十兄弟車仔麵 (已結業)

灣仔好有好多嘢食，我就特別鍾意食車仔麵，嚟到灣仔食車仔麵，喺春園街近囍帖街附近，十兄弟車仔麵嘅店舖呢裝修都簡潔，同埋充滿懷舊風。座位之間有膠板隔住，食客食得放心，燈光明亮。店員有禮貌，細心同食客解釋點用手機掃QR Code 落單，用手機落單其實都幾方便嘅，唔使好似以前咁寫紙仔，又夠曬環保。我就坐低咗，就好認真咁樣喺手機度落單，落單果時即時顯示價錢，叫左以下餸有米線，清甜無渣嘅蘿蔔👍（招牌），店員推鮑魚仔，做特價8元隻，我叫咗2隻，通菜，冬菇，仲有滷水汁（標準），要埋葱花，飲品叫咗黑豆漿加13元。食落去個湯底好清甜食後唔口渴，唔會太咸，本人最中意它嘅清甜無渣嘅蘿蔔，難怪係招牌喇，食落好清甜，因為全部都係自己想食餸，這個就係車仔麵的重點，鮑魚仔算好味彈牙，冬菇好香同埋通菜好嫩。十兄弟車仔麵真係唔錯，真係要介紹俾朋友同同事嚟食。