南洋家

營業中

休息中

呢日行過中央圖書館喺附近見到有間南洋食品諗住買個外賣返去食呢度款式都幾多有狗仔粉、燒賣、豬腸粉、南洋小食、沙嗲串燒、咖喱、滷水、燒牛仔骨、鯖魚、芒果糯米飯、班蘭蛋糕、泰式糕點同埋好多特色飲品咩國家嘅食品都好似齊晒 超勁👍🏻心大心細揀咗一陣先決定到食乜黑面神炒麵$38份量都唔細 顏色炒得好靚炒麵其實係烏冬xd炒得好香 雖然顏色深色但唔會咸入面有煎蛋白、芽菜、少少肉、蔥感覺好豐富要多咗個小食 蒜香雞翼尖$20好惹味 有大量蒜茸同辣椒雞翼尖都有10幾隻 好抵食呀鐘意食辣既朋友仔必叫呀！！飲品要左牛油果沙冰第一次飲牛油果既飲品冇諗過可以做成沙冰飲落去唔會過甜 牛油果打得creamy上面仲有幾粒牛油果飲完好飽好滿足🥰

第二次番黎幫襯 上一次太餓 買到番去好快就食曬今次就記得影相 encore item左即叫即整客家狗仔粉 （$30） 其實則係銀針粉 湯底好惹味 我就要小辣 正正 配料有啲蜆仔 肉碎 冬菇絲 食開濃味嘅朋友就要試下佢仲有賣好多糕點 王今次我就試曬三款 斑蘭糕 紅棗糕 薑汁糕 對煙韌野無抵抗力（$20 for 3) 又見倒有爆漿糯米糍（$12 for 4) 原來係啡色硬椰子糖嗰種椰汁！一不留神真係滴到周圍都係佢仲有啲餸菜可以買番去送飯 我就買定盒巴東牛肉（$50）第二日做餸 未食 遲下試佢黃金糕 斑蘭蛋糕 斑蘭雞啲再分享

我一向都鍾意食煙韌嘅南亞糕點， 銅鑼灣呢頭好多南亞嘢賣，經過見到有間門面幾整潔，菜式都唔貴嘅外賣舖，決定買黎試試。叫左斑蘭千層糕，薑味千層糕同芝麻千層糕（$7一件 $20 三件）口感軟糯QQ，雖然斑蘭味唔重，但係, 重椰奶味，甜度對於螞蟻人係剛剛好。我最鍾意薑味千層糕，食到醬絲，微辣搭配椰奶中和翻個甜度。 而且大大件，幾抵食。芝麻口味都食到芝麻碎粒，比起斑蘭味多一份養生嘅感覺。由於天氣好熱嘅關係，叫左支香茅薏米水$20。冰冰涼涼，而且足料，好多薏米，去水腫一流。另外叫左個黑面神炒麵，因為朋友會適合我，番工翻到個人西曬🙊其實係豉油炒麵黎， 同港式唔同嘅係佢用類似烏冬嘅麵條，小小似上海粗炒，但係就有小小南洋風味嘅辣😆 老闆娘好好人，送左罐菜脯比我。辣辣的送飯一流！

南洋家 銅鑼灣摩頓臺13-33號灣景樓地下6號舖—————————————————————南洋風味銅鑼灣中央圖書館附近買完拎去圖書館平台花園慢慢食都唔錯外賣專門店🤓😜門口仲有零食俾你揀好多人會以為南洋真係講緊馬來西亞 新加坡 汶萊唔止咁少㗎南中國菜亦都係南洋嘅一部份「南洋」一詞自明朝起指南中國海附近之東南亞諸國包括馬來群島 新加坡和印尼群島也包括中南半島沿海、中國大陸以南之州省泰式青檸蝦竹蔗茅根水斑斕千層糕牛羊雞串燒齊全客家狗仔粉

銅鑼灣近糖街一帶都有唔少東南亞食物，但原來行遠少少係中央圖書館隔離都有間專做外賣既南洋小店🧆既然諗唔到食乜做晚餐，就恭敬不如從命啦，順路經過就幫襯一下啦🍴。🐒黑麵神炒麵💰$38一開始以為係幼麵，但原來係似烏冬🍜佢有跟埋個秘製辣汁，配搭起上嚟一流🌶雖然係南洋風味，但我都覺得同上海粗炒有異曲同工之妙😂所以應該都幾岩香港人口味，唔會係好難接受既東南亞Style👍🏼。🐒牛油果沙冰💰$38另外呢到一系列既牛油果特飲🥑感覺好健康所以我都嗌翻杯，本身諗住得個麵會唔夠飽，但我完全睇少左呢杯野🥤超級飽肚，如果夏天無乜胃口單嗌呢杯又健康又消暑又飽肚💦佢飲落係平時牛油果既青味，飲得出天然味道，佢有少少黑色既籽，雖然我唔太肯定，但我覺得有少少似奇異果mix一齊🥝帶有少少酸酸甜甜😝。呢個小店新開張左無耐，除左有熟食都有唔少大眾熟悉既班蘭糕，芒果糯米飯，串燒，千層糕，沙嗲等等等等如果大家經過唔知食乜都可以一試

💟黃金糕$20而家愈來愈少地方有黃金糕賣，所以見到都即刻買黎試下，煎煎佢食更加香口，呢款入面仲有薑汁味tim，$20得三舊就偏貴。💟泰式雞中翼$28見到d顏色都諗梗會唔會好辣，食落感覺辣度可以接受，偏酸，入面有好多香料，有香矛、青檸、洋蔥等等，所以食落同平時譚仔個種酸辣既味道唔同，係泰式既風味，幾開胃。💟泰式牛柏葉$28隻汁同配料係同上面隻雞中翼一樣，牛柏葉係完整一束束既，所以食落都幾有口感。❣見到有好多東南亞糕點，淨係千層糕都有班蘭、薑味、紅棗同芝麻。仲有班蘭蛋糕同果凍等等。仲有第一次見既班蘭雞，唔知咩味道，下次有機會再試。

屋企附近新開左間賣印尼小食既外賣店，綠色牆身，玻璃櫃內放上不同糕點，有班蘭千層糕、黃金糕、芝麻糕、香蕉糕等，$7/件，$20/3件，價錢合理，仲有原個班蘭蛋糕🎂好掛住新加坡手信，除左糕點仲有印尼串燒、魚蛋燒賣、撈麵，幾有港式風味🙈南洋客家狗仔粉｜$30湯底較為杰身，睇落好足料😮有辣菜脯、冬菇同炸過的豬油渣，菜脯辣味夠，咬落爽脆，狗仔粉夠爽滑，不過湯底味道偏鹹絲芳蛋糕｜$20原個就$160，散件就$20，質感幾柔軟富彈性，不過打開盒香氣唔算好突出，顏色就夠哂綠🤣下午茶過下口癮都唔錯

希望呢篇食評可以警惕到大家…見佢係疫情下新開， 就想支持下💪🏻， 點知…個外賣送到泥，一打開：1.見到呢碟牛舌串燒個刻都呆左😦問番自己究竟係order 左咩，點解會係黑色？再咬， 硬到完全咬唔開，冇辦法， 只可以去垃圾桶燒到黑色你都好意思出餐既？！😠如果係堂食我真係想問佢🤬🤬🤬2. 客家狗仔粉個湯好咸，食左幾啖成晚都好口乾又冇咩餸， 得d肉碎*適合想第二日水腫/ 有腎病人士3. 南洋燒雞叫得做招牌菜， 諗住冇死點知隻雞仲係生生地， d肉有d位仲係紅色， 老公話：「咁生真係唔食得喎😩」唯有最後自己拎去再焗過🙄（樣樣都難食已經唔記得影相）4. 班蘭千層糕除左個甜字， 冇其他味， 好甜…. 好甜….睇多次個menu 明明有寫「班蘭」 但真係食唔出…佢極其量只係一件好甜， 煙韌既糕點叫左3件， 依家又食剩野😓*適合唔在乎好味、只想有糖尿病既人士未試過食一間餐廳係要永久blacklist呢間餐廳咁既質素， 如果疫情下捱唔住好肯定唔係只係因為疫情關係。