十兄弟車仔麵 (已結業)

落咗堂之後，經過呢間車仔麵🍜，比佢啲香味吸引到，就決定試吓，反正都好耐冇食過車仔麵😀入到去坐低，啲裝修就一般茶餐廳裝修，不過夠光猛，同埋有塊鏡，增加空間感，睇落好似大間啲咁，驚上面都貼咗餐牌，抬頭就見到有個牛四寶麵，好似幾正，於是叫左碗試吓🤪由於實在太肚餓，另外再叫多罐嘢飲，同埋一客雞翼，雞中翼$28有三隻，係瑞士汁雞翼，都炆得幾入味，送麵一流。😎戲肉嚟啦，牛三寶就食得多，牛四寶多一款，原來都幾好食！碗麵份量都大，我覺得都值$65呢個價錢，分量多，唔會話四款餸就樣樣都俾少少，五香金錢肚好正，唔會好難咬，爽得嚟又好易咬，牛丸牛坑腩味道都好好食，另外值得一讚嘅係佢啲柱侯汁，調味超好味，忍唔住飲咗幾啖！配埋佢個辣菜脯真係一流！😝埋單103，我覺得都OK，因為真係食咗一餐好豐富既港式車仔麵！🤭🤭好夠飽！

好耐無食過車仔麵，嚟到呢間十兄弟，叫左碗柱侯牛四寶，食神嗱喳麵，香辣玻璃魷魚，炸墨丸同個炸雲吞。🍜牛四寶幾正，份量都算多，有金錢肚，牛孖筋，牛坑腩同牛丸，d牛坑腩閔到好淋，好易入口，牛孖筋都夠淋，有咬口，牛丸都幾爆汁，成碗麵係水準之上。😋食神嗱喳麵都唔錯，有醬爆瀨尿牛丸，辣豬紅，蘿蔔魚肚同辣魷魚，啲配搭幾夾而且夠晒惹味，呢款醬爆牛丸同牛四寶個牛丸唔一樣，佢入面再多啲餡同醬，咬落去即爆汁，好味！😎香辣玻璃魷魚就好脆口，咬落去索索聲，不過單點一份$38，我覺得份量可以多少少🤏🏻炸雲吞都OK，外皮好脆，炸墨丸入面又唔會好乾，保留返d肉汁，都幾好食😛下次可以再幫襯！

話說身邊有個一個禮拜起碼有幾餐都係食車仔麵嘅朋友，極力推薦我食呢間十兄弟車仔麵🤣由於唔係連鎖麵店，暫時只得灣仔一間，所以一直都未有機會試😣今日放假出開灣仔，當然要過嚟食返碗麵試下係咪真係朋友講到咁好食啦！餐廳裝修新淨行懷舊風，屬於一般車仔麵格局。有面向牆嘅一人位，亦有幾張四人枱。柱侯牛四寶（$65）五香金錢肚、濃汁牛丸、牛坑腩、牛孖筋濃汁牛丸極重牛味，食落唔會乾爭爭。牛坑腩筋肉比例均勻，咬落好煙韌😋牛孖筋炆到勁腍兼入味，啖啖骨膠原口感一流！雞中翼（$28）賣相吸引上晒色😍肉質軟嫩得嚟又唔會淋pat pat👏🏻果然冇介紹錯，呢間車仔麵水準極高😳睇得出佢哋選材講究，製作用心🙌🏻

Ooo鮑魚車仔麵ooO車仔麵一向係我至愛既地道美食之一，之前見到灣仔有間車仔麵有鮑汁魚肚又有鮑魚選擇😍即刻好想去試下，仲要價錢合理貼地，今晚返工走去試試佢😋佢有50款餸比大家選，連粉麵底都超過10款，菜底3款，而湯底就有5款👀真係超多選擇，梗有一款岩你😊OooooO鮑汁魚肚👉🏻厚厚既魚肚吸收晒啲鮑汁😋墨魚腐皮卷👉🏻少脆既腐皮包住墨魚肉，咬開仲有粒粒墨魚肉係入面！蠔皇紅燒鮑魚👉🏻😌就係入晒味車仔麵加鮑魚係另類享受😎菜芯👉🏻真係連菜芯我都想介紹😂因為真係比中間既菜遠客人，又唔會只得啲頭尾👍🏻值得讚腩汁少辣菠菜麵😌少見有菠菜麵選，幾好！腩汁唔會過咸，辣汁好細心地分開放👍🏻OoooO柱侯牛坑腩👉🏻真係坑腩，唔會韌又唔會冇口感，讚！鮮蝦韭菜餃👉🏻大大隻好足料，果然係店鋪推介。醬爆瀨尿牛丸👉🏻果然有呢個餸當然要試下，彈牙😎菜底（菜芯）湯分開上幾細心，不過都係慣咗倒曬啲湯落去😂

十兄弟車仔麵唔似舊式車仔麵店，需掃二維碼落單💁🏻‍♀️每項加餸嘅價錢合理，選擇多而且較特別，包括一啲平時少見嘅配料如紅燒鮑魚、泰式炸豬皮同蜜汁台灣香腸等等😍麵底方面，除咗平時常見嘅油麵、粗麵同河粉等等之外，亦有提供烏冬、出前一丁，甚至較健康嘅菠菜麵🤩另外選擇困難症嘅朋友，亦有默認配料嘅車仔麵套餐揀唔洗煩👍🏻而作為牛魔王嘅我，就揀咗呢個柱侯牛四寶（$65）🤗配料有：五香金錢肚、濃汁牛丸、牛坑腩同牛孖筋～五香金錢肚夠晒爽口，濃濃醬香風味十足！濃汁牛丸一咬即爆，肉汁四溢🙈牛坑腩口感鬆軟，牛孖筋軟滑又入味～為食嘅我仲另外加咗份香辣玻璃魷魚（$38）魷魚好彈牙，辣汁偏辣唔惹少🤤

嗱喳麵（$49）醬爆瀨尿牛丸、香辣豬紅、蘿蔔、鮑汁魚肚、香辣魷魚醬爆瀨尿牛丸juicy到不得了💦大家食嘅時候小心啲唔好辣親條脷👅豬紅微辣，吸收晒湯底嘅精華，真係超正呀😍蘿蔔完全冇苦澀味，甘甜無比！侍應話呢度用上鮮製油麵，每日由製麵工場交嚟，難怪食落比一般現成油麵新鮮爽口得多😋柱侯牛四寶（$65）五香金錢肚、濃汁牛丸、牛坑腩、牛孖筋五香金錢肚條條切到手指咁粗，酥而不爛有彈性～牛坑腩件件均稱，低溫慢煮同煲燜所以仍保留最原始牛肉味🤤牛孖筋逼出膠質又不失Q彈🥰香辣玻璃魷魚（$38）爽口鮮甜，雞中翼（$28）嫩滑又多汁🙌🏻

無牛不歡嘅我嗌咗個柱侯牛四寶麵，配料有五香金錢肚、濃汁牛丸、牛坑腩同牛孖筋。全部用料上乘，尤其係牛坑腩，爽滑得嚟一啲都唔韌，牛肉味非常濃重😍柱侯汁落足香料同南乳熬煮，調味好出色👏🏻另外朋友嗌咗個自選車仔麵，配料有日本珍寶蟹柳、紅腸同醉雞卷。湯底配上無味精豬骨湯，大家點麵時記得加埋集合牛腩精華嘅柱侯腩汁‼️日本珍寶蟹柳唔會過淋煮到爛晒，仍保持咬口👍🏻索晒湯底好惹味🤤紅腸味道醇厚，厚薄適中。醉雞卷肉質嫩滑，陣陣酒香非常入味🙌🏻小食方面，我哋嗌咗香炸墨魚丸同炸雲吞。香炸墨魚丸賣相金黃😍口感爽脆肉質細嫩👏🏻炸雲吞新鮮即炸冇油膉味，外皮脆卜卜，內裡嘅鮮蝦餡料有彈性👍🏻

招牌八寶麵:::::嗜辣嘅我梗係揀秘製香辣汁湯底另加$2要埋自家辣菜脯啦😆第一啖湯飲落惹味且頗有辣勁，再飲花椒等香料滲出微甜，十分開胃😝牛坑腩極腍又juicy，一啲牛羶味都冇👍🏻豬皮超級索湯，軟腍得嚟又彈牙。大腸啖啖肉冇臭味，洗得好乾淨，入口醇香滿溢，軟爛得嚟又有嚼感👏🏻非常推薦！自家手工辣菜脯既香辣又唔會太鹹，辣得嚟有層次🙌🏻好過癮🔥一試愛上！$38又唔貴，買咗一樽返去俾阿媽。香辣玻璃魷魚$38灼得啱啱好，令魷魚呈現玻璃般嘅通透狀態👍🏻食落口感爽脆👏🏻但個精髓絕對係個辣汁！有越食越辣嘅感覺🥵令人好上癮😝

呢間係春園街既車仔麵位置好方便，而店舖環境都好光猛同乾淨，坐得非常舒服👍🏻除左餐牌上既套餐仲可以自選餸🤣🐖香脆豬元帥 $68有泰式炸豬皮，豬頸肉，豬腩肉，豬大腸同豬肉丸，面底揀左幼麵，份量都幾大，材料都好豐富。個人黎講最中意豬肉丸！好彈牙而且好多汁😍炸雲吞 +$20小食黎講強烈推介炸雲吞🤩外脆內軟好出色！🥩招牌八寶麵 $55餸菜有牛坑腩，大腸，豬紅，豬皮，蘿蔔，辣魚蛋等等超豐富😋辣魚蛋爽口彈牙，麵底揀咗粗麵，比起幼麵就比較遜色，如果唔想食麵底仲可以轉做菜底架

招牌八寶麵（$55）牛坑腩、大腸、豬紅、豬皮、蘿蔔、辣魚蛋、粟米、雲耳全部配料都食得出好新鮮，唔會有雪藏味！我最鍾意嘅係大腸😍軟腍且入味，脂肪比例啱啱好！豬紅滑溜又唔腥👏🏻蘿蔔大大舊，清甜多汁👍🏻秘製香辣汁唔係死辣，十分惹味🤤油麵掛湯有彈性～香炸墨魚丸（$38）炸得啱啱好唔會過火，彈牙又香口，大人細路都鍾意😋香辣玻璃魷魚（$38）大大條，非常爽口滑嫩。秘製香辣醬汁完全滲透魷魚，絕對唔會格格不入🤤今餐真係超滿足🤰🏻招牌八寶麵配料各有特色，小食亦唔嬉場，可能係我食過最好味嘅車仔麵店！性價比極高，唔怪得咁多人排隊😳下次出港島會再encore😝😝

📍「十兄弟車仔麵」- 灣仔今次食食食之旅黎到灣仔😌👧🏻又要開始返減肥啦🤣🤣🤣所以專登搵啲可以走澱粉質嘅餐廳！好好彩搵到呢間可以轉菜底嘅車仔麵，岩哂減肥/生酮人士🤩📷餐廳位於灣仔春園街，可以用QR code 自助點餐幾方便，值得一讚係職員好細心，態度好好，而且上菜速度都算快🤗🍴自選車仔麵（勁腍牛孖筋、柱侯牛坑腩、滷水豬大腸、香辣豬紅、鮮製油麵-多腩汁）💰HK$70✨推薦指數：7.5/10可以自選最開心！🤩因為可以揀哂自己中意食嘅餸😋牛孖筋好淋好入味，咬落煙煙韌韌，充滿骨膠原呀🤤牛坑腩亦都非常入味，唔會好韌但咬落偏硬😛豬腸切得好大舊，咬落好有口感，味道同平時食既豬腸一樣，洗得乾淨👍🏻豬紅唔會一夾就散，但係煮熱少少會更好😆油麵食落同平時有少少唔同，呢隻油麵食落比較滑身，都唔會太硬，而且湯底腩汁濃郁，食落有埋腩汁既味😋🍴呢碗唔野少💰HK$75✨推薦指數：7/10呢碗有齊2️⃣隻蠔皇紅燒鮑魚、香辣玻璃魷魚、鮑汁魚肚、珍寶蟹柳、蠔油冬菇、菜心底，好豐富😛佢嘅湯同餸係分開上，所以可以因應個人口味去落幾多湯，夠哂貼心🤗紅燒鮑魚幾入味彈牙，唔會太韌😋玻璃魷魚平時食車仔麵一定會叫！咬落新鮮爽口，而且入味，不過

同同事講起咁耐都未試過呢間車仔麵就黎春園街試下，去到啱啱好有位。舖頭環境幾光猛，唔算逼。用qr code落單好方便，大辣少辣多蔥少蔥自己禁埋掣唔使煩到店員😙。🔅自選車仔麵 ($51)第一次食就試下油麵，加豆卜、滷水雞翼同埋炸豬頸肉，揀左秘製香辣汁。麵都幾多，豆卜吸晒汁好正😋，雞翼略嫌鞋左少少，豬頸肉炸完幾香又爽口，但有少少鹹。香辣汁揀左少辣啱啱好，夠惹味。無叫多蔥都好多蔥🤣。🔅淨餸菜底 ($57)同事健康啲叫左菜底🥬，菜心都幾多，湯就另上。但唔知係咪叫菜底係耐啲，等左15~20min先有🙈，但同事comment都唔錯。🔅大和豆漿(低糖) ($13)💬整體都唔ok，但同同事覺得肥佬車仔麵好食啲，不過第二日去發現已經轉左老細，改左做海南雞☹️。如果灣仔區有好食既車仔麵麻煩大家推介俾我🥺。

第一次嚟到十兄弟車仔麵，當然要試吓佢哋嘅招牌菜啦。呢個招牌八寶麵就有齊佢哋最具代表性嘅配料😍分別有牛坑腩、大腸、豬紅、豬皮、蘿蔔、辣魚蛋、粟米同雲耳🙆🏻‍♀️牛坑腩入味之餘仲要冇筋！啖啖肉易入口～大腸煎過非常香，而且夠腍🥰豬紅夠新鮮，口感唔錯😋豬皮軟滑爽口，非常吸湯🤤蘿蔔好腍又冇渣👍🏻陳皮魚蛋唔死實夠彈牙，而且帶有香辣味🥵粟米清甜夠juicy，雲耳十分爽口～嗜辣嘅朋友唔好錯過佢哋個自家秘製香辣汁！用咗四川燈籠椒、野生指天椒、野生彩椒同大紅椒等十幾種香料製成，都真係幾辣下🌶另外仲有香辣菜脯同勁辣嘅魔鬼辣醬，食到我出晒汗😱值得一試！炸雲吞外脆內嫩，入口鮮味十足😋

十兄弟車仔麵位置方便，位於修頓球場對面嘅春園街，附近交通便利。🚇由港鐵灣仔站B2出口，步行約2分鐘。大大個黃色招牌夠晒醒神，門面清晰易見～嗱喳麵（$49）：醬爆瀨尿牛丸、香辣豬紅、蘿蔔、鮑汁魚肚、香辣魷魚瀨尿牛丸真心醬爆，一咬即爆汁，非常過癮😆香辣豬紅入口滑嫩，麻辣鮮香🤤蘿蔔厚身清甜可口😋鮑汁魚肚爽口入味，一啲腥味都冇🥰香辣魷魚越嚼越香，滋味十足！提提大家唔好忘記加$2落一撮特色自家辣菜脯‼️聽講除咗混入多種辣椒，更加入雲南欖菜同炒。口感爽脆香辣又帶鹹香🥰🥰個魷魚太正，另外再嗌多咗份香辣玻璃魷魚（$38）🤣非常嫩滑又彈牙，過足辣癮！實在令人回味🤤🤤

呢度嘅牛坑腩唔似一般麵店咁死煮爛煮，而係結合咗慢煮做法。口感勁腍滑，味道出眾又入味😋大腸冇異味，仲食到好香油脂🥰蘿蔔食落唔嚡口，索晒啲湯汁非常惹味🤤值得一讚嘅係湯底加咗秘製香辣汁後辣椒香味豐富，濃而不油👏🏻香炸墨魚丸（$38）炸至金黃酥脆，內裡花枝招展😍咬到一舊舊墨魚，非常足料🤗配搭泰式酸辣醬滋味十足！睇返原來唔止牛坑腩採取慢煮法，仲有牛孖筋、鹵水豬大腸同泰國無激素雞翼都一樣花心機慢煮😱難得有車仔麵店咁有heart！一定要回頭支持啦🥳