千房 (已結業)

去旺角行街當然要食d特色好野，但係價錢麻煩實際再實際🤗呢間千房特別之處係日本地道一樣，每台都有鐵板，等你熱住食😍主食我選了醬燒日式豚肉炒麵😍，面滑到好似烏冬咁，自己DIy加醬，要幾多，自己話事，大廚炒好之後送到我地的鐵板，等我自己加配料，有木魚，好好味！雞腎好野味，切件加小小椒鹽更加惹味，好彈牙，有嚼頭，鐵板上面可以熱住食，好窩心😍厚切牛舌更加係無可取代，好有牛味，而且非常彈牙，加小小椒鹽立刻帶起曬D味道，另人難以忘懷💕下次都要再去，價錢實惠，食物好食，感覺超正😘

考完midterm就同男朋友去新開既商場TOP食飯順便行下。呢間係食鐵板燒，本身以為好似朗豪坊個間係自己整，但原來係師傅先整好再上的😂❤️特盛海鮮大板燒 $88入面有魷魚蝦，海鮮份量正常，魷魚係最好食！爽口得黎又夠香！入面既漿唔會太熟，保持到濕潤度🤣都算幾厚，所以食落口感幾正，仲可以自己瘋狂加木魚🤣❤️激辛辣汁日式炒麵 $78呢個個辣度唔算太辣，一定唔係激辛🤣但個辣汁好香口又唔會太咸好好食！炒麵配料有豬肉，椰菜，魷魚等等，麵條又夠乾身同食落唔太油，所以不錯的❤️蒜香牛油炒雜菇 $38份量不欺場，食落超重牛油味反而蒜味偏少😂❤️芒果汁椰奶凍 $28芒果偏酸，椰奶凍好出色！好重椰味，份量又多，唔會太過實，好食！叫既2個主食，份量唔算大，如果大份d會夠食d😂相反，個雜菇同甜品就高CP值了🤤

吃貨小妹十分喜愛食日本關西既粉物料理大阪燒,章魚小丸子等都係小妹到關西必食既食物小妹知道最近旺角開左日本既千房二話不說挾持小胖男友陪我去大開食戒芝味豚平燒🍳係小妹當晚其中一樣最鐘意既食物用煎香既蛋角包住豚肉,青椰菜,仲有芝士🧀🥚再加埋大阪燒醬 基本上呢個配搭一定係無懈可擊食完個豚平燒 先飲返杯日本直送既完熟白桃梳打清一清味蕾 再挑戰今晚既主角大阪燒身為一間大阪燒專門店 當然淨係大阪燒都有好幾款選擇而我地就本住一分錢一分貨既精神 揀左招牌既千房燒千房燒既配料有大蝦,帶子,豚肉同牛肉 自己燒 可以鐘意落幾多大阪燒醬,郁郁粉(木魚碎)紫菜同沙津醬都得 好玩得黎又可以影相呃like好大隻蝦呢最後出場既係小胖男友order既激辛特製醬汁日式炒麵🌶炒麵份量都唔少 有煎蛋,豚肉,魷魚等配料 味道頗辣🌶非常惹味日本粉物既能量真係不能少看 300蚊足以令我同小胖男友兩個吃貨食到捧住肚子走

食大板/關西燒都係有師傅整好味D,自己去道頓堀係貪得意，無咩話好食唔好食情與結問題梗係加左炒麵好食d啦，今次有少少失望，師傅無炒香個麵先放入個餅，我叫左個關西風味，材料炒唔均，去晒個餅另一半(男友食果邊)，汁醬多左少少$160叫左份海鮮，魷魚3塊，三文魚1塊，蝦一隻，帶子2粒，仲有少少燒蔬菜，不過不失諗住晏d去食甜品，所以叫多份蛋卷算，估唔到3樣最好味係蛋卷咯可以一讚係抽風，坐bar枱對住燒，食完個身油煙味唔太勁

今年年頭已經很想重溫一下大阪燒的味道。尖沙嘴K-11 有一間自己燒的大阪燒，但每次都必須排隊等位超過30分鐘，令沒有耐性的我卻步了。碰巧在網上雜誌留意到這間被形容為大阪必食的大阪燒，而且在東南亞開了不少分店的「千房」，最近在旺角的新商場「T.O.P」開張了，所以這天就前去朝聖了。來這裡之前看了看Openrice 上的評分，頭幾個食評都說它不如大阪原店的水準，只是中規中矩，起初都有點擔心會不會「中伏」。 但由於我沒有嘗試過大阪原店，對其並沒有預設的期望，加上剛好店員安排了吧檯位置可以近距離欣賞師傅的功架，得以同時獲得視覺與味覺的享受，所以整體體驗可算是非常不錯的。大概還不是太多人知道新商場「T.O.P」已經開幕，相比起旺角其他商場，這裏人流不算多，沒有旺角一般人擠人的情況，前去餐廳的路舒服多了。 進店時，所有的員工都會以日文大喊歡迎，令我有種彷彿真的置身在日本餐廳的感覺，感覺挺親切。餐桌上面有醬汁和木魚絲供食客使用。餐牌上有各種大阪燒，炒麵燒，餃子，其他小食，甜品和飲品。選好了心水食物之後便可以點在點餐紙上後交給店員下單。 食物材料會由裏面廚房先處理好，才經小窗戶遞出前台讓師傅們即席燒熟

平時好少寫食評，但今次很想寫一下。昨天和太太到千房食晚餐！點了好幾樣食物，食完後決定以後也不會再來，總括感覺如下: 食物: 難食，賣相差，之前食過 ‘ 道頓x ‘ , 味道無日本好，但也比千房出眾很多。服務: 點了大約8種食物，錯了兩樣，冇嘢講🤮 侍應生個個好似發夢咁😰價錢: 老實說，價錢不是太貴，但是份量很少，食唔飽！寧願價錢貴些少，來提高食物質素！環境: 新裝修餐廳，這一點，應該沒有可以更差了。總括: 不會再來，一次夠了

終於帶埋兩個豆丁一家人去旺角試下過江龍千房大阪燒。入到新商場，D電梯有點混亂，找了一輪，好不容易上到4樓才找到千房！之前係日本大排長龍，今日我們～18:30去到，好好彩不用等位可直入，地方尚算寬敞，有小朋友餐具及pop up seat, 正！一坐低，侍應溫柔提示我們大阪燒製作需時30分鐘，本來都愕一愕然，但眼見師傅即叫即煮做無停手，唯有俾d耐性啦😅個餐牌都幾吸引， 大阪燒款類較多。我地點左最basic 既豚玉燒、千房燒、蛋包麵、薯角、魷魚、餃子、蒜香🦐及蝦仁牛油果。先來鐵板魷魚鬚，魷魚出奇地夠淋，咸咸地幾惹味😋接着蒜香牛油薯角面有d辣粉大人啱食，底個d小朋友可以食，兩個豆丁有理冇理搶住食😜餃子用兩塊餃子皮夾住餡料，煎成脆卜卜，很脆囗,Goodgood🤩蛋包麵好大份，味道酸酸甜甜，啱哂豆丁食，大人都好鍾意，不過都幾油，食完下餐先減😝豚玉燒😋豚玉燒係阿女至愛，佢可以食左半個😝簡單椰菜加豚玉已經好香口，師傅煑得靚好多，我地只需要負責吱沙律醬同加紫菜粉，賣相幾得🤩蒜香🦐雖然🦐不是很大，但勝在好惹味好香口，推介👍🏻👍🏻蝦仁牛油果好特別好新鮮好match既配搭，連奶奶都讚（少有😅）千房燒這個材料很

很少到旺角、原來有個出口直逹TOP 這個商場、商場主打時尚潮流服飾用品、亦有不少年青設計師開的型格小店、可能是新開業吧、人流唔太多、行得好舒服、差點以為自己到了曼谷。商場上層有不少餐廳、今次試了日本過江龍大阪千房燒。餐廳地方倘大舒適、每張餐桌都設有鐵板供客人自己弄大阪燒。午市定食點了明太子櫻花蝦乾炒飯 $78。前菜的豆腐乾味道不錯、還有麵豉湯。師傅送來炒飯、再由我們在鐵板炒弄熱、叮叮噹噹一番後終於可以食了。炒飯飯粒粒分明、味道都幾濃、略嫌鹹了一點。這個芝味豚平燒 $55 好好吃！ 外面包著的蛋卷和融化的芝士好香滑、仲可以自己加燒汁和木魚～Like Facebook 送午餐特飲一杯～要了抺綠奶茶、抺茶味可再濃一點。

每次去大阪都好鍾意食大阪燒, 所以嗰日行過商場見到千房喺度開咗第二晚即刻搵老公一齊 try try我哋兩個人都點左好多野叫咗一個佢哋錢房嘅大阪燒，叫咗牛舌，蘆筍菠菜，豚肉蛋。換來嘅係一次又一次嘅失望😞而且我哋留意到，當佢哋攞食物嘅時候跌咗落地下都唔會再加返所以變相叫咗嗰個餐嘅人就可能少咗兩塊䐁肉啦！I think this is a one time try only as the food was not that tasty plus the food wasn’t even fully cooked

每次去大阪都必食的大阪燒名店千房，相信去過大阪的人無人不曉。近來日本過江龍在香港遍地開花，沒想到千房亦成為其中一分子，實在是香港人之福。千房開在旺角中心旁的新商場，人流真的很一般，所以難得地不用排隊就能品嚐千房的大阪燒！《芝味豚平燒 HKD 55》有驚喜！薄薄的蛋皮內包著大量芝士，味帶咸香而不覺膩，質感濕潤，是帶著令人想一件接一件食的魔力！《千房燒 HKD 108》千房燒最適合有選擇困難的我，因為有齊多種餡料，包括原隻大蝦、魷魚及豚肉！每張枱亦有醬汁、木魚碎及紫菜粉隨便添加，我就喜歡加上紫菜，令大阪燒變得更惹味！《激辛日式炒麵 HKD 78》不要被激辛嚇怕，其實是小辣的日式炒麵，最喜歡炒麵中加入大量野菜，健康之餘椰菜亦爽脆香甜，增加不少口感！

日本千房係香港都食到啦裝修乾淨企理座位之間比心齋橋店闊感覺上空間多d~食物一樣係整好先送過黎~✨千房燒$108、豚玉燒$68、特盛海鮮大阪燒$88一個燒既size不大 價錢算有點小貴但味道幾好可惜有d厚粉食完都幾飽肚…✨鐵板魷魚鬚$48、芝味豚平燒$55、特選鐵板牛肉75g$1303樣都好好食~牛肉比係日本食既好！上次日本千房食既牛肉太失望…✨醬燒日式炒麵$68有d油份量有d少不過幾好味啦其實無評價講既咁差而目侍應態度都幾好幾有禮貌我覺得唔好同日本比啦😂至少真正食過之後我覺得可以再黎~😋 味道：★★★☆☆💰 價錢：$$$🌈 環境：★★★★☆💜 服務：★★★☆☆

今日約左朋友黎食尼間「千房」。朋友推薦的，我上openrice睇comment 就好壞參半。見朋友話想食尼間，就陪佢黎食。初時都無咩期望。但食完後覺得有驚喜，有得玩又好味，而且服務好好。甘我地準時3點3黎食下午茶。入到去環境唔錯。我同朋友點左兩個餐：芝味煙肉炒烏冬&豚肉泡菜炒面。首先，佢上餐時，係將食物放係台上面既鐵板上，比我地自己可以炒幾炒（本身已經煮好的了），尼個設計我鍾意呀，除左可以玩下同炒下之外，仲可以保溫。👍👍講番食物先，叫左芝味煙肉炒烏冬，入面既芝士同煙肉的味道好夾，尼款有驚喜呀，好味道！而豚肉泡菜炒面味道濃郁，炒面的醬汁同泡菜的味道互相呼應，唔會覺得泡菜搶左炒面醬汁既味道或者炒面醬汁搶左泡菜既味道。而且豚肉絕對有豚肉既味道，咬落去豚肉的脂肪同肉汁溶入口腔，再加上炒面醬汁同泡菜的配合，的確好味。絕不馬虎呀👍好玩又好食！今次全部都係炒面款，因為太想食炒面啦。所以下次要再黎試下佢既大阪燒！

約左朋友仔返工前係旺角食野，佢話想試下呢間，開頭見啲食評講到好似麻麻地咁，都無抱咩太大期望的.....食完之後又唔係人地講到咁差姐？仲幾好唔錯喎！12點正黎到無咩人，可能附近仲未夠鐘放飯～呢到係無得自己親手整大阪燒玩下，無得顯身手😹佢係一舊由廚師整好再用個剷盛住送過黎再放落鐵板到咁作為一個懶人，又係一個地獄廚神，覺得佢整埋都幾好丫😹而且放入口仲熱辣辣，又未至於暖喎😹蛋包麵先來，一舊野咁既樣無咩特別，侍應會表演高吱沙律醬😹😹切開啲麵就爆晒出黎喇🤤醬汁麵好惹味，加埋啲蔬菜，豚肉，口感好滿足又唔會寡！麵有啲啲偏鹹食完個麵接住就黎個特盛海鮮大阪燒，又係表演吱沙律醬，今次打埋格仔😹 大阪燒入面有蔬菜同彈牙海鮮，口感十足！唔夠味旁邊有秘製醬汁可添加，唔錯唔錯，仲有紫菜碎同木魚碎同沙律醬可加架！服務都唔錯架！侍應會經常幫你斟水😂下次可試下其他🤤🤤

因為寶貝女喜歡食大阪燒，所以去試，之前未食過日本果間，今日一行3人試佐2款大阪燒，海鮮同豚肉，海鮮好食，豚肉食一談唔會想食第2談，鐵板叫佐牛舌，好味。仲有鐵板牛，上枱前已經太熟，成碟牛肉變得太靭，分量亦少，唔值。仲有辣炒麵，味道不錯。鐵板腸不過不失。餐廳環境ok,唔算太多油煙，因為訂佐枱，所以入去就有位，一坐低就會幫你開爐，搞笑野出現，個鐵板漏油，跟住都有waiter即時清理，落order明明畫紙寫2杯梳打，一杯漏單，果陣唔係好多人，樓面應該更加注意。總結，雖然有小插曲，但服務態度良好，整體用餐愉快，但d唔值嘅野要少心叫，免伏。有機會還會再試，牛舌同其他，但絕對絕對唔會再叫鐵板牛。

在香港, 主打以御好燒作招來的餐廳不多, 更莫說是來自日本的名店。在我印象之中, 只有道頓堀御好燒專門店和是次所評論之千房。 是次用餐是在假日晚上, 全場已經滿座, 還好不用等太久便能入座。甫一坐下, 一位侍應便有禮貌地告知由於食物製作需時, 上菜時間需要30 分鐘。縱觀全場環境, 大概有六十多個座位, 可是負責製作御好燒的師傅只有3 個, 我想這就是要等這麼久的原因吧。 鐵板厚切牛舌 $88 牛舌十分爽口, 佐以少許黑椒調味, 可以一試。 千房燒 $108 我想這應是千房的招牌菜吧, 配料十分充足，有一個完整蝦頭, 豚肉, 牛肉和帶子,值得一讚。可是, 燒餅的餅糊部分實在令人失望。質地是十分之乾, 口感太過紮實，索價$108不應是話個質素。 芝味豚平燒 $55 是今餐最好食的一碟, 蛋煎得非常嫩滑, 裡面的芝士味也十分香濃, 食落去的口感一流。相對於千房燒, 我覺得芝味豚平燒才是千房的招牌菜吧。 順帶一提, 千房的桌子上都有一塊鐵板, 侍應都會把已經煮好的食物放在上面, 目的是保存食物的溫度。不過, 要小心鐵板會把食物煮到過熟。尤其是芝味豚平燒, 滑蛋都煮到變老蛋。 總結而言, 如