卅二公館

營業中

休息中

有3個月無嚟過，今次訂到枱，萬分期待….星期日午餐時段，準時到達，已經很full了…燈光璀璨，富貴榮華枱與枱分隔足夠距離，坐得安心又舒服牡丹蝦煎蘿蔔糕，蘿蔔份量多，真材實料，外層煎得香脆， 蘿蔔軟綿綿，食到吾停得口！招牌蜜汁黑毛豬叉燒，豬肉品質優，柔軟有肉汁，高水準脆皮黑毛豬叉燒包，皮脆，餡料足，好味呀流心鵪鶉蛋燒賣，招牌之作，精彩！黑松露帶子餃，外型獨特，帶子新鮮甜美，外面用芥菜包著，芥菜很冧，正！蜂巢芋角，蜂巢夠鬆，夠香，夠脆，不油膩，內饀充滿芋香，啖啖都咁好味飛魚子帶子炒飯，沒有過油，亦沒有過咸，炒功好，炒飯粒粒分明，沒有黐埋一舊，菜粒，帶子粒，味道調和，與炒飯很夾！甜品 ： 蛋撻，皮脆，蛋香，不會過甜！香芒卷，皮薄，芒果餡多，很香甜 ！番石榴楊枝甘露，新奇的配搭，味道清新，甜蜜！好好食！招呼非常好…比美五星級酒店，必會再來！

深入地庫走暗黑優雅風的高級貴價中菜館，但食物質素同環境服務都真係值回票價既。大部分中菜的創新都係搞下gimmick賣相，但這裡就真真正正做到味道配搭同食材拼湊的創意突破，好多好有特色的點心同菜式係比較少見而又真係好好食。係一間我會推介慶祝或純粹想食好啲的好選擇😉午市有套餐亦可以散叫點心，所有主菜同片皮鴨都一樣可以點，但3個人實在不敢挑戰一隻片皮鴨，留返下次搵多幾個人先試。所有餸菜點心都係好精緻(比較細)，可以試多幾樣款式。小食一定要試《燈影牛肉》❗️牛肉乾薄如紙般可以透光，重點係超級無敵香脆，有肉的鹹香又帶蜜汁的甜最後有麻辣後勁，口感味道層次都超豐富，好食到停唔到🤣 豬腳凍就食得多，《鹵水花膠凍》都係第一次試，估唔到花膠都做到咁有口感，有啲似食軟骨的感覺，個鹵水汁帶少少酸令味道沒那麼濃濁。點心同樣充滿驚喜，《小籠包》裡面唔係高湯，而係上海酸辣湯配帶子同蝦做餡代替豬肉，成個味道完全唔同但超work！《鵪鶉蛋燒賣》好似好普通? 佢的鵪鶉蛋係藏係燒賣入面而且係流心架🤤 酒樓成日賣炸蟹鉗但呢度就做蒸餃，《蟹鉗餃》勁多鮮甜蟹鉗肉，仲有蟹籽卜卜脆，個餃皮晶瑩通透有彈性唔會黏好出色。《黑椒和牛酥》個酥

The food was absolutely delicious!!! One of the best dishes was the crab and roe fried rice. The roe added a burst of texture and flavour. The decor was really unique and the bathroom was pretty cool The deserts weren’t on the same level was the savoury dishes.

一直都有聽過MOTT 32 係十分出色既中菜, 而且叉燒中分出名, 熱愛叉燒既我, 係非常期待一試!環境十分有格調, 中間位置好華麗, 但又有很CHILL 既感覺, 因為有一個BAR 既位置。現場環境十分黑, 雖然我以為係酒店形式既中菜比較光, 但都可以接受, 有另一個味道, 好有西式中食既感覺。蜜汁頂級西班牙黑毛豬叉燒淋, 入口好化, 香同一般既中式叉燒唔同, 比較甜。就住呢個位我都有同經理傾, 佢話呢個係外國人口味, 哈哈哈~ 有趣~ 佢話好多客都會食完再叫外賣拎走, 哈哈, 當然冇堂食咁好味啦!黑豚肉椒絲椰菜苗炒椰菜苗, 加左D 肉絲入去, 平均返菜既清淡我話我想食雞, 佢介紹左呢個煎雞。係煎得幾香, 但味道我覺得淡左D, 可能佢想我地食佢既鮮味為主。整體服務都好好, 同佢地傾左好奈, 滿意今次食唔到佢地出名既川片皮鴨, 希望下次有機會!

A lovely place for Chinese cuisine .... lovely decorated for the restaurant ... cozy environment with social distancing (people started to be more concerning about it with the pandemic situation... 😅😅😅)Couldn't make it for the Peking Duck this time as it would be too much for us .... starter with the duck salad = with nice surprise ... fresh for the vegetables 😋😋😋 仲有冰菜 ☺️☺️☺️ for the main - have pre-ordered signature dishes = iberico bbq pork (cha siu)😋😋😋 a bit salty tonight while it's still nice f

Finally tried out Mott 32, a modern, upscale Cantonese restaurant located at the basement of the Standard Chartered Building in Central. Its beautiful and elegant interior paired with its extensive menu and wine list makes it the perfect place to be for any occasion.Pic 1️⃣: 乾炒安格斯牛河 - $240 hkd 🥩 — One of the best 乾炒牛河 I’ve ever had... The Black Angus Beef was so tender and simply melted in your mouth. Not to mention, it had a rich beef flavour and was perfectly seasoned. The rice noodles had a uni

中環不可錯過的高質中菜幾年前吃過Mott32的片皮鴨已非常難忘今次再臨，絕對要再食！42天飼養北京片皮鴨（蘋果木燒） $750Book了18:30，入座前一小時餐廳會再作確認，才將鴨放入爐烤片皮鴨原隻上，先比你影完相就在旁邊切片。一碟係淨皮，點少少黃糖食。皮皮鴨很酥脆，保留肉汁，好好味😋記得要預訂！記得要預訂！記得要預訂！潤腸鴨餸生菜包 $160一鴨兩吃，生菜包中和了油膩感，好fresh 🥰羊腩白蘿蔔湯湯好濃，略微偏咸，白蘿蔔好清甜，羊腩亦唔羶，是冬季限定菜，飲完湯成身暖粒粒餐廳環境好好，暗暗的好有情調而且服務態度真係好好，值得一讚

第二次嚟啦不過今次有寫食評啦😆成間餐廳好有格局值得去多幾次嘅👉🏻黑毛豬叉燒（$325）每日限量㗎因為我本身係一個叉燒發燒友所以對叉燒要求都幾高如果10分滿分嘅話呢個叉燒我比7分啦因為我食過更好食嘅叉燒😆👉🏻陳年黑醋雲耳海蜇頭（$180）一層海蜇頭一層醃咗嘅青瓜加埋啲黑醋好fresh海蜇頭勁爽口 👍🏻👉🏻四川水煮桂花魚（$400）啲湯係奶白色㗎😃桂花魚不嬲都好滑呢個菜真係有四川嘅味道架👍🏻👉🏻醬烤三弄和牛肋骨（$595）本人唔食牛唔知咩味😂不過佢哋話好食👍🏻👉🏻馬拉盞蝦乾黑豚肉碎芥蘭煲（$160）炒得幾惹味👉🏻北京片皮鴨（$750）最少要早一日預訂每日限量供應因為我曾經喺北京食過好多次片皮鴨呢個當然唔夠北京好食啦🙈但係都算唔錯啲皮真係好鬆脆點黃糖食真係一流㗎😌👉🏻膶腸鴨鬆生菜包（$160）其實同食生菜包唔係好大分別只不過啲豬肉變咗鴨肉😂👉🏻棉花蛋白杏仁茶（$80）呢個值得一試佢啲蛋白發到好似一個棉花球咁幾得意啲杏仁茶又唔會好甜👍🏻成件事啱啱好成間餐廳嘅環境同格局係好high class嘅✨好啱情侶拍拖慶祝紀念日或者傾生意👍🏻

限聚令下與朋友飯局都買少見少。這一日一行三人到達卅二公館，其裝潢格局與海港城的六公館有點相似，但細問卻原來不是同一集團。而店內燈光較為昏暗，情調十足，但喜愛光亮的朋友可能未必接受。打開餐牌，菜式新穎而大部份使用高級食材，想試新派中菜的朋友也許會很喜歡。要留意，如想招牌菜試片皮鴨則需要預早預訂，而預訂份量需要最少訂全隻。而大我們三人怕一隻鴨太飽，所以放棄鴨而嚐試其他菜式。我們試了賽螃蟹兩面黃、上湯時蔬、黑毛豬蜜汁叉燒，而甜品則是朱古力小籠包及雪糕龍鬚糖。賽螃蟹兩面黃不常見於餐廳菜牌，但這個配搭出奇地配。蛋白遊走於麵條中間，一口咬下去，脆卜卜的兩面黃夾雜著又脆又軟的麵條，口感豐富。黑毛豬蜜汁叉燒選用的豬肉脂肪比例剛剛好，賣相晶凝通透，油脂入口溶化又不覺膩，配上甜度剛好的蜜汁，簡直是味覺的層次交流。朱古力小籠包賣相已是一絕，出場時蒸籠內的乾冰飄出輕煙裊裊已經吸引了眼球。每一個都由小手挽設置易於取出。砌開見到朱古力內餡和白色的外皮，入口朱古力味不太濃而甜度不高，很容易捨不得多吃一個。雪糕龍鬚糖外表和一般龍鬚糖無異，但咬開才發現冰凍的雪糕已經將龍鬚糖雪得香脆。感覺不是平常龍鬚糖質感，反而似冰糖胡

餐廳裝修格局偏暗淡，類似燭光晚餐，但位置寬躺，人偏多熱鬧（六日夜晚幾乎滿席，記得要提前訂位）提前預訂咗雲南野菌套餐$1250/位前茶四款，當中最多為出色係花雕酒糟老人頭菌先上黑松菌野菌餃個人感覺麻麻，黑松露味道強烈，用黎做包點定餃子通常都會好搶味，所以只係食到層次感豐富，但其他食材味唔出第二，3款前菜一次過上先食老人頭菌，酒香浸滿，口咬爽脆，兩塊完全唔夠喉。椒鹽桂花蚌，煙韌爽口略帶少少鹹鮮味，底下鋪埋嘅油炸蟲草花意外好食煙熏素鵝，夾起已經聞到陣陣煙熏味，餡料夾雜着菌菇，不過不失主菜四款海鹽松茸+鮑魚牛油封煎帶出松茸原本獨有嘅香味，鮑魚口感爽口，點少少海鹽就夠，但就食唔出點解要用鮑魚配搭松茸油浸雞樅菌鮮腐竹田七沙律油浸雞樅菌分量真係好少就係沙律頂一啲啲，醬汁調配分量極好，黑醋唔會過份攻舌，但用冰菜作為沙律主菜唔係人人食得慣，因為新鮮未煮過嘅冰菜會有少少苦，但作為主菜黎講我覺得佢過份清新難以擔起枱架（嗰一啲啲嘅油浸雞樅菌完全唔算）羊肚菌野生竹荀炆野生雞食唔到羊肚菌香味，亦都感受唔到竹筍吸收曬啲精華（羊肚菌+雞） 雞件唔鞋口，呢道主菜完全失望，而且紅棗外皮渣好多，建議拎走乾巴菌雲南臘肉炒飯不

🦆 Mott 32 卅二公館地址: 中環德輔道中4-4A號渣打銀行大廈地庫-曾任職文華東方主廚的李文星師傅，擅長利用世界各地的材料及創新烹調方法呈現傳統粵菜。這次主要嘗試其招牌菜 - 蜜汁頂級西班牙黑毛豬叉燒，及42天飼養北京片皮鴨(蘋果木燒)，果然名不虛傳，值得一訪。🐷 蜜汁頂級西班牙黑毛豬叉燒採用了西班牙黑毛豬後頸部位的叉燒肉質十分鬆化，蜜汁味亦十分突出，尤其是帶有焦香的頭尾部份，更令人食指大動，為這次晚餐打響頭炮。由於這道菜是每天限量供應，建議大家提早預訂。🥚 黑豚肉松露鵪鶉蛋燒賣(2件）Mott 32有六款點心為晚市點心，鵪鶉蛋燒賣為其中一款。相比於其他酒樓的鵪鶉蛋燒賣，Mott 32以半熟流心的鵪鶉蛋為餡，蛋香濃郁，口感特別，適合喜愛吃鵪鶉蛋的你。🐦 42天飼養北京片皮鴨(蘋果木燒) Mott32另一招牌菜 - 餐廳特意選用飼養了42天，平均為2kg重的鴨子，於烹調前48預時放進風乾儲存櫃，再以蘋果木烤熟，令其鴨皮帶有果木香味。因此，這道菜必須早一天預訂，方便餐廳預備。上菜前，餐廳職員會在客人面前準備各種醬料，然後大廚會以傳統方式片開鴨子。值得一讚的地方是，餐廳職員會詳細介紹

朋友介紹話呢到既片皮鴨係佢食過最好食既,所以帶左我地去食~去到果然係無介紹錯!餐廳環境好好,好闊落而且裝飾好用心.服務更係比得上酒店既中餐廳.♦ 42天飼養北京片皮鴨 ⋆ $750片皮鴨不意外地原隻上,比你影完相就係旁邊切片,一共有三碟,其中兩碟係半肉半皮for包住食;另外一碟係淨皮,就咁蘸少少黃糖食.片皮鴨香脆,燒得岩岩好,鴨味濃而唔羶.餅皮好細心地加左個熱水包係最底所以可以keep住保暖唔洗凍冰冰咁食(超級加分位).♦ 燈影牛肉 ⋆ $125佢係一款係餐廳好熱門但我完全未聽過既菜式. 牛肉好薄身,大概就係好juicy既牛肉薄脆.食落有少少麻辣香味.係一款唔錯既前菜. 起初大家都好好奇佢個名咩意思,直到係蠟燭前面夾起佢..嗯,我明白了!💖.♦ 西班牙黑毛豬叉燒 ⋆ $325來到Mott 32 又點可以唔叫佢既叉燒呢😍黑毛豬肥瘦好均勻，食落又腍又爽口。表面既蜜糖燒得好脆，暖笠笠咁。超級推介！.除此之外，仲叫咗一款炒飯同一款豆類，中規中矩啦.♦ 阿拉斯加蟹肉飛魚籽炒飯 ⋆ $230♦ 乾煸和牛四季豆 ⋆ $180

一個星期六的晚上到這𥚃食飯。訂左必食嘅片皮鴨和义燒，义燒比較淋身有啲失色。片皮鴨保持到水準，另外一食叫左炸鴨件，之前食過鴨件有睇頭，今日d鴨件細細件碎濕濕咁。水煮桂花魚，煙燻雪魚，啫啫芥蘭煲也不賴。甜品方面，叫左新出嘅茶味小籠包和雪糕龍鬚糖，系有創意嘅，影相打卡一流，但味道真系好一般，再加左芝麻糊蛋白、綿花糖杏仁茶及抹茶朱古力心太軟，兩款中式糖水可以吾冼試。加了5杯 cocktail，$4000整體來說，都有點退步，尤其侍應服務方面。

「三二公館」———————————————店鋪地址：位於中環德輔道中4-4A號渣打銀行大廈地庫——————————————今次同男朋友 黎左位於中環ge高檔食府「三二公館」呢日我哋都嗌咗好多唔同嘅菜式黎試下, 呢個係 黑松露鵪鶉蛋燒賣❤️ 幾好食同燒賣意外地夾!! 呢個係椒鹽鮑魚仔,好濃味 少少鹹 但好有咬口!! 蜜汁頂級西班牙黑毛豬叉燒呢個黑毛豬叉燒 我覺得並唔係我食過最好食嘅黑毛豬叉燒🥲不過都算幾好食 甜甜地最後 呢個係龍躉球!! 呢個相都有驚喜🥰 大愛❤️

點心之中wingwwing.foodfood最鍾意食餃!有無餃餃嘅fans😚呢個「剁椒海斑豆苗餃」賣相精緻又好味！另外有$270一碟嘅安格斯炒牛河，牛肉係好嫩滑嘅，不過個河粉食落其實分別唔大🙈 招牌菜除咗片皮鴨，一定係呢個Barbecue Prime Iberico Pork with Yellow Mountain Honey蜜汁頂級西班牙黑毛豬叉燒 ，黑毛豬叉燒偏甜，仲有少少燶邊位，如果再多啲燶位就正🥰 不過食落又無話驚為天人，而且好快就凍晒😢 Umm... 有錢的話試一次就好了。試咗好幾款菜式，都唔算突出，我覺得呢度環境>食物呢間真·高級中菜，喺匯豐總行隔離，由位置到裝潢都睇得出佢價錢不菲。餐廳環境古典中帶啲現代感，入到去好似去咗另一個時空咁，配色同圖案都好靚，牆上嘅古畫同酒吧區又夾到，難怪受外國人歡迎。