南洋家

營業中

休息中

今晚去細佬屋企食飯， 唔想兩梳蕉🍌咁去 ，諗起街口有間東南亞外賣店， 成日都好好生意， 好多人等。 於是決定買幾個餸， 拎上細佬屋企， 滿足化骨龍。🦖🦕 四點幾去到舖頭， 已經有幾個人喺度等住買外賣， 見到呢度啱啱做緊特價推廣， 一百蚊有三個餸， 超抵。👍 問過啲化骨龍 ，佢哋揀班蘭海南雞 ，香葉肉碎， 酸辣蝦 ，三盒送先至一百蚊， 去邊度搵。 女仔就鍾意食甜品， 於是就揀咗綠色嘅班蘭糕， 黑色嘅芝麻糕， 仲有班蘭蛋糕， 佢哋話未夠， 於是又買串燒， 50蚊4支 ，兩支羊肉， 兩支牛肉 ，都係沙嗲味。 跟住見到有泰式滷味豬手， 又話要 ，五個人食飯 ，點都要買多啲 。於是 一大抽送， 絕對，完全，一定滿足各人需要。 🤗🤗返到屋企開飯， 打開一盒盒餸， 一陣陣香味撲鼻， 各人馬上開動， 各取所需， 海南雞夠嫩滑 ，香葉肉碎香辣惹味， 用嚟撈飯超正。 最好食係酸辣蝦 ，啲蝦又新鮮爽口， 酸辣汁非常之開胃 ，個樣又靚，紅紅綠綠，福福祿祿。🥰🥰 我都未食個豬手就畀啲化骨龍搶曬 ，我下次要買來自己一個人食。😛 食完飯輪到甜品， 班蘭糕同芝麻糕， 依依韌韌 ，香甜爽滑 ，班蘭蛋糕 ，又鬆又軟 ，2

今日想食啲唔同啲嘅嘢，意外發現公司附近有間東南亞菜，就去試吓。我叫咗一個咖喱雞（$40），加個飯（$10）。如果就咁嗌三餸都係$100 ，其實份量都唔錯，所以如果兩個人食都幾抵食。不過因為我得自己一個，所以就淨係嗌咗一個餸🤣🤣店員好熱情叫我試吓啲串燒，四串（$50）其實都OK，不過我一個人食唔晒，所以就試咗一串牛肉沙嗲串，都真係冇介紹錯幾好食。店員好用心咁樣燒，加埋沙嗲醬真係唔錯😁另外我都嗌多咗個泰式奶茶（$28），店員話咁啱冇晒冰，就沖咗勁大杯俾我🤣🤣好耐冇飲泰奶了，好掛住泰國！🫶🏻

呢間係中央圖書館隔離嘅南洋小食店，長期都好多人，見到有好多款精緻嘅小菜全部都好平好大盒，三盒嘅價錢竟然只需要$100，今次我就揀咗泰式燒豬頸肉，斑斕雞1/4隻，同埋泰式酸辣鳳爪，三款都惹味非常，尤其是燒豬頸肉肥瘦適中，而且醬汁非常可口，微辣的味道令人食上癮。酸辣鳳爪也比較偏辣，無骨嘅鳳爪係懶人的至愛。另外仲有幾款唔同嘅甜品，包括有芒果糯米飯同埋千層糕等人人鍾意食嘅泰國美食。芒果糯米飯勁大份，芒果新鮮即場切半個俾你超級抵！

銅鑼灣呢間主打外賣嘅南洋家，綠色外牆牆身，從玻璃櫃望到入面嘅特式糕點，非常吸引。食物嘅種類好多，有串燒，冷盤，仲有印尼甜品糕點和飲品。個餐具包裝好可愛呀。串燒，即叫即燒，需要耐心等待。花枝丸，表面燒到啡色，微脆，本身無咩味，全靠沙嗲醬，即刻變得惹味。牛肉，細細粒，易入口，牛肉軟稔泰式燒豬頸肉，外表睇落好似乾身嚡口，但食落軟稔，唔錯喎泰式酸辣蝦，蝦已經被去鬚去頭，我地食得更容易。酸辣汁絕對係亮點，酸辣適中，加埋勁重嘅蒜蓉味，我地重口味人士大愛。海南雞（半隻）可能因為涷食，雞味一般，但雞肉嫰滑，配合醬汁就更錦上添花。甜品嘅芒果布丁，樽裝盛載，大大杯，芒果味好香，而且果肉好甜，唔似係浸糖水嘅假甜。如果布丁質感更Q彈就更完美了。雜錦千層糕，一打開盒子，班蘭味同椰汁味好香，芝麻味都好出色，重要係千層糕好QQ，而且唔會太甜，簡直係食唔夠喉呀。等待途中，不斷有客人購買食物，雖然只有1名店員主理，但她仍可保持和善親切態度，值得一讚。

今日係中央圖書館搵完資料之後就諗住去銅鑼灣買嘢食番屋企，行到摩頓台轉角位置有一間以墨綠色為設計主調嘅「南洋家」。「南洋家」係以外賣為主，係等待美食嘅時候見到人流不斷，買千層糕嘅，買魚蛋燒賣嘅。除咗港式街頭小食，哩到仲有齊新加坡、印尼、馬來西亞、泰國等美食，鹹甜點都有齊而且樣樣都係水準之上。如果遲放工可以嚟哩到買幾款熟食凍盤，有成12款美食俾你揀都係$100 有3盒😎超級抵食😆我地就揀咗以下幾款試下先：馬來西亞咖哩雞馬來黃咖喱味濃帶微微辣度，咖喱會加入椰汁🥥提升整體滑順感，雞件滑嫩，仲有咖少薯仔🥔、紅蘿蔔🥕等，如果有碗白飯就💯💯泰式滷水豬腳仔一盒有4件豬腳仔，滷水豬腳又稔又入味，豬皮清理得好乾淨唔會食到豬毛，而且豬腳仔會比豬手更有肉地，加上豬皮嘅膠質滿滿，雙重享受😎滷水金錢肚金錢肚份量不少，而且已經切成幼條狀方便食用，滷水汁應該同豬腳仔一樣嘅都係水汁之上，用嚟送白飯就一流👍🏻主角金錢肚唔會韌之餘又有嚼口，嗦滿哂滷水汁嘅味道同白氣😋😋泰式燒豬頸肉店長推介話佢地嘅豬頸肉係原片燒嘅，會較一般半煎炸嘅烹調方法來得健康少油些，而且燒烤方式又會多一重焦香脆感😎泰式酸辣蝦泰式酸辣墨魚仔叫咗兩款泰式酸辣

前日返酒店時經過，離遠睇裝潢已經好好奇有咩食，但已經食左午餐嘅關係就買個甜品試，買左盒2斑蘭、1芝麻嘅千層糕，點知一食上癮！琴日回購每款一盒！千層糕都係少甜但甜度適中，重點在於味道濃郁飽滿，煙韌程度亦剛好，非常出色！遠比有名專製糕點嘅時X豆業好太多！係用心之作！希望多啲人賞識呢款甜品👍🏻👍🏻嚟到寫食評見咁多人推介啲菜式，味味賣相都好出色，而且個人很喜歡東南亞口味，已經非常想試，有機會一定大力幫襯💪🏻💪🏻

好多朋友黎我家聚餐，唔想煮咁多，於是到家附近斬料，點酸酸辣辣的泰菜，一定穩陣，個個都喜歡。來到門面，已經見到好多選擇，有冷盤、糕點、串燒、飯類、飲品及甜品等等...豬頸肉 $40 x2烤到有少少燶邊，雖然凍左但食落都好爽!!醬汁是重點，提升豬頸肉質感，酸辣適中。泰式酸辣魷魚鬚 $38 x2一打開，好多蒜蓉，條條魷魚鬚索透了醬汁的味，非常掛邊，魷魚鬚爽口彈牙，大家搶住食。蒜香雞翼尖 $38x2汁蒜香味極濃，雞皮爽，啜骨一流。泰式酸辣蝦 $40除殼後食仲十分脆肉，肉質新鮮，蘸汁食好味!!千層糕 $20 x2芝麻加椰汁味濃郁，煙煙韌韌，有咬感。楊枝甘露 $38香滑的花奶味，加粒粒芒果肉，內有滿滿的柚子。椰汁黑糯米 $38黑糯米煲得煙韌有咬質，恰到好處，再加香濃椰汁，大大兜，可以SHARE蝦片 $25 搶住食!因為好脆!!鋪內有兩款蝦片，店主推薦這款，沒有油益味，食極唔停口。竹蓆茅根$20食完酸酸辣辣，飲返支竹蓆茅根舒服下，十分清涼。

又去發掘更多東南亞餐廳，今次黎到銅鑼灣維園附近既南洋家，店鋪細細但選擇多多，除左串燒小食，仲有$100有3盒任選小餸，非常抵買，店家仲可以幫手加熱，超推介！今次點了3個小餸及1份甜品：泰式鹵水豬腳仔Thai Marinated Pig's Trotters $40滷水金錢肚Marinated Honeycomb Tripe $38豬腳仔及金錢肚經長時間醃製，外皮爽滑而肉質細嫩，色澤到位，非常下飯！泰式酸辣魷魚鬚Thai Sour and Spicy Squid Tentacles $38酸辣醬汁好正宗，唔算太辣，非常開胃魷魚仔一粒粒超得意又入味～芒果糯米飯Thai Mango Sticky Rice $38即切新鮮香芒有金黃果肉，多汁甜蜜口感配上勁多椰奶糯米飯，食過不停！

銅鑼灣既南洋家我想試好耐，但因為平時經過時都多學生放學買小食，一路都冇機會試～今次難得唔多人，一於外賣D南洋美食帶返屋企啦！✌🏾仔細一睇，南洋家既食物種類之多比我想像中更有驚喜，無論係糕點，泰式甜品，熱食，手搖飲品，客飯，應有盡有！🥳一於咩都試下啦！叫左一份豬頸肉，店員好好咁幫手翻熱左俾我，豬頸肉極之軟熟，輕鬆撕開既感覺係勁正，同埋油脂都好豐富，十分出色😋另外叫左一份巴東牛肉，有少少椰香，好香濃，拎黎送飯係完美～牛肉亦都好淋，醬料亦好入味，正！😆甜品方面，試左少甜既芝麻千層糕，煙煙韌韌之餘，糕面有少少芝麻粒，增加口感，好快就食晒了～😛亦叫左南洋經典既班蘭蛋糕，班蘭葉本身就有種獨特香氣，配上戚風蛋糕既鬆軟口感，放入口咀嚼既時候，斑蘭葉既香氣就會慢慢咁散發出來，正💚因為我對班蘭葉既喜愛，所以叫多左一支香矛茅班蘭茶，口感幾有趣，有好輕微既糊質呢支茶標旁無防腐劑，無人造色素，亦可以排毒去水腫，值得用黎作飯後健康飲品呢😛

今日去銅鑼灣探朋友，週末怕餐廳堂食唔坐得耐，見到呢間東南亞外賣小店，印尼、泰國、新加坡食品一應俱全，最啱我哋買返屋企，整熱就食得。食物方面：海南雞：我哋份雞有雞脾，雞肉特別嫩滑，雞皮夠爽。泰式燒豬頸肉：炭香四溢，肉質爽口，配上秘製辣醬，可口惹味。滷水金錢肚：金錢肚炆得夠腍好入味，配上味菜更加係錦上添花。芒果糯米飯：芒果香甜，淋上椰漿在叮熱後的糯米飯，絕對不能錯過。玫瑰椰汁糕：濃郁椰漿味，小店好有心思，做成玫瑰花型，很漂亮。椰汁黑糯米：甜度適中，食完仲好有飽肚感。新加坡班蘭蛋糕：充滿班蘭香氣，咬落去軟綿綿。班蘭千層糕：綠悠悠的顏色，軟糯好味。芝麻千層糕：真係有粒粒黑芝麻喺上面，Q彈煙韌。印尼蝦片：炸得乾身脆口，唔油膩。總結，小店選擇夠多，店員笑容可掬，食物質素高，令我哋安座家中都可以享受豐富的午餐。

上個月去完新加坡返黎已經好掛住當地既美食，今日放假經過呢間南洋家有齊馬來西亞、新加坡、印尼等地既美食，一於買黎今晚做晚飯啦~🌟泰式酸辣墨魚仔 ($38) 冷盤揀左個泰式酸辣墨魚仔，一盒大概有8隻左右，好欣賞佢地個汁，酸酸甜甜夠哂開胃💯😆🌟泰式滷水雞髀 ($35)滷水雞髀好大隻，而且預先切好一件件好方便，雞肉超入味，高質👏🏻👍🏻🌟馬來西亞咖喱雞 ($40)試左兩款泰式食物一於試埋佢地既馬來西亞咖喱雞啦😌咖喱椰香同辣味兼備，配料仲有薯仔，唔小心撈汁食哂成碗飯😆🌟沙嗲串燒 ($50/4串)▫️雞肉串燒▫️燒牛脷串燒▫️豬頸肉串燒▫️豬膶串燒佢地既串燒係即叫即燒，等候期間已經聞到好香，再搽上秘製沙嗲醬好惹味，牛脷好彈牙，雞肉串燒好juicy

.◾️◾️◾️✨天后南洋風味外賣店✨◾️◾️◾️👍👍平價高質超抵食外賣(雖然佢地址係寫銅鑼灣, 但其實位置都近天后🙈)◾️◾️◾️◾️◾️◾️◾️◾️◾️◾️位於天后既中央圖書館係我小時候成日都去嘅地方💕經常去溫書睇書🤣自己以前亦都住喺附近,所以呢個地方會帶俾我親切感✨估唔到最近呢度附近越來越多小店尤其是係呢一間平價高質嘅南洋小店✨食過佢哋嘅外賣之後, 覺得唔錯,所以想推介俾大家👍👍◾️◾️◾️◾️◾️[ 環境方面 ] ◾️◾️◾️◾️◾️呢間小店位於轉角位,所以位置非常容易搵👍店舖空間雖然唔算好大,麻雀雖小, 但係五臟俱全✨非常適合而家嘅學生喺中央圖書館溫完書之後,就可以嚟呢間小店買小食暖吓肚😋◾️◾️◾️◾️◾️ [ 食物方面 ] ◾️◾️◾️◾️◾️小店提供多款熟食俾大家選擇，價錢亦都非常親民👍👍只係$100就可以任選三款小食而我就揀咗以下三款小食嚟試😋(1) ✨海南雞✨海南雞咬落非常嫩滑亦都好有肉汁 😋配合白飯進食下一流(2) ✨泰式酸辣蝦✨🦐蝦配合酸辣汁以及蒜蓉嘅配合下非常美味😋咬落去好有口感✨非常新鮮👍👍(3) ✨泰式滷水雞髀✨不得不讚係呢間小店提供嘅泰式小菜都係非常好味呢個亦都唔例外呢個滷水雞配合醬汁之下食落去非常開胃✨而小店亦都提供不少嘅甜

💚南洋家💚位於銅鑼灣中央圖書館隔離街轉角位都算多人買 大家都買斑蘭蛋糕🍰只提供外賣自取 想食嘅留意吖👀🌈斑蘭千層糕 $20嫩綠色又有光澤3大件切開可以3-4人分享都可以😌口感柔軟又有彈性 幾有斑蘭葉香味唔會太甜👌🏻🌈雞絲糯米卷 $13蒸返熱食好正 似平日食嘅糯米雞糯米質感煙韌 一個人食可以當一餐輕食入面雞絲份量ok 剛好啖啖都有啲味道偏啖似有咖哩/薑黃味 🌈牛肉卷 $10好似韓式熱狗🌭️加埋牛肉春卷嘅fusion外皮炸得幾脆又有面包質感切開入面嘅牛肉餡料都幾多仲有加啲胡蘿蔔🥕蔥等 幾惹味🌈泰式燒豬頸肉 $40豬頸肉半肥瘦咬落偏軟腍燒得幾好 外皮有少少焦香味配搭埋自家製偏辣汁好爽😄🌈斑蘭雞半隻 $60半隻雞呢個價錢好抵食 雞肉仲要唔鞋幾嫩滑👍🏻👍🏻👍🏻冇太多脂肪位置啖啖都係肉配搭2個醬 甜醬油/綠色酸辣醬 好開胃😌🌈沙嗲串燒(雞/牛/雞髀菇) $50/4串$10幾蚊串抵食 好香灰燒風味 即叫即燒肉質鮮嫩 雞髀菇幾結實少厚配埋惹味燒汁又香又辣 下次試其他😉

行完維園年宵經過間門面好有特色嘅熟食外賣店，雖然鋪頭唔大，但嘢食種類多元化，外賣店主打南洋菜式，泰國、印尼、星洲特色菜式糕點都有，見啲小菜同糕點都唔貴買咗啲返屋企試。題外話，職員哥哥仔好有禮貌同細心咁幫兩位問路嘅老人家，仲寫埋紙仔教佢哋點行，抵讚👍🏻廚窗啲糕點好吸引有好多款前菜主食都係100蚊3盒，我揀咗邊泰式酸辣鳳爪、泰式燒豬頸肉、泰式八爪魚。泰式鳳爪味道適中，泰式鳳爪最怕係過酸或者過辣，呢個就啱啱好，酸甜辣味都無過搶。泰式豬頸肉係烤熟嘅所以唔油，入口有淡淡香茅味，味道正常。第一次食泰式八爪魚，味道好有驚喜，醬汁酸酸辣辣有豐富嘅香草味，完全唔腥，比日式八爪魚好食。綠色黃金糕係班蘭味，味道清香；黃色係香茅味，第一次食香茅味嘅黃金糕味道好清新好有驚喜，兩隻味我都好中意，下年新年可以訂啲嚟做年糕。綠色係班蘭味千層糕，質感軟糯食落唔癡牙，有斑蘭同椰汁味；黑色係芝麻味，咬果陣有原粒芝麻爆開嘅感覺，有芝麻味，兩者都唔會太甜，但相比之下我比較喜歡班蘭味。班蘭蛋糕好鬆軟，好似海綿咁壓扁佢會自動復位好好玩，食落好香班蘭味，配咖啡或茶嚟做早餐或下午茶都好正。

第二次放工中午來幸好今天不用排隊上次試過海南雞飯今次初嘗豬頸肉飯果然沒有失望份量超大 有太陽蛋加分不少熱泰式奶茶不怕太甜可以下次想試班蘭蛋糕店員有禮貌🌼💚✨🐰