十和田總本店

營業中

休息中

🍣呢間係尖沙咀嘅日本餐廳由開業至今都成日有人排隊 今次終於去試下係咪真係咁正 當晚同樣係滿座🥢火炙魚生飯$138餐牌寫係秋季限定 雖然唔知點解 魚生超足料 種類好多 有三文魚，左口魚，帶子， 吞拿魚，牡丹蝦，穴子，三文魚籽。三文魚同吞拿魚都好厚切 肥美 ，刺身經火炙後油脂味更香👍🥢鰻魚飯 $98鰻魚飯性價比真係好高 鰻魚好厚肉 而且好大條 上到枱面先捌開盒蓋令鰻魚飯保持到夠熱鰻魚食落唔會太膩 配鰻魚飯同鰻魚汁食 好正😋🐤炸雞件 $38炸雞炸得好香脆 入面雞肉保持到嫩滑juicy 一口一件🥚茶碗蒸 $28蛋好滑 配料都好齊 有嗚門卷 蟹柳 菇 雞肉 不過如果再熱d更好🇯🇵餐枱上仲有我最愛嘅抹茶粉沖茶 濃淡可以自己決定🇯🇵整體食物質素都出色 而且性價比都高 下次黎試埋壽司先

OK概係刺身 不過有啲解凍唔夠 吉列蠔都OK其他麻麻😵唔記得係唔係叫三色丼 海膽一般啦拖羅蓉OK 除左有啲筋蟹肉一般般 不是我口味最唔掂係加州卷 啲飯有啲醬油色 整體有啲怪味 唔知點形容

一向鍾情於日本嘢食，見到壽司就會雙眼發光🤩，仲要俾我見到我鍾意嘅刺身食材配搭，又點可以唔試吓呢🤤·—·三色丼（配湯、蛋）有齊曬三種我最鍾意既刺身配搭😍——🦀蟹肉蟹膏：滿滿既蟹肉，蟹膏鮮味濃郁配上蟹肉淡淡海水味、💛海膽：鮮甜肉質飽滿，食落口口感好Creamy、🐟蔥吞拿魚蓉：分量滿滿的，配埋蔥同芝麻味道好夾👍🏻壽司米係醋米，好夾好有口感🤤·帆立貝松葉蟹丼（配湯、蛋）松葉蟹份量滿滿的😍，帆立貝肉質滑嫩，色澤新鮮，配埋係醋米既壽司米，真係好好食😋·麵豉湯會有誠意，唔係沖粉果隻☺️配料都唔少，加咗香菇、白蘿蔔，好有口感👍🏻·蒸蛋好有味道🤤最鐘意滑嘟嘟好似布甸口感既蒸蛋，配料有日本魚片，香菇，白果👍🏻·—·

📍十和田總本店 📮尖沙咀金馬倫道42號華懋金馬倫中心地下.兩小口襯weekend放假決左對自己好啲, 出尖沙咀食個靚lunch獎勵下自己😙.餐廳位於尖沙咀金馬倫道, 仲係一間地鋪, 非常方便.星期一至五serve lunch set, 而星期六/日/公眾假期就會係單點😌餐廳使用電子Menu, 掃一掃個QR code就睇到Menu, 既環保又易睇, 值得一讚.三色丼 HKD188三文魚三味壽司 HKD38北寄貝壽司 HKD38三子魚子壽司 HKD28最吸精莫過於三色丼, 包括松葉蟹肉蟹膏丼, 海膽丼同香蔥吞拿魚腩蓉丼🙃精緻小巧, 岩晒心大心細唔知食邊款好既朋友, 一次過可以試晒三個唔同口味.想簡簡單單食下壽司食下丼飯, 又要價錢經濟實惠, 地點方便就腳, 十和田係一個唔錯既選擇.整體環境：👍🏻👍🏻👍🏻👍🏻食物味道：🤤🤤🤤🤤服務態度：🕺🏼🕺🏼🕺🏼🕺🏼物超所值：💰💰💰💰回頭基率：💨💨💨💨.#nonstopeatingdiaryjapanese #nonstopeatingdiary日本菜 #nonstopeatingdiarytsimshatsui #nonstopeatingdiary尖沙

一相走天涯鬆葉蟹飯，除左上面滴魚籽，酸姜同芥末之外，其他都唔好食，五知自己食緊咩。帶子唔新鮮的感覺，鬆葉蟹無蟹味，仲時不時有殼，咬落唔舒服又唔敢吞。個醋飯無飯味，總之係一個失望的晚餐。

今日lunch 出咗去尖沙咀做嘢，突然間好想食壽司就行咗去金馬倫道十和田總本店Lunch Set 揀咗最平的壽司套餐，$98 有八貫壽司、3件卷物和味噌湯，可惜冇我鍾意嘅海膽。壽司盛賣相唔錯，食得出用料比較新鮮。最愛魚子壽司新鮮冇魚腥味，另外其他不過不失。不過唔知點解，可能係鮮磨嘅關係，我覺得Wasabi無咩味道，沒有平時那份清香。Lunch性價比高，唔使$100食set lunch好抵，環境也坐得比較舒服。

🌝北海道帆立貝松葉蟹丼 $148一共有三片厚身嘅帆立貝，整個飯面都鋪上松葉蟹，上面仲有粒粒晶瑩剔透嘅魚子，望落去勁豐富好足料！撥開配料後見到啲飯混入左赤醋，令到成個飯唔會太單調😛所有嘅刺身都好新鮮，最緊要係帆立貝夠厚身，由於配料嘅份量都好多，所以每一啖飯都可以均勻地混入左蟹肉、魚子，好正啊🤤🌝火炙左口魚邊丼 $138左口魚佈滿左成個飯，上面仲有幾片海膽，海膽口感濃郁好新鮮。左口魚係火炙過後更帶出到魚脂香味，而且左口魚屬於厚身，食落口真係大滿足🥰 呢個價錢有海膽仲要咁足料，真係唔會輸❤️貼心位：店舖用QR code落單，喺落單嘅過程入邊可以剔走薑、蔥、芥末既配料。另外佢既飯量都幾多，男仔食唔驚唔夠飽，而女仔食可以係落單果陣可以剔少飯既選項。總結：性價比真係好高！因為佢唔單止好足料，所有食材都好鮮味，回頭指數好高😍 唔怪得之咁受歡迎啦🥰

平成卷 $149 (必點)未介紹我要先講句 好。好。味🥰滿滿既海膽 吞拿魚蓉 再加上三文魚籽做點綴 真係好crazy❣️因為佢既料超高 夾起一定要一口食曬 唔係就會散架啦🤣 海膽唔會腥 好甜 吞拿魚蓉外面一層 入面又一層 真係好正 好好味 而且好中意佢飯既調味 唔洗刻意點wasabi都已經好夠味道 層次超豐富👍🏻〰️北海道凡立貝松葉蟹丼 $148男朋友一路食一路話「好多蟹肉～真係好好蟹肉～正😋」我自己都試咗幾啖 凡立貝超新鮮 好鮮甜 松葉蟹肉真係每啖飯都有架🤣而且蟹肉好鮮甜 加啲wasabi落去更正 又鮮又甜又辣咁😋😋😋💛火炙魚生飯 $138我自己就食火炙魚生飯 入面有鰻魚 魷魚🦑蝦🦐凡立貝 三文魚等等既魚生 份量好多❣️三文魚有筋有少少難咬😐比起直接食魚生 我更中意火炙過既煙燻魚生 多咗個香味〰️💓同埋有種半生熟感覺 口感同層次豐富好多✨火炙左口魚邊丼 $138朋友嗌的 見佢賣相都好吸引 左口魚邊份量拍得住啲蟹肉🤣又係啖啖都有 而且又係好新鮮 一啲都唔腥架🤓❣️另外仲有我諗三分一板既海膽 完全畫龍點睛〰️💛

平時同朋友行街經過依間舖都見倒好多人喺外面等位。我估應該都幾好食，但係我就未試過。今日終於有機會同男朋友去食下了。今次我地去食晚餐。超上壽司拼盤(配湯，蛋)$268壽司拼盤有多款壽司，包括，赤身，海膽軍艦，6件呑拿魚蓉壽司，玉子壽司赤蝦壽司等，仲有我最愛既海膽壽司。食落啲海膽好新鮮，再細心望下，原來啲飯係赤醋來，都幾唔錯喎。如果一個人食，一定夠飽！另外，我地叫咗個挪威卷（$88）總共有6件，叫得挪威卷，當然就有三文魚啦，外面有一粒粒蝦子包住，好有口感，裡面有青瓜，好爽。依個又唔怪喎。最後，我就食埋個茶蒸蛋同面鼓湯。真完滿了。

十和田總本店香蔥吞拿魚腩蓉丼 $118吞拿魚腩蓉份量超多, 澎湃到似肉餅咁仲多過飯, 雖然未到好富油脂, 但都算鮮味, 一d 都唔腥加埋調味過嘅赤醋飯同wasabi 幾好食, 美中不足係口感上飯同魚蓉有d 偏黏.穴子丼 $108穴子係鰻魚個fd, 不過生長環境唔同, 穴子size 較細條, 天生油脂含量無後者咁豐富, 不過肉質就更細膩軟腍用左同鰻魚類似做法, 澆上微甜日式醬油, 都幾好食.lunch set 附送日式蒸滑蛋同味噌湯. 個蛋好滑溜, 仲有蟹柳白果咁

今日到尖沙咀，特意食黎間特色日本菜，平時經過都睇到好多人排隊，特別是週日，超多人。餐廳是用電子menu，好方便，直接落單就得。黎次肯定要點我最鐘意嘎鰻魚飯啦，大大條鰻魚鋪體飯上，加上醬汁，真是好好味呀我個最愛，冇第二。哈哈…..雜錦魚生飯我朋友點尬，我偷食佐滴滴咁啦黎個好似是十和田噶招牌，睇到好多人點。入邊有好多種類，三文魚🍣吞拿魚，帆立貝，八抓魚等….味道挺不錯👍🏻👍🏻最後肯定要食翻個壽司啦，唔是對唔住自己啦。

次次行過都見人龍，想試好耐，等咗廿分鐘到，都叫不枉此行。1. 三色丼飯👌見個樣好精緻就嗌咗，味道都okay 啦，我本身唔太鍾意蟹膏，不作評價，但啲蟹肉都係麻麻地，個葱拖羅飯就更加一般，冇味。但係海膽好清甜喎，如果再嚟我會淨叫海膽。記住由淡味食到濃味。2. 拖羅壽司👍🏻正啊，好食，不論赤身、中拖、大拖都好香，好新鮮。而我當然最推薦大拖，因為油脂最多 ，入口即溶。3. 北寄貝👎唔得，好臭，食完狂浪口，非常唔新鮮😞4. 佐口魚👍🏻不錯，可以一戰。5. 炙燒三文魚壽司👍🏻好食！三文魚我只食炙燒。6. 鰻魚👌一般般，冇乜燒過嘅嗰種炭味，唔係太滿意。7. 蟹子👌尚可，可能因為我本身就唔鍾意食蟹子。整體體驗都唔錯，又唔係貴到好離譜，下次嚟我會主戰拖羅同海膽，其他就可免。

香港人既你有幾鍾意食壽司?我對壽司、丼飯既要求好高，所以好小成日周圍試，覺得最好食都係要去日本。呢間日本菜餐廳我成日經過，上Openrice先知佢係人氣Top 10高既日本野，成日食隔離個間龍門冰室，今次終於有機會試呢間。十和田總本店係尖沙咀超人氣壽司店，由20多年經驗既青森縣資深日籍壽司師傅主理，食材都係由日本空運抵港，用江戶前傳統壽司製法，利用酒粕發酵既赤醋飯，飯粒呈琥珀色，比白米醋飯更加有酒香豐醇，提昇魚生既鮮味。餐廳紮根金馬倫道多年，甚具人氣，被譽為香港既美登利。平日夜晚7點幾去到，餐廳差唔多坐滿，好好彩唔駛等位。餐廳以日式木系簡約風格為主，環境舒適舒服，乾淨企理，不過枱同枱之間距離有啲近，枱唔算好大張。枱面上有日本直送綠茶粉，可以按自己口味去泡製濃度，另外可以聽到播住日本流行曲。呢度係用QR code落單，野食種類唔小，有壽司拼盤、特選壽司拼盤、三味壽司、吞拿魚類壽司、手卷類、刺身類、沙律類、白魚類壽司、火炙類壽司、蝦/蟹壽司、 墨魚/八爪魚壽司、軍艦類壽司、丼飯、烏冬、小食、貝類壽司、魷魚類壽司、鯖魚類壽司、卷類壽司、細卷類壽司、飲品、甜品、其他壽司。-1️⃣ 三色丼 💰188

點樣食推介✨⭐️人氣壽司鋪⭐️⭐️尖沙咀日本菜⭐️十和田總本店 地址：尖沙咀金馬倫道42號華懋金馬倫中心地下🍖海鮮丼 $198 (7.7/10)個丼飯配料多到傻左🙈，有超大pat吞拿魚蓉、勁厚切油甘魚、大大隻牡丹蝦、鮮甜海膽、一堆三文魚籽、仲有帆立貝🤣，我想講碗野可以食飽兩個人，因為佢個底有超多壽司飯，吞拿魚蓉本身已經夠撈勺成碗飯，所以其他餸可以單獨咁食😋，超鍾意佢個海膽，估佢唔到咁甜咁新鮮，佢嘅價錢係反映左係食材質素度👍🏻，全部野都好新鮮好甜🍖火炙壽司拼盤 $108 (7.3/10)個樣望落幾靚仔，不過食落就同我想像中嘅味道差唔多，唔會好特別，但個魷魚幾鮮甜，嚼落都幾漿口，左口魚就係我男朋友最愛，佢就點都覺得好好食，其他個三件就都係個d味～依度d壽司飯都幾特別，全部都係預先用醬油撈過，所以食嘅時候已經唔洗點點豉油🤣回頭指數: 🍧🍧🍧 (滿分:🍧🍧🍧🍧🍧)好坐指數: 🧎🏻‍♀🧎🏻‍♀️️🧎🏻‍♀️(滿分:🧎🏻‍♀️🧎🏻‍♀️🧎🏻‍♀️🧎🏻‍♀️🧎🏻‍♀️）依度真係平日都好好生意，店內環境都ok，係個位有少少逼，比較推介大家食佢嘅丼飯，d食材真係幾新鮮～ 如果黎walkin嘅話就大概要等15-30分鐘🤣

話說寫左咁耐食評，都真係好小去食日本野，今次就趁舊同事聚會去食番餐先~聽同事個家姐講起呢間日本餐廳好似唔錯，今日就黎一探如何~去到鋪面一見係有種日本風情既~擺設同員工既服飾都帶有日本既特式，一入去會好熱情咁講句日文歡光臨（我估係）,餐牌熱茶就即時遞上俾我地睇，而且餐廳空間都幾大，座位都好夠，而且張凳嘅配色好舒服，木色系配淺綠色和風味濃~我想講個重點係佢性價比都算高~喺同區我諗都算係抵食~今次我就叫咗個雜錦魚生飯同埋鰻魚手捲,我朋友就叫咗個味噌牛肉飯，味道都相當唔錯，要讚既係佢啲醬油餅有特別嘅小提示可以令你倒慢啲同埋有抹茶粉畀你沖抹茶~