千房 (已結業)

今日約咗個朋友仔食飯，近近地記約係旺角食。之前都有朋友食過千房幾好，所以今次就試下啦！😁因為係Friday night，驚多人所以我地一早就book定位。不過去到，佢最後得兩個面向牆壁bar枱位俾到我地，空間都比較少，的確係有少少失望。😞佢有普通座位同bar枱位。位同位之間唔算太多空間。我地叫咗四樣野食，有雞腎，牛舌，什錦廣島燒同麵士湯。個湯不過不失無乜特別，唔特別講啦。呢個雞腎 ($38) 佢menu上有寫係辣，但其實唔係好食到辣，不過佢香料經過燒過後幾野味，又夠厚肉。👍🏼👍🏼牛舌（$88)，呢個有少少失望，係呢度黎計佢唔算平，味道係唔錯，不過有唔少塊有筋。😅黎到佢既主打，我地要咗什錦廣島燒($88)，份量足。👍🏼佢有海鮮，䐁肉，炒麵同蛋係入面，再加上香濃日式燒汁，同大量木魚碎，正！😆係位有大阪燒配料，唔夠仲有得自己加，值得一讚。👍🏼overall 黎講，咁既價錢係值得一試。😋

旺角-千房：激辛特製醬汁日式炒麵（hk$78）, 豚肉燒（$68）,+10%嘻嘻，想食好耐，在旺角top內的大阪千房，據介紹係1973年於日本創立，每張枱中間都已經嵌入左一塊鐵板，點既食物都會放上去比你慶住食！其實得兩款燒餅可以比你DIY，我就點左其中一款，豚肉燒，本來我都係諗住穩陣d叫廚房整就算，但侍應叔叔話黎得梗係要試下diy，仲話會幫我...結果佢真係有在關鍵時刻出手既🤣反燒餅同埋吱沙律醬果時！原來煎一塊要25分鐘嫁，個體驗都幾得意一路煎一路食個炒麵，幾有日本味道！濃油赤醬，份量唔多，都幾辣，很惹味😋

自從旺角開左新商場TOP後，就有好多間餐廳我都想去試今次係呢間以日本大阪燒DIY做招徠的餐廳-----千房入面既餐牌就有兩版教你如何做大阪燒十足十日本餐廳咁，你自己都可以試下自己做自己食岩岩好6點，人流就仲未開始所以可以好安安靜靜咁享用晚餐芝味豚平燒香味一流，由師傅煮好再落呢個鐵板俾我地由佢送上黎開始就係芝士味好重所以好奇心下打開左個芝味豚平燒入面有D咩芝士可以同左個蛋一齊撈埋左入面就只見到少量的豚肉起度成碟野都做得幾精緻下~~~果然師傳做得出色好多~~旁邊有齊曬DIY大阪燒的材料有甜醬、奶酪醬、木魚、紫菜，自己添多添少睇落係唔係整得好靚呢?不過不好意思，這不是出於我兩手下對於兩個不熟煮飯既人，煮大阪燒都同樣的難~~`我地唯有厚著面皮叫師傅入面整好先拎上黎啦~~服務員會起我地面前落上甜醬、奶酪醬、木魚、紫菜，幫我整到靚一靚咁俾我地打卡用可能我同朋友都食左個重濃味好多的芝士汁，所以覺得呢款味道不太濃郁但勝在佢入面材料好豐富魷魚、帶子、小蝦、八瓜魚咁食到啖啖肉架~~~

有得食有得DIY, 鍾意整嘢食既人實好開心，相信係現今香港人要求食嘅服務。但如果唔想自己整亦當然得啦！我哋叫咗個千房燒，因為見到menu上面有滿滿嘅醬汁, 厚厚嘅蛋皮，見到都吸引食落又真係好好味喎，蛋香又滑，甜甜地好好味。仲有隻大蝦攝咗喺裏面，真係值回票價。另外好鍾意佢個蒜香牛油煎薯角同埋炒野菌，兩款都好香牛油味，又野味。薯角再加咗d香料同鹽，食落冇平時d薯角咁單調。另外好想讚吓個非常好味嘅全熟桃味梳打，桃味好明顯，唔會太甜，好得!

大阪燒最有名的店舖非千房莫屬吧，是老字號大阪燒店。我在日本未有機會一試，就趁和姊妹相聚來試試吧！每張枱都會有鐵板，下單後店員會禮貌地詢問上自己DIY還是由廚房整，喜歡DIY的客人可以按照教學自己炮製，不過我們顧著聊天，就唯有請店員幫手。起初以為會在我們面前整，但原來廚房整好後才會拿出來，不少得有高空唧mayonnaise sauce表演！蛋包麵（$88）份量不少，值得一讚的是蛋皮做得嫩滑，切開入面有炒麵和豚肉，材料簡單卻美味非常。如果子薑多一點就更好了!蒜香牛油煎薯角（$38）和平時吃到的炸薯角略有不同，煎香後吃到表面充滿蒜蓉和牛油香，咬落卻是軟綿綿，外香內軟，好吃！特盛海鮮大阪燒($88）味道也很好，醬汁根據千房的獨門秘方調製，餡料也非常豐富！

記得幾年前去大阪旅行，已經想去千房吃大阪燒，但因為沒有訂座最後沒有去到。早幾個月去旺角新開商場T.O.P.吃飯時，見到千房會進駐，就決定待開張時來試試，結果過了幾個月，終於和朋友來！每張枱都有鐵板可以自己燒，亦有教學指南。不過我們想看店員示範多一點，店員都非常樂意。點了特盛海鮮大阪燒($88），價錢非常親民，感覺比尖沙咀另一間過江龍還便宜！有點失望的是廚師並非在我們面前即席炮製，而是煮好後放在鐵板上保溫，不過都可以欣賞到店員高空美乃滋拉花，這個應該算是千房特色之一吧！大阪燒材料豐富，客人可以自助加入木魚絲，令到口感更加豐富。雖然看起來比較薄身，但二人分享亦很足夠。我們還試了芝味豚平燒，薄薄的蛋皮包住豚肉，芝士和蔬菜，雖然材料簡單，但味道很好，推薦！

今晚朋友話想試下呢間大阪燒，話上網見到人地diy好好玩，所以就去試下。都幾多人食，我地平日去食都等左一陣位。入到去當然係叫呢個diy特盛海鮮大阪燒，為左佢而黎。好悉心教你點樣diy，如果唔想麻煩自己整，佢呢到都可以叫佢整埋先拎出黎。自己diy就要俾點耐性，每邊要煎3次，每次煎4分鐘。醬料配菜通通自己一手包辦，自己整既會覺得好味點😂講返個大阪燒好厚身，裡面海鮮都有好多，而且煎咁耐都唔會好乾身，好味又好玩。另外叫左個豚肉泡菜炒麵，味道好夠份量都幾多，而且豚肉同泡菜好夾，好味。另外再叫左兩個小食都唔錯，下次可以再黎玩下diy大阪燒👍🏻

旺角開左呢個新既商場都未行過，今日同朋友放假就約左係呢到shopping，shopping前當然要食個lunch先啦，呢到都幾多野食，最後我地揀左呢間千房大阪燒試下。因為晏就時間，所以無乜人，地方都好寬躺，坐得幾舒服。同朋友兩個人又唔係話好肚餓，所以就叫左個大阪燒+炒麵一齊share食。呢到係會整埋先拎出黎俾你，然後自己煎下佢反下佢，煎到咁上下就自己落醬。我地叫左呢個係海鮮大阪燒，味道唔錯👍🏻好有日本風味，而且佢極度厚身，好多食材係裡面，好豐富。另外叫左呢個豚肉泡菜炒麵，我係一個好鐘意食泡菜既人，所以呢個麵我非常鐘意，泡菜汁既味道豚肉同麵都索哂，炒到好入味，好好味👍🏻

窮遊香港-香港小有大阪燒店.見到旺角新開呢個商場上面有咁多野食當中比較特別既有呢間千房有日式大阪燒.👍🏻入面每張枱都有一塊鐵板上菜時會放係個鐵板到 （可睇圖）👍🏻張台會有紫菜 沙律醬 木魚 等等比你自己加（可睇圖）.呢到賣相高級 但中午價錢唔貴wo (可睇圖）我叫左午市set ⭐️豚肉燒$68同⭐️和風牛肉炒烏冬$68.先上前菜 麵豉湯同小小菜（可睇圖）.👍🏻呢到有個開放式廚房睇住師傅燒燒完店員會拎過黎👍🏻幫你加汁 之後自己加木魚 紫菜 呢個時候要打卡啦一個人食一個大板燒幾飽既 同幾個朋友分享會爽d.呢到冷氣幾凍 加埋秋天 要著外套野食都係2分鐘內變凍👍🏻但因為有鐵板熱住 你既野食 長期新鮮 加like👍🏻烏冬燒得香口 醬油香 唔會太咸👍🏻烏冬都用左凍烏冬 夠彈牙‼️注意 炒好既野 你只需要放個鑊鏟係底 你就唔驚燒窿底啦.汽水加5蚊 特飲15蚊 就唔特別講啦.#千房地址：旺角彌敦道700號T.O.P This is Our Place 4樓409A-409B號舖.⭐️評分：味道：4/5 環境：4/5服務：4/5衛生：5/5抵食：4/5.

千房位於旺角，近地鐡出口十分方便記得早前到日本旅行，試過大阪燒，令人懐念餐廳裝潢以木為主，鐡扳設計喺每張枱中間，好期待呀午餐有多款選擇，原來喺師傅煮好後，擺上鐡板上我㨂選特盛海鮮大阪燒，可以自己燒首先，將大阪燒醬攪好，然後將海鮮炒熟，再倒入一半大阪燒醬喺鐵板上煮，接著將海鮮放在上面，等四分鐘後，便可反轉另一面再煮4 分鐘，每一面需要煎3 次，最後，隨著自己喜好放上醬汁，一個香噴噴大阪燒呈現眼前急不及待試下，外面煎得好香，裡面一尐都唔乾，海鮮有蝦、帶子、墨魚等，蝦大隻，爽口又彈牙，十分新鮮呢餐又好玩，又好味，十分滿足呢l

店員好貼心 而且彬彬有禮 有笑容 十分有耐性之餘亦能夠主動提供產品資訊比客人 食物份量偏大 味道佳 燒汁 木魚 沙律醬都可以自由選擇份量 能夠滿足唔同客人既需求 而且價錢合理 值得一試😋

黎到呢個新商場，個感覺就係年青人勝地，又或者係吸引後生仔女踏足嘅地方，因為有好多新潮同有特色嘅舖頭。但係食嘢囉喎，冇分啦，好味就吸引人啦！呢一間日式餐廳比較特別，唔係放題，唔係超貴既。佢係食大阪燒，其中兩款仲可以玩DIY， 全部有六七款選擇，真係玩得又食得。👍今日揀咗款千房燒，係要師父整既，蛋香滑， 材料十足，每一啖都係有佢所講嘅材料係裏面，熱辣辣咁送上鐵板枱上，口感極佳😋。旦面上有好美味既燒汁，輕輕的甜。又有無限量魚皮和沙律醬畀你自己加，味道隨你喜好去調。另外，蒜蓉牛油炒雜菌又係好好味。有說得出的蒜蓉和牛油香。至於炸薯角既味道亦因加咗微微椒鹽，使得味道更香更惹味。脆炸餃子亦都係不錯嘅選擇，脆皮非常，涵料十足!

知道旺角呢個新商場top開咗好耐，但入嚟行就係第一次，多得朋友約咗喺度食大阪燒，上咗幾層再轉個彎，終於嚟到千房當日平日夜晚嚟到，入面差唔多8成坐滿，食食下仲見到出面要等位，睇怕佢都有啲水準。其實快睇個餐牌，價格嚟講唔叫特別貴，平均70幾蚊已經有一個大阪燒，不過最重要嘅係可以自己整，亦因爲咁就叫咗特盛海鮮大阪燒（$88），跟住個menu介紹咁整又真係work wor, 呢到啲waiter見你係自己整又會好take care啲客，畀啲意見可以煎耐少少，感覺十分好，感覺自己最終嘅完成品同店鋪嘅差唔多姐當然都要試下鋪頭師傅親自煮嘅質素喇，所以另外我地仲有叫芝士豚平燒（$55）同埋牛舌，前者睇落細細舊，但味道好足，醬汁同芝士味都好濃，加上熱哄哄，感覺very nice, 而牛舌亦都好有咬口，熟度煮得剛剛好👍🏻👍🏻👍🏻

晚上7點幾去到，等咗廿幾分鐘就安排入座。其實，坐bar枱就可以好快安排到座位。但朋友今日shopping 買了很多戰利品，坐bar枱都唔多方便。惟有等一會才能入座。由於我第一次幫襯，唔知道安排入座前要預先點好餐，所以當接待員問完我幾號number後，隨即問點好餐未，感到有點意外，然後快速地點餐，以為一坐下來就要有人收點餐紙，結果又唔係喎！厚切牛舌$88牛舌，朋友話味道偏淡，但對我嚟講就可以。份量唔多，想食飽d的話，就要叫多幾樣。味道很一般，懷念日本的味道。醬燒日式炒麵$68千房燒$108就是醬汁的味道，很一般。當我同朋友一放下筷子，就有侍應過嚟話幫我哋清清張枱，仲問我哋d嘢好唔好食，想了解一下客人口味，再改善，真係好有heart，唔知佢係咪老闆，但如果做員工都咁有heart，相信老闆對員工的待遇應該不錯。結論：食物味道同質素只是一般，但侍應態度係好熱誠的，當我俾完錢之後，收銀個阿姨突然好大聲咁講：ありがとうございました二人結賬：$290

去大阪同廣島都有食過大阪燒，見師傅仔燒就見得多，自己燒就真係未試過！呢度嘅特盛海鮮大阪燒同埋豚肉燒都可以DIY，因為枱上面有個燒板俾你用，好玩又好味！同埋真係唔難整，(雖然我老婆一手整，我無試過XD) 啱哂喜歡落手嘅朋友仔！叫咗個海鮮大阪燒，落一半蛋漿同時旁邊燒一燒啲料，熟咗之後加入去個餅底到再用餘下一半蛋漿蓋住，底面燒3次就完成！好好玩！而且燒出嚟個邊好香口，夾埋啲大阪燒醬汁同沙律醬，正！仲有說明書跟住做，失敗機率好低！但呢度唔止大阪燒架，仲有其他嘢食可以選，牛舌啦、海鮮，帶子都有！我同老婆一人一個大阪燒之外，另外叫咗個餃子試下，幾特別！2塊方型餃子皮夾住餡料，皮本身好香口，餡料亦都足料，味道好濃厚！不過最好玩梗係整大阪燒啦，下次叫埋一班朋友齊齊整，combat下先得！