千房 (已結業)

我們平日7點左右到，沒有訂位但都不需要排隊便可入座。原來還很期待的，打開菜單，可以選擇的款式不多，而且只有一兩個是可以DIY，已經非常失望。千房不能DIY，等了很久才送上來。賣相差，味道一般，粉漿還未熟透。這樣還可以作為主打...真是無言。特盛海鮮大阪燒，可以DIY，相比起另一間同樣可以DIY大阪燒的餐廳，這個真是非常一般，材料不算豐富。而且更奇怪的是明知道客人要DIY，為什麼連油也不給要客人主動要求，還只是隨便擠兩下便收走...沒有油是要人怎樣芝味豚平燒，不過不失，沒有驚喜。香蒜牛油野菌，味道是不錯的，但份量少得可憐。什錦日式炒麵，同樣是煮好再拿過來，非常多油，非常咸...份量極少狂熱雞翼，比較滿意的一道。這間店的鐵板似乎毫無作用，每樣食物都是煮好再放上去。而且最令人氣憤的是他的爐還會滴油，我的鞋子上面全是油污絕對不會再去！

女朋友話想顯示下自己廚藝，咁我無理由唔畀俾機會佢嘅。原來佢帶咗我嚟呢間餐廳食。餐廳同書店同一層，去到已經好多人等緊位。叫嘢食時先發現原來只有兩款大阪燒可以俾你diy，大家要留意喇~特盛海鮮大阪燒($88)呢款自己diy又得，廚師煮埋又得，緊係玩下啦～ 雖然已經有張紙寫清楚個步驟，店員仲係好詳細幫我哋加油，抹油，同解釋個步驟，仲俾埋個計時器我地。原來要廿幾分鐘先煮好一個大阪燒。女朋友一路煮我一路流口水。根據自己嘅口味加埋啲配料，食得! 芝味豚平燒($55)豬肉甜甜地，加滑蛋，加溶咗嘅芝士，拼埋可以咁好食，所以我地都encore咗一份。

係旺角行街既時候見到間類似道頓堀既餐廳，望落同道頓堀價錢差不多，而且又唔洗排隊，所以就入左去試下。原來呢度得豚肉燒同特盛海鮮大阪燒係可以自己DIY，有別於道頓堀咁多選擇。最後揀左特盛海鮮大阪燒係同廣島燒，一個自己整，一個廚師整，諗住自己整得唔好食都可以食廚師整果款。咁係等緊既同時，當然係要睇下點煮啦，點知原來一個大阪燒要整成12分鐘，會唔會耐左少少。整緊既時候發現個火應該無道頓堀咁大，所以整既時間會比較長。原本諗住可能係怕d人唔識整會好容易整燶，點知原來廚師整果個一樣要咁耐，真係好無奈。不過呢度好就好在無限時，無咁大壓力。食物方面由於都係自己整既，都無咩好評價。

之前見到廣告得知呢間係日本嘅老字號登陸左旺角新開幕嘅商場，緊係要去朝聖下餐廳地方寬敞，每張枱都有一塊鐵板比客人試下做鐵板師傅，但由於我地對自己嘅烹任技術都無乜信心，所以就叫左個泡菜蔥花雞蛋燒。大阪燒厚度十足，咬落好有口感，唔會有太粉既感覺！蔥既份量都好多，加上泡菜有少少辣，非常惹味另外我地嗌左個芝味豚平燒啲蛋好香滑，入面啲芝士多到流晒出黎豚肉切成小片，咬落爽口唔會韌值得一提嘅係所有食物都由職員直接用大剷放到枱面既鐵板上，野食保持熱辣辣。枱上面仲有紫菜、燒汁同沙津醬任君選擇可以感受到日本餐廳嘅用心同體貼

幾位好友從美國回歸探我，當然要同好友吃飲一番，她們最愛食日本菜，心血來潮上網尋找那裡有好味的日本菜去品嚐，發現旺角有一間特色日本菜「千房」，享受廚師精心炮製的美食，一個談天說地的好地方。 門外窺視環境不俗，繁忙的晚餐時段這裡十分墟冚，令人印象十分難忘。 店內的設計以木為主，品舖裝修簡約，環境整齊優美，舒適很寫意，乾淨整潔，氣氛輕鬆。 開放式厨房，可以看到厨師做食物，十分吸引，令人期待，一個人來或幾個朋友一齊來都很適合。 坐下後立刻點食物，餐牌選擇很多，分門別類，十分有心思的設計，詳細介紹日式地道美食，食物質素良好，享受日式美食的滿足滋味。 豚平燒 $50 豚平燒炒熟後，職員放在我前面，賣相討好，令人垂涎三尺，雞蛋包著入面是豬肉及蔥，雞蛋肉質鮮嫰，豬肉煙韌彈牙，軟硬度適中，爐開著，食起來熱度非常令鮮味提升，口感豐富，讓人回味。 豚玉燒 $68 豚玉燒十分大塊，燒汁味好香，來時香氣撲鼻，不會感到太油膩，雞蛋包著入面是豬肉等，雞蛋香滑，豬肉口感細膩煙靱，材料新鮮，進食時溫度微熱不會燙咀，啖啖都鮮甜，非常滋味，配上沙津醬，令人食指大動，真材實料份量足的豚玉燒。 千房（旺角） 地

之前食過同類型既餐，但奈何果間永遠都要等成個鐘，所以都無咩機會食。今日行街見到呢間唔洗排隊，當然第一時間入去啦。能夠DIY既只有2款， 豚肉燒同特盛海鮮大阪燒，咁我地得2個人，其實都夠既，一人玩一款。原本諗住之前係第二間餐廳整過，唔洗睇教學啦。好彩睇一睇，原來烹調既時間唔同，呢間要成12分鐘，心諗會唔會耐左少少。雖然大阪燒係自己整既，但總覺得無另外果間整得咁好食，可能係關個火候事。另外，上菜速度同烹調時間一樣，一樣咁耐。香煎鐵板餃子唔好食，好似食緊麵粉咁，又硬。食物方面係另一間好d既，但呢間勝在唔洗排隊又無限時，而且價錢平民。

今晚同媽媽試試食大阪燒，就來朋友介紹的千房吧，見到門口有好幾個人等位，幸好我們先預約了。我們想點點主角大阪燒，看來也有十分多的選擇呢！點了激辛特製醬汁日式炒麵，少少辣，麵條彈牙，媽媽大呼好味，加上在鐵板上，滋滋聲，熱力十足。炒菇菇，好味！充滿蒜香、牛油香，媽媽吃個不停。這個煎餃子很特別，餃子皮是脆脆的，而且加上特製醬汁，酸酸的，很惹味。還有這個關西雞蛋香蔥大阪燒，材料十足，還可以自加醬汁，實在正！

朋友飯局，當然去d交通方便既地方-旺角啦！喱間餐廳地鐵站一出就到，仲有得玩煮飯仔，就試一試啦！入到去招呼非常好，一坐低侍應就好有耐性介紹佢地既招牌菜式-大阪燒，你可以揀廚房煮俾你或者DIY～但DIY就只有兩款可以揀，分別係豚肉燒及特盛海鮮大阪燒！再加其他野食😛😛蒜香牛油炒野菌：牛油味及菇味都好濃郁，食到我地停唔到口😝😝牛油帶子：帶子炒得乾身左少少，而且只有幾粒就賣120，有d唔多抵，但味道都唔錯既！之前就到主角大阪燒出場！😍😍侍應好細心咁俾左個計時器我地，仲講解左一次兩款大阪燒既煮法！當然聽完之黎大家傾傾下計好易會唔記得左，好彩都有個食譜可以睇番跟住做！我地一路DIY, 個炒麵就到左！麵條煮得好彈牙，調味岩岩好，好好味！仲可以放係鐵板上炒下翻熱！整個過程都好有成功感，仲可以同朋友比一比廚藝～喱個回憶好過一餐普普通通既飯局！👍🏼👍🏼

我唔係潮人，前兩日先第一次去TOP商場，發現有好多嘢食。難得兩公婆拍下拖就去食下日本嘢。餐廳光猛，座位寬闊，枱與枱之間有好多空間，裝修好有日式風格。千房燒($108)。話曬都係推介食物，真係唔講得少。有隻大蝦，牛肉，豬肉同帶子粒。裏面仲有啲菜粒同埋粉漿，所以其實好豐富。味道就自己可以加減，佢有燒汁，紫菜碎，沙律醬同木魚畀你任加。芝味豚平燒($55)。雖然來到細細件，但係食得出豬肉醃得好香甜，加埋個半熟蛋同芝士真係好香好滑。香脆鐵板餃子($50)。餃子專登造成薄薄正方形，所以燒完啲皮脆卜卜。入面啲餡雖然唔算多，但都好juicy，好夾個酸酸辣辣嘅醬汁。總結係，呢個價錢真係好抵， 我見隔離枱可以自己燒，下次都會試下。

整完頭髮,同朋友去行街,去到旺角最近開嘅新商場行街, 這個商場好多嘢行,好多自家製作飾物,好多家品店,又有書店,又有好幾間餐廳,我哋最後揀咗呢間大阪燒,覺得幾特別,因為知道係喺日本大阪好有名氣嘅,咁就同朋友試,等咗大概二十五分鐘就入去,我哋係晚上八點鐘食.我們點了關西風香蔥雞蛋大阪燒$78, 另外一個係蛋包麵$88.蛋包面係個蛋入面係有啲炒麵喺度,入面係豚肉,上面有好多大阪醬汁, 有沙律醬,好夾, 好好食,熱騰騰,紅色係薑粒.另外一個大阪燒入面有好多香蔥, 有魷魚,有豚肉,有牛筋魔芋,同埋有風乾小蝦,牛根魔芋好特別有啲彈口,都好夜味.我哋坐巴枱,咁前面有3個師傅,喺我哋面前就不停即炒,坐緊巴枱好大油煙味.八點30分鐘分落order,等上菜時間比較耐,有一碟等咗成一個鐘頭以上先至上菜.服務都好好.

上次去大阪,朋友帶左我去食千房的大阪燒,原來千房係咁出名,連香港都有分店,香港的第一間分店在旺角,地點非常方便, 中午黎到竟然無人,有counter位,有table位, 大阪燒有DIY, 也有佢燒埋俾你,lunch menu有好多選擇,每款都想食~大阪燒必備的沙律醬, 紫菜粉,木魚~set menu有豆腐,醃菜,味噌汁味道不太濃又不太淡,天氣凍凍地,飲湯最正~泡菜蛋包飯, 送到黎的時候放上鐵板保溫,加沙律醬,紫菜,泡菜唔辣, 雞蛋可以滑D就完美~豚肉焼也是燒好再放上鐵板, 麵粉味不重,與豬肉的份量剛好

算新開商場,  同朋友行行下見到, 見到都幾多人, 就入去試試, 我地唔係太肚餓就叫左2樣野<什錦廣島燒>包含豚肉, 魷魚, 蝦同炒麵, 中昌間仲夾有椰菜, 味道濃厚, 份量足夠2個人食, 個人覺得加D七味粉就仲好食, 好飽肚<豚平燒>用滑蛋包住豬肉再加上大板醬汁一齊燒, 口感軟滑, 冇得彈整體來講好好, 味道有質素, 而且仲可以玩下鐵板燒, 價錢亦都合理, 不過通風耍改善下, 食完都幾大陣油煙味....

大陸回港 有點晚 OpenRice 寫23:00關門在旺角新開的商場 21:00見到已關門但經理追出來說可以入坐它最有趣的地方應該是每張枱都會有鐵板可以自己燒大阪燒了還有其他菜色都會直接上到你面前的鐵板上=特盛海鮮大阪燒==豚平燒=這兩個都是自燒的 生的材料分好一份一份要自己動手將材料搞好 員工們都非常親切解釋做法枱上放了大阪燒的醬汁和木魚 可以自己控制醬汁分量=䓤香原味日式炒麵==激辛特製醬日式炒麵=因為我們有六個人 所以點了飽肚的炒麵但其實分量不多 但味道還不錯=香脆鐵板餃子=餃子皮紙一樣簿 無誤 而且很脆=豚玉燒=以為會比較像玉子燒 但其實比較似奄烈 味道不差 環境整體上不錯 自燒大阪燒整件事好有特色食物份量較少 幸好價格不貴 不夠吃的話 其實叫其他不同的試試都可以

這餐廳位於旺角比較新的商場，提供的食物亦能一次過滿足三個願望，因此值得到訪！願望一 好玩能夠自己動動手製作美食是一樂事。我的製作過程雖有點手忙腳亂，但其實程序十分簡單，輕輕鬆鬆便可做出漂亮的大阪燒了！願望二 好食大阪燒主要的調味在於醬汁。醬汁味道正常，但一整罐醬汁就放在旁邊，供隨便使用，濃淡自己作主，因此味道很不錯！願望三 好抵一份大阪燒的份量足夠2人分享，加一份小食及飲品，便覺得十分滿足。我們再看看價錢，便覺得十分划算！

三樣野(特盛海鮮大阪燒$88，芝士豚平燒 $55，激辛特製醬汁日式炒麵 $78)特盛海鮮大阪燒：會畀一盤大阪燒醬，同一D海鮮配料。海鮮份量唔係好多，但都幾適中，太多就會搶左大阪燒個味道。大阪燒醬要自己搞伴，要盡量打D空氣入去，由於每邊都要煎2至3次，每次都要3至4分鐘，所以都要少少時間！千房個調味真心好食，自己燒都幾好玩，而且醬汁配料想點落就點落。芝士豚平燒：諗住等個大阪燒熟既時候，搵D野食下先。點知太多單，都係要等！據聞豚平燒係大阪人食大阪燒既前菜！係簡化版既大阪燒，用蛋包住D豚肉既薄燒，加上邪惡芝士的香味，簡單好食。激辛特製醬汁日式炒麵：面質好淋，配料份量唔係特別多，上面加隻太陽蛋感覺良好。不過激辛無乜辣味，比熱浪重要爭少少，整體黎講性價比唔高。總括黎講，無論自己燒定師傅燒，煮好既時間差唔多，結果要一齊食。好在有塊大鐵板熱住黎食，食物可以熱食真係好開心。