十二味 (和富)

營業中

休息中

天氣又濕又熱，又想食返啲去濕嘢！北角新開嘅《十二味》，同其他分店一樣細心，大部分菜式都可以自選小、中、大辣、走芫荽、走蔥⋯啱晒我呢啲想食，但又唔食得太辣嘅人！。👉酸菜魚 $68 ～ 一大盆奉上，差唔多每枱都會叫。魚片嫩滑冇骨，湯底濃而不膩，酸酸辣辣，加埋大量爽脆配菜，非常開胃⭐️⭐️⭐️⭐️👉川式口水雞 $48 ～ 每件雞都浸滿花椒油，小辣對於我真係啱啱好，試出真口味⭐️⭐️⭐️⭐️👉川香回鍋肉 $58 ～ 五花腩肉肥瘦適中，咸香入味，爽口蓮藕片可中和膩感⭐️⭐️⭐️午市套餐好抵食：前菜、主菜、白飯、飲品！

今日經過北角咁岩見到新開間十二味川菜，我咁愛你食麻辣第一時間試吓食午市套餐♡ ♡ ♡雞翼麻辣香鍋裏面有芽菜木耳辣椒膏蓮藕薯仔一睇賣相超豐富，我最鍾意食木耳可以補鐵質，另外蓮藕爽口一段段絲，主角雞翼剪開一字骨雞翼微微香辣夠入味肉質嫩滑♡ ♡ ♡川香回鍋肉回鍋肉切開好薄一片片7分肉3分脂肪，伴入蓮藕同薑蔥，香味濃郁，辣味適中 ♡ ♡ ♡川式口水雞話明川菜點少得辣椒乾🌶️麻辣香味非常撲鼻，浸好辣椒油口水雞鄙薄少脂肪肉質夠滑，表面鋪滿辣椒醬、香蔥同芝麻，配埋一碗白飯簡直係Perfect

北角呢一個地方真係乜嘢食物都有但最估唔到近期喺和富居然開咗一間好有特色嘅食辣餐廳。 呢一間十二味主打係食川菜，所以一定離唔開辣，因為間鋪好新，大部份嘅嘢都非常乾淨環境都好優美，店入面少少昏暗令到個氣氛更加好，入面仲會播住啲歌。午飯時段同朋友一齊嚟食都係一個幾好嘅選擇！首先要講下呢度其中一個招牌菜就係辣子雞，顧名思義呢道菜就會有辣椒同埋雞粒，唔好俾佢咁多辣椒覆蓋而黑到其實唔算好辣如果平時都有食開辣嘅話呢一疊辣子雞就啱啱好。雞味十足加埋辣椒嘅炮製令到好多鮮味都慢慢滲透出黎，套餐包埋白飯所以呢一度算係家常菜同事又係呢一度嘅招牌菜，最特別就係加埋好多腰果所以又脆又香又辣真係好吸引眼球之餘亦令到胃口大開！！！我自己都經常食四季豆無論係上海菜中餐定係川菜四季豆都係一個幾好嘅前菜，同樣都會有辣到俾你選擇今次要左嘅係中立但其實比起辣子雞來講都冇咁辣， 色香味俱全爽脆新鮮不在話下，同樣都係用嚟配飯一流！甜品就必定要是紅糖糍粑，其實質感同小丸子差唔多或者係糯米糍，一定一定要點多啲紅糖醬，唔會太甜仲要趁熱食先有黏黏韌韌嘅感覺！ 上面有啲黃豆粉配合起嚟甜甜地之餘亦都有少少鹹鹹地， 但都係會越食越鍾意而且食多左

經過見到新開就試下先地方寬敞食得是福唔記得影食物相⋯⋯味道方面係可以嘅，不過略嫌有輕微油膩，碗白飯都有啲硬，套餐有杯酸梅湯送，仲有個小碟可惜服務就差小小喇，無人帶位，入到去得1個侍應，又要傳菜，又接外賣，我坐低佢收位都收到亂晒，筷子都收埋走😂見到佢咁忙，自己係隔離位攞返，第一次幫襯，唔知係用app落單，等左一陣間自己先發現枱角個2維碼落單，真係大鄉里，個app有分會員價同非會價，至於點先係會員，我就無問，見個侍應咁忙，都費事問，食飽快閃走人

北角麻辣鍋第三次回頭 其實呢間鋪頭已經開咗好多分店多數係港島區我自己都食過好多次了 今次去開北角附近做gym咁呢間鋪頭開就喺隔離 加上最近天氣凍於是就幫襯下 平時一係就食佢呢度嘅麻辣鍋或者係秘製鍋 今次唔想食得太辣所以就叫秘製嘅試吓啦秘製醬香鍋$38配料分別叫咗金錢肚肥牛鮮魷魚魚腐寬粉豬頸肉油麥菜等等 個人都幾推介如果係香鍋嘅話可以叫下寬粉因為所有醬汁都入晒去幾入味 如果唔鍾意食寬粉嘅都可以叫白飯送 呢幾款菜式一定要送飯先至夠晒惹味蔥油拌麵$38唔想次次食白飯嘅都可以試吓呢個伴麵味道都唔錯架又唔會太淡口值得一試總括嚟講呢間鋪頭可以食到川菜等等味道都幾正宗係天氣凍嘅時候食真係一流份量都幾大架一個鍋如果叫多幾個配菜都夠三四個人食總括嚟講呢間係北角嘅四川鋪頭食物質素唔錯裝修都幾大幾適合一家人嚟食

和富薈裝修後進駐咗好多食肆其中一間令我注意到亦好期待嘅一間就係 - 十二味川菜館越開越有，其中十二味嘅分店在香港多過十間，每間主題都唔同，好幾年前喺紅磡分店食過烤魚，真係同朋友食到Lam Lam 脷不過講到最招牌，非酸菜魚莫熟，用上三種不同品種的酸菜混搭而成，較爽口和酸甜，魚質亦嫩滑新開無耐，室內設計光潔明亮，走中國風而個人都幾鍾意電子化（香港反而未普及）scan個QR code睇menu自己落單今次人少兩個人叫一盤酸菜魚連薯粉$256都夠食，其實仲有好多小菜小食好吸引！一股令人流口水嘅麻香飄來魚片份量十足，真係好香好嫩滑酸菜爽口酸甜可口，而湯撞入滾油，真係忍品住飲左幾碗

一連兩晚幫襯12味，今晚就同Day姐姐食飯，現在嗰啲咁嘅環境大家都要度下計啦，努力💪🏻都係講返食飯先，講真嘅個地圖好似小小小出錯，應該係喺商場落一層，好多人以為係街鋪。大家如果嚟嘅就要小心啲一點，免得搵到發癲😂😂😂都係叫我最鍾意食嘅干扁肥腸囉，嗰個拌麵都好好食，叫咗口水雞同埋四季豆，我最鍾意佢可以少辣，適合我哋呢啲咁矛盾嘅人又想食辣又唔食得辣。干扁肥腸最後我最鍾意食！如果蟲襯紅酒，咁就非常之好，如果冇Sourcing 可以搵我Whatsapp 65417937 ，講返先正題先，四季豆麵好好食，佢價錢又唔貴其實係可以平常餐咁做，我平均消費晚餐都係$100食好啲多少少。我都推薦嘅下次要試吓水煮魚！或者鍋😉

It was a bit cold all of a sudden and we craved something relatively heavier. This time we came to this branch in North Point to try out its Sichuan food. Seating was quite comfortable as it was quite new and clean. We were quite hungry and we ordered 3 lunch sets to share among the two of us. There was no service charge for lunch sets. A lunch set included a main dish, an appetiser, a bowl of rice and plum juice, which was quite a good value for money. You could top up your drinks to soft drink

經常到大陸尋找美食，自封關以來，都在家里吃，久了沒有外出吃飯，很想吃辣菜式😂😂家附近這間十二味是新開連鎖川菜店，相當實力，解一解辣吧🤪🤪午市套餐選擇不少，先來葉青瓜開胃，座位夠寛，坐得舒服，電子點餐，店員都陪戴上口罩，比較安心👍👍椰青水和可樂解辣😇😇水煮牛肉一上桌，已經很開心，又麻又辣，香氣撲鼻👍👍牛肉滑，還有大量配菜，過隱😝😝口水雞，配上這款碟真係好靚，雞肉夠嫩，同樣夠辣，口水雞汁可以拌飯吃，正😍😍再叫了乾煸大腸，先把大腸多餘的油炸出来，用上大量辣椒乾花椒，很惹味，送啤酒一流⋯⋯人見人愛酸菜魚，果然貼切，我們個個都很喜歡，魚肉嫩滑，停不了口，酸菜不會太鹹，湯伴白飯也不錯呀！大飽朵耳的一歺正宗川菜，非常地道，而且價錢合理！

疫情之後，已經甚少外出吃飯了 😓😓今天是好友生日 有藉口 一齊聚餐 🤣🤣近近地就在我們家附近！和富新開 正宗川菜 十二味 😍😍因為我們都是 辣椒仔 😬😬人見人愛酸菜魚 (配粉條)$256 夠麻夠香，選擇了中 辣🌶 魚肉 厚實鮮甜 湯底也鮮甜，配飯一流 👍👍粉條也不錯 煙韌彈牙 乾扁肥腸 選擇了大 辣🌶，大腸炸得香口 可以去油膩，保留了一份脆口，配可樂 享受享受 🥰😋水煮牛肉也地道 ，還配有蔬菜呢 ，牛肉嫩嫩的，不會太油雞翼麻辣香鍋 非常香口 雞肉夠滑 配香鍋，還是第一次吃呢 店員服務也周到 ，食客與食客之間也保持距離，畢竟地方很大😝😝吃了兩三個鐘 非常不錯😋😋，還會再來的。

北角和富都開了十二味，粗辣的我們當然要試吓啦唔使出道銅鑼灣都有得食👍👍午餐好抵食，大概48至68不等，已經包前菜和飲品，還免+1呢😍😍無辣不歡，水煮牛肉(大辣)好正宗的口味啊，雖然午餐的份量卻不少😬仲加入油麥菜，嘩，真係挑戰🤣🤣川式口水雞，同樣麻香並重，肉質都算嫩滑，加上花生碎粒，更提香雞翼麻辣香鍋，有驚喜喎，雞翼半煎炸過，加上大量配菜，送飯一流Btw白飯好大碗，午餐生來說，真係超值，人均幾十元就吃上地道川菜

Very original spicy food !Good for people who can’t eat spicy as wellThey have little or even no spice for selectionLove the thick noodlesIt’s very chewy And very importantly not too oilySpicy pot with greens is my favouriteNever an excuse to skip vegetables in any meals!

向來係十二味嘅粉絲，見佢開咗北角新店，趁放假同朋友嚟試下。 中午時分來到人不多，午市套餐相對晚市抵食好多，一個套餐有酸梅湯，前菜和白飯，才42蚊起，經濟實惠。同朋友叫咗兩個套餐，一個係川味口水雞，同埋 必叫嘅酸菜魚。口水雞好有驚喜，叫咗小辣，辣辣地中間有啲麻嘅香味，就算唔食得辣都接受到，而且好刺激，麻辣得嚟又開胃，送飯一流。另外仲叫咗個涼菜蒜泥黃瓜，醃得好爽脆，不錯。甜品就叫咗冰粉，分量都幾多，配上桂花蜜糖，清新潤喉，食完辣野，作為一餐嘅句號👍😍

跟嗜辣的朋友吃川菜，位置有點難找，因為在一家地底商場入面。餐廳面積大，每張枱分隔位置寬闊，而且有沙發座位，坐得挺舒適。拿起手機，掃描桌子上的QR Code，就可以點菜了。餐廳主打都是四川菜式。如果不吃酸菜魚，也有小菜及炒干鍋選擇。干鍋可自選多款配料，見旁邊幾枱客人都點了炒干鍋，看似很大個盤子，入面有多款香料及辣椒乾炒而成，蠻吸引的。香口，另有小碟、小菜及甜品。冷盤點了川式口水雞，麻香鮮辣，紅油浸著雞肉，灑上花生碎、芝麻及蔥花。點了中等辣度，但是感覺辣度不太高，有機會可以向辣度挑戰。干煸四季豆炒得挺香口，佐料有粒粒豬肉碎、辣椒粒、蔥花。不過味道偏鹹，伴飯吃較佳。蔥油拌麵，很簡約的一道菜。以乾麵混上蔥油醬汁，加點炸蔥絲點綴，就成了。這碟不辣，麵條油香入味。

星期六在北角買東西又到午飯時間 途經這間餐廳 想起很久沒有吃川菜午市套餐價格又相宜 大概$50~$60一份 已經包了免費飲品 酸梅湯又可加$5喝罐裝汽水我們就要了個酸菜魚 $68和水煮牛肉 $58落單時用手機數QR code進入的 非常方便快捷下單等了一會兒就上菜了首先奉上小吃和飲品酸菜魚份量夠大 很多魚肉和酸菜 挑起味蕾 酸酸甜甜的 吃得很滿足水煮牛肉一上菜嚇了一跳 因為真的放了很多辣椒 吃下去有點驚喜 沒有我想像中那麼辣 是很四川食的麻多過辣 吃得非常過癮 我們還叫了一個蔥油拌麵 簡單的食材加入了蔥油有畫龍點睛之效 香氣十足 這兒午市套餐還沒有加一 非常超值 值得中午來試呢！