十兄弟車仔麵 (已結業)

招牌八寶麵（$55）牛坑腩、大腸、豬紅、豬皮、蘿蔔、辣魚蛋、粟米、雲耳全部配料都食得出好新鮮，唔會有雪藏味！我最鍾意嘅係大腸😍軟腍且入味，脂肪比例啱啱好！豬紅滑溜又唔腥👏🏻蘿蔔大大舊，清甜多汁👍🏻秘製香辣汁唔係死辣，十分惹味🤤油麵掛湯有彈性～香炸墨魚丸（$38）炸得啱啱好唔會過火，彈牙又香口，大人細路都鍾意😋香辣玻璃魷魚（$38）大大條，非常爽口滑嫩。秘製香辣醬汁完全滲透魷魚，絕對唔會格格不入🤤今餐真係超滿足🤰🏻招牌八寶麵配料各有特色，小食亦唔嬉場，可能係我食過最好味嘅車仔麵店！性價比極高，唔怪得咁多人排隊😳下次出港島會再encore😝😝