十和田總本店

營業中

休息中

難得可以早收工，終於可以試到呢間人氣魚生飯喇😆次次路過見到條人龍都怕怕😛(((個人經驗係七點前多數唔使排隊)))⁡【三色丼】一個order可以試晒三款唔同嘅魚生飯，完全滿足到貪心嘅我😆魚生同飯都一樣份量十足，三個碗入面都塞實咗...自問唔係細食都爭D食唔晒🤪刺身質素比想像中好，新鮮無雪味，以呢個價位嚟講確實係抵食👍🏻⁡【火炙左口魚邊丼】比起三色丼，呢款質素比較普通🧐過往食過嘅左口魚入口會有陣魚油香，但今次就唔係好覺🥲好彩都唔會有雪味，而且份量都好足~

2021年8月2日 (星期一) 5:45pm 32°C 餐廳裝修充滿日本風格，以日式木屋作藍圖，讓食客彷彿置身於日本當地。 壽司師傅採用『江戶前傳統製法』，利用酒粕發酵，令赤醋飯更香醇，酸度控制得更柔和，增加層次感，飯同魚生配搭得好，自然將鮮味再提昇。 所有食材每天由日本新鮮直送 環境光亮整潔，餐具乾淨。 因為新冠狀肺炎疫情影響，入店前必須量度體溫。點餐方法亦改用自己手機，直接傳送去廚房，捨棄傳統餐牌，變得更方便快捷，衛生可靠，值得一讚！ 為慶祝本人生日及在香格里拉酒店渡假，故此特地挑選此餐廳用膳。 人數：2人 HK$348 不用等位 丼（Donburi）是日文漢字，是一種日式飯食，以大瓷碗盛載著白飯，飯上覆以各款食材。傳統丼包括：牛丼 - 烹煮牛肉與洋蔥後覆於飯面親子丼 - 以雞肉、蛋及洋蔥烹煮覆於飯面。豬扒丼 - 是將豬扒裹上麵包糠後，經油炸而成，油的高溫將肉汁鎖在肉內，混合洋蔥、雞蛋覆於飯面。 水果蕃茄三文魚帶子丼 - 蕃茄清甜多汁，三文魚塊塊厚切，肉質軟滑，顏色鮮嫩；帶子新鮮，甜美滑嫩，三文魚籽極具咬口，完全沒有冷凍感覺和雪藏味道。碗內的赤醋飯微暖，十分軟綿，一點都不乾硬，在

呢間十和田位於尖沙咀B2出口行幾分鐘就到，佢餐廳店面唔細，人流好多，記得要留枱先好黎食，如果唔係就要排Walk in等。餐廳主要都係以兩座位為主，仲有一排既吧枱咁，座位上算舒服。用QR落單非常方便，叫左一份$268 既sushi set，配左麵豉湯同埋茶碗蒸。茶碗蒸好熱，啲蛋同想像中一樣咁滑。份壽司組合有成十款既壽司，要提一提個海膽好大舊，非常新鮮。另外，佢啲壽司飯全部都係用紅醋米，比夠特別，佢啲壽司飯食落口都比較黏口。

今日約咗好友去尖沙咀行街，順便食埋晚飯， 經過一間裝修唔錯嘅日本餐廳， 一於入去試吓啦！ 《終極壽司拼盤$ 298 配湯&燉蛋》壽司拼盤，一共12件壽司，好豐富。包括有吞拿魚、蟹腳、牡丹蝦、海膽& 三文魚籽等等。牡丹蝦鮮甜無比，爽囗彈牙，連蝦頭都多蝦㗎！海膽好鮮甜， 味道甘香， 正！ 推介大大條嘅鰻魚壽司， 鰻魚厚身多肉，又長，配上燒汁惹味， 太好食呀！仲有配埋湯&香滑茶碗蒸蛋就Perfect 啦！《吉列生蠔烏冬》，生蠔炸得香脆， 配上檸檬汁，味道更加清新，好食！ 外賣仲有八折添， 下次開party可以試吓order！

假日行街嚟食咗個 lunch嘟一嘟張單嘅 QR code就可以好方便咁落 oder呢度有壽司、手卷、魚生丼甚至烏冬同小食選擇夠哂多呢 🍣 每枱都有哂餐具同綠茶粉等等櫈下面又有籃放袋坐得好舒服見小朋友有 high chair 坐服務真係一流 👍🏻 【三文魚親子丼】因為朋友鍾意三文魚點咗呢個三文魚親子丼魚生嘅份量超豐富！係鋪到滿哂㗎 🤩角切嘅三文魚好肥厚鮮甜三文魚籽飽滿鮮味魚生丼一樣用上赤醋飯成個丼都好好食 【火炙壽司拼盤】除咗單點嘅壽司仲有好多款唔同嘅拼盤啱哂選擇困難嘅我，哈哈呢個火炙壽司拼盤有 5 款壽司有火炙芝士蝦、左口魚邊、吞拿魚、三文魚同魷魚最鍾意火炙左口魚邊嗰種油香 😋而魷魚壽司就口感爽彈 【三文魚手卷】手卷嘅賣相唔錯係成條都有三文魚唔係剩係放喺面好足料 😍

餐廳好大入座唔需要排隊。俾男朋友洗左腦記住左間餐廳叫大和田🧑🏻‍🦲😑🔴🟠🟤三色丼 $188 三色丼的碗有兩種，一種白色和風一種青花瓷，我們的是白色有花紋的碗，但掛住食無留意有花紋的一邊面對男朋友，然後我只拍到白色的碗🤦🏻‍♀️打卡度大減！三色丼分別係吞拿魚茸飯，海膽飯，同埋蟹膏蟹肉飯。海膽和蟹膏也很甜，美中不足係吞拿魚冇乜味，如果佢係魚粒可能會有咬口一點。🍣🐟三文魚親子丼 $118三文魚同三文魚子非常新鮮冇腥味，呢個價錢食到大大碗真係好抵！飯是黐黐有咬口的。個人認為親子丼比三色丼性價比更高！最後埋單要加一，共337元食到一個午餐。強調本人係真金白銀俾錢食的。

在尖沙咀嘗試這家餐廳，它很好，所以我認為食材是一個很安全的。 事實證明可以。我們點了金槍魚碎飯和烤鰻魚飯，金槍魚份量不錯，但沒有我以前嚐過的那麼新鮮和美味； 烤鰻魚一般，因為它充其量只是溫暖的（我在嘗試我的冷金槍魚飯後嚐過它，請注意）。 唯一熱的是配菜蒸蛋和湯。我點了三文魚壽司和螃蟹和扇貝飯碗。 三文魚無味且不新鮮。 壽司配有糙米，這並不像預期的那樣。 我認為三文魚的質地是壽司店的一個很好的指標，表明這家餐廳屬於一般級別。 蟹肉扇貝蓋飯，蟹肉夾雜著假蟹肉，扇貝太軟。 它配上與三文魚壽司相同的糙米。 有其他選擇不會選這家餐廳，你應該去更正宗的地方。

《匠心日式料理🇯🇵》———————————————-#十和田 🍣-一直都好想食呢間日本料理小店，早排終於同朋友一齊去咗食！-作為總本店，佢由擁有20多年經驗的日籍壽司師傅主理以最傳統既日式手法處理時令食材😍 裝潢精緻，具日本特色風味，食完更加掛住日本 🇯🇵-餐廳菜式以刺身、壽司、丼飯及燒物等為主，食材每天由外國空運到港，非常新鮮～刺身新鮮嫩滑，海鮮丼上面佈滿海膽、帶子、油甘魚、三文魚籽、海蝦同吞拿魚蓉，超級足料豐富，夠哂豪華嘅赤醋飯十分出色，酸度適中易入口，完全係大加分！😆-壽司亦係相當經典嘅招牌，火炙壽司拼盤完全超哂班，包咗左口魚、三文魚、芝士蝦、魷魚同吞拿魚，當中我最推薦吞拿魚！因為喺香港搵到呢個level嘅魚生，真心唔容易🤩-另外朋友再揀咗三文魚三味，三文魚壽司、薑伴三文魚壽司同火炙三文魚壽司鮮味十足，簡單得嚟好考食材嘅鮮味🥰-⭐價錢參考：（另收加一）海鮮丼：$198三文魚三味：$38火炙壽司拼盤：$108🍌抵deal 指數：8/10💰人均消費：$190

一入門口已經坐滿哂人既店😨落單以QR Code形式相當方便；氣氛環境都似去左日本咁☺️所有壽司仲以赤醋黎整！總共點左五樣野食都好好味！鰻魚飯 $98大大件鰻魚配埋珍珠米又入味又飽肚蟹肉蟹膏手卷 $68超級足料配搭 好多蟹膏 蟹肉連底都有 絕不馬馬虎虎茶蒸蛋 $28料唔算多 有蟹柳同冬菇 但勝在夠滑🤤吉列炸蝦卷 $78即叫即整 勁香口勁脆 魚子粒粒食出有聲 好新鮮☺️火炙三味壽司 🍣$78三款生既壽司都好滿足好新鮮好味😋

餐廳以木系和風設計為主，簡潔乾淨。之前食過火炙魚生丼及壽司都唔錯，時隔兩年再食估唔到仲保持到水準！落單係scan QR code，仲有埋食物圖，有好多款壽司、刺身及丼飯等選擇～❀ 三色丼不但賣相精緻吸引，味道都唔錯～三色丼有三款口味，分別有吞拿魚腩蓉、海膽及蟹膏蟹肉，可以一次過食晒唔同款。全部用上赤醋飯，香醇柔和，微酸既味道更能突顯食材既鮮味，飯粒軟硬度適中。味道由淡至濃食起～✧ 吞拿魚腩蓉丼飯有滿滿既吞拿魚蓉，質感軟滑，入口即溶，表面灑上蔥及芝麻粒，令味道更香～有驚喜係三款丼內都有配埋紫菜及粉紅色既櫻花魚鬆，香甜鬆化，令味道更有層次！✧ 海膽丼都算新鮮，食落好creamy又無腥味，入口即溶，如果份量再多d就更好～✧ 松葉蟹膏蟹肉丼味道最濃郁，一上枱已經被份量好多既蟹膏及蟹肉所吸引～蟹膏濃香，加上鮮甜既蟹肉絲，食得好滿足～ ❀ 火炙壽司拼盤之前試過依間既火炙丼好出色，今次試埋火炙壽司先！拼盤有五件壽司，包括：芝士蝦、左口魚、三文魚、魷魚及吞拿魚。魚生經火炙後，油脂香溢出，齒頰留香。當中最鐘意係左口魚及魷魚，前者魚油香突出，入口即溶，而後者鮮甜爽滑，唔會韌

十和田之前已想食很久了,今次朋友終於有時間同我去食.想食原因係因為佢地既飯不是就咁白色, 是添有近豉油色的混在一起,很特別,食下去又不會太咸.今晚我地點了三個款,全部都有飯的.有鰻魚飯,三文魚三味壽司同埋火灸左口魚邊DON鰻魚飯熱乎乎的鰻魚一大條,兩人分半都有六件食,再配上熱熱的飯,很美味.三文魚三味壽司有火灸啦,芥末,薑末都各放在厚切既三文魚上,再配上有色飯團,好有口感,配上少少豉油去食便可以了.火灸左口魚邊DON呢個係我大愛之選,入口即溶既左口魚再加上超級新鮮海膽,朋友都讚,好食,最緊要新鮮呢.YUMMY

《三色丼》（$188）分別有香蔥吞拿魚蓉、海膽及松葉蟹肉蟹膏三款口味，外形小巧可愛，細細個好的骰🤪 味道都十分不錯！壽司飯用左赤醋飯，非常欣賞👍🏻每一啖仲好有煙韌添🤤 吞拿魚蓉份量十足，好香好好味，海膽好creamy 亦唔腥，但未算好鮮甜，蟹膏一樣好香好creamy，蟹肉亦好足料。三色丼一定係必叫菜式喔～《火炙壽司拼盤》（$108）有三文魚、芝士蝦、左口魚、墨魚及吞拿魚。一樣採用左赤醋飯，火炙過既魚生油脂香味更濃，份外滋味！當中左口魚最好味，入口即化😍墨魚亦非常爽口彈牙，完全唔會太韌。

之前嚟食過幾次 有人已經嘈住一定要同佢嚟食一次🤣十和田的確係我常到嘅日本餐廳之一 貪佢多選擇 每次嚟都會揀到唔同嘅野食❣️◾火炙左口魚邊丼勁多左口魚邊😍火炙燒過將油脂迫出嚟 望落已經好靚仔 充滿油脂香 食落都係好香 口感好軟稔稔😋最驚喜係旁邊個有海膽小山 而且勁新鮮 真係超正超滿足啊呢個◽壽司類鰻魚壽司/火炙帆立貝壽司/火炙三文魚壽司/三文魚三味壽司/吞拿魚細卷個人最鐘意嘅 第一一定係鰻魚壽司❤️壽司嚟講呢個鰻魚算係好肥美 蒲燒過令香味更突出 表面脆脆地入面就好嫩 另外帆立貝好厚身好大隻 而三文魚三味 分別有火炙三文魚/三文魚配薑蓉同三文魚配生葵 三款嘅感覺都會有唔同 仲要三件都係魚腩嚟架🤤◾吉列生蠔本身唔鐘意食蠔嘅朋友 都鐘意食呢個啊🤭吉列夠鬆脆 最主要係入面嘅蠔唔會腥 配埋日式燒汁仲可以減低炸嘅膩感Wow~呢餐都算好豐富啦 好滿足❣️差啲漏咗我仲叫咗萬歲樂加賀梅酒 梅味好香 入囗乾身 都幾唔錯架🥃

一直聽同事講尖沙咀"十和田" 好掂 ，而家天氣熱唔想食熱食，食日本嘢就岩晒， 今日係附近收早就約左同事試下。間嘢喺尖沙咀地鐵站行過去， 大約5至7分鐘路程。舖頭防疫措施都幾嚴謹，而店既裝修都算乾淨企理，我自己就叫左個"黑松露鯛魚刺身丼"， 而同事就叫左個"三文魚親子丼" ，等左一陣，好快三文魚個份就到左。*三文魚親子丼 $118 *同事份"三文魚親子丼"真係嚇親我，因為真係超多厚切三文魚，而且賣相好好👍🏻，三文魚顏色真係好鮮色🍣，睇得出係新鮮既，我偷食左同事個份幾啖，三文魚厚切之餘，肉質仲好結實彈牙，三文魚子都好大粒同多汁，配日本飯食真係一流。*黑松露鯛魚刺身丼 $108 *唔知係咪三文魚個份太出色，相比起我個份"黑松露鯛魚刺身丼" 就略嫌普通左少少，鯛魚感覺就薄左少少，份量少左令到我好快食曬魚但飯都未食曬，不過黑松露醬撈飯都幾香架。另外個餐附送麵豉湯同茶碗蒸，茶碗蒸都幾好食😋

往年沒有疫情時都會抽時間結伴去日本品美食看風景，現在只能在香港到處找日本餐廳食！今天下班約朋友到尖沙咀金馬倫中心地下的“十和田”日本料理一吃為快！小店裝修的很雅致很環保，明亮寬敞舒適，連座椅都是抹茶色，一看就是日式風格。火炙牛肉湯烏冬，賣像不錯! 牛肉質細嫩軟爛，味鮮香濃！烏冬面滑溜有型，入口彈牙！加上清淡鮮美的湯底和娃娃菜、小青菜、海帶及香蔥，吃起來口感很舒服！雜錦魚生丼，應該是他們家的招牌菜吧！滿滿一碗豐富多樣的生鮮食料，有魚仔、三文魚、吞拿魚、帆立貝、八爪魚、青瓜粒、蛋粒等，每一塊都好新鮮入味，沒想到一次就能吃到多種口味的生魚，再配上用豉油拌好的油韌米飯，真的是很有特色的生魚飯，性價比極高！三文魚三味壽司~三文魚肉色澤新鮮肥美，口感細膩嫩滑，其中一件是火炙的，更別有一番滋味！我們兩人食完不到HKD300，非常飽肚，平日夜晚用餐的人座無虛席，CP值极高！