十兄弟車仔麵 (已結業)

灣仔春園街好多嘢食，打工仔食lunch搵食既好地方!哩間新開既十兄弟店裝修乾淨光猛，就算中午好多人，等一陣就有位啦！手機採用自助下單，想要咩餸幾錢一目了然。好驚喜既係車仔麵店都有紅燒鮑魚食！仲要係好抵！$9咋，口感十足，必試！另外叫了推介的牛骨濃汁牛丸，牛汁好rich！仲有滷水豆腐，好入味，菜心份量多！朋友叫了辣汁烏冬，一樣非常大碗，自家製韮菜餃好新鮮，魚腐和腐皮墨魚卷爽口彈牙，最正係辣菜脯，啱食辣既朋友！飲品價錢抵同多選，我們就叫了低糖豆漿同烏龍茶。絕對係會再黎幫趁既車仔麵！