半熟工房 (金馬倫道) (已結業)

其實之前已經食過半熟工房既芝士撻但作為綠茶控的我又點會抵受得住抹茶芝士撻既誘惑可能開左一排熱潮過左 排左十五分鐘就排到喇外表來講抹茶芝士撻係冇原味咁金黃咁靚，由於外賣焗熱既關係外表有少少裂開，可能係撻皮偏淋。聞落依舊陣陣既芝士香味 滲出少許抹茶清香芝士餡仍然都係咁creamy! 多左份綠茶香味但稍嫌唔夠濃 被芝士蓋過了.. 整體黎講都好好食但個人覺得原味正的同bake 比仍然bake勝一籌，但唔洗排咁耐隊就享受到美味都好值得

不久前才到銅鑼灣感受BAKE的熱潮，花一個小時排隊買撻的經驗仍記憶猶新。可能芝士撻真的太受擁戴，很多原本賣麵包的、賣甜品的、賣飲品的店子都紛紛加入戰團，務求搶佔這一個狂熱的市場。當然，百花齊放也是一件好事，就好像台式飲品店，也曾如雨後春荀般湧現，於是消費者可以選擇適合自己口味的珍珠奶茶。今天經過這家「半熟工房」，主打的也是半熟芝士撻。與BAKE不同的是，門外排隊的人次明顯較少，約二十來個左右，看來不用排很久就可以買到。在店外看著一個個金黃色的芝士撻，真叫人心癢癢的，於是忍不住買了兩個試試。新鮮焗製的芝士撻，拿上手可以感受到其熱燙。芝士餡用了雙色芝士製作，芝士味濃厚，帶點微酸。如果與BAKE比較的話，這裡的芝士餡酸度會低一點。餡的幼滑度不及BAKE，質感近慕絲般，但仍不錯。撻皮是港式的曲奇皮，鬆化之餘帶牛油香氣，缺點是容易散開，在進食過程中要當心餅碎散落四周，相對而言BAKE的撻皮則較為堅實，可謂各有千秋。不想花時間排隊的話，這裡也是一個很好的選擇。

半熟芝士撻非常人氣，我也非常喜愛。記起早日前才買了一打回家，家人也大讚半熟的產品☺️今日中午來到尖沙咀取文件，難得經過半熟，再入去會一會芝士威力。今次決定試一試半熟芝士蛋糕，芝士撻味道非常令人回味。我今次試一試芝士蛋糕的味道😄半熟芝士蛋糕 $75/5。細細個芝士蛋糕，賣相可愛，的的色色。打開盒，散發出芝士的香味。一入口，馬上吃出半熟的功力😍😍蛋糕軟熟、鬆軟，芝士味濃香，完全不會感到很膩。外層的鬆軟，內裡半熟效果，鬆軟度極高。我在回家路上已經吃完🙆🏻很後悔沒有多買。

上網見到半熟工房近排推出左綠茶半熟芝士蛋糕同綠茶芝士tart, 所以心思思想去試下,平日夜晚8點幾去到所有芝士tart都已經賣哂之前食過原味半熟芝士蛋糕覺得好正, 所以就買左綠茶味試下番到屋企滿心歡喜打開黎食, 同原味($75)一樣, 一盒有5件, 但綠茶味就貴d($85),一食落去有點失望, 芝士蛋糕綠茶味係有, 但食落唔夠滑同埋有d食到綠茶粉ge感覺質感方面, 原味半熟芝士蛋糕食落係好輕盈, 半熟ge質感, 但綠茶味完全無呢個效果同食普通軟芝士蛋糕無咩分別 始終都係原味半熟芝士蛋糕好食好好好多!!!

日本芝士撻熱潮到依家都未散，冇乜人就去買左兩個試最近仲出左綠茶味芝士撻芝士撻每12分鐘出爐。面頭薄薄一層焗完既芝士皮, 撻底曲奇皮。一口咬落去, 曲奇皮好脆, 滿口芝士味話明半熟芝士, 當然有流心 相比起芝士撻,綠茶味好濃, 但唔流心 個人比較喜歡原味

今晚見人龍比較短，決定試一試這家的芝士撻。即使只買兩個，包裝依然精美。相比bake, ，買兩個只有紙袋，而且這芝士撻比較好吃。一出爐微焦半溶的芝士在囗中溶化，質地呈半溶狀，甜中帶少少酸，好似流心芝士蛋糕咁，而bake的芝士饀則 比較挺身，無咁流心。半熟工坊芝士撻皮非常鬆脆，沒有bake 咁燶，剛剛好。雖然今晚試不到綠茶味芝士撻，但原味也相當不錯！怪不得成曰有人龍。推介！

剛剛去完京都回港，實在很想念那兒的綠茶抹茶甜點呀！隨意在街上買的綠茶甜點都非常美味，在香港要食到美味又貨真價實的綠茶甜點，著實有一點點的難度，因為美味的都要大排長龍，而不貨真價實的，小妹亦不願意浪費胃納～今天到尖沙咀，見到半熟工房新出了綠茶芝士撻跟綠茶芝士蛋糕，正好可以填補一下小妹心靈的空虛呀！綠茶芝士撻是新出的作品，可惜到達之時已售罄了，未能一試～ 而綠茶芝士蛋糕其實之前也推出過，上次錯過了，今次終於可以一試～到達之時只有四、五人排隊，如果單買芝士蛋糕的話，其實可以直接到收銀處不用排隊，可是大胃王真的很喜歡食芝士撻，就算沒有綠茶味，也帶幾件原味回家讓他回味一下吧～ 就這樣排一排隊，就排了10分鐘呢，算快的啦～綠茶芝士蛋糕用了一個綠色的盒子盛著，盒面註明，蛋糕是用了京都宇治的抹茶粉製作，應該差極有個限度吧！打開盒子，見到小小的一張簡介，而芝士蛋糕則被牛油紙好好的保護著～一盒五件綠茶芝士蛋糕 ($85) 整整齊齊的排在一起，亦聞到一陣甘香的抹茶味～芝士蛋糕軟熟輕盈，入口即融，芝味濃而不膩，抹茶味甘香濃郁，吃完後，口中還有一股抹茶香～ 底層的抹茶蛋糕鬆軟而帶抹茶香，令整件蛋糕的抹茶味倍增～

開業了一段時間，仍然是人流不絕，幸好員工非常快手，每隔十多分鐘出爐一次，員工快快手入盒，所以不用排多久便可買到熱辣辣芝士撻了！剛出爐的半熟芝士撻漲卜卜，色水金黃，很吸引呢！店內還有售賣凍餅及蛋糕賣相很精緻，價錢少貴~我們買了兩個走到附近吃，由於當時有點雨，店員為包裝袋加上膠套，以防紙袋被下水沾濕至弄破，非常貼心！兩只也有兩只專屬的盒子啊！牛油味很香！急不及待要吃啦！！半熟芝士部份質感綿滑，芝士味較輕，反而奶味更濃，帶點檸檬酸，味道較輕盈。撻底非常鬆化香脆，牛油味濃郁，看來師傅在撻底下了不少工夫..

五點鐘去到 已經有長長人龍 結果排左半個鐘半熟工房既芝士撻定價$22一件 比對面海既bake貴$2 但就大件好多 芝士料多到脹卜卜芝士撻既芝士味都濃 不過冇bake咁有層次半熟工房仲有賣半熟蛋糕 比起芝士撻 我會prefer半熟蛋糕 蛋糕質感綿滑 介乎雪糕同蛋糕之間既口感 好好味最重要既係買半熟蛋糕係唔使排隊的 誠意推薦

今晚我們喺尖沙咀食完飯之後，經過見到「半熟工房」有超多人排隊買人氣半熟芝士撻食，所以我們都排隊買嚟食，點知排到我們半熟芝士撻就全部賣晒，所以我們轉咗買半熟芝士蛋糕同綠茶半熟芝士蛋糕！雖然買唔到半熟芝士撻，但半熟芝士蛋糕絕對無令我們失望！半熟芝士蛋糕嘅質感非常軟綿綿同幼滑，味道相當香甜濃郁！係本人嘅必食推介！綠茶半熟芝士蛋糕，雖然綠茶嘅味道好香濃，但本人都係比較喜歡原味半熟芝士蛋糕！

前排由日本登陸銅鑼灣Sogo既芝士撻人氣實在太勁喇，據聞一排就排成幾個鐘，真係無咁上下腳骨力都唔掂。小妹就梗係唔會為左呢個撻走去排咁耐，但一直又好想試下呢種芝士撻到底有咩魔力，吸引到咁多人去潮聖。剛好凱旋餅店推出左一條新支線，主打半熟芝士撻同半熟蛋糕，見人龍唔算長，一於去排下。6點多去到尖沙咀，其實店子的位置真係好方便，就係尖沙咀B2 exit行一分鐘就到。當日去到人流唔算多，排左大約20分鐘就入到去，但不幸地當日既半熟蛋糕就賣晒，好彩我目標係芝士撻，所以都無所謂吧。(記住購買芝士撻先要排，半熟芝士蛋糕和其他產品可直入店內!).店子的環境尚算闊落，而且仲有售賣數款精緻的蛋糕。近門口個更有得讓客人立食，可以買完第一時間品嚐這美味的芝士撻確實不錯。不過有點疑惑，就係半熟工房的芝士撻竟然賣得比過江龍的芝士撻貴，到底值不值呢？希望唔好讓小妹失望吧。.由於數量有限，個時每人只可買六個撻(相信而家購買數量已調升返)，芝士撻亦會每隔12分鐘出爐一次。負責收銀和入盒的店員都很快手，值得一讚。.半熟芝士撻 $22見佢新鮮出爐，買完即刻現場立食食返個先。芝士撻其實比Bake大一點，不過外皮可能比半溶又熱的

半熟芝士撻 $227/10撻底曲奇皮超鬆脆, 牛油味濃👍, 做得相當出色!半熟芝士餡有流心效果, 質感creamy, 但可以滑溜點, 而且味道偏酸, 😔芝士味不夠香濃, 以奶香為主。

半熟抹茶芝士蛋糕 $85 (5件裝)個個都搶住食芝士撻，唔好唔記得半熟工房既半熟芝士蛋糕都好好味架 今次試抹茶味，一入口抹茶味醇厚，芝士味從後溢出，兩者味道配合洽好，抹茶同芝士味都好濃郁但唔會蓋過對方，綿密濕潤入口溶化既口感令我想即刻想放多舊入口呀！芝士怪既我覺得抹茶味同原味一樣咁好味！包裝很精美，除了很和風的紙袋，盒內還附一張介紹產品既小卡，很細心呢！每個都漲卜卜，面層烤得金黃，很可愛！

今天PJ要前住TST的分店辦工，開車路經金馬倫道，見到半熟工房條人龍幾短，於是便叫阿P放低我，排了約10分鐘便買到想食好耐的半熟芝士撻。即場鯨吞了一個半熟芝士撻，微温，但真係好食到停唔到口。芝士饀好滑好軟，芝士味鹹香，好食！半熟綠茶芝士撻相對失色，需然綠茶味都好濃，但係流心情度根本無得同芝士撻比。店內裝修簡潔，職員有禮。每人只限買12個職員十分注重衛生，顧客吃得安心。外賣了一些給TST店的員工吃。喜歡芝士的同事K小姐十分欣償芝士撻，激讚。不喜歡芝士的同事J小姐選了綠茶撻，對她來說芝士味畢竟太濃，但一聽到要$22一件，就覺得點都要認真食埋佢，不想浪費，抵讚！我無心機排Sogo嗰間，唔知邊間好味啲呢？

        曾經有朋友在FB留言:“和芝士撻最近的距離是一條長長的人龍……”雖然半熟工房的人龍不比銅鑼灣BAKE的，但每次經過也都人潮如鯽，一直提不起勁為一個小小的撻去擠﹑去排。最近托朋友們的福，終於一嚐三大潮食!半熟芝士撻($22)      先來原味半熟芝士撻，撻面呈誘惑的金黃色，捧在掌心可以感覺微熱的溫度，傳來陣陣極濃的牛油味。細嚐，發現這牛油味來源自撻皮，雖然不像港式蛋撻的千層酥皮，卻是極酥鬆，脆脆的，必須小心輕放，一不小心小小的芝士撻就有分體之虞。芝士未致於流心，但鹹香的芝士混和香滑忌廉，口感滑溜，香濃之中可以嚐到檸檬的微酸，令味道更添層次之餘，正好解解膩。綠茶半熟芝士撻($22/件)       綠茶味是11月15號銅鑼灣分店開幕後才公開發售的，還沒開盒，抹茶味已是陣陣撲鼻而來。店家選用了京都的宇治抹茶，較之綠茶的青綠，宇治抹茶一向是偏黃偏暗的，也許是由此之故，芝士撻面顏色較濃。撻邊部分呈微焦狀態，看來火候控制還有改善空間。味道方向，抹茶味甘，個人覺得反不若酸酸的檸檬能提昇芝士的味道，不知道是不是時間放久了一點，撻餡也不若原味的軟滑，不過總的來說也是很好吃的。半熟芝士蛋