十兄弟車仔麵 (已結業)

有時候想食車仔麵但唔知有咩好選擇～～朋友就推介左呢間十兄弟車仔麵🤩🤩見同我公司又幾近，放工後決定要去試下❤️❤️🍜招牌八寶麵  $64✨呢個招牌八寶麵啱哂有選擇困難既我🤣🤣一碗有齊牛坑腩、大腸、豬紅、豬皮、蘿蔔、辣魚蛋、粟米同雲耳～～我仲加($9)叫多隻紅燒鮑魚！超豐富😋😋湯底揀左多腩汁，好濃味幾好飲～～整體味道都唔錯！紅燒鮑魚彈牙有嚼勁，牛坑腩煮得腍身入味～豬大腸煙煙韌韌👍🏻👍🏻同埋推介佢地既辣魚蛋！望落細細粒，但其實好辣好惹味🌶🌶🍜自選車仔麵  $75✨朋友就揀左食菠菜麵～～餸方面揀左紅燒鮑魚、牛坑腩、墨魚腐皮卷同自家製韮菜餃🤤🤤佢地既菠菜麵口感好滑溜，仲食到d菠菜粒，幾特別～～自家製韮菜餃都唔錯！咬落有滿滿既韮菜，好足料👍🏻👍🏻小店採用QR code落單，方便快捷～～而且食物選擇配搭都好多！灣仔返工既朋友又多一個選擇🙆🏻‍♀️🙆🏻‍♀️

CP值★★★★★ 五十幾款餸供選擇,好誇張！ 其中有款叫「泰式炸豬皮」（下次試，其實有好多味餸都想食，但真係食唔到咁多呢）今日途經見到呢間車仔麵，見到門口既Menu已經好吸引～～ 鋪頭唔算好大，但燈火光明，QR Code 自助落單，多蔥走蔥要辣唔要辣都有得簡～個人加左辣菜脯（要加$2）員工非常有禮，顧及到老人家不懂用手機落單，耐心幫忙。食麵其間，隔離枱既客走左（我坐自閉位）見員工抺枱同時都會抺檔枱板紅燒鮑魚仔：好淋～好入味 牛骨汁牛丸：多汁香辣豬紅：未算好辣，豬紅咬感唔錯咖哩栢葉：好好味～ 勁淋牛筋：無呃人，好淋😳湯底：秘制辣汁（標準辣）溫馨提示，如果食唔到太辣，但又加左辣菜脯同辣味既餸，建議簡唔辣湯底，因為今次加埋真係幾辣下～🤭呢間車仔麵太有驚喜了！決定會再去～

🌕Hello我係 Moon 🌕去灣仔買完野午餐嘅時間就喺附近搵吓有咩食，就被門口依個八寶麵吸引，😂$55一碗咁大碗有咁多配料嘅睇落都幾抵食，就決定食依間！😛我同朋友兩個人一齊食，呢度嘅服務態度真係好好，好有禮貌而且好友善！😆我嗌左一個八寶麵，😗另外仲加配咗香辣玻璃魷魚🦑用手機落單等候嘅時間都唔係好耐，好快就已經有得食！😍分量比想像中多，😇而且佢嘅配料都好豐富，魷魚嘅份量都多啊！😚我就要咗粗麵滷水汁小辣，粗麵嘅份量絕對夠一個人食，😛滷水汁都好夠味，但係又唔會太鹹，😝成碗麵我都好鍾意！😜八寶麵入邊有幾個配料我都好滿意，🤪特別係依個牛坑腩，大大件，分量十足，🤓而且入晒味！😎當然入邊仲有豬紅啦！😊豬紅嘅份量夠食！食車仔麵又點少得食蘿蔔呢，😌呢個白蘿蔔冇渣，一碗麵入邊有兩件！😇香辣玻璃魷，辣辣地又唔會超級辣，😳啱晒鍾意食辣嘅朋友，魷魚都係厚切，😤所以都好有口感！😎朋友就另外加配左鮑魚，😏其實估唔到佢會比一件我食，呢個鮑魚每人只限嗌兩隻，🥳$9又真係幾抵食！有鮮味！🤪🌕最後MoonMoon真係好滿意間車仔麵，喺中西區來講呢度叫抵食啦，而且服務態度絕對令你滿意！呢度嘅店員真係好好！🌕

灣仔好有好多嘢食，我就特別鍾意食車仔麵，嚟到灣仔食車仔麵，喺春園街近囍帖街附近，十兄弟車仔麵嘅店舖呢裝修都簡潔，同埋充滿懷舊風。座位之間有膠板隔住，食客食得放心，燈光明亮。店員有禮貌，細心同食客解釋點用手機掃QR Code 落單，用手機落單其實都幾方便嘅，唔使好似以前咁寫紙仔，又夠曬環保。我就坐低咗，就好認真咁樣喺手機度落單，落單果時即時顯示價錢，叫左以下餸有米線，清甜無渣嘅蘿蔔👍（招牌），店員推鮑魚仔，做特價8元隻，我叫咗2隻，通菜，冬菇，仲有滷水汁（標準），要埋葱花，飲品叫咗黑豆漿加13元。食落去個湯底好清甜食後唔口渴，唔會太咸，本人最中意它嘅清甜無渣嘅蘿蔔，難怪係招牌喇，食落好清甜，因為全部都係自己想食餸，這個就係車仔麵的重點，鮑魚仔算好味彈牙，冬菇好香同埋通菜好嫩。十兄弟車仔麵真係唔錯，真係要介紹俾朋友同同事嚟食。

灣仔春園街好多嘢食，打工仔食lunch搵食既好地方!哩間新開既十兄弟店裝修乾淨光猛，就算中午好多人，等一陣就有位啦！手機採用自助下單，想要咩餸幾錢一目了然。好驚喜既係車仔麵店都有紅燒鮑魚食！仲要係好抵！$9咋，口感十足，必試！另外叫了推介的牛骨濃汁牛丸，牛汁好rich！仲有滷水豆腐，好入味，菜心份量多！朋友叫了辣汁烏冬，一樣非常大碗，自家製韮菜餃好新鮮，魚腐和腐皮墨魚卷爽口彈牙，最正係辣菜脯，啱食辣既朋友！飲品價錢抵同多選，我們就叫了低糖豆漿同烏龍茶。絕對係會再黎幫趁既車仔麵！

今日係灣仔收工，肚餓之際突然口痕好想食車仔麵，係修頓附近行行下入左春園街嚟試下呢間車仔麵店。落單係用電話scan QR code睇餐牌揀食乜，先揀湯汁，再揀想食既餸同麵底。樓面唔太忙的話店員仲會介紹下有咩食。原隻鮑魚仔、玻璃魷、濃汁牛丸、菜心、炸魚皮 + 菠菜麵一口氣叫左五款餸，鮑魚仔有一件，口感幾軟腍；玻璃魷呈淡粉紅，食落幾爽口；濃汁牛丸同平時既牛丸唔同，食到牛脂粒及牛孖筋，香滑彈牙；菜心份量都幾多，食極都仲有；炸魚皮則鬆脆爽口，落單最好備註寫埋另上。菠菜麵幾驚喜既係有菠菜麵揀，麵條好嫩滑，配埋鮮甜既腩汁就啱哂。另外，再加$2試下個辣菜脯，一放入口，果種辣就即刻衝埋嚟，不過來得快又去得快，好在無乜後勁。可惜平時食車仔麵最鐘意叫既白蘿蔔已經賣哂，下次要再試下。

在灣仔中午搵食真係好難，我指係中午食飯呀! 哈哈，堂食更加不用想，有排等位！剛好見到呢一間，門口排曬長龍等外賣，但入面大把位，就唔理入去食啦！坐底就聽到隔離位個肥佬係到嘈話等左好耐都無得食，好嘈！不過，無理坐底咗就食啦！而且我無肥佬所講等好耐先有得食喎! 車仔面我必食蘿蔔、豬腸、牛筋！今次，就無點豬腸，反而被佢既鮑魚仔吸引咗呀！ 蘿蔔、牛筋、鮑魚仔、通菜配油面及腩汁，連支裝鳥龍茶，盛惠HK$63車仔面的腩汁湯底清淡可以入口，而且配菜好多，食到好飽！鮑魚仔有幾仔，鮑汁好香口，鮑魚細粒又有咬口，算不錯的! 蘿蔔就切到好大件，簡直可以用日本仔既「大根」來容易，爽口清甜，不苦！牛筋用上牛孖筋，這個位置膠質不多，但起碼可以入口！最過份係通菜，爆多！爽口又新鮮，真係食到好飽呀！車仔面來說，這家算可以，下次會叫店長再落多啲腩汁，就Prefect 啦！

灣仔呢間車仔麵店好似新開冇幾耐，已經吸引好多打工仔放飯嚟食自選車仔麵點咗:鮑魚$9:煙韌鮑魚仔，ok呀蘿蔔$9: 淋就夠淋，不過嫌佢唔夠清甜玻璃魷魚$15: 口感真係好玻璃，一咬就咬到，幾好食，不過最衰後面有魷魚皮，所以有啲藕斷絲連 通菜$9: 正常菠菜麵底$14: 呢個真係有驚喜，口感偏軟，但係又唔過淋， 睇到有一點點嘅菠菜，絕對唔係得個色，感覺好真材實料咋咋淋唔想揀食乜嘅可以選擇招牌八寶麵，$55 已經有齊八樣餸，計落好底， 有牛坑腩、豬紅、豬皮、魚蛋、蘿蔔、豬大腸、粟米和雲耳， 面底要油麵，加$2要辣菜脯， 本身冇要辣，不過魚蛋和豬皮本身都辣，牛坑腩好食， $13有豆漿

本來想食對面X記粉麵、但係見呢間車仔麵好似新開，就試下坐低之後，用 QR code 落單失望果個位係賣晒蘿蔔🥺個辣菜甫要加兩蚊⋯雖然唔係話好辣，但見佢有啲花椒粒wooo！有驚喜wor！驚喜位係個辣汁，我叫大辣，真係好夠辣我要左菜底（即係唔要粉麵）好得意、個湯另外上一大碗，菜底同餸果度好似撈撈咁如果個菜底可以多啲菜就更好玻璃魷魚好正、夠爽口，唔怪得知係皇牌十大推介！金錢肚夠淋；咖哩牛柏葉唔un老公要左河粉；咖哩豬皮好入味又大塊，仲有4-5塊墨魚丸好正宗、有墨魚粒粒豬紅我唔食的、老公話好食佢食小辣，但除左匙羹上面啲辣汁，個碗又有啲辣椒，所以佢話好辣（佢係唔食得辣😅）

十兄弟車仔麵今日咁啱同同事喺灣仔開完會放工，行行吓街見到呢一間車仔麵都幾多人食，舖頭望落乾淨，就入咗去試吓黎個快食。八寶麵，份量非常之足夠，而且餐廳比每一樣餸都冇吝嗇。我特別推介 牛腩，同豬皮。呢兩樣係整得特別入味，同埋啲湯一齊食，簡直食到唔想停。至於另外一碗我哋就嗌左自選面，估唔到車仔麵都有鮑魚，個人就覺得鮑魚正常水準。如果要講最出色，牛丸真係冇得輸，好好味。不過提提大家，如果大家唔係好食得辣嘅話，係湯底揀辣到嗰度，就要小心啲啦，因為佢哋啲辣真係好辣！ 呢間餐廳總括而言，食得出，佢哋每一樣野都係真材實料！正

嗰日行開灣仔嗰頭，想搵吓附近有咩小店試吓，見到呢間車仔麵好似幾四正，所以就入咗去試吓。佢呢間車仔麵好似啱啱新開，啲裝修枱櫈都好新淨。我哋兩個人去食我就嗌咗碗八寶麵有啲經典嘅餸例如魚蛋豬皮蘿蔔嗰啲，佢啲豬皮煮到勁入味而且又唔會太硬，個腩汁湯底都好濃好味。另外一碗就自己嗌餸，牛腩煮得好林，個滷水汁湯底又唔會太鹹同埋嗰度啲員工態度好好，因為佢哋用電子落單，但都有俾張實體餐牌睇下而且會教啲食客點樣去落order，都會推薦佢地既招牌餸。整體來講都係一間高質嘅車仔麵，有機會嘅話會去再食！

食車仔麵最開心可以揀自己鐘意嘅配搭🤣粉麵底就揀左平時好少見嘅菠菜麵 🥬顏色好靚 淺綠色 仲混有D菠菜碎添 但唔係好食到菠菜味嘅😂 味道同質感似日本拉麵🍜餸嘅選擇都好多 我地試左六款如果太遲去 好多會賣哂㗎以下兩款我地推介👍🏻👍🏻🦑香辣玻璃魷份量好多 爽滑彈牙甜甜辣辣 好惹味🐮牛骨濃汁牛丸本身以為係普通牛丸 估唔到有驚喜😍彈牙得黎好Juicy牛肉味比平時嘅牛丸更濃😋唯獨得兩粒 真係唔夠遺憾唔食得辣🌶️唔係可以試佢秘製香辣汁

今日我朋友帶左我去食一間車仔麵，係灣仔。佢講到好好食，本身我都唔信嫁！因為我對食車仔麵好有要求，同情意結，因為讀書果時放學日日都食一碗嫁嘛，咁我就抱着懷疑嘅態度同佢去食啦！點知好味到你唔信。我朋友叫左碗，墨魚丸，貢丸，豬皮 幼麵，我呢，拎左兩粒丸黎試下啦，真係好彈牙，豬皮好入味。 咁我叫左 既餸 真係👍🏻👍🏻，有鮑魚,雞中翼，玻璃魷魚，米粉，雞中翼好入味，魷魚好爽口。同埋佢電子化用QR code 落單既，咁佢仲有得揀加唔加腩汁啦，辣唔辣啊，加唔加蔥咁既。要唔要菜譜咁。咁菜譜就要加兩蚊！但試左小小，正！

春園街最近開咗呢間車仔麵，今日襯Lunch過嚟試下。自助落單好方便，重點係揀完麵底．配菜．湯底，極速送到，有效率。配菜方面比一般車仔麵店更多選擇，單講牛丸都分唔同級數「牛骨濃汁牛丸」係十大推介之一，咬落有爆汁嘅口感，好Juicy👍🏻「香辣玻璃魷」好爽口，最重要唔靭。必食「瑞士雞中翼」瑞士汁入哂味「香辣豬紅」配埋咖哩汁湯底，辣辣地，非常惹味，湯底仲可以選擇多汁/少汁。以車仔麵嘅質數，確實唔錯又多款，以後Lunch又多個選擇喇🤗

去開玩具街買禮物，見到附近有間新開嘅車仔麵食店 十兄弟，出面排晒長龍應該唔錯，所以就試吓。店內裝修簡潔、衛生，坐低店員就俾個QR code我落單點嘢食，都幾好方便。我就坐响旁邊嘅獨立位，啱晒我食住煲劇😝。我點咗佢哋嘅 招牌八寶麵🍲，有牛坑腩、大腸、豬紅、豬皮、蘿蔔、辣魚蛋、粟米、雲耳。份量好大碗，而且好足料👏🏻 麵條選擇亦好多，我揀咗特別又少食嘅菠菜麵，感覺飽肚但唔油膩。其實亦可選擇菜底，啱晒低醣人士，等我下次試吓💪🏻餸料真係唔馬虎，我喜歡牛坑腩忟得好淋(平時出面食一碗都唔平)、豬紅好入味，仲有大腸唔肥又乾淨！最好就係佢配菜有粟米、雲耳，比較特別☺️十兄弟 嘅秘制辣汁好滋味，對於我唔食得太辣嘅人都可以接受到。仲可以在點麵時選多、少汁，多葱、少葱，全部可以响手機自由選擇、配搭，製作自己口味嘅車仔麵😋