十和田總本店

營業中

休息中

好耐冇食日本野，今日就book 左同朋友一齊食呢間。因為疫情關係，枱同枱中間都有膠板隔住，雖然有啲唔方便，不過都係為左大家健康著想。先叫左個明太子沙律，明太子切成每粒四四方方咁上碟，好容易食，每粒亦都好爽口😌之後叫吞拿魚腩、蔥吞拿魚腩、火灼三文魚壽司，都係鐘意個吞拿魚腩一入口咬左幾下就唔見左，唔算油，而味道都好濃郁。火灼三文魚壽暖暖地，有陣輕微焦味，好原始好惹味，好想食多幾件😛😛重點係個海鮮丼，其實係一個魚生飯個魚生飯有油甘魚、海膽、牡丹蝦、玉子、帶子、魚子，仲有好多吞拿魚腩蓉，好豐富架🤩魚生料都好新鮮，將啲飯同吞拿魚腩蓉撈勻之後食真係每啖都好濃郁好滿足！

因為疫情嘅關係已經半年冇飛日本呀！今年嘅大假又已經被公司安排好晒要放假，睇嚟2020除咗冇奧運之外，連日本魚生都與我無緣啦！想念日本美食之情每日都爆發，星期五放工忍唔住要去尖沙咀走一趟，就係為咗食接近日本味道的晚餐。十和田 以木色為主調，整體感覺很和式，用iPad點菜，自助綠茶，方便快捷，吃得很自在。柚子大根試吓即晚嘅廚師推介，柚子清新甜美，大根爽口，酸酸甜甜好開胃。熟芥辣八爪魚八爪魚鮮度極高，清脆爽口的山蟄菜，配以精神為之一振的芥辣，入口氣味芳香清爽，風味鮮美果然獨特。三色丼人氣爆燈的三色丼，我每次嚟到一定要食嘅，一次過滿足晒我三個願望。三色丼 顧名思義有三個款式的小丼，賣相吸引，而且三款味道都做得很出色。首先海膽丼～高級食材空運到港，師傅手法傳統，色香味俱全。海膽大小適中，入口即溶，海膽好鮮甜，回甘味在口腔回蕩，加一點點 wasabi 伴食，啖啖飯都食到海膽呢！總之一口接一口海膽迷必食啦！蟹膏蟹肉丼賣相好吸引，老公成日話掛住東京嘅築地獄壽司，成日都要回憶第一次食蟹膏壽司嘅味道，十和田的 蟹肉鮮、蟹膏味道濃郁，出手好大方，真係好味到不得了！香蔥吞拿魚腩丼的 吞拿魚腩蓉色澤粉嫩 ，入口

十和田一直都幾出名，今次有機會就梗係要嚟試下啦，餐廳位置都幾好搵，門面都幾靚，今晚嚟到餐廳唔算好多人，即刻就有得入座。玉子口感一般，蛋味同奶味都差啲啲，同埋個蛋好老，食落自然口感差啲啲。櫻花蝦牛油果夾埋原來又幾 match 啵，啲飯好似有用醬油處理過，係幾好既。味道就更加有層次，無普通白飯咁寡。火炙過既三文魚既油脂香特別出眾過人，真係好鍾意火炙三文魚，好食過無火炙過既其他壽司還好，都幾新鮮油甘魚刺身堅正，又厚身，好新鮮真心幾鍾意佢啲醬油壽司飯，可能出面其他日本餐廳唔會咁做，令我覺得幾有心，幾特別既。蝦同埋海膽要讚下，好新鮮，唔會腥臭我本身都好鍾意食吞拿魚蓉，十和田既吞拿魚蓉既量好多，味道亦非常出色，加少少醬油，就可以令我食唔停口啦🤣整體都幾高質，一分錢，一分貨

因為太耐無返日本🇯🇵太掛念家鄉菜Lunch 去左尖沙咀的十和田總本店食lunch落單是QR code 形式，然後可以自己落綠茶粉沖茶，整體服務是要比較自助形式叫左個午市壽司套餐 $98壽司水準中規中矩，有成11件壽司可能因為鬧市客多，貨去得快，都夠新鮮推介呢度既蝦刺身壽司、魚子壽司同海鰻青瓜卷壽司壽司飯本身有醬油喺入面,可以唔洗點太多豉油，但感覺就無白飯咁清新刺身拼鰻魚飯 配蛋、湯刺身都新鮮肥美飯的份量都多，但鰻魚就比較細份d 啦但呢個價錢又有魚生又有鰻魚飯食，相當超值了最後食埋個日本茶碗蒸飲埋個湯呢個set lunch 都好飽肚

同男朋友行尖沙咀，順便試下呢間日本野 因為都見過啲ig有講過下佢（有好有唔好） 所以想試試佢😆三文魚親子丼 $118三文魚份量好多 你每食一啖都起碼食到兩三粒既三文魚 飯偏黏身 本身亦亦有小小醬油味裏面除左三文魚粒仲有三文魚子 口感都幾豐富～吉列炸蝦卷 $78都有六件 蝦炸得好酥炸 好味😋鰻魚飯 $98鰻魚飯算係中規中矩😚 鰻魚唔會太肥 所以食落唔會覺得太滯同埋太膩。甜甜地既鰻魚汁過得幾好食 🤓總括，我覺得都幾好食🤓

因為要約朋友交收,朋友話好耐無去旅行,好慘~所以約左去尖沙咀返兜食依間好食既日本野😊依度夜晚都好多人，好彩我地約得早，唔使等好耐～ 一黎我就點左上次都有想過點又無點既三色丼依個3色丼可以一次滿足晒3個願望， 岩晒我依啲眼寬肚窄既人蔥吞拿魚– 絕配,吞拿魚新鮮味濃又滑,加埋蔥真係食唔停海膽– 超級新鮮，滑到好似食緊雪糕咁~蟹膏– 蟹膏既獨有香味,真係無法抗拒~以為3小碗好少，其實食落都好多,好飽呢~ 朋友點左廚師特選壽司,包括有吞拿魚,拖羅,鯖魚,色澤靚、肉質新鮮,唔腥又無筋.而且佢仲配有蒸蛋同麵鼓湯,朋友讚無介紹錯,佢下次會再黎食~

好耐冇食壽司喇，自從發生呢個疫症之後，啲人對於生冷野都好似有所避忌，因為本身生冷野就容易滋生細菌，不過睇得出香港人都好中意食日本野🙊呢家疫症嘅情況總算好番好多，日本野都多番啲人食喇。好耐之前已經經過呢間金馬倫道嘅十和田總本店，覺得個名幾特別，知道呢間餐廳以壽司為主題，都幾想食。餐廳嘅setting都幾特別，以綠色嘅櫈為主，感覺好清新。而且大部分都系兩人座位。首先試咗一份平成卷，系呢度好受歡迎嘅一道菜式，有海膽、吞拿魚腩、三文魚籽同埋青瓜。睇落完全冇關係嘅幾種配料，食落竟然覺得好好味首先食落口會覺得啲海膽系吾腥嘅，吞拿魚腩嘅份量都算系吾吝嗇，以壽司黎講算幾多，同海膽都幾match。然後系超上壽司拼盤，壽司嘅種類非常多呀，有甜蝦、飛魚籽、三文魚籽、油甘魚、海膽等等，食呢個拼盤最大嘅好處，就系可以食曬我地平時喺壽司店或者日式放題店比較常食嘅壽司款式。款款嘅味道都差吾多，比較值得推介嘅系三文魚籽同埋甜蝦，不過個人認為餐廳喺選擇材料方面可以做得再好啲。蒸蛋系超上壽司拼盤包埋嘅，裡面都系有平時蒸蛋應有嘅材料，鳴門卷、冬菇、蟹柳同埋白果，啲蛋吾算好滑，蛋味都算明顯。最後叫咗三色丼，系呢度最多人叫嘅菜

天氣悶熱，最好食日本野。十和田既環境同日本壽司店差不多。地方大，米黃色裝潢。用電子點餐，好方便，丼可以揀走蔥、走薑、走芥末、少飯。我點了海鮮丼，火炙左口魚裙邊丼和蒸蛋。先上一個蒸蛋, 蛋滑而且足料, 夠熱。蛋香嫩滑，令人食慾大增。海鮮丼有帶子、油甘魚、蝦、海膽、三文魚籽、香蔥吞拿魚蓉和蛋，材料好豐富，份量幾大，賣相靚。新鮮帶子、油香油甘魚、大隻彈牙蝦、入口即溶海膽、滑滑吞拿魚蓉飯唔係普通飯，是有味飯。日本食過爽口彈牙, 又油香的左口魚裙邊, 本人一試愛上。火炙左口魚裙邊丼左口魚的數量很多，每一塊都有炙燒，火炙左口魚裙邊有咸香，入口即溶，薄薄的油份包著火炙左口魚裙邊，極愛極愛。

今日約咗朋友去尖沙咀食壽司🍣我哋簡咗十和田總本店試下！一入到去衛生都做到好足，首先幫我哋探熱先，坐底之後待應就話我地知用手機掃QR code可以點餐👍🏻 因為我地兩個女仔，點左唔係好多野食！所以都想點一啲人氣推介嘅壽司美食😍 ...🍣三色丼三色丼分別有：海膽丼、吞拿魚蓉丼、松葉蟹丼。三個丼嘅材料同飯嘅比例都好平均！而且材料都非常新鮮，海膽食落去冇苦味，非常鮮甜👍🏻吞拿魚蓉食落口入口即溶，完全違和感！松葉蟹丼蟹肉分量十足，絕對夠晒兩個人食 ...🍣平成卷平成卷裏面有吞拿魚蓉、海膽同三文魚子，口感有層次同豐富，食落唔會覺得好油膩！ ...🍣三文魚三味壽司三文魚普遍都係香港人鍾意食嘅魚生，我都唔例外🥰所以點左三味壽司試吓，分別有：芥辣三文魚、姜蓉三文魚、灸燒三文魚！三件壽司油脂分佈都非常平均，唔會好肥或者好瘦👍🏻 總括而言我覺得食物質素都唔錯，而且價錢合理，鍾意食壽司嘅朋友可以一試👍🏻 ...📍地址：尖沙咀金馬倫道42號華懋金馬倫中心地下（尖沙咀B2出口）

As a huge Japanese lover, I am hoping to have Japanese as lunch to cure my Monday blue, so me and my friend decided to have Towada Sushi at TST. I really like the interior (the bar area in particular) as it reminded me of the sushi restaurants at Tsukiji, Tokyo. We were then given a QR code to scan to order; after scanning, there are 24 lunch sets options which all comes with miso soup and Chanwanmushi (Japanese steamed egg).I chose the scallop and crab meat don set and my friend chose the bara

睇返相去年今日這個時候在日本旅遊，今年仲未去到，就去食下寿司頂住先。之前來過一次，覺得店面乾淨，坐得舒適，所以再來幫襯。火炙左口魚邊($32)每次必食，喜歡佢嘅口感，魚油豐富。吞拿魚三味寿司($108)+火炙吞拿魚腩($48)+火炙帆立貝($28)吞拿魚三味有大卜口、中卜口、赤身，可以先食清甜的赤身，再食中卜口，最後食油脂最豐富的大卜口，入口甘香，好滿足！火炙帆立貝大大粒，味道鮮甜。火炙燒過的吞拿魚腩魚味香濃，味道更特出。牡丹蝦($58)蝦頭好大隻，色澤鮮明，蝦肉新鮮彈牙。

呢排經過朋友嘅介紹，黎到呢一間位於尖沙咀金馬倫道嘅壽司店，一入到黎就梗係order 一份三包丼啦，分別係海膽飯，吞拿魚蓉飯、同埋松葉蟹膏蟹肉飯，三個飯嘅配料都相當新鮮。另外就梗係要order一份壽司拼盤，小編同女朋友就order左，特上壽司拼盤，呢個拼盤跟埋個蒸蛋同埋麵豉湯，壽司拼盤保持一貫嘅水準，另外小編都order左一份平成卷，呢一份卷物做得好出色，建議鍾意食海膽或者係海膽控嘅朋友嚟到呢間日本餐廳一定要嗌。

之前見呢間野勁多人講，好評又多，一路都好想嚟食今日同朋友路經呢度，朋友竟然話反正都經過不如入去食埋再行小妹實在係佩服佢嘅作風😂先食咗個海膽沙律開下胃先，感覺海膽味唔算出不過賣相同味道都竟然有少少似芒果酸酸甜甜咁都幾好食嘅然後係吉列蠔，蠔肉好新鮮唔會霉唔會腥粉厚薄適中夠香脆海膽茶碗蒸！非常推介暖笠笠又蛋香重，溝埋個海膽食超香好creamy！再嚟例牌卷物﹑壽司﹑軍艦等等，都好新鮮魚香濃郁，明太子咸咸香香好高質！嚟到一場當然唔少得佢地嘅三色丼拖羅蓉﹑海膽同蟹膏３款都係我嘅至愛🤤🤤唔好睇３杯都細細杯咁，其實好足料，一次過滿足３個願望～佢地落單係要用手機上網落單，我自己CAP咗一部分，唔知UP唔UP到上嚟俾大家參考下

在附近雖然選擇多，但個人特別喜歡日本食物，而這裡嘅食物質素同服務都唔錯，就係咁選了它，一見個店名好直接就想起旅行曾經去過的地方，座位有吧枱或餐枱，今晚店員按排了餐枱座，為了方便及衛生店內採用了QR code 方式落單，掃瞄後跳去了落菜單頁，分類清楚，由壽司拼盤至刺身到甜品，款式多樣化，真係要慢慢看，但真的肚子餓，所以先點了個丼飯，一望就係哩個穴子丼，按去還可以選擇是否走蔥、少飯等選項，我當然樣樣都要啦！再按加入，完成了，接住就係廚師推介嘅海膽魷魚，這個真係轉頭就上枱，魷魚上沾滿了海膽醬，入口味道濃郁，加上本身魷魚肉質彈牙爽口，十分有口感，味道帶點咸，送飯一流！而個穴子丼賣相亦十分滿意，在煙韌彈牙嘅日本米飯上放滿了穴子，而穴子上亦塗滿了鰻魚汁，雖然唔錯河鰻個種入口肥美嘅感覺，但勝在海鰻肉質彈牙味道鮮甜，而個飯身亦有充滿醬汁，唔會感覺到乾身，所以這個選擇確實冇錯！最後認唔住追加了兩件超正壽司，蟹膏壽司，脆身紫菜圍住件煙韌彈牙嘅壽司，上面一半放滿了蟹膏，一半蟹肉絲，一啖入口，濃郁嘅蟹膏味道在口中反覆出現，加埋鮮甜蟹肉，絕對係雙重享受！而另一件就係火炙左口魚邊；未入口已經陣陣香味撲鼻，上面見到

其實都食過好幾次，咁既質素，佢個午市壽司定食+麵豉湯 $98+10%算好抵食。吾知係咪記錯，以前好似有埋蒸蛋。佢定時都會轉下個內容，今次就係呢個(見圖)。有11件，甘蝦、𩶘魚、三文魚、左口魚、墨魚、赤身、三文魚籽、蟹膏及鰻魚卷。壽司大小適中；飯煙韌，吾實又吾會散； 魚有魚味其實吾係必然，當你食過魚只有腥味你就明！千其吾好用果d垃圾連鎖店比，食材、處理、做法，完全兩回事！真係吾明點解d人同樣價錢要去難為自己！