千房 (已結業)

去大阪同廣島都有食過大阪燒，見師傅仔燒就見得多，自己燒就真係未試過！呢度嘅特盛海鮮大阪燒同埋豚肉燒都可以DIY，因為枱上面有個燒板俾你用，好玩又好味！同埋真係唔難整，(雖然我老婆一手整，我無試過XD) 啱哂喜歡落手嘅朋友仔！叫咗個海鮮大阪燒，落一半蛋漿同時旁邊燒一燒啲料，熟咗之後加入去個餅底到再用餘下一半蛋漿蓋住，底面燒3次就完成！好好玩！而且燒出嚟個邊好香口，夾埋啲大阪燒醬汁同沙律醬，正！仲有說明書跟住做，失敗機率好低！但呢度唔止大阪燒架，仲有其他嘢食可以選，牛舌啦、海鮮，帶子都有！我同老婆一人一個大阪燒之外，另外叫咗個餃子試下，幾特別！2塊方型餃子皮夾住餡料，皮本身好香口，餡料亦都足料，味道好濃厚！不過最好玩梗係整大阪燒啦，下次叫埋一班朋友齊齊整，combat下先得！