翼就ok 囉泰式奶茶：正正常常幾好飲～餐牌選擇都幾豐富，由新加坡到越南泰式都有，而且整體水準都中上，幾推薦哦～

泰式青咖喱雞配酥餅以前喜歡吃咖喱，但是近年不能吃，吃後會胃痛。朋友介紹吃這個青咖喱，試一口，我就知啱我食，一定冇問題。酥餅配上青咖喱，無敵！青咖喱少少辣，很香，我把蔬菜夾在酥餅內吃，好好味呀！味蕾跳舞不過青咖喱把雞味蓋過$5x 一個午餐，價錢 ok，熱飲加$5

放工心郁郁好想食撈檬，就叫埋朋友一齊嚟食，餐牌上嘅選擇都幾多。 我嘅豬扒撈檬嗌咗唔使10分鐘就到，佢啲豬扒煎得幾好，份量大約有四五舊左右。 佢哋撈檬我仲嗌左多面添！上面啲芽菜蘿蔔蒜頭份量都好多，食一碗都飽晒！我就梗係嗌多咗個蟹餅嚟食啦！但冇諗過佢四個蟹餅切開咗八舊，咁抵食！！我而且每一舊都好大舊，兩個人一定食唔晒！呢間餐廳竟然仲有芒果糯米飯食，冇諗過呢度嘅芒果糯米飯質素都幾好，芒果甜之外，啲糯米飯都煮得啱啱好，唔會好硬身。

平時喺北角買餸嘅時候，都會經過呢一間餐廳，見到佢下午茶都好平。所以今日晚餐都黎食下，但發現其實佢啲價錢都好平民價！ 我呢個海南雞愛好者，梗係要食海南雞飯啦！$60左右嘅海南雞飯，竟然仲有湯，而且佢個湯嘅味道好濃，但係又唔會過咸，我成碗飲晒😂😂而佢嘅飯都有啲雞油喺上面，亦都有兩款醬俾你點。啲雞嘅肉質幾好，份量都唔少。因為自己一個人食，所以點都想嗌多一樣小食食下，所以就唯有嗌左呢一個薄餅。但冇諗過佢啲薄餅竟然有成六七塊咁多，佢啲奶味比較重，而且都好脆身。

南洋麵屋主打馬來菜的，餐牌入邊有不同種類嘅美食，有咖哩，有叻沙，選擇十分多！所以入去食晚餐，座位舒服，牆上有悉心的佈置,餐牌設計特別。我叫了青咖喱雞肉配印度酥餅，咖哩味道偏辣，香濃惹味！印度酥餅即點即烤，熱辣辣又脆，好正，而且份量又不少！另外個份越南蔗蝦, 好大件,蔗蝦外面香脆，內裡蝦肉也是彈牙,配上越南甜辣醬，非常美味爽口，正！馬拉盞炒通菜，炒得剛剛好，軟硬適中，馬拉盞味香，咸味沒有過火，一個炒很好的馬拉盞炒通菜。

一入店內，多人已經唔使講，座位非常舒服，亦可行上去樓梯上邊，位置夠多。今次已經係第二次幫襯，食物水準一如以往，今次有時間，慢慢坐低食。試吓呢一個南洋肉骨茶配白飯同埋同朋友一齊試吓呢一個冬陰功大蝦摻摻（即米粉、油面）。肉骨茶一入口，香濃嘅藥材味已經即刻感覺到，唔似一般藥包咁冇水準，非常濃郁、熱同好食。冬陰功亦都唔辣，唔太酸，亦都好易入口，大蝦有三隻，呢個價錢非常足料。下次經過北角定必再來☺️☺️☺️☺️☺️

喜歡食喇沙的同事，知道渣華道有一間南洋麵屋，喇沙湯底和粉麵都唔錯，今日放工叫我陪她去試吓！餐廳主打南洋風味菜式，地方簡潔。麵食湯底有喇沙和冬陰功選擇，麵底和餸也有多款選擇，我選了海南雞、摻摻麵配喇沙湯，喇沙湯配料好足，湯底夠濃郁，份量大，除配料外，湯底已配有流心蛋、豆卜、魚片，海南雞肉質鮮嫩，摻摻是油麵拼米粉，雙重口感，掛上鮮味十足濃湯，特別美味！泰式蝦餅：即叫即炸，香脆彈牙，味道鮮美！雪糕紅豆冰：配食物叫有半價優惠，紅豆林甜，加入雪糕更甜美。芒果雪糕梳打：芒果雪糕香甜，夠凍又解喝！最後還有甜品送，椰汁糕香甜好味！

在北角見完客，諗住找地方食埋飯先返屋企，眼前有間南洋麵屋，係正宗新加坡菜餐廳，鋪內唔係特別大，有兩層，上層裝修比較樸素， 但下層擺設就有新加坡風味。自選湯麵：叻沙湯底、豬扒、摻摻。豬扒食落唔乾，外脆肉嫩，入味香口，叻沙湯底特別香濃，食落有雞湯味同椰香味，唔會話好辣，配料都好豐富有豆卜、蛋、魚片。摻摻即油麵和米粉混合在一起，口感唔錯！泰式蝦餅，用新鮮蝦肉打成膠，炸至金黃色，熱辣辣香脆鮮味。鹹檸七，凡惠顧食品一項，可以半價加飲品一杯。

北角有好多餐廳，好多都細細間，呢間就比較大嘅，但人客唔算太多，但其實幾好食㗎喎！➡️ 小食拼盤 ($108)拼盤包括蝦餅，春卷，炸雲吞同埋雞中翼。賣相幾吸引，食落又幾好食，炸得好香脆，應該係即叫即炸，唔錯唔錯！➡️ 海南雞叻沙米線 ($68)叻沙湯底好濃郁，有少少椰子味，好鮮甜。海南雞嘅份量都算幾多，有油香味，而且海南雞d汁好鬼正，推介！➡️ 軟殼蟹冬蔭米線 ($68)軟殼蟹炸得唔係好脆，感覺唔太新鮮，而且細細隻。冬蔭湯底唔算太辣，酸酸地，唔食得辣嘅朋友都可以試下。南洋麵屋 地址📍: 北角渣華道88號地下.............................. 味道😋: ⭐️⭐️⭐️💫環境👀: ⭐️⭐️⭐️💫服務👨🏻‍🍳: ⭐️⭐️⭐️抵食💰: ⭐️⭐️⭐️⭐️

今次黎到北角，係渣華道見到一間南洋麵屋，上網睇睇評論，好似唔差咁，一於試一試。假日來到，好似有渡假既感覺。我們點了一份海南雞飯加凍泰式奶茶雞份量比較少而且有點鞋，以呢個價錢來說不值叫飯是椰漿飯，不是黃色的雞油雞，可惜。杯凍泰式奶茶較為甜左D,但係泰國味嘅。另外個份青咖喱雞肉配印度酥餅，好正，酥餅熱辣辣，食到一塊接一塊湯同青咖喱都正常。普普通通，下次黎都不會叫雞吃，叫餅吃好了。員工態度唔錯，店裝修都靚，大家不妨一試

收工同埋同事行日式超市同一條街見到呢間餐廳 裝修幾得意menu又唔貴就決定試下三個人叫咗個小食拼盤春卷雞翼同埋蝦丸幾好食青咖喱雞唔會太辣 跟個薄餅岩晒串燒都整得好惹味😋如果經過都會再嚟

前排對食喇沙既慾望好強烈就揀左呢間餐廳 - 南洋麵屋當然要試佢地既喇沙啦 同朋友一人叫左一碗🐶湯麵方面餐廳可以自由組合($68) ，湯底有三款清湯、喇沙、冬蔭配料選擇有大蝦、海南雞、軟殼蟹、豬扒等麵底選擇多，我地就揀左兩碗喇沙湯拼海南雞及軟殼蟹摻摻麵底😉喇沙湯麵料好足，湯底夠濃郁，份量大，除配料外，湯底已配有流心蛋、豆卜、魚片，我地比較喜歡海南雞，軟殼蟹做得不太新鮮亦不脆🤨湯麵還可以以半價加飲一杯，我就加左杯雪糕紅豆冰👍🏻幾好飲，個士多啤利味雪糕球都幾大個，好懷舊😁🐶另外再加配一個蒜蓉牛油雞翼($58)呢個用炸蒜整，好香脆，新鮮炸出，幾惹味

挺好吃的越南thailand food!今次試下北角的小店，一經過就比鋪頭既清新味道吸引。友人說這間店便宜又好吃😋我地就試下了！叫了豬排撈檬，和海南雞飯。店主好貼心，兩個餐（主食加任何飲品半價）都送左海南雞湯給我們！雞湯充滿西芹味，好岩我地清熱飲呀😁另外，雞飯雞油充足，配埋醬料好好味，唔太咸又唔太辣！而且份量都幾多，主食都只係$68。撈檬便宜一點$58，醬汁調得酸甜適中，唔太甜酸味較多，豬排都煎得好入味，脆皮而豬排又淋，推薦這小店喔😇

-豬頸肉撈檬粉☺️（$58）豬頸肉的賣相吸引，好惹味，好好味😍而撈檬都有好多材料，有紅蘿蔔絲🥕芽菜等等味道食落好Fresh(*≧∀≦*)-香茅豬扒撈麵🧡（$58）依個香茅豬扒撈麵幾好食🥰份量適中，而撈麵本身醬汁幾甜😎食落好開胃(ᗒᗨᗕ)仲有豆卜，估唔到係咁好食🤩而豬扒食落唔乾，香脆可口(´∀｀）-Name🏠: 南洋麵屋 NanYang Noodle HouseLocation📌:北角渣華道88號地下（港鐵北角站 A2 出口, 步行約2分鐘）價錢💰: 豬頸肉撈檬粉（$58），香茅豬扒撈麵（$58）