十和田總本店

營業中

休息中

星期日的晚上，嚟到尖沙咀想食日本嘢，男朋友就帶咗我嚟呢間地舖，性價比高，質素高嘅岀色丼飯。左口魚邊海膽丼飯🤤 $138非常推介，左口魚邊入口即溶，海膽新鮮👍🏼😚呢個價錢，咁嘅份量，讚賞🙌🏼😬，值得一試。火炙魚生飯，每件魚生都厚切，可以話大件夾抵食，全部都幾新鮮。我哋仲叫咗個卷，超級吞拿魚腩飯卷🥰，錦上添花，我最鍾意食吞拿魚茸💗，軟綿綿，入口即溶，唔錯呀😆。總括而言，性價比好高，魚生份量多，而且好新鮮，一定會再嚟。

今日係紀念日，帶住開心既心情去試間新餐廳。叫左北海道帆立貝松葉蟹丼，海膽茶碗蒸，吉列生蠔湯烏冬，幾件壽司。幾件壽司就唔使突出表明，個蟹丼入面有碎殼，生蠔可能時節掛，細到手指尾一節左右，外面層粉漿就厚，最誇張係茶碗蒸個碗，熱都唔熱。其實野食唔突出都算，侍應黑口黑臉，尤其係短頭髮矮矮地果個收銀，埋單全程冇出聲望都唔望人，就咁擺張單係枱面自己睇... 試過就算

上星期嚟咗呢間餐廳食lunch，太耐冇食過壽司，我哋兩大一小，叫左4個餐。小朋友食生薑豬肉飯，味道好一般，幸好佢個蒸蛋滑，搭救。之後，叫咗個午餐壽司拼盤同埋刺身飯，刺身質素高，蝦、三文魚同帶子夠鮮甜。壽司拼盤不過不失。反而最驚喜係最後叫咗三色刺身飯，我食咗蟹刺身飯，料足，好味。

十和田都開左好耐 又超多好評 一直都想試終於有機會試到😎餐廳算大 座位好多 晚餐唔洗等位都入到有分吧檯同普通檯 我地坐吧檯都唔會覺得迫 坐得都OK🤎🧡💗三色丼 💲188原本以為真係每碗都好細但黎到原來都好足料蟹肉蟹膏夠濃、海膽鮮甜、吞拿魚蓉好香一次過滿足曬3個願望 非常推薦大家試呢個🦐櫻蝦牛油果三文魚卷 💲88真係無expect過有咁多櫻花蝦喺面令到咬落口感幾豐富 外面嘅櫻花蝦脆脆地 裡面既牛油果同三文魚就軟林林 食幾舊都唔會好似一般嘅卷物覺得漏🍣三文魚三味壽司 💲42 三款唔同整法既三文魚我最中意係火炙三文魚 魚油真係好香😋📍十和田總本店 Towada Sushi尖沙咀金馬倫道42號華懋金馬倫中心地下

去親尖沙咀搵地方食飯都會選擇困難，見呢間成日都有人龍排隊，心思思又想試下～呢度出名係用赤醋飯，所以我地主打叫左丼飯食🤤三色丼賣相好別緻，用三個細碗分別裝拖羅蓉、海膽同蟹肉蟹膏丼～海膽新鮮得黎個味唔腥，蟹肉蟹膏撈埋赤醋飯食好match👍而我最鍾意係拖羅蓉個款，d拖羅茸比想像中多好多，每啖飯都係滿滿既魚腩蓉超正😋另外個款三文魚親子丼好推薦！佢D三文魚粒份量多得黎又厚切，而且仲係肥美既腩位，夾埋大大粒又新鮮既三文魚子食，完美演繹魚油香味😍呢度既丼飯份量好多好足料，性價比好高！雖然想試壽司但飽到差D食唔晒，要等下次了~

星期日兩位夜晚去咗食early dinner驚會等位所以大約6pm就去到一如以往叫咗一個丼飯同幾款壽司/—北海道凡立貝松葉蟹丼—凡立貝好新鮮蟹肉超多，差啲見唔到啲飯每次來都會叫呢個，Keep到水準-—加洲卷—好中意食加洲卷基本上去到邊間壽司店都會叫來食好大舊好抵食-—炸蝦卷—一如既往係要等耐啲，因為要即刻炸每次上枱都係熱辣辣炸蝦炸到脆卜卜配合沙律醬好夾-—蟹肉三味—蟹膏+蟹柳+生蟹腳蟹膏一啲都唔腥，好易入口生蟹腳都係好新鮮-—炙燒凡立貝—好重炙燒味，但略嫌細舊-—炙燒左口魚—一樣好重炙燒味，新鮮好食/係一間性價比高嘅日式餐廳絕對值得一試！但唯一可以考慮改善嘅係保溫水壺水溫太高要等好耐先飲到第一啖

之前尖沙咀返工果陣成日同同事黎呢間日本餐廳食飯～～性價比高之餘，環境都好舒服！見前排去開尖沙咀，就帶朋友黎食lunch😋😋🍣午市壽司套餐(配湯) $108✨望落好豐富！套餐總共有11件壽司🤩🤩包括有三文魚腩、油甘魚、吞拿魚、帶子、鰻魚、熟蝦、同香蔥吞拿魚腩等～～全部都好新鮮！當中至愛油甘魚❤️❤️口感肥美juicy，油脂香十足！帶子都唔錯，味道鮮甜～～最特別係佢地既壽司飯加左赤醋調味，食落更開胃👍🏻👍🏻🍜火炙牛肉湯烏冬(配壽司) $88✨朋友就叫左呢個烏冬，份量都好多！！牛肉大大塊，肉質軟腍！經火炙後更添焦香🔥🔥烏冬爽彈掛汁，口感煙韌～～另外仲有兩件三文魚壽司，質素都唔錯呢😍😍

//尖沙咀超高質壽司//-#詩食尖沙咀#詩食日本菜-次次一段時間冇食日本嘢都會好掛住拉麵、好掛住壽司呀！每次經過尼間鋪頭都會好想入去試下，咁岩見到無咩人排隊即入去！-👅：吞拿魚三味$128三味分別係赤身壽司🍣、吞拿魚腩壽司🍣同大吞拿魚腩壽司🍣，超級新鮮呀〰️！仲要係厚切，勁有口感。大吞拿魚腩壽司嘅油脂係超豐富，簡直係一大享受😎-👅：火炙和牛$48佢既和牛燒得岩岩好！勁入味！同勁淋好有口感不過價錢略為貴少少🥹-👅：海膽$68（推介）佢既海膽係我暫時食得最好食🥹完全唔臭唔腥，口感仲帶有陣陣既甜味❤️‍🔥仲要份量一啲都唔少！勁想再食🥹🥹-👅：燒明太子雞翼2隻$46不過不失既明太子，正常發揮，唔會係難食，亦都冇話特別超好食！-📍十和田📍

見到好多人介紹三色丼，本來都想試。但見到有鯖魚，仲要有幾款silver skin fish 的壽司拼盤，算係少見。食材尚算新鮮，對得住個價錢。如果鐘意魚味重一點的朋友，真心推介👍🏻鯖魚壽司拼盤 （$238）

朋友約我一齊喺尖沙咀購物➕食飯😁，買完嘢之後我已經行到腳軟😆，路過呢度，唔想再諗，唔想再搵😆，咁就唔再考慮啦，諗住食餐簡單快趣嘅，就入咗去開餐😆好簡單叫咗兩樣食物share：- $188嘅「三色丼」：「三色丼」係 吞拿魚茸丼、海膽丼、蟹肉丼😋，分開三個小碗上，睇落幾 cutie, 都幾啱要嚟打卡😆，我見到好多枱人客都有叫呢個「三色丼」😁- $78嘅「秘製豚肉湯烏冬」：「秘製豚肉」有三塊每一塊都幾厚，有啲豬肉味；烏冬就熱辣辣彈牙好暖胃😋唔使30分鐘就完成咗簡單快趣嘅一餐😆

最近心思思，見疫情回落左，想食返尖沙咀呢間十和田，平時經過，午餐都有好多人堂食，最掛住就係三色丼飯，所以坐低即刻叫咗呢個飯，我覺得二人份量啱啱好，始終女仔眼闊肚窄，食量唔算多，呢三個丼飯嘅份量就非常之十足，佢有三款包括蟹膏蟹肉，鮮甜海膽仲有拖羅蓉。三個來講，我最鍾意就係蟹膏蟹肉，因為攞嚟用撈飯真係好正，今次我做咗個Cross-over，就係將蟹膏蟹肉同拖羅蓉撈埋一齊食，有幾種嘅口感，加強味覺享受！如果拖羅蓉可以加多啲蔥就Perfect！另外我哋叫咗炸雞件同吉列蠔，表面層炸粉岩岩好，唔會太厚，尤其是d雞油由內而外滲岀，好juicy，咸度啱啱好！三色火灸壽司都好岀色，入口即融，左口魚裙邊啖油香停留左係個口入面好味😋而壽司飯已經加咗壽司醬油，可以唔洗另外沾豉油食都得。總括來講，覺得呢一間餐廳嘅性價比都幾高，唔係太貴都可以食到質素高嘅日本美食！

每次經過都見到餐廳大排長龍，今次決定試一試佢係龍與鳳！餐廳位置都幾逼夾，張枱亦比較細。叫咗超特選壽司拼盤，有11件壽司加1件玉子，壽司都幾新鮮，而且飯係用赤醋調味，都幾特別。跟住嗌咗三文魚同埋油甘魚刺身，油甘魚幾新鮮，三文魚就普通啦。當然唔少得嘅係餐廳嘅Signature，三色丼！有海膽，蟹肉蟹膏，同埋吞拿魚蓉。需要碗仔細細，但係每一碗都分量十足，好紮實！食得出用了新鮮，特別蟹膏好鮮甜，海膽亦冇怪味，吞拿魚蓉肥瘦均勻。算係性價比唔錯嘅餐廳。

家姐附近番工已經食過呢間幾次 佢每次必選左火灸左口魚邊丼火灸左口魚邊丼 $138左口魚邊鋪滿, 經火炙過逼出魚油,mix 埋魚賭更香.仲有蔥花. 不過上面嘅海膽就好麻麻, 直接扔走左😂火炙魚生丼另外呢款就岩哂想試哂多款魚生嘅, 每款一件.材料好豐富, 有齊哂三文魚、三文魚籽、穴子、蝦、帶子等等當中三文魚麻麻, 無咩三文魚香.穴子香軟甜, 之前食過穴子丼都覺得好食. 蝦不過不失帶子大粒幾香軟微鮮甜. 仲有魷魚都ok. 反而有款唔知咩嘅白身魚有點腥, 下面呢款有燒吞拿魚都普通因為有幾款魚生先最好食, 所以黎呢度覺得最正都係左口魚邊同穴子, 吞拿魚蓉都ok.

星期日朝早做完運動約左個朋友係尖沙咀食晏，佢話想食日本野就帶左我黎呢間十和田，從朋友口中得知呢度嘅食材係每日日本直送，而且由日藉師傅主理，感覺好正宗👍❤️北海道帆立貝松葉蟹丼 💰1️⃣6️⃣8️⃣賣相精美👍👍松葉蟹舖到滿滿，就黎仲多過底下啲調左味既飯😆帆立貝同三文魚籽超大粒！食落勁鮮味🤤真材實料性價比爆登！👏🏻🎉❤️鰻魚丼 💰1️⃣0️⃣8️⃣應該係即叫即燒所以等左十幾分鐘～黎到既時間熱辣辣😍 最難得係啲飯都係出晒煙的！😵鰻魚厚肉燒得好香，鰻魚汁唔會太膩，配煙韌既珍珠米一流😋朋友果然好介紹！絕對會encore😎

今年朋友友生日又係想去返上年生日食過嘅十和田·上一次嚟食係勁多人等位，好彩今次平日唔係好多人朋友嚟到必叫三色丼，有海膽、又有三文魚蓉、仲有蟹膏蟹肉海膽一睇個色就知道係新鮮，完全唔腥，冇苦味我自己就最鍾意呢個，滿滿的蟹肉同蟹膏蟹膏食完仲感覺回甘， 蟹肉鮮味，而且冇碎殼正吞拿魚蓉鮮味而且份量好多十和田嘅三色丼，真係每次食都覺得下次又係必叫鍾意食吞拿魚嘅朋友又叫多咗一個超級吞拿魚腩卷， 上面有吞拿魚裏面D青瓜食落非常清新最後係有少少眼闊肚窄咁叫埋蟹柳細卷,但係其實已經係好飽, 但係仍然係好食， 飯唔會壓質過實十和田畀我嘅感覺有一點「一期一會」的感覺,係一個慶祝生日嘅好地方