十和田總本店

營業中

休息中

🔺 十和田總本店 (尖沙咀)lunch 黎開tst ,記得呢間d 海鮮丼唔錯，所以再黎幫襯，今次黎食佢地個set lunch, 有d set 會跟麵豉湯，茶豌蒸或者少量壽司～睇下自己中意咩配搭😊🔻刺身拼鰻魚飯（配麵豉湯及茶碗蒸）（$128)刺身有劍魚腩，三文魚，吞拿魚各兩件及一隻赤蝦，魚生都係厚切，冇筋，好鮮甜～另外鰻魚飯有加適量鰻魚汁調味，鰻魚份量唔算多，不過lunch set 黎講算係咁，都十分夠飽～🔻香蔥吞拿魚腩丼（配麵豉湯及茶碗蒸）（$128)份量十足既吞拿魚腩蓉鋪滿晒個面，每啖飯都食到吞拿魚腩，而且海鮮丼勁大碗，大食仔先食得晒🫣再跟埋湯同蛋勁滿足～

十和田嘅壽司同刺身嘅用料同食材都十分新鮮🍣最特別係壽司🍚用左赤醋調味，令壽司食完留有淡淡嘅清酒餘香😋最有驚喜嘅係佢嘅三色井飯，分別有海膽、吞拿魚蓉、蟹膏蟹肉，真係一次過滿足曬三個願望😍呢間餐廳CP值高，lunch set超級抵食，套餐包埋茶碗蒸同餐湯🍱，好值得去試試！Rating: 8/10Budget:~100-200 pp-📍十和田總本店 (尖沙咀)尖沙咀金馬倫道42號華懋金馬倫中心地下-

日式餐廳一直是我最鐘愛的餐廳，因此今天在尖沙咀逛街能夠看到這樣一間別具風格的日式餐廳「十和田」，所以決定進來一探究竟。落座之後看了餐牌，發現這間餐廳的物性價比極高，因此我和朋友兩人馬上點了幾樣我們鐘意的食物開始品嚐，看看這裡的大廚水準如何，用料是否新鮮。首先是我之前未有嘗試過的味噌牛肉飯，這道菜上來是飯和菜分開的形式，而且牛肉用料講究，烹飪手法以煎炒為主，吃到嘴裡可以感受到濃濃的鮮香和滑潤，真的不愧是優質食物。第二道秘製豚肉湯烏冬也令我深感滿足，豚肉切成三件，入口鮮嫩，入味十足，一品嚐便知道是非常優質的烹飪手法造就的，因此令我們對這間餐廳的喜愛程度又增加了幾分。同時湯底也非常鮮嫩，油花和蔬菜點綴其中，令我們吃到嘴裡還想再吃下一口。接下來我們還點選了一些小食，炸雞件火候掌握得恰到好處，入口外酥裡嫩，非常可口；黑芝麻雪糕帶有濃濃的芝麻香，入口即化；而蒸蛋 則更是搭配海鮮，吃到嘴裡非常嫩滑，令人愛不釋口。一言以蔽之，這間餐廳真的用料講究，烹飪適當，使得食物深得我心。我已經開始計劃在過生日的時候邀請朋友來這裡齊聚一堂了。

成日都經過十和田，見到好多人排隊食dinner，見到lunch無咩人，試吓先！😎ღ 火炙左口魚邊丼 $138左口魚食落肥美，魚脂香味十足，入口即溶，火炙後帶焦香。仲有幾片鮮甜嘅海膽😝有得揀少飯，我覺得女仔揀少飯都好夠了🤪整體唔錯！ღ 鰻魚飯 $98相比之下鰻魚飯就普通少少，但都唔錯嘅～鰻魚都算厚肉肥美，入口嫩滑，香甜嘅鰻魚汁撈飯好食！🥸十和田總本店 @towada_sushi✵ 𝒍𝒐𝒄𝒂𝒕𝒊𝒐𝒏 • 𝒆𝒏𝒗𝒊𝒓𝒐𝒏𝒎𝒆𝒏𝒕 𝟳/𝟭𝟬╰┈➤ 📍#BELLYwongs_TAT✵ 𝒄𝒖𝒊𝒔𝒊𝒏𝒆 • 𝒇𝒐𝒐𝒅 𝟲.𝟴/𝟭𝟬╰┈➤ #BELLYwongs_japanese #BELLYwongs_sushi✵ 𝒑𝒓𝒊𝒄𝒆 𝒓𝒂𝒏𝒈𝒆 • 𝒂𝒇𝒇𝒐𝒓𝒅𝒂𝒃𝒊𝒍𝒊𝒕𝒚 𝟳.𝟮/𝟭𝟬╰┈➤ #BELLYwongs_midprice • $𝟭𝟮𝟬/𝗽𝗽✵ 𝒔𝒆𝒓𝒗𝒊𝒄𝒆 𝟳.𝟴/𝟭𝟬✵ 𝒓𝒆𝒗𝒊𝒔𝒊𝒕 𝗠𝗮𝘆𝗯𝗲

夜晚同朋友嚟哩一間日式餐廳食飯，惗唔到環境都好舒服，之前勁出名，所以要驚排隊，早啲嚟就實穩陣啦~🤓吉列生蠔湯烏冬，🦪生蠔炸得香脆，好鍾意佢表面有一層嘅麵包糠，所以食落去好鬆化，蠔都好大隻，份量好足。🍜烏冬夠嫩滑，而且好有彈性。🔥火燒左口魚邊海膽丼，哩一個想試好耐！海膽鮮甜，而且有左口魚好香。❤甘香嘅魚油，喺口中入口即化，非常回味。味噌牛肉飯，🐮除咗牛肉份量足夠之外，佢嘅配料都好多，🥩所以食起身口感好豐富。

尖沙咀就出名係多野食啦，今次我又去咗嗰邊覓食了😂😂日頭喺harbour city行完街就去咗試間之前冇試過嘅日本野🦦💜-三文魚刺身 $52一份有三塊，每塊都係厚切，新鮮之餘又夠肥美，正！-油金魚刺身 $68同樣都係厚切，有好香嘅魚油味，而且都好新鮮，係抵食嘅🔥-三色丼 $188有蟹膏蟹肉，海膽同吞拿魚蓉，一次過可以試勻三款，適合同我一樣嘅選擇困難症人士🥹🫶🏻全部都塞到滿滿一碗，誠意十足。海膽刺身都非常之新鮮，味道鮮甜；蟹膏creamy得來又唔會腥，撈埋蟹肉一齊食簡直大滿足；吞拿魚用對到成座山咁高，每一啖都食到，勁邪惡🔥🔥

今次呢間餐廳好出名，只要係鍾意食日本菜嘅你都一定聽過。每次經過呢間舖頭都會見到佢大排長龍，所以今次我特登揀下午茶餐時段過去試吓！佢嘅午市套餐我覺得都幾抵食，我朋友今次揀咗壽司拼盤，我自己就揀咗佢嘅帆立貝松葉蟹丼。我哋兩個嘅套餐都有附送麵豉湯，我嘅丼飯另外總會附上茶碗蒸，真係超級飽肚。朋友嘅壽司拼盤同埋我嘅丼飯嘅返估唔到係用咗香港嘅店舖好少使用既傳統日本江戶前赤醋飯，佢嘅酸味比起一般嘅白醋冇咁強烈，反而令人醋飯嘅香味得到提升，我覺得絕得一試。朋友仔嘅壽司拼盤總共有11 貫，每一件睇落去都好靚仔好新鮮，性價比我都覺得唔錯架！至於我嘅帆立貝松葉蟹丼用料超誇張，滿滿嘅蟹肉舖滿整個丼飯嘅表面真係好澎湃好豪華！佢嘅帆立貝每一片都好大塊，連埋佢嘅醋飯連我平時咁大食都食唔晒！佢嘅材料都好新鮮，每一口都好香甜好滋味，配上佢脆卜卜嘅魚子為每一口飯增加左唔同嘅層次同埋口感，新鮮嘅程度好似置身喺日本一樣。大家如果有興趣嘅話記得去試吓！

男朋友對於食日本野既要求比較高，而呢間十和田係少數佢會encore既日本餐廳🫢❤️吉列炸蝦卷 （圖下方）💰7️⃣8️⃣炸蝦新鮮熱辣脆卜卜，飯量唔會太多，飯粒已經調左味，有誠意👍❤️三文魚籽，飛魚籽卷 💰1️⃣0️⃣8️⃣飛魚籽超大粒，好新鮮😍咬開係爆珠感覺，非常有口感😆裏面仲有玉子同蟹棒etc，好豐富❤️火炙牛肉湯烏冬 💰8️⃣8️⃣因為唔想太多飯落肚所以除咗壽司之外我哋另外叫咗個烏冬😊牛肉燒得好香，香味點綴左呢個偏清淡嘅湯底👍肉質嫩滑，烏冬彈牙，仲有吸晒湯底既娃娃菜同小棠菜😋水準一直都保持到，絕對係食極唔厭既日本菜😚

🌝火炙左口魚邊丼 $138見到呢個價錢呆左🤣真的嗎有海膽又有左口魚邊，真係幾抵食喎，左口魚火炙過，魚肉外層充滿焦香但肉質鮮嫩，啲油脂仲逼哂出嚟👍🏻而海膽份量亦都唔少，唔腥幾新鮮同鮮甜，而且入口即溶，食落口陣鮮味即刻充滿成個口🌝火炙牛肉湯烏冬 $88雖然呢個相對比較普通，但呢個價錢都好抵食，兩片大塊牛肉，肉質軟腍，而且火炙過後仲有陣焦香，另外烏冬亦非常彈牙煙韌🌝燒明太子雞翼 $48🤰🏻至愛明太子乜乜乜，呢隻雞翼燒得好香，入面塞滿晒明太子餡料，食落口腔非常C伏🤤～

唔知點解呢最近既天氣真係愈黎愈熱呀，岩到8月初就三十五，六度有多，剩係係條街上企都熱爆，要搵間餐廳涼爽下。發現呢一間日本餐廳都幾多人幫襯下，環境又幾優雅，一於今晚就去開飯喇~ 門口好易認，一大塊木板牌面大大隻字寫住店名，入到去冷氣又足夠，嘆住壽司魚生飯飲抹茶真係幾正嫁~炙燒牛肉烏冬的牛肉好香，令湯底都有炙燒的味道，幫烏冬提味。雜錦魚生飯都好正，淨係睇顏色都覺得吸引。而且佢既性價比都幾高，我地今餐兩個人食左兩百幾三百蚊已經超級豐富，真係透心涼又開胃，岩晒咁熱既天氣食~

ෆ⃛ 十和田總本店 ෆ⃛每次經過都覺得呢間日本餐廳望落好明亮吸引，成日都諗住去試吓✨所以就搵咗一日中午時間係試吓佢哋嘅lunch set ♢基本上佢哋嘅set都會包麵豉湯♡︎.*▶︎▪︎◀︎.* .*・゜ ♡︎.*▶︎▪︎◀︎.* .:*・゜ ♡︎.*▶︎▪︎◀︎.* .*・゜♡ 午市壽司套餐配味增湯 $108 ♪ 上嚟嘅時候超級吸引！總共有九款壽司，分別係三文魚、油甘魚、吞拿魚、帶子、熟蝦、鰻魚、三文魚籽同吞拿魚茸軍艦及三舊加州卷🍣魚生非常鮮甜厚切及油脂甘香，壽司飯都用咗赤醋調味，帶點微酸。米飯黏糯唔會一夾就散😋ᗦ↞︎◃︎ 值quota指數: ✿✿✿✿.25 / 5 北海道帆立貝松葉蟹丼 $168 ♪ 帆立貝有三大粒！松葉蟹嘅份量好多，布滿左成個飯🦀上邊仲有三文魚籽，米飯用咗高湯同埋醬油煮，撈埋一齊食充滿咗蟹同埋魚籽嘅鮮甜味基本上唔使落豉油都已經夠味🔅(但要小心偶然都會食到蟹殼碎 如果食量比較細嘅女仔都可以揀少飯🧚🏻‍♂️ ᗦ↞︎◃︎ 值quota指數: ✿✿✿✿.25 / 5✎ 總括：所有嘅份量都好足夠！而且食材都好新鮮甜，午餐食到都會好滿足(˶‾᷄ ⁻̫ ‾᷅˵)✼ 加一服務費✔︎ෆ̈ 十和田總本店 (尖

尖沙咀人氣很旺的壽司丼飯店，平日Dinner Time也建議要訂座。木系簡約裝修雅緻，座位不算多，但空間感尚算足夠。QR Code下單，沖個綠茶，慢慢靜待丼飯的來臨。火炙左口魚邊丼 $138重魚油香Fans必點的一個丼飯！本身火炙左口魚邊的吸引之處不用多介紹，這個特別要大推的是充滿誠意之份量。鋪滿整個碗、兩層左口魚邊越吃越有，而且赤醋飯也不少，完全是根據壯男的食量而設計，非常有飽足感。另外，超驚喜竟然配有海膽，完全是意料之外，而且質素中上，鮮甜綿滑。一口飯配上兩種鮮味和油香，這個價錢物超所值！三色丼 $188適合三心兩意、選擇困難症人士一次過吃勻3款丼飯。看照片以為幾口就可以完成的迷你丼飯應該只能淺嚐，怎料份量又再一次意料之外有誠意！吞拿魚蓉、海膽、蟹膏蟹肉3款都是平時喜歡Order的單點壽司類。配料和飯的比例大約是1:1，配料完全足夠包裹每一口飯，特別是如山般高的吞拿魚蓉。個人最推介濃味Creamy蟹膏和蟹肉這個無敵拌飯配搭。海膽一如所料鮮甜肥美。相比之下，吞拿魚蓉的味道較淡，建議最先吃。整體高質，同樣也是壯丁份量，非常滿足！

推介係尖沙咀翻工嘅朋友一試依間餐廳～地方寬敞座位闊落之餘食物質素都對得住價錢有突，午市都有相當多嘅套餐可以選擇，由壽司到熱食質素都很不錯( ᐢ. ̫ .ᐢ )❝午市壽司套餐❞ ($108)〔推介！〕每件壽司都以赤醋調味，米飯粒偏硬有微微咬口，調味算大眾化唔會太酸，使用赤醋米飯顯得比一般平價壽司店更有誠意。魚料夠新鮮、種類亦多：三文魚、吞拿魚蓉、三文魚子等等都相當出色，其中以柔軟可口嘅鰻魚最為印象深刻！❝豚肉烏冬配壽司兩件❞ ($88)友人點選嘅烏冬湯底清甜，烏冬彈牙亦索哂湯底嘅味道，三大片豚肉加上蔬菜令人食得滿足。隨餐附送兩件三文魚壽司，lunchtime食完保證飽到放工⋯𓂃𓈒 𓂂𓏸 十和田總本店 𓏸𓂂 𓈒𓂃 @towada_sushi 尖沙咀金馬倫道42號華懋金馬倫中心地下港鐵尖沙咀站B2出口，步行約3分鐘抵達每日11:30 - 16:30 / 17:30 - 23:00營業𓂃𓈒 𓂂𓏸 𝐫𝐚𝐭𝐢𝐧𝐠 𓏸𓂂 𓈒𓂃餐點味道 | ♥︎♥︎♥︎♥︎♥︎♥︎♥︎♥︎♡♡抵食指數 | ♥︎♥︎♥︎♥︎♥︎♥︎♥︎♥︎♡♡店舖環境 | ♥︎♥︎♥︎♥︎♥︎♥︎♥︎♥︎♡♡用餐體驗 | ♥︎♥︎♥︎♥︎♥︎♥︎♥︎♡♡♡推薦程度 | ♥︎♥︎♥︎♥︎♥︎♥︎♥︎♥︎♡♡適合場景

Mark 低咗呢間好耐，終於等到同屋企人試⋯炸蠔：蠔細到唔知佢係原隻定切粒，炸粉落得很慷慨。三色刺身：灰白紅色嘅吞拿魚⋯質素跟目測成正比，很誠實～竹莢魚刺身（十二薄片配酸汁）：曾經新鮮，但唔係食果陣三色丼：特色豉油飯。張枱真係好細。放完三色丼再上刺身就要執枱，上蠔又要執⋯比元字頭好少少。限時用餐一個半小時，一個鐘走冇難度✌🏻。好在老竇只須用兩蚊搭出嚟尖沙咀，如果唔係返屋企會俾阿妹話虐老。Openrice 有過千好評噃!!!過千!!! 過千!!! 唔係唔信吓嘛!

______________________________成日見人介紹三色丼，終於黎左潮聖，點知原來有驚無喜🤡⧐三色丼最好食係蟹肉蟹膏🦀夠鮮甜☺️海膽同吞拿魚蓉就…好唔新鮮，海膽仲苦苦地🤢食完係濟濟地，唔係飽🫣😂⧐超特選壽司拼盤🍣有成十款壽司，冇特別好食，唔好食，普普通通😐但擺盤靚嘅😗⧐火焰壽司拼盤🍣左口魚油脂入口即溶🤤呢舊好食😂⧐三式三文魚三文魚黎講又係普普通通，可以唔洗試😂➶其實真係唔係特別好食，但比人捧上天😉😂唔會再返頭食➶空間有啲窄