更多
2020-05-11
4351 瀏覽
尖沙咀金馬倫道超多野食，今日行到接近街尾就見到呢間門口令人眼前一亮嘅十和田。今晚我就自己散叫壽司，總共點左11件，我呢個大食女仔都啱啱好架。牛油果（$15），本身餐牌就係切開一片片嘅，黎到邊左一舊過，稍微有啲失望。小柱（$25），係好似有好多粒迷你帶子咁整成嘅軍艦。鯛魚（$26），比較筋多，好有咬口。鰹魚（$20），帶有吞拿魚嘅鮮味，接近皮嘅位置比較硬身，幾特別。竹筴魚（$28），光身魚嘅代表，用薑蔥癖腥，味道都幾鮮。油甘魚（$26），平凡得黎又最滿足到我嘅一件，油脂含量較高，感覺較重魚味。赤蝦（$38），彈牙又大隻。玉子（$12），好大塊，大概係舊飯嘅四倍size！甜度唔算高。蟹膏蟹肉（$28），半件蟹膏半件蟹肉，互補不足。穴子（$38），係海鰻，同平時食開嘅河鰻有啲唔同，較為薄身，有我手掌咁長架。火炙三文魚（$15），本身厚切，火炙後魚油更出。呢度上菜都幾快，落單後5分鐘唔洗就到。呢度有吧枱又有正常枱，用手機落單，仲自動幫你加埋服務費添。
尖沙咀金馬倫道超多野食，今日行到接近街尾就見到呢間門口令人眼前一亮嘅十和田。今晚我就自己散叫壽司，總共點左11件，我呢個大食女仔都啱啱好架。
牛油果（$15），本身餐牌就係切開一片片嘅，黎到邊左一舊過，稍微有啲失望。
小柱（$25），係好似有好多粒迷你帶子咁整成嘅軍艦。
鯛魚（$26），比較筋多，好有咬口。
鰹魚（$20），帶有吞拿魚嘅鮮味，接近皮嘅位置比較硬身，幾特別。
竹筴魚（$28），光身魚嘅代表，用薑蔥癖腥，味道都幾鮮。
油甘魚（$26），平凡得黎又最滿足到我嘅一件，油脂含量較高，感覺較重魚味。
赤蝦（$38），彈牙又大隻。
玉子（$12），好大塊，大概係舊飯嘅四倍size！甜度唔算高。
蟹膏蟹肉（$28），半件蟹膏半件蟹肉，互補不足。
穴子（$38），係海鰻，同平時食開嘅河鰻有啲唔同，較為薄身，有我手掌咁長架。
火炙三文魚（$15），本身厚切，火炙後魚油更出。
呢度上菜都幾快，落單後5分鐘唔洗就到。呢度有吧枱又有正常枱，用手機落單，仲自動幫你加埋服務費添。
張貼
