千両 (已搬遷) 新店位置

(已經係兩星期前既食評喇...)男友放假第一日 ^ ^不過下晝同男友分別有d野做, 夜晚先可以一齊食飯.. 諗左好耐, 最後揀左黎elements既千兩, 記得男友話過呢度既三文魚腩好味!黎到6點幾度, 揀左坐迴轉檯. 嗌左﹕燉蛋﹕好滑好滑! 有d蝦, 蟹柳同冬菇係入面, 個味都幾好味!三文魚腩﹕男友真係無介紹錯! 三文魚腩好新鮮, 食落魚油味好香, 令人回味, 好正! 之後再encore左 ^ ^ 燒玉子﹕上檯時暖暖地, 有少少蛋汁, 都唔錯.三文魚頭湯(石狩汁)﹕原本無諗住叫, 但係聞到隔離叫果碗好香, 忍唔住order左. 好濃味, 好多湯料, 正帆立貝壽司﹕幾鮮甜, 不過都係覺得三文魚腩較出色感覺都唔錯, 食物新鮮有水準, 服務幾好, 環境乾淨舒適下次黎都係會專攻三文魚腩 ^ ^

十一月三十日(星期日)看過戲,二時許,按原定計劃到Element千両吃一個late lunch,可能是時間關係,不用等多久就有位了...照例,雖然我們坐在迴轉枱,但都是逐碟點...貪其新鮮點而且到千両必叫的油甘魚腩很大件,很肥美,而且很甘的味道...比上次在銅鑼灣吃到的勝一籌鰻魚壽司好像差了點!!魚肉有點兒過"林"了...辣味三文魚一樣,都是有點退步,無乜辣味三文魚腩很肥美呢!吃完後,那種魚油還在我口中!!^^炸蝦卷近期我的心頭好,蝦炸得剛好,蝦肉吃得出是新鮮,值得一試"西青"魚壽司不時不食,現在是最肥美的,味道有點像油甘,不過就淡味一點他他牛壽司很新鮮,而且牛肉很煙韌海膽軍艦始終不是海膽的旺季,但都交到貨,少甜,至少不腥,都係等多二個月吧未幾,有一外籍人仕坐在我倆旁,他狼吞虎嚥,很快就吃了十數碟,他又問老公仔這是什麼,那是什麼...老公仔見佢唔係太識,決定介紹佢最喜愛的油甘魚腩壽司(即yellowtail)給他...他即叫了一碟..."Its really good!"...能與人分享自己喜愛的,的確很開心!

The shushi is very fresh and I can see the chief make the shushi when I make order.The dish I most prefer is steam egg. It softly melt in the mouth.btw, there's a japanese manager frequently say "Oishi". Have much feel in Japan.

係OR睇到千兩可以儲單申請會員咭, 作為元氣嘅fans, 咁就梗係第一時間去食番餐啦. 約兩點去到, 等左大概5分鐘就即刻有位, 仲要係迴轉位, good. 一來就叫最愛嘅海膽先, 唉, 係無貨架. 再叫大拖羅, 唉, 都係無貨架. 咁唯有食中拖羅啦. 中拖羅都好好味, 不過無得食大拖羅, 有少少遺憾. 另外叫左一個蜆湯, 好大碗, 湯底清甜, 可惜係d 蜆好多都有沙, 影響左整體嘅評分. 帶子壽司連食兩碟, 真係人間美味. 帶子好厚身, 鮮味無窮, 我鍾意. 三文魚壽司都唔錯, 雖則唔係超肥美, 但都okay. 炸蝦卷依樣嘅吸引, 新鮮炸出黎嘅蝦好脆好香口, 啱晒我口味. 海老都好新鮮, 兩大隻, 嘩, 好味. 個壽司拼盤幾多野食, 帶子唔夠單獨叫果d 咁好味. 果件三文魚子好一般, d三文魚子好鬼腥. 碎蔥拖羅軍艦都可以, 拖羅蓉都幾多. 成碟反而係個甜蛋最好食, 熱烘烘, 好出色. 最後叫左兩個蒸蛋, d蛋蛋真係好滑, d料有蝦, 有冬菇, 有蟹柳, 仲有白果. 都幾好味.

排左好耐隊﹐終於等到啦。一來就點了兩個蒸蛋﹐D蛋好滑﹐好夠蛋味﹐裡面的料都好多﹐有冬孤﹐蟹柳﹐鮮蝦﹐白果﹐材料都係好香好鮮味的食材。帶子壽司﹐帶子好厚﹐肉好滑﹐夠新鮮﹔海螺壽司﹐海螺好清新﹐有海水味﹐肉脆得來好滑﹐好爽口﹔吞拿魚壽司﹐相對比較一般﹐不過肉身較肥美﹔三文魚子壽司﹐三文魚仔唔夠之前吃的魚仔多﹐不過都幾好﹔

禽晚同波波嚟lee度食晚餐....佢嚟先,大約等咗半個鐘, 之前去過ifc嗰間, 食物ok但很迫, lee間我哋兩人坐四人order枱, 舒服好多.lee度d芥辣用d靚d嘅, 並不是一般板前開粉貨色, 無咁"恭"鼻.叫咗鰻魚, 帶子, 三文魚腩, 中toro, 蝦, 池魚, 蟹柳等壽司, 都ok新鮮, 但嗰碟三文魚腩, 就一件係腩, 一件係普通魚尾咋wor(如圖), 問吓個manager, 佢話兩件都係腩.......另叫了燒吞拿魚鮫(HKD70), 有兩件大魚鮫, 魚肉好滑, 點埋個豉油,正.茄子漬-d茄子好似生嗰頭wor炸軟X蟹- 炸得幾好, 蟹都唔係死"古古"貨包吞拿魚沙律- 普通d, 吞拿魚都係麻麻哋埋單HKD510. , 係比板前貴d但有d食物就差不多啫....

Japanese food is always my love and thus I decided to visit this shop with my mother and sister. The food is not fresh enough, especially Urchin sushi!!!!! My mother had stomachache and vomited around 1.5h afterwards... to make matters worse, we were watching a movie at that time... so my mother had to leave the cinema. Fortunately, my sister and I did not ate that. We have also eaten the follow:軟殼蟹手卷- this is quite tasty. but well nothing too special really.甜玉子- simply average. i dont understa

上星期日去圓方睇戲，入場前去了千両吃了個 quick lunch 。兩點幾，唔使等位，不過都係得枱位，冇bar枱位。坐低睇下menu發現唔係自己tick柯打紙, 要叫waiter落柯打。唔緊要啦，佢行高格調好service路線嘛！因少許趕，所以一次過點了七、八碟壽司。其實我覺得千両的壽司選擇不算太多，可算係貴精不貴多。而且本menu都幾難讀，好似本雜誌咁，所以點菜都要啲時間。吃物方面都算唔錯，幾新鮮。不過那碟中toro就麻麻地，有渣囉。整體算ok啦！吃完走人兩位二百八十元，覺得有啲貴。因為平時去板前、板長、峰食到飽飽咁都係二百一二，今次都唔係好飽囉。所以我都係prefer去板字頭囉......嘻嘻。

仍然係迴轉系列食拖羅既不二之選!http://hk.myblog.yahoo.com/goodboy_philip/article?mid=29872千兩...出現左幾多次 "好唔好食" 呢? 無他! 喜歡她的拖羅選擇多, 肉質新鮮, 大拖羅魚餃肥美得令人飛天; 中拖羅魚味十足! 所以去千兩只有一個動作, order 吞拿魚系列既野食! 其他所有野, 都係陪襯品!黎遲左一步, 之前千兩出左個吞拿魚腩碎飯, 以為係新加菜單, 點知原來係做 promotion...所以今次黎已經無左 lu! 可惜可惜... 好似成日都有寫千兩, 其實唔係唔試新野, 有時都要 "念舊" 架嘛! 係咪?千兩地址:尖沙咀柯士甸道西1號九龍站Elements1樓1086號舖茶碗蒸 : 最上面一幅相係 menu 上既茶碗蒸, 有蝦, 蟹柳, 菇同白果, 實物其實係一樣既, 不過沉哂底, 絕對足料! 如果唔係, 一定會話實物同相片不乎既!蔥拖羅碎 : 食過咁多間回轉壽司, 千両既拖羅碎係水準最穩定, 魚油最多既一間! 最好! 金槍魚醬油漬壽司 : 芝麻調和濃味吞拿魚, 肉質新鮮得很! 火炙金槍魚壽司 : 火炙太熟

這里的芥辣是食過的日本料理食肆中最“柔和”的了，難免叫身為芥辣狂人的朋友有些失望，是次點得樣式也很少，但論及魚生，還是頗為新鮮的。三文魚&吞拿魚刺身：在同等價錢下這里的份量算少了，但新鮮度卻抵讚。下方冰袋的設計不但保持了魚生的鮮與凍，另同場的白蘿卜絲亦鮮甜爽脆。甜玉子：朋友大讚，我倒是覺得普普通通，不及和花亭的鮮甜有口感。墨魚壽司：墨魚口感滑又彈牙，用料很新鮮，不錯。他他牛：肉質很韌，齒力不足恐怕咬不動。雖然一點飽感都無，可惜看看menu竟然找不出其他想試的樣式，算吧啦，只好說這間迴轉壽司店的出品非我杯茶。

昨晚第一次到圓方, 所以昨天即 click 入 openrice 睇下有什麼好吃的. 一入嚟就看見此餐廳, 而且價格方面又唔貴, 所以跟友人就去試試.可能還是 7:00pm, 所以唔需要等太耐就有位喇. 我哋被安排坐 order 枱, service 都唔錯, 成日都會有啲 waiter 睇下你有咩需要, 但食物o既款式就太少喇, 而且應該熱o既都凍凍哋~ 食物方面就不過不失啦, 但吃完都冇滿足o既感覺囉, 唔係唔好食, 只係唔知再吃咩.

下晝五點幾黎到，當然唔洗等位啦。第一次食千兩，一打開menu，發覺好少款。兩人叫左：1: 三文魚壽司x2 ---呢個男朋友好鍾意，佢話好香，所以最後叫左兩碟2: 醬油漬吞拿魚壽司---um…..有少少醬油味，但不太好味3: 帶子壽司—幾大隻，不過個人認為峰壽司的鹽帶子壽司with檸檬汁 好味d4: 軟殼蟹手卷--- 正正正，因為剛剛炸起，勁鬆化，軟殼蟹食到落底都仲有，再加埋牛油果，$18抵啦!5: 赤蝦壽司 (個名不太sure) --- 呢隻蝦都幾大隻，口感好似’lim’住’lim’ 住咁。不過峰壽司的峰蝦甜d，正d6: 炸蝦卷 --- 呢個蝦又係剛剛炸起，所以好好味!7: 辣吞拿魚壽司 ---唔辣，唔特別。不過紫菜脆的Overall, 我地覺得峰壽司好d，款式有多，料又好d。

上星期日，行完山，打算去圓方看戲及去千兩食壽司，因為知道是高級壽司店，其實好早想試。到逹時侯是下午2時許半，以為有不用等位，但取籌後要等十個號碼，想應該好快，約等半小時都未到，想改變往隔鄰THREESIXTY食漢堡飽，但又無位，已經好肚餓，取幾塊試食麵飽頂住先，翻回去再等，好啦叫NUMBER，有位，好開心! 好靚的迴轉壽司，看上去碟碟都好新鮮。先取生牛肉壽司$18，好有牛味，鮮!本人覺得食三文魚，已經太普遍，應該無甚特別，但今次竟然食到新鮮魚味，再來炙燒三文魚，又有不同味道，$18。加州卷，燒尤魚，青魚，辣壽司卷，吞拿魚芝士，都ok，吞拿魚(無特別)，@18，特別梅子蘇葉卷，酸酸地，好開胃。要推介炙燒鰻魚@25，BBQ香，軟及脆，very good還有，壽司飯軟熟，魚生食時不會覺凍但感覺新鮮。

自從知道千両是元氣高級版後一直想試, 趁 DBS 優惠完結前一試。 食後感覺與元氣沒有分別, 可能沒有試千両的主要賣點 - 藍鰭吞拿魚。 不過, 愛好海膽的我食了海膽 sushi, 非常新鮮。

知道師傅開show，我同男朋友專程黎睇+食。師傅出馬，人人慕名去食。睇住條咁大既藍鰭吞拿魚已經食指大動，加上仲有師傅親自劏魚，令平日平凡的千兩變得不平凡。師傅勁快手就劏好條魚，成間千兩大家係咁舉手叫野食，氣氛好好，師傅見到大家吞拿魚，仲會同其他人一齊大嗌tim~~ 後來佢整好左條魚之後仲拎埋出黎sell大家~~~搞到大家都忍唔住一叫再叫，一食再食……原來師傅好惡魔!!!!!我同男友叫左吞拿魚鮫、大吞拿魚腩同香蔥吞拿魚飯，因為佢地全部都係由呢條即劏的吞拿魚整既。吞拿魚鮫值100分，好軟又好滑，而且肉質好嫩好鮮美~~~ 大吞拿魚腩的味道相對比較濃，雖然冇咁細嫩，但就係另一種的肥美。Waitress都話先食魚鮫再食吞拿魚腩會好d﹗能夠食到呢兩款刺身，真係不枉此行。香蔥吞拿魚飯做得幾香，係飽肚之選。正當我地嘆緊刺身之際，我地發現師傅整緊燒玉子﹗惡魔又出現喇!只見佢好用心咁整，完全理解d人話淨係學燒玉子都要學好一段時間﹗佢整好左之後，又開始拎住佢既傑作向大家推銷。無論百幾元一碟的刺身，還是這個十幾元的燒玉子，佢都自己出黎sell，真係好有heart!!!總括而言，呢餐真係大飽眼福又大飽口福﹗