十和田總本店

營業中

休息中

呢間餐廳其實一向見到佢OpenRice都有好多好評 一直都好想試但係都冇機會今晚老公話去嗰度食 放工即刻衝去啦由於我一直都係心儀佢嘅丼飯 所以雖然佢有好多唔同嘅選擇 尤其壽司 但最後我都揀咗兩個丼加杯sake 我揀咗火炙左口魚邊丼由於佢係QR code電子落單 好細心可以揀走薑走蔥少飯一見到賣相就已經流晒口水 除咗左口魚邊之外原來仲有海膽添左口魚邊經過火燒之後迫晒啲油份出嚟 好香好好食 完全係我預期中嘅味道海膽好鮮甜一啲都唔腥唔苦 仲好凍 感覺係一拎出嚟即刻俾人食 放心啲👍🏼另一個飯係三文魚親子丼厚切大粒嘅三文魚 真係好有口感 配合買粒粒都好令嘅三文魚子 睇得出佢真係好新鮮好想讚呢度嘅魚生份量好足夠 唔會話得返啲飯食晒啲餸同埋佢呢度啲飯係啡色 相信係用咗赤醋 味道就冇分別嘅不過好有特色兩個丼飯飲埋杯sake 已經好滿足喇下次有機會要試埋佢啲壽司先😙😙

據說呢間係性價比極高嘅壽司店✨又成日都排曬長龍，唔知越多人排嘅餐廳，係咪越好食架呢🤤今日真係要試試新野喇！✨此文並不是試食活動之食評，乃自費晚餐，故不會剔試食活動。———————————————#🍻🍖 質素：✨呢到嘅壽司飯係選用左赤醋飯🤤唔係間間壽司店都食到架，仲要醋嘅份量都控制得幾好👍🏻食落香濃但唔會over左🍱北海道凡立貝松葉蟹丼｜$148呢款丼飯嘅材料有｜凡立貝·蟹肉·三文魚子｜同埋其他配菜。🙈唔好以為啲蟹肉淨係鋪左薄薄一層係面🤤蟹肉嘅份量超多，分分中同飯嘅量係1:1咁👍🏻凡立貝又甜又厚，真係啖啖肉咁🍱三色丼｜$188呢款丼飯分做3份迷你丼｜吞拿魚蓉丼·海膽丼·蟹膏蟹肉丼｜唔好睇呢3份細細份，🙈其實都幾飽肚，而呢個蟹膏蟹肉丼會比上一款丼飯更重蟹味，蟹肉都好似鮮甜多少少咁。仲有仲有！呢套丼飯一次過滿足左我3個願望😻真係好正啊✨🍣平成卷｜$148呢款壽司嘅材料有｜吞拿魚蓉·海膽·三文魚子·青瓜·芝麻｜不得不讚🥰啲魚生好新鮮，☑️有色澤☑️鮮甜，呢個價食到咁高汁嘅壽司真係好抵✨———————————————🐷豬頭評分：✨推薦評級：❤️ 評級9 ❤️推薦評級參考：👇🏻👇🏻👇🏻👉🏻1-10分👈🏻👇

位於尖沙咀金馬倫道，開咗都一段時間嘅十和田， 聽講呢一度嘅食物高質而且價錢唔算貴性價比非常之高😍今日終於都有機會嚟試吓🤩🤩三色丼$188貪心而我就揀咗呢一款三色丼，賣相非常之的骰，有三種唔同口味嘅刺身丼🤩而所有壽司飯都係用上黑醋松葉蟹肉加蟹膏丼分量非常多！蟹膏口感綿密濃郁😍 配上清甜嘅松葉蟹肉，非常配合香蔥吞拿魚腩丼使用吞拿魚腩嘅位置，脂肪較為豐富，肉質更為肥美香滑，蔥花更加突出左吞拿魚嘅鮮味海膽丼海膽新鮮鮮甜😋穴子丼108穴子又稱海鰻/星鰻，海鰻比起鰻魚嘅脂肪較為少，但肉質更為細嫩滑口，口感綿密三文魚三味壽司$38三款唔同味道嘅三文魚壽司，我自己最喜歡嘅就係火炙三文魚壽司🍣 火炙後嘅三文魚魚油更香

星期一跟同事去尖沙咀出差，又到午飯時間，上次去完金巴利道，今日就去金馬倫道嘅十和田總本店食日本菜。 而家d餐廳已經好先進， 好多都可以用QR Code點餐， 可以慢慢睇， 又唔怕漏單，十和田亦都一樣， 餐廳目測有兩部份， 吧枱同普通2-4人枱。 吧枱應該係Omakase, 其他就係正常點餐。是日午餐午市壽司套餐(配湯)黑松露鯛魚丼(配蛋，湯)午市壽司套餐有十件， 有三文魚，吞拿魚，鰻魚，魚子等等。 壽司飯已加醬油，所以點少少wasabi 已可帶出壽司鮮味。 而且海鮮夠新鮮，入口有魚油的香味， 精彩。 最精彩係件帶子壽司， 超級大隻同埋鮮甜， 正。黑松露鯛魚丼， 蒸蛋，蒸得剛剛好， 又香又滑， 味道好。 主菜黑松露鯛魚丼， 每塊鯛魚都有少少黑松露。黑松露係非常搶味， 所以放少少就已經足夠。 我就食得比較麻煩， 先試一塊無放黑松露的，鯛魚新鮮，有魚味加鮮味， 好似去左日本食海鮮咁， 之後再試一塊有黑松露的， 味道完全唔同， 黑松露夾鯛魚又係另一種口味。 今日午餐非常滿足， 價錢亦算合理， 可以再返轉頭。

開sem喇！上堂前真係要食餐好先開心，所以黎左尖沙咀十和田食壽司🤤。呢間餐廳係scan QR code落單，夠晒方便！我同朋友就叫咗兩個lunch set。🍗唐揚炸雞湯烏冬（配壽司）（$78）不得不說呢一個lunch set真係勁豐富而抵食！炸雞有四隻，隔離有一大Pat沙律醬，大大碗湯烏冬。最令我驚喜嘅都係嗰兩舊壽司，霎眼睇都以為普通，原來塊三文魚勁厚肉又新鮮，放落口超滿足。🍣午市壽司套餐（配湯）（$98）一共十件壽司，同樣，刺身每一舊都係超厚肉，非常新鮮，熟蝦壽司竟然係有兩隻蝦。$98嘅lunch set，除翻開一件壽司$10都唔洗，仲要有麵豉湯飲，cp值極高！！！呢間舖頭距離尖沙咀B2出口步程唔需要3分鐘，地理位置方便，環境光猛舒服，非常值得一試。

十和田總本店聽人講呢間好好食，今日終於有機會試下😼蟹肉蟹膏手卷蟹柳手卷蟹膏入口就有好濃香嘅味道，而且份量好足，蟹肉好鮮甜，而且入面嘅飯本身調左味，個人覺得CP值幾高，好食👍🏻 至於蟹柳同樣好好食，配埋飯都唔錯😋至於壽司就叫左生松葉蟹腳，蟹膏細卷，蟹棒同火灸三文魚🍣松葉蟹腳好有鮮味！食落口有好重嘅海水鹹味，好鮮甜，食得出非常新鮮👍🏻至於蟹膏細卷，同樣蟹膏味好出，香味喺口到爆發，鍾意食蟹膏嘅一定要試吓。而且蟹膏份量好多，好足料😋至於火炙三文魚味道都唔錯，火灸後都有三文魚香👍🏻我同朋友分別叫咗秘製豚肉湯烏冬，同埋火炙牛肉湯烏冬兩款烏冬嘅湯底都非常之夠味，好重豚肉同埋牛肉嘅味道，好入味，烏冬都係種彈牙同好滑身嘅質地，配埋湯入口真係好好食！而豚肉食入口一啲都都唔老，比較滑身，一咬就開，份量亦夠多，值得呢個價😼 火炙後嘅牛肉同樣香味特別重，一嚟到聞到就好香，有兩大塊，食入口都係唔老，好好食。總括嚟講覺得呢間算係壽司舖入面質素高👍🏻覺得如果食壽司太多有啲厭嘅話可以食烏冬飽肚😋

還有點夏風就食個日式lunch，想試下十和田好耐。之前晚餐成日都有人排隊，今日lunch都近坐無虛席。三文魚親子丼 $118三文魚片份量都唔錯，三文魚嘅厚度都中等！三文門鮮味同油脂感夠油，帶飯丼飯除咗有壽司醋嘅味道之外，就係三文魚啦！再加上有蟹籽，加鮮外仲脆油口，好鐘意飯粒混住蟹籽再加少少醬油。好多時食丼飯可能會乾身d，但一有蟹籽就帶d濕汁。再加上重點佢嘅壽司飯係已經本身混合醬油，濕而不過咸！加讚！北海道帆立貝松葉蟹丼 $148帆立貝厚度pass！同匙羹一樣厚！先食漬蘿蔔同薑開胃！再食帆立貝刺激味蕾同「淡口」d。加芥末醬油加加口飯，大大口。芥末係新鮮磨，真芥末香辣！松葉蟹永遠可以份量更加，超鐘意！一絲絲一啖啖蟹肉就係爽！就係正！海水味有，咸度唔重，都ok！佢哋仲有一個小心機係喺啲蟹肉嘅角落加咗紅糖帶蟹味！就算依個蟹唔醬油配三文魚籽配飯食，覺得濕潤之外同重點三文籽爆籽用自身既油帶蟹味！之後飲自己調淡濃度既抹茶，肥哂又唔油！

有時放假外出，午餐更加會用心選擇!🥳呢一日禁岩去到尖沙咀，真係好多唔同菜式同餐廳可以揀呀!😌老公一直好鍾意食日本🇯🇵菜，所以決定搵下日本菜呢!剛好行過見到十和田總本店🤩環境感覺舒適，決定試下先!-我們分別點了香蔥吞食魚腩丼🍚同鰻魚飯🍱，再追加了三文魚三味壽司🍣首先上桌的係三文魚三味壽司🍣手握壽司的質素，現在刺身、火灸等不同的三文魚🧡💛絕對係滿足的!-其次到的是老公點係鰻魚飯🍱，大大條的鰻魚配上醬汁，絕對係下飯的好選擇!好食又惹味!💯-最後的是我點的香蔥吞食魚腩丼🍙 ，壓成蓉的吞食魚腩配上香蔥🥢，清新開胃，好新鮮，而且味道平衡! 值得一提係吞食魚腩的份量十足，絕對唔會唔夠!🥣而且飯的量都好足夠! 男士都會夠食呢!🎉-價錢合理的午餐，是尖沙咀日式午餐不錯之選呢!🎀🎎

平日收工見佢好多人排隊但今日接近收工時間 等都唔洗等就直接去食餐廳用qr code下單 非常方便上菜速度亦十分快1.貝類壽司拼盤出色的 幾鮮味 而且壽司用左醋整食既醋飯 其實唔加豉油食完全冇問題2.甜蝦刺身夠凍 冇腥味 都幾好 平日食好多地方做甜蝦都好腥但呢到冇 而下面亦鋪左海草可以食 唔似其他餐廳用冰 而且蝦頭既膏都好味 可見品質管制好好3.三文魚子壽司略嫌失色 有小許腥不過都還好吧4.火炙壽司拼盤略嫌普通 不太出色沒有特別總結來説 職員十分有禮 收錢上菜都非常快

剛剛和太太準備去一間評價超高的日本壽司，價錢不是平的那種，好平有超過九百多，本身開開心心去食壽司，點知一上熱水時，熱水煲下面爬出了小強，爬上枱面周圍走周圍走，簡直目不暇給，驚魂七魄！同台身邊的人也比巨大的小強嚇死！打算轉枱坐錯，怎麼知道又來一隻大小強！無限草泥馬差點沖口而出！一間買壽司賣生的食肆怎麼可能這麼多小強呀！ ！幸運地，我們看見的小強在枱上爬，而不是在壽司上爬，更難想像是，在你口中到翻滾。我不是英雄，但看見這樣情況令人難以接受！定必報食環署，拯救可能將會滿肚是小強寄生蟲的人類！

位於尖沙咀的壽司店十和田總本店，由擁有20多年經驗既日籍壽司師傅主理。餐廳主打刺身、壽司、丼飯同燒物，人氣同性價比好高。餐廳係採用tablet落單，每款食物都附實物圖，非常方便易明。🥢超特選壽司拼盤壽司飯加咗赤醋，特別好味，比一般既白米醋飯有更柔和既酸度、味道更香醇濃郁。配上油脂豐富的魚生，味道更有層次感。魚生非常新鮮特別係牡丹蝦同拖羅。🥢三色丼三色係指松葉蟹肉蟹膏丼、香蔥吞拿魚腩蓉丼同海膽丼，將三款撈埋一齊食就最鮮味，味道更豐富。

見到呢間餐廳都🔥左幾耐下，俾佢個超級可愛嘅三色丼吸引左😂嚟試下先🤗🔺海膽：日本馬糞海膽，沒腥味，嫩滑鮮甜，好味🔺松葉蟹膏蟹肉：啖啖蟹肉好鮮甜，蟹膏好香好creamy, 兩樣一齊食仲可以令味道更鮮甜😋正👍🏻🔺香蔥吞拿魚腩：魚蓉軟綿幼滑，份量幾多下，但魚脂較少呢個丼超大碗呀🤩超多蟹肉，啖啖蟹肉好正，好鮮甜😝而帆立貝都好新鮮，食完好飽呀三種味道都幾好食，三文魚都幾肥美，油脂ok😛💫我覺得呢間餐廳d食材都幾新鮮，相對都幾高質，抵食👍🏻個三色丼可以一次過滿足曬三個願望😋👻打卡都幾靚😍而佢所有飯底都有加左少少醋同埋有少少調味，幾好😝

味道：⭐️⭐️⭐️⭐️過江龍人氣壽司店 由日本籍壽司師傅主理🇯🇵食物質素絕對有保證👹❶ 火炙魚生飯 $138呢個丼飯一次過可以試晒唔同嘅火炙魚生🔥有齊三文魚、吞拿魚、穴子、帆立貝…同埋對於唔太習慣食生野嘅小編來講係一個好好嘅選擇✔️火炙燒過嘅魚生介乎生熟之間🎇入口充滿豐腴既油香🤤加埋焦香嘅表面實在太邪惡😈❷雜錦魚生丼 $108.0既然係雜錦 魚生嘅種類就梗係好豐富😻有三文魚、油甘魚、吞拿魚、帆立貝、八爪魚…魚生厚切得黎又好新鮮🍣就算食都底 每口飯都仲有魚生🍚❸蒸蛋 $28.0入口滑溜 充滿蛋香🥚入面仲有仲有冬菇、鳴門卷、蟹柳🍥非常豐富🌟

放工出尖沙咀食飯真係好方便，選擇亦多✔️ 記得之前每每經過金馬倫道都比佢門面吸引，以和風木色裝修，內裡光猛企理嘅感覺，今晚一於試吓先😉八點嘅時間，餐廳都係坐滿嘅客人，外賣嘅生意亦不絕，能夠屹立喺尖沙咀，應該有佢嘅過人之處🤗三色丼 $𝟭𝟴𝟴應該算係招牌丼之一，三款丼整齊排列好啱哂打卡之餘📸️‼️仲可以一次過試哂吞拿魚、海膽、🦀松葉蟹蟹肉蟹膏，裝得滿滿嘅丼飯令人大滿足🈵穴子丼$𝟭𝟬𝟴同樣地份量依然十足☑️ 穴子炙燒後散發嘅油香，真係令人🤤丼飯係壽司醋飯夠哂味，加啲𝙬𝙖𝙨𝙖𝙗𝙞就已經好好味👍🏻

想食日本野 經過十和田見唔洗排就決定入去食過early dinner 因為唔係太肚餓就叫咗啲小食同埋一個丼飯同朋友share個海膽蒸蛋好好味 d海膽好新鮮 都有幾塊海膽 一啲都唔吝嗇炸明太子雞翼 炸得啱啱好好香脆 入面d明太子唔會過鹹佢個炸蝦卷嘅飯係溝咗醬油既之後入面隻炸蝦好脆 食得出係好新鮮炸起嘅佢個吞拿魚腩蓉係超級多 d飯亦都好多 佢有得揀少飯 勸大家揀少飯好了 真係太多 敗筆既係d吞拿魚腩蓉無乜味 唔夠香 見到隔離枱食燒左口魚邊丼 下次會想試下