南洋家

營業中

休息中

平時都會經過呢間叫南洋家的小店，一直都想知南洋即乜地方食物。Google一下，發現南洋原來係講東南亞好似印尼🇮🇩、泰國🇹🇭的食物，當然都有包香港啦！店家賣的食物都有寫明地方出處的。例如蝦片係印尼🇮🇩，菜脯係香港嘅特產，見今日晚餐未有着落，於是決定幫襯試一試。叫咗泰式酸辣無骨鳳爪、黑面神炒麵、雜錦千層糕和一杯芒果椰果沙冰。先試前菜酸辣無骨鳳爪，哇啲酸辣味好吸引呀，真係好惹味好爽口，係而家熱辣辣天氣消署佳品！酸辣無骨鳳爪好抵食！連埋熱飲都只係賣$38，黑面神炒麵的麵條係好爽滑彈牙類似烏東的麵條，並唔係一般喺廣東菜餐廳提供的粗麵幼麵，配料充足！有冬菇和豆乾等配料！雜錦千層糕一盒$20有三件，三款味道，有紅棗味、薑味和斑蘭味，我最鐘意斑蘭味！芒果椰果沙冰飲得出係真材實料！好多芒果肉！每飲一啖有芒果肉又有椰果，好好味！超鐘意！

🍡 #銅鑼灣 #天后 #南洋家中秋節去咗維園賞燈，之後就喺附近呢間小食店買咗啲外賣食😙 呢度位置方便、選擇多，而且價錢仲好抵添🥰🍜 客家粉仔 （$30）$30大大碗！仲好香蔥同菇味添，感覺有啲似食緊碗仔翅㗎😋 成碗超多粉同餸，女仔淨係食呢碗粉都夠晒飽😝🦑 泰式魷魚鬚 （$38）泰式酸辣口味超開胃，好好食😋 魷魚酥好彈牙，一不小心就越食越多😆 入面蕃茄仔、紅蘿蔔、青檸等各種蔬果添！🍰 雜錦千層 （$20）雜錦千層共有三件，有少甜嘅斑蘭千層糕同紅棗千層糕，兩樣都煙煙韌韌好好味😋🍍 菠蘿沙冰 （$38）菠蘿沙冰有朵玫瑰花喺面❤️‍🔥 好靚好適合打卡！夏日炎炎有杯沙凍飲吓真係好爽😋

銅鑼灣不嬲都好多唔同嘅嘢食，但係好多價錢都好貴，咁啱呢間咁平嘅外賣店就幾岩我食😍😍😍。 不過餐廳同MTR站就有啲距離，位於天后同銅鑼灣嘅中間，好在附近有維園，買完外賣可以拎去食。餐廳主打外賣生意，冇堂食嘅位置，但係品質都冇下降到， 串燒都係即叫即燒，而甜品就有預先包裝好，同埋放曬入凍櫃。款式就包羅萬有，有泰式越式都有，特別係芒果糯米飯，老闆都幾推薦。 不過我去嘅時候係中午，所以我就冇叫到。 反而我叫咗佢哋幾出名嘅粉仔，粉仔可以揀啦辣唔辣，因為係用菜脯調味，呢度嘅自家製菜脯真係幾香口，除咗菜甫之外仲有冬菇同埋蝦米，連埋粉仔食岩岩好，佢好味道我都另外買咗一樽嚟食。🥰🥰而串燒方面，肉質正常，個重點位去到佢哋秘製嘅醬汁到，佢哋係用南洋沙爹醬配搭串燒，沙嗲味香好多👍👍👍最後，餐廳都有提供一啲炒粉同炒飯，我就叫咗個炒烏冬，味道都算正常，喺銅鑼灣黎講，性價比都尚算唔錯。

餐廳位於銅鑼灣中央圖書館隔離，地鐵唔算太方便，同地鐵站都要行十五分鐘先到到，但係同維園同埋圖書館好近，買完拎過去維園食都會熱辣辣。 餐廳主打嘅食物係南洋小食，例如係串燒，同埋係粉仔。🙈🙈另外餐廳有啲自家製食品，佢嘅菜脯幾有特色，同粉仔好夾，佢仲有辣菜脯，更加有風味🤤🤤🤤而最有南洋風味嘅飲品，餐廳招牌都係叫南洋風飲品，例如有印尼香葉紅茶，或者係珍多冰。 同一般泰式餐廳比，種類更加多。 不過我就叫咗佢自家製嘅薏米水，薏米水有另外加香茅，所以味道更加濃👍👍👍除此之外，餐廳仲有唔少嘅小食可以簡，好多都係泰式小食，雞翼，牛柏葉，同埋蝦。 全部都預先包好，要就拎得走，好方便。最後，佢嘅甜品都幾正，有唔同味道嘅千層糕，薑汁芝麻都有，但係太飽喇就冇特別要到。下次有機會試下❤️❤️

今日去維園打網球🎾，做完運動梗係要醫下肚，喺銅鑼灣圖書館、摩頓臺附近巴士站過咗馬路後就會見到南洋家呢家小店，食物係罕有的南洋風味，店舖食物多樣化，店舖暫時只有外賣🥡，價錢好公道，所以就決定要試下店主好好人呀，佢見我喺個餐牌度望兩望，乜都想食咁，就俾咗啲意見我，於是我就嗌咗黑面神炒麵、豬頸肉、芝麻千層糕同埋一杯芒果沙冰食物新鮮熱辣好開心雖然好似好白痴咁，不過我真係想講芒果沙冰真係好凍好正, 而家大熱天時食梗係ichiban!1. 黑面神炒麵 $38好掂好正！炒麵好彈牙！好QQ! 果秘製醬汁好好味！仲有冬菇豆乾等材料，好足料！未食過既朋友真係要試下！ $38 好大碟，好飽肚！超抵！2. 豬頸肉 $40一開盒就好先有眼福因為份量好足！肉的size 算大塊又厚，仲有大概有八塊豬頸肉好有炭燒味！我好鐘意呀！3. 芝麻千層糕 （3件$30）愛甜品既我梗係要叫盒千層糕試下啦！叫咗芝麻味同薑味，兩款味都好好味😋千層糕好煙韌，推介呀！4. 芒果椰果沙冰 $38夏天一定要飲沙冰，凍凍地好舒服好解喝，內有大大粒的芒果肉和椰果粒！沙冰亦有好濃的芒果味，似真材實料，唔係藥水或者化學品溝出黎！總括而言，呢間小店真

南洋家整嘅南洋食物非常地道特色，南洋即係東南亞如馬來西亞呢啲地方嘅美食。喺店舖櫥窗就可以見到班蘭雞呢啲高級菜餚，今次我就點咗一杯芒果沙冰，佢炎炎嘅夏日非常有效消暑！沙冰嘅糖漿開得唔會太甜，小店比起連鎖店嘅特色就係店主真係好用心製作，淨係沖一杯嘢飲都倒來倒去，整咗起碼10分鐘，非常有心機。芒果極其香甜，用靚嘅芒果就唔會有酸味，而且落咗椰果，成杯飲品又清涼又有口感，呢個價錢簡直係買咗一杯糖水咁隆重嘅飲品返嚟😋另外叫咗椰汁糕同埋酸辣鳳爪，椰汁糕好有咬口，唔會太韌都唔會一夾就散，甜甜地得來唔會太漏，做飯後甜品一流～酸辣鳳爪就係一個好好嘅前菜，酸酸辣辣好開胃，食完即刻好有胃口想食正餐🤤總括而言，第日經過摩頓台附近不妨試一試南洋家嘅食物!!

很好 店員姐姐非香港人但十份友善 未來會繼續幫襯 只試了幾款食物 未來有機會會再嘗試其他 附近沒有同類小食店可及 為圖書館的學生提供優惠的小份食物 買完可以去附近一間叫the crossway 的共享空間進食 不怕要在陽光下急速吞食

今日行經南洋家，見有人排隊，原來係賣南洋美食，於是我都買左d外賣返屋企食😋😬😬1.羊肉串燒、五花腩串燒+沙嗲醬沙爹好惹味！😋2.黑面神炒麵炒麵似烏冬，但非常之彈牙、又滑，調味甜咸適中，有冬菇、豆乾，食唔停口，好好味！👏🏻👏🏻👏🏻3.班蘭蛋糕蛋糕口感好鬆軟，有班蘭、蛋香，又唔會乾，好味！👍🏻🐽4.龍眼杞子茶幾好飲，係少甜的，但有清甜圓肉味，又足料，非常解渴！☺️價錢都好抵食！

放工後行開銅鑼灣，經過呢邊順便買啲野食返屋企做晚餐😋呢間舖外觀設計睇到哂各樣食物同飲品，我自己本身都好鍾意食東南亞食物，所以都揀左幾款。黑面神炒麵。就咁睇個名就覺得好特別😂外表睇落黑媽媽，但炒得好香，亦好惹味，而且係即叫即炒。牛柏葉，配左香茅、辣椒、青檸、紅蘿蔔絲等等，食落辣辣地又有啲清新味道，充滿南洋風味。羅漢果果皮水，天氣咁熱飲呢個就岩，清下熱同時飲落甜甜地，解渴之餘又易入口。雜錦千層糕，叫左咁多野點少得甜品，呢個係我係印尼店必叫既食物，呢到仲有三款口味，一次滿足三個願望😂分別係薑汁味、班蘭味同埋黑芝麻味。食落口感都唔錯，夠煙韌而且唔會太甜。

order左泰式鹵水雞脾飯，來到的唔系雞脾又冇飯。。。味道淡冇雞味肉嚡，似清好耐。食唔出有鹵水味（可能我重口味），只是有啲色水。可能這間店舖其他嘢食唔差，都被呃左就唔會有第二次幫襯。000000000000000000000000000000

雖然呢間外賣小店距離地鐵站有少少遠，但係佢勝在好近中央圖書館。有時做完書蟲/自修完，肚仔餓就可以外賣返屋企醫下個肚啦！唔好睇佢鋪仔細細其實佢都有好多選擇㗎，門面個凍櫃所有小食一目了然！泰式牛柏葉大熱天時真係冇乜胃口食啲熱辣辣嘅嘢，好彩有呢啲凍冰冰嘅小食，食落酸酸辣辣好開胃，牛柏葉咬落好脆口，好食！惹味沙嗲串我最鍾意係佢個沙嗲醬花生味好夠好香，沙嗲雞串燒得好夜魅一啲都唔乾，咬落仲有少少雞汁添！當做醫肚仔嘅小食就最啱啦！斑蘭蛋糕斑蘭蛋糕食落一啲都唔乾，唔會吸晒啲口水，慢慢趙落仲有淡淡的斑蘭味散出來添，蛋糕食落唔會太甜有種健康嘅感覺！芒果沙冰大熱天時梗係要叫番杯沙冰嚟飲下啦，好驚喜佢嘅芒果沙冰飲落一啲都唔假冇藥水味，上面仲要有好多芒果粒添真材實料！沙冰打得好幼滑，飲落清涼解暑！

今日喺中央圖書館附近走，想買外賣返屋企食。見到轉角位有間南洋嘢，價錢唔貴，食物款式都ok，老闆夫妻二人打理嘅小店。雖然唔係銅鑼灣街坊，但過海搭程車就到，好啦，一於幫襯試下！主食叫左個黃薑雞絲米粉。係巴士上面已經聞到好香嘅雞湯味。湯米粉嘅保溫做得幾好，返到屋企都仲keep到熱辣辣。打開聞到好香黃薑味😀雖然係雞絲唔係雞件，但見到雞絲本身應該都係有預先燒過，唔係鞋颯颯嘅白烚雞胸，加埋大量香料配菜，有芽菜、香蔥、烚蛋、豆卜等等，非常惹味😋無骨泰式酸辣鳳爪另外見佢價錢好抵，加咗盒無骨鳳爪小食。呢個價錢有咁多件鳳爪都算抵食。可能因為搭車擺咗20分鐘令佢咁凍，冇左好冰鎮嘅感覺。鳳爪調味偏辣，酸辣味重，真係食得辣嘅人會更啱食。冬瓜茶（少甜）鍾意佢啲冬瓜大大嚿切好放落去，飲完個茶仲可以食冬瓜。少甜正，可以消暑。特飲：芒果沙冰好重芒果味，夠甜。仲有幾舊椰果裝飾。都係消暑之選。佢仲有好多其他小食同埋甜品。椰汁糕賣相都好吸引😋下次可以試下

今日行過cwb 的library,夠鐘食lunch! 一過對面馬路就見到呢間"南洋家", 賣d 野食幾吸引😍一口氣買左4樣野😳，外賣回公司食！客家狗仔粉 $30未打開已經聞到好香，入面有超多狗仔粉，有有d 冬菇做配料，同個湯底好夾😍！另外，D狗仔粉軟硬適中，好食！泰式蝦 $40酸酸甜甜，好傳統的泰式風味，非常開胃！d 蝦仲幾大隻下😳吸晒d 泰式汁，咬落好正！！！芝麻千層糕 $20入面有3塊好大塊ge 千層糕😍有淡淡芝麻同椰香味！口感煙un，做飯後甜品就最岩😍😍抵食！！甘羅漢果茶$20又凍又足料！個底好多羅漢果😍又唔會太甜！夏天飲好消暑！！總括黎講，呢間店d 野一d 都唔貴，樣樣野都大大份，大件夾抵食😍強烈推薦俾大家！！

今次自己黎咗銅鑼灣呢間食道東南亞美食嘅小店😚小店係中央圖書館隔離，維多利亞公園對面，超適合買完拎過去食👍🏻👍🏻👍🏻超多野食揀😍😍😍有乾類小食、傳統東南亞熱食、甜品等等，仲有好多唔同嘅野飲揀，仲有辣椒醬添啊🤤🤤🤤店員姐姐好nice😚而且好親切，仲同我講唔好意思佢中文唔係好叻香芋西米露 $20超足料！！打開已經聞到好香芋頭香味，啲芋頭又大舊又好食，配埋西米露超正😋冬瓜茶 $20又係足料！入面真係有放到一舊舊鮮冬瓜😍飲落好清甜，仲食到好好食嘅冬瓜，好適合咁熱嘅天氣千層糕 $20佢有好多隻味，有薑汁、斑蘭、紅棗，每款都好大塊，食落好香好甜，飯後甜品最適合🤤🤤客家狗仔粉 $30好大碗啊！！！打開已經聞到好香，入面都好足料，有超多狗仔粉，啲狗仔粉煮得軟硬啱啱好，個湯都好香濃，正🤩🤩

好方便！ WhatsApp提供餐牌及落order，即叫即做，大約預30-40分鐘左右到店外賣自取。黑面神炒麵 $38店家推薦J妹食呢款炒QQ粉，比起烏冬口感更加煙煙韌韌～ 即叫即做，唔辣，醬油味濃，口味近似豉油皇炒麵，因為QQ粉連埋冬菇片一齊炒，所以仲會有少少冬菇水甜味添！滷水金錢肚 $38滷得入味又腍，唔韌、唔痴牙千層糕 $20一盒可以食齊3種口味，紅棗、班蘭、薑，每片千層糕椰汁味都夠濃。 自己就最鐘意班蘭味，夠晒香！ 而薑味，出乎意料地發覺原來唔辣、唔嗆，又食到薑獨有香氣，估唔到薑味椰汁千層糕都幾好喎！菠蘿沙冰 $38清涼解渴之選！ 內有椰果，沙冰打得幼細、均勻，飲落唔會有一嚿嚿冰粒碎，味道亦唔淡、唔稀水_______________南洋家 (銅鑼灣)銅鑼灣摩頓臺13-33號灣景樓地下6號舖_______________