十和田總本店

營業中

休息中

好少係壽司店點飯食,係呢度好多選擇,樣樣都想試下。叫左個牛肉飯,個汁好惹味,牛肉份量都好多。炸蠔大小適中,香脆可口,加埋檸檬汁,好提升到個鮮味。忍唔住叫左個海膽手卷,好多海膽,飯已調味,味道好好!好滿足,海膽鮮味同埋CREAMY!壽司就叫左芝士蝦壽司同埋帶子壽司,面頭輕輕燒過,有焦香!好味道!食左咁多野都只係三百幾蚊,相當抵食。同埋呢度既MATCHA POWDER本身已好好味,唔洗叫其他飲品都得!

「十和田總本店」一直俾我嘅印象，係 peak hour 唔排隊冇可能入座！呢次去到「十和田」，peak hour 竟然有空位隨時入座，令我哋嚇咗一跳！心諗，「十和田」係咪發生咗咩事被食客放棄，差啲選擇唔幫襯。不過，由於實在要遏止日本嘢口癮，還是光顧「十和田」。 今次用餐經驗，一如以往，刺身食材新鮮、份量不吝嗇，叫人吃得滋味；壽司刺身與醋飯比例適中，而醋飯調味易入口；wasabi 和其他拌餐小食，質素並不馬虎。「十和田」仍是尖沙咀的日本料理好去處。「十和田」壽司拼盤性價比似乎高過單點壽司，喺店務員唔太能夠詳細介紹不同壽司拼盤同異情況下，我哋 order 了「超特選壽司拼盤（配湯、蛋）」。一大片鰻魚，吃得好滿足！各樣刺身，新鮮，無異味。由於二人食量唔算大，多次光顧為咗避免叫太多飯類，一直冇試過「十和田」嘅「三色丼」。是晚胃口不錯，終於一試！色彩繽紛，刺身食材，多吸引！刺身食材在飯上，堆成小山丘。翻開盛載海膽的葉片，可見醋飯面有幾片海苔。下次再來！

之前都試過金馬倫道呢間幾出名嘅日本野dinner🎏咁啱新年前工作無咁忙就去試下佢d lunchsets又唔算貴喎 食到捧住個肚走🍣壽司拼叉燒湯烏冬有6件壽司: 帶子、三文魚、甜蝦、油甘魚、吞拿魚、墨魚幾款魚生都非常新鮮甜美不在話下值得一提嘅係一般出面嘅都係用白醋調味嘅壽司飯 甜味比較重而呢度係用左赤醋飯🤤即係有D似撈左醬油+紅醋咁亦因為赤醋係用酒嚟發烤 所以味道較香濃又可以提出魚嘅鮮味🍜本身以為係兩樣野拼埋嘅套餐 個烏冬會係比較迷你點知都幾大個 醬油湯底而且有三塊厚厚嘅叉燒肥瘦適中 仲有醃過 誠意滿分💯🍚黑松露鯛魚丼赤醋飯原來都幾適合做丼飯加埋肉質細膩又有D爽口嘅鯛魚同埋香濃嘅黑松露調味我呢D平日食好少飯嘅都真係可以食曬成個飯兩個Sets都跟茶碗蒸同埋麵豉湯茶碗蒸好滑 蛋味好香湯就清清地 食完飲返碗都幾好

平時去十和田食野都係食壽司，之前聽朋友話呢度既丼飯係幾抵食，今次就放棄壽司試下食丼飯次次就算平日黎食，都有唔少人幫襯，好彩餐廳夠大唔洗等位每次我都會加大量抹茶粉落自己杯茶度，完全滿足到我呢個抹茶控吞拿魚細卷（$38）雖然話今次主要黎食丼飯，但係都忍唔住叫左一份細卷，$38有6件夠抵食香蔥吞拿魚腩丼（$128）份量好足既吞拿魚腩蓉，飯用左醋飯，比較偏酸，飯既份量大到我食唔曬淨番1/3，朋友果然無介紹錯雜錦魚生丼（$128）諗唔到食咩就最好叫乜都有既雜錦，有三文魚、蛋、吞拿魚、蟹籽、鮑魚等等，十分豐富，魚生夠新鮮，絕對對得起呢個價錢

▪️海鮮丼 $208丼飯份量算大，有7款唔同嘅魚生，款款都鮮味十足，海膽，牡丹蝦，帆立貝都係我嘅最愛🥰如果想食齊幾款魚生，我都給推介呢個海鮮丼，多選擇又夠飽▪️火炙左口魚邊丼 $138火炙過既魚邊充滿油脂感，口感軟線，不過美中不足嘅係左口魚燒完過咗一陣先上菜，不然暖暖嘅左口魚會更好食。另外仲有海膽喺旁邊，份量都唔算少，夠新鮮鮮甜，食落都幾滿足▪️海貝壽司拼盤 $268每一件壽司質素都唔錯，但就冇特別驚喜

是咁的～平時少食丼飯，因為覺得大大碗飯上面只有幾篇刺身，感覺唔夠喉，然後朋友就推介我去呢一間位於尖沙咀嘅十和田總本店。一入到去，我哋就點咗兩個丼飯角切三文魚親子丼，三文魚切得大大舊，一上枱就好吸引眼球😀 魚同飯既比例大約1:1，我覺得飯既量真係好多，建議細食既朋友可以少飯。香蔥吞拿魚丼一樣大大碗，好似食拉麵既碗咁大個🤩 岩哂大食嘅朋友，個飯大約有2碗飯咁多，飯係有特別製作過既，好似比鼓油撈過，但其實唔咸既（我都唔清楚撈左咩🙈）將吞拿魚加飯仲加小小既魚生豉油岩岩好引出吞拿魚既鮮味出黎🤩 誠意推介比大家

平時返工行經呢間舖頭，覺得佢既和式裝潢幾特別，今次就試試佢啦！👧Today’s order:1) 海貝壽司拼盤 🍣2)三色丼 🍚 3) 鯛魚湯 🍲1) 海貝壽司拼盤 🍣 師傅挑選了當季最新鮮的材料做呢個拼盤，共8️⃣件壽司。帶子真係冇得輸，富鮮味口感又軟軟的。比較得意既係鮑魚，好似雞軟骨咁爽口。2) 三色丼 🍚 呢個三色丼賣相好靚，差不多每檯都會嗌一份。 不只賣相靚，味道亦都一流。第一色：蟹肉蟹膏 🦀蟹肉鮮，蟹膏香，撈飯好好食！第二色： 海膽海膽都算新鮮，亦有甘香。第三色：吞拿魚蓉 🐟平時好少食吞拿魚蓉，食得出佢既食材好新鮮！3) 鯛魚湯 🍲 呢個鯛魚湯真係好！好！飲！似平時煲既魚湯，但係香濃好幾倍。飲完舌頭會黏黏地，非常鮮甜！呢間餐廳一律使用赤醋飯，味道會比平時既白醋飯豐醇，似一種踏實既酒香味。大家可以一試！－－－十和田總本店尖沙咀金馬倫道42號華懋金馬倫中心地下

十和田總本店 (尖沙咀)📍尖沙咀金馬倫道42號華懋金馬倫中心地下🔅 三訪十和田🔅❀🅳🅾🅽🅱🆄🆁🅸❀🍱每當左口魚癮一到就會想諗起十和田！優勝在於長期左口魚都係Menu上！而且質量穩定，份量每次都唔會吝嗇！丼飯底用左赤醋飯，吸收晒左口魚嘅脂肪後，半片左口魚加飯咁放入口，每一啖都係一種享受🥹✱ 必食必食！✱❥左口魚邊丼🍱另一個出色嘅丼飯係三文魚親子丼，角切三文魚粒粒都肥美鮮甜，三文魚子飽滿多汁！魚生同飯比例剛剛好，每口飯都可以配上多粒三文同魚子，咬開魚子果刻噴出魚油再沾滿飯粒，令每一啖都更加層次豐富！👍🏻👍🏻👍🏻❥ 三文魚親子丼

你到尖沙咀想食新鮮丼飯，一定係諗起呢間主打新鮮時令魚生嘅十和田。日系裝潢，店面以淺木色為主，坐落感覺和諧舒適。我最愛嘅係火灸左口魚邊丼$138，成個飯鋪滿左口魚邊，左口魚油脂豐富，火灸後油脂更加甘香，滲入粒粒珍珠飯，每一口都充滿油香。海膽清楚睇到佢顆粒分明，新鮮水潤，鮮味非常突出，仲入口即溶。穴子丼$118 一片片穴子肉質細嫩，塗上薄薄燒汁，惹味得嚟又唔會蓋過原有鮮味，拌飯一流。赤身手卷$48赤身潤澤鮮咪，肉質豐厚，口感夠嫩無筋。

今日嚟到坐落係尖沙咀金馬倫道嘅日本餐廳。比較受歡迎嘅係魚生丼飯。丼飯係日本屬於一種相當普及既大眾料理，而十和田既丼飯亦做得非常出色同埋美味。火炙左口魚邊丼左口魚本身係屬於魚油脂比較豐富嘅魚生。甘香嘅魚身經過火炙燒過，炭燒既燻香味令到魚油本身嘅油膩感減低，亦保留住魚油原本既香醇味道。而本身食店採用既魚生亦非常新鮮，無半點既魚腥味。雪白既魚身整齊咁鋪滿係醬油醋飯上面，完全毫不吝嗇地用鹹香新鮮海膽做點綴；海水，魚鮮味，火炙香味擺哂入口。魚生控既朋友，不能解釋更多。火炙壽司拼盤火炙既食物的確係有一股難以置信嘅吸引力係到。拼盤一共有5款壽司（三文魚，左口魚邊，吞拿魚，芝士熟蝦，魷魚）。值得一提係師父用醬油同埋醋去調味咗壽司飯。係日本一般叫「赤醋飯」。而醋經過發酵後有淡淡既酒香味。飯團唔會一夾就散，味道比一般白醋司飯更加香濃美味。燒明太子雞翼雞翼中間塞滿明太子燒得好香雞翼脹身無雪藏味道而之前食過嘅明太子雞翼鹹味會比較重；呢款係濃味但較少鹹味可以食到原材料既鮮味店舖既食材新鮮值得一讚！而食店採用嘅係新鮮綠茶粉可以根據自己喜歡嘅濃度沖調綠茶非常貼心！良心經營值得推薦十和田總本店尖沙咀金馬倫道42號華懋

約左好耐冇見既朋友食lunch ，去左尖沙咀十和田食日本野。兩年冇去、餐牌唔同左、選擇多左、午市套餐都有多達十款～北海道帆立貝蟹肉丼 $168 賣相好吸引、帆立貝厚肉幾鮮甜、蟹肉份量慷慨、仲有卜卜三文魚籽。比較喜歡佢用赤醋飯、味道會更提鮮。另外點的刺身丼 $198 刺身全部厚切、有三文魚、油甘魚、赤蝦、蟹腳、赤貝、魷魚仲有拖羅。可能因為厚切關係、魚油香更突出。午市餐廳均附送麵豉湯和茶碗蒸、以這價錢來說都幾好抵食。

尖沙咀真係美食林立，尤其日本野真係勁多選擇，呢日就揀咗人氣店《十和田》食刺身丼飯，貪佢啱啱過咗Lunch冇咁多人可以慢慢坐，環境位置闊落坐得幾舒服😌✨火炙左口魚邊丼 $138超愛左口魚，無論係刺身/火炙都有唔同口感，經過火炙的魚肉，唔單止軟滑香濃，入口啖啖油脂香，仲入口即溶添🥹 好幸福哦最驚喜係配埋海膽，香甜鮮味😋份量夠多絕不欺場，魚塊鋪滿成個碗，相當超值，抵讚👍🏻Lunch Set跟餐仲有味噌湯+日式蒸蛋，滋味再Upgrade 🤩✨味噌牛肉飯 $78牛肉厚身入口啖啖肉，脂肪均勻有油花香味，配襯青椒、紅蘿蔔、洋蔥減低油膩感👍🏻牛肉份量好足，再配埋味噌湯同滑蛋，抵呀！🍹巨峰乳酸梳打 $26🍹完熟桃子梳打 $38

平時經過十和田都係要排隊，人氣十足！今次難得收早可以黎食個early dinner，唔洗同人逼😂 十和田由20多年經驗既日籍師傅主理，魚生每日由日本空運到港，保證品質新鮮，難怪咁多人鍾意食啦😍餐廳採用日式簡約木系裝修，舒適雅緻。座位唔算好多，不過每張凳下面都有個小籃子比你裝野，都坐得舒服。枱面有綠茶粉同熱水壺，慢慢嘆杯熱茶等待食物送黎🍵~♢ 北海道帆立貝松葉蟹丼 $168無法抗拒滿滿既松葉蟹，真係多到鋪滿成碗飯，勁誇張呀！3粒帆立貝都新鮮厚肉，仲有大量脆卜卜既三文魚籽，超好食！十和田既丼飯特別在於用左赤醋飯，醋味比一般壽司飯更香濃，暖暖既酸味更加適合送魚生~♢ 火炙魚生丼 $138呢款丼係秋季限定架~ 餡料非常豐富，有幾款唔同既厚切火炙魚生︰三文魚、牡丹蝦、左口魚、吞拿魚﹑油甘魚，仲有三文魚籽，超級滿足！魚生炙燒過後逼出豐富油脂~ 非常香口！♢ 蔥吞拿魚腩手卷 $68吞拿魚腩細膩綿滑，由頭食到落尾都有料。紫菜幾脆口，配埋赤醋飯食一流！♢ 炸雞件 $42一碟有5件炸雞，炸粉用量適中，雞肉夠嫩滑，抵食之選。十和田既丼飯真係超大碗足料✨ 滿滿一碗食到飽，D飯多到食唔哂添😂 魚生幾高質，夠新鮮

呢條街多立食店,十和田有得座又實惠,我同朋友黎左食。鰻魚飯好味,鰻魚煮到好SOFT,又好MEATY,送飯一流。蟹膏蟹肉手卷勁豪華,啖啖肉,岩晒唔食刺食但中意食壽司既人。炸蝦蟹子卷都勁正,有豉油所以唔洗點太多豉油,好貼心。中意炸到香脆既蝦。甜品方面我地一藍一綠,係海鹽同埋綠茶。雖然我地都係綠茶控,但一致認為海鹽冇得輸,其他地方比較少呢D口味。飲品就咁綠茶已經好好飲。食左咁多野,最後埋單都只係三百幾蚊.性價比果然高!

2022年12月22日 (星期四) 5:55pm 18°C 餐廳裝修充滿日本風格，以日式木屋作藍圖，讓食客彷彿置身於日本當地。 壽司師傅採用『江戶前傳統製法』，利用酒粕發酵，令赤醋飯更香醇，酸度控制得更柔和，增加層次感，飯同魚生配搭得好，自然將鮮味再提昇。 所有食材每天由日本新鮮直送 環境光亮整潔，餐具乾淨。 因為新冠狀肺炎疫情影響，入店前必須量度體溫。點餐方法亦改用自己手機，直接傳送去廚房，捨棄傳統餐牌，變得更方便快捷，衛生可靠，值得一讚！ 為慶祝家人生日及在香格里拉酒店渡假，故此特地挑選此餐廳用膳。 人數：2人 HK$271 不用等位 丼（Donburi）是日文漢字，是一種日式飯食，以大瓷碗盛載著白飯，飯上覆以各款食材。傳統丼包括：牛丼 - 烹煮牛肉與洋蔥後覆於飯面親子丼 - 以雞肉、蛋及洋蔥烹煮覆於飯面。豬扒丼 - 是將豬扒裹上麵包糠後，經油炸而成，油的高溫將肉汁鎖在肉內，混合洋蔥、雞蛋覆於飯面。 三文魚親子丼 - 三文魚塊塊厚切，肉質軟滑，顏色鮮嫩，甜美滑嫩，完全沒有冷凍感覺和雪藏味道。三文魚籽極具咬口，粒粒晶瑩剔透，色澤光亮，充滿水份，一咬便在口腔內連環爆發，滲出海水氣味。