68
15
9
港鐵旺角站 B3 出口, 步行約1分鐘 繼續閱讀
電話號碼
26060555
附加資料
聖誕節 及元旦日 12月24 至26 及31日,18:00~21:30訂座, 用餐時間:2小時, 最低消費:$200每位
營業時間
今日營業
12:00 - 23:00
星期一至日
12:00 - 23:00
*最後落單時間: 21:30
付款方式
Visa Master 現金 銀聯 八達通 微信支付
其他資料
網上訂座
電話訂座
賞訂座積分
加一服務費
有關獎賞計劃
食評 (100)
等級4 2018-12-29
646 瀏覽
第一次同老婆玩大阪燒,好開心呀提提大家,千房有分bar枱同鐵板枱想DIY既一定要等鐵板枱,懶啲可以叫師傅整畀你食,坐bar枱同鐵板枱都ok___________🔹特盛海鮮大阪燒$88會畀一盤大阪燒醬,同一啲海鮮配料海鮮份量唔係好多,但都幾適中,太多就會搶左大阪燒個味道大阪燒醬要自己搞伴,要盡量打啲空氣入去由於每邊都要煎2-3次,每次都要3,4分鐘所以都要少少時間千房個調味真心好食,自己燒都幾好玩而且醬汁配料想點落就點落加上係老婆親手燒,我畀滿分💯.🔹芝士豚平燒 $55諗住等個大阪燒熟既時候,搵啲野食下先點知太多單,都係要等據聞豚平燒係大阪人食大阪燒既前菜係簡化版既大阪燒用蛋包住啲豚肉既薄燒加上邪惡芝士的香味簡單好食.🔹激辛特製醬汁日式炒麵 $78面質好淋,配料份量唔係特別多上面加隻太陽蛋感覺良好不過激辛無乜辣味,比熱浪重要爭少少整體黎講性價比唔高.無論自己燒定師傅燒,煮好既時間差唔多結果要一齊食好在有塊大鐵板熱住黎食,食物可以熱食真係好開心 繼續閱讀
(以上食評乃用戶個人意見 , 並不代表OpenRice之觀點。)
旺角近來開佐一個新既商場,老實說,購物對我來說,實在唔太吸引,反而呢個商場既新餐廳,更加能夠令我注目。呢一日,又黎佐呢個商場搵新野食。雖然個商場唔算係好大,但係新既餐廳,也的確不少,而呢間名為「千晚」既餐廳,就可算係最有人氣既,看見門外排上了10多個年青人,便知道「一定無死」。步入餐廳,有2種座位,1係面對廚師主理既BAR枱,而另1款係正常的卡位,而2款座位都不約而同地,前面會有一個燒爐。最後我就揀選佐卡位,好似比較多一點privacy。看一看餐牌,餐廳主打既係大阪燒,有一張牌會有詳盡的教授,而我地亦都可以選擇自己燒,或是由餐廳的店員代勞。除了大阪燒外,亦有各式肉類或是海鮮可供選擇。每張枱面上都會有一些基本的配料可以自行添加,包括木耳,醬汁,等等。鐵板魷魚鬚 $48魷魚鬚非常惹味,加入了芽菜一起爆香,其實本身魷魚鬚都已經炒熟佐,但係店員就會再放在煎Pan上,俾我地玩下,同埋一路燒一路食,更香更惹味。醬燒日式炒麵 $68日式炒麵,係我既最愛,加入了椰菜和炒麵醬汁,甜甜地好好味,而且價錢唔貴,絕對值得一試。千房燒 $108本日既重點,千房燒,裡面有豚肉,牛肉,大蝦,和帶子。同樣地,其實個千房燒都已經煮好佐,但係就放在煎Pan上,俾我地可以畫龍點睛,用沙律醬汁加添美感。有得玩又有得食,一次過滿足幾個願望,亦都唔駛怕自己處理得唔好而破壞佐成個美食。記得之前都喺其他地方試過大阪燒,但係就無咁多選擇,同埋咁大個「煎pan」喺面前慢慢玩,都真係幾過癮,值得推介。 繼續閱讀
(以上食評乃用戶個人意見 , 並不代表OpenRice之觀點。)
等級4 2018-12-20
473 瀏覽
來自日本的千房,係大阪已經好有名氣,今次黎到香港,仲要開係旺角,都預左要排下隊,當晚成唔多9點先到,要等15分鐘,都可以接受餐廳好大間,所以流轉速度較快,有吧檯望住師父整俾你食,又或者自己慢慢燒慢慢玩MENU除左介紹日本大板燒,最IMPRESS我的就係有一大版食物過敏原清單,等大家清楚自己食緊咩,唔會食錯野落肚都唔知其中有兩款食品係可以由頭到尾自己製作,就係特盛海鮮大阪燒同埋豚肉燒,鐘意自己由頭整到尾既朋友就記得叫呢兩款食物同睇清楚製作程序啦香脆鐵板餃子 ($50)餃子會放上鐵板上繼續燒,因為本身已經燒熟左,所以要趁快食,如果唔係就會燶架啦,餃子皮煎到好脆,脆到薯片咁千房燒 ($108)千房燒包含左多種材料,有豚肉、牛肉、大蝦,廚房已經預先煮好,而我地就負責後期工作,就係不停加燒汁、沙律醬同埋木魚,將佢再煎香多少少,就分4份黎食千房燒整得厚厚的,入面材料豐富,就算兩個人SHARE一件都好飽建議大家BOOK定位,或者係非繁忙時段黎食,咁就唔洗等太耐啦 繼續閱讀
(以上食評乃用戶個人意見 , 並不代表OpenRice之觀點。)
等級4 2018-11-19
1319 瀏覽
日式定食都有大阪燒,但打正招牌大阪燒專門店嘅,相信會好食啲掛😬於是就試下啦😅睇到menu真係款款都想試下😆但見到隔離枱。。。份量都唔細👍兩個人都係叫一個試下好啦😜唔好做大嘥鬼嘛😂睇完圖片就可以畫紙仔,寫低自己鍾意食乜嘅~唔止大板燒😬仲有其他小食可以選擇, 價錢都相當實惠呀👍每張枱都有個鐵板如果想自己燒都有曬step,跟住做就得啦😊唔喜歡自己燒嘅,就用個鐵板來加熱食物,保溫 。都諗得好周到噃~芝味廣島燒, 侍應會將送嚟嘅食物放喺鐵板上,雖然我哋唔係自己燒,但係揸住個鏟仔慢慢切,有幾有風味喎😍自己在灑上木魚絲,唧埋啲沙律醬,切開慢慢食,好似特別好味咁噃😬面頭係蛋漿,切開裏面係炒麵,豚肉,仲有牛根魔芋😋😋😋最喜歡牛根魔芋,口感qq呀,咬落好得意,好似食啫喱咁~平時食嘅餃子係一隻一隻,今次佢整嘅餃子係用兩塊皮夾住啲饀,然後外面煎得脆脆,又幾特別喎👍厚切牛舌,佢將啲牛舌切到長方形咁,一口一啖,咬落牛味濃!拌埋啲牙菜一齊食,爽口之餘又有牛香,味道唔錯~店內大部分都係後生仔女,雖然我唔算係好後生嗰個😜但係講到食。。。我都算追得上潮流㗎🤣所以有新嘢,梗係要嚟試下啦🤗 繼續閱讀
(以上食評乃用戶個人意見 , 並不代表OpenRice之觀點。)
等級3 2019-01-17
34 瀏覽
我唔係潮人,前兩日先第一次去TOP商場,發現有好多嘢食。難得兩公婆拍下拖就去食下日本嘢。餐廳光猛,座位寬闊,枱與枱之間有好多空間,裝修好有日式風格。千房燒($108)。話曬都係推介食物,真係唔講得少。有隻大蝦,牛肉,豬肉同帶子粒。裏面仲有啲菜粒同埋粉漿,所以其實好豐富。味道就自己可以加減,佢有燒汁,紫菜碎,沙律醬同木魚畀你任加。芝味豚平燒($55)。雖然來到細細件,但係食得出豬肉醃得好香甜,加埋個半熟蛋同芝士真係好香好滑。香脆鐵板餃子($50)。餃子專登造成薄薄正方形,所以燒完啲皮脆卜卜。入面啲餡雖然唔算多,但都好juicy,好夾個酸酸辣辣嘅醬汁。總結係,呢個價錢真係好抵, 我見隔離枱可以自己燒,下次都會試下。 繼續閱讀
(以上食評乃用戶個人意見 , 並不代表OpenRice之觀點。)